Sport

Ancelotti: Reali nuk e meritoi humbjen kundër Sheriff

“Është një mësim për ne për të ardhmen, pasi që nuk e merituam humbjen”, tha Ancelotti.

Published

on

Trajneri i Real Madridit Carlo Ancelotti është ankuar pas humbjes shokuese në Ligën e Kampionëve kundër skuadrës së Sheriff Tiraspol, ku trajneri italian tha që skuadra e tij nuk e meritoi humbjen mbrëmë.

Sheriff ishte arrë e fortë në “Santiago Bernabeu”, ku si debutues në Ligën e Kampionëve, dhe si mysafirë nga Moldavia shënoi fitore me rezultat 2:1 kundër gjigandit spanjoll, përcjell KosovaPress.

Fillimisht, ishte skuadra e Sheriff ajo që kaloi në epërsi e para përmes golit të Yakhshiboev, ku më pas skuadra e Realit barazoi rezultatin me golin nga penalltia të Karim Benzema. Kur shihej se ndeshja ishte drejt fundit, mesfushori Sebastien Thill shënoi në minutën e 89’ të ndeshjes për t’ia siguruar skuadrës nga Moldavia fitoren në Madrid.

“Më shumë se të shqetësuar, jemi të mërzitur. Ne luajtëm me intensitet të lartë dhe kishim paraqitje të mirë. Pësuam humbje për shkak të disa detajeve të vogla, pavarësisht se skuadra tregoi paraqitje të mirë. Kemi pasur mundësi të tregohemi më të mirë në aspektin e finalizimit, por është e vështirë ta shpjegosh”, tha Ancelotti.

“Ishin detajet e vogla që na kushtuan shumë në këtë ndeshje. Është një mësim për ne për të ardhmen, pasi që nuk e merituam humbjen. Kishim shanse të shumta, dhe mendoj që në fund çdo gjë shkoi mirë për ata dhe keq për ne”, shtoi trajneri i Real Madridit.

Real Madridi mbrëmë pësoi humbjen e dytë në histori të fazës së grupeve në Ligën e Kampionëve si vendas në stadiumin “Santiago Bernabeu”, ku ka regjistruar deri tani 25 fitore dhe pesë barazime, ndërsa humbjen e parë e pësoi kundër CSKA Moscow në dhjetor të vitit 2018.

Lajmet

​Ronaldo mohon ndikimin në transferimin e Joao Felix te Al-Nassr

Published

on

Sulmuesi portugez, Cristiano Ronaldo ka hedhur poshtë pretendimet se ka ndihmuar Al-Nassr të “vjedhë” Joao Felix nga Benfica.

Ronaldo i cili tashmë po nis sezonin e tretë në Ligën Profesionale Saudite, theksoi se vendimi për të ardhur në Riad ishte tërësisht i Felix-it.

Felix  u transferua këtë verë nga Chelsea, pasi kaloi gjysmën e dytë të sezonit të kaluar në huazim te AC Milan. Megjithëse kishte oferta nga disa klube, përfshirë mundësinë e një rikthimi te Benfica, Felix zgjodhi të vazhdojë karrierën në Lindjen e Mesme.

“Vjedhja është formë e keqe; askush nuk i ka vjedhur kurrë asgjë Benficas,” tha Ronaldo. “Joao është shumë i talentuar dhe do të na ndihmojë shumë në ligën saudite, e cila është shumë konkurruese. Mendoj se ishte një mundësi më e mirë për të sesa të luante në Portugali, duke parë numrin e yjeve që ka këtu. Ta telefonoj për ta bindur? Unë nuk e bëj këtë, nuk është puna ime.”, tha Ronaldo.

Ronaldo dhe Felix luajtën së bashku edhe në miqësoren e fundit para sezonit, ku Al-Nassr fitoi 4-0 ndaj Rio Ave dhe “CR7” shënoi një tregolësh. Skuadra e tyre po përgatitet për fillimin e edicionit të ri 2025-26 në kampionatin saudit.

 

Continue Reading

Lajmet

​Arsenali i futet garës për objektivin e madh të Interit

Published

on

Ademola Lookman mbetet në qendër të merkatos së verës ku sipas “The Sun”, Arsenali ka ringjallur interesin për sulmuesin e Atalantës, duke u futur në garë me Interin, me të cilin bisedimet kanë ngecur.

“Topçinjtë” po kërkojnë përforcime në sulm me tipare të ndryshme nga Viktor Gyökeres, objektivi kryesor i Artetës për rolin e qendërsulmuesit.

Përveç Lookmanit, londinezët po ndjekin edhe Eberechi Eze të Crystal Palace dhe Rodrygo të Real Madridit, megjithëse afrimi i brazilianit shihet si i ndërlikuar për arsye financiare. Lookman ka impresionuar me 20 gola sezonin e kaluar, duke rritur vlerësimin në treg.

Në Bergamo, drejtuesit e Atalantës po shqyrtojnë masa disiplinore ndaj lojtarit, ndërsa drejtori ekzekutiv Luca Percassi ndodhet në Londër për çështje pune, përfshirë kërkimin e një zëvendësuesi për Retegui. Interi ndërkohë shpreson ende të sigurojë shërbimet e nigerianit, të cilin e sheh si përforcimin e vetëm që mund të bëjë diferencën menjëherë.

Continue Reading

Lajmet

​“Fadil Vokrri” ndez dritat për Ballkanin sonte

Published

on

Ballkani dhe Shamrock Rovers do të përballen sonte në mbrëmje në ndeshjen e parë të raundit të tretë kualifikues të Ligës së Konferencës në stadiumin “Fadil Vokrri”.

Të dyja ekipet bënë një punë relativisht të lehtë ndaj kundërshtarëve të tyre përkatës në raundin e mëparshëm për t’u ofruar dy ndeshje nga një vend në Fazën e Ligës.

Pas dy paraqitjeve në fazën e grupeve në Ligën e Konferencës midis viteve 2022 dhe 2024, Ballkani është përpjekur për një tjetër përvojë në fazën kryesore të një kompeticioni evropian që atëherë.

Megjithatë, ata u eliminuan në fazën e raundit të tretë kualifikues në sezonin 2024-25, duke humbur në penallti ndaj ekipit Larne të Irlandës Veriore, dhe tani përballen me kundërshtarë përtej kufirit irlandez në të njëjtin raund.

Skuadra kosovare fitoi me rezultatin e përgjithshëm 5-3 kundër skuadrës malteze Floriana në raundin e mëparshëm, një fitore 4-2 në ndeshjen e parë që i siguroi atyre epitetin e favoritit për ndeshjen e kthimit.

Shamrock Rovers ka ndjekur një rrugë të ngjashme, duke fituar katër trofe të Ligës së Irlandës radhazi përpara se të përfundonin në vendin e dytë në vitin 2024. Megjithatë, ata janë në rrugën e duhur për të rifituar kurorën e tyre, pasi kanë hapur një epërsi prej 10 pikësh në krye të renditjes pas 26 ndeshjesh.

Në të gjitha garat, skuadra e Stephen Bradley ka triumfuar në pesë nga gjashtë ndeshjet e fundit, duke mbajtur portën të paprekur në pesë ndeshje radhazi.

Ndeshja nis nga ora 20:30 në stadiumin “Fadil Vokrri” në Prishtinë.

Continue Reading

Lajmet

FCSB dhe Drita ndeshen në Bukuresht

Published

on

CSB dhe Drita zbresin në fushë sonte në sfidën e parë të raundit të tretë kualifikues të Ligës së Evropës. 

Të dyja ekipet kërkojnë të lënë pas zhgënjimin e eliminimit nga Champions League. FCSB u ndal nga Shkëndija e Tetovës, ndërsa kampionët e Kosovës u mposhtën nga Copenhageni.

Kjo përballje paraqet një mundësi të re për të rikthyer entuziazmin dhe për të vazhduar rrugëtimin evropian.

Rumunët, me përvojë më të madhe dhe emra të spikatur në përbërje, konsiderohen favoritë në letër.

Megjithatë, Drita ka treguar se nuk i druhet emrave të mëdhenj dhe se di të luajë me guxim edhe ndaj rivalëve më të fortë. Objektivi i skuadrës gjilanase është të nxjerrë një rezultat pozitiv nga Bukureshti për të mbajtur gjallë shpresat para ndeshjes së kthimit në shtëpi.

Të dyja ekipet vuajnë nga mungesat. FCSB nuk do të ketë në dispozicion mbrojtësin Ngezana dhe mesfushorin Tanase, të pezulluar, ndërsa Radunovic është jashtë për shkak të lëndimit. Në dyshim janë edhe Olaru dhe sulmuesi i njohur Alibec.

Në anën tjetër, edhe Drita ka mungesa të rëndësishme si sulmuesi Liridon Balaj mungon për shkak të kartonit të kuq ndaj Copenhagenit, ndërsa Juan Mesa është jashtë fushave për një kohë të gjatë për shkak të një dëmtimi serioz në ligamentet e gjurit.

Ndeshja zhvillohet në “Arena Kombëtare” të Bukureshtit, me fillim nga ora 20:30.

Continue Reading

Të kërkuara