Sport

Ancelotti: Hazard i gatshëm, por preferoj lojtarë të tjerë

Ancelotti është i vetëdijshëm që ish-ylli i Chelseat është i gatshëm për të luajtur me Realin.

Published

on

Trajneri Carlo Ancelotti beson që Eden Hazard mund të bëhet yll te skuadra e Real Madridit, por e ka pranuar që ai preferon të fus lojtarë të tjerë në vend të tij në formacionin bazë.

Hazard, ishte zëvendësues i pashfrytëzuar për Realin në fitoren me rezultat të ngushtë 2:1 kundër Barcelonës në vikend.

Sulmuesi belg ka startuar në katër ndeshje nga shtatë sosh në La Ligan spanjolle për “Galaktikët”, kurse është paraqitur në vetëm një ndeshje nga tre ndeshjet e zhvilluara në Ligën e Kampionëve.

Ancelotti është i vetëdijshëm që ish-ylli i Chelseat është i gatshëm për të luajtur me Realin, por ai preferon që të zgjedh lojtarë të tjerë në pozitën e tij, shembull konkret ylli brazilian Vinicius Junior.

“Ai nuk e ka statusin e yllit te Madridi sepse ai ka pasur shumë lëndime, dhe dalë ngadalë ai do të jetë në versionin e tij më të mirë. Ai mund të luajë në të majtë të formacionit 4-3-3, ose prapa sulmuesve në formacionin 4-4-2, por problemi qëndron se ka një trajner që preferon tjetër lojtar”, tha Ancelotti.

“Jam i sigurt se këtë sezon ne do ta shohim versionin e tij më të mirë, dhe se ai do të luajë më shumë seç është duke bërë tani. Hazard e ka atë. Çdo gjë, kualitetin dhe motivimin. Ai duhet të tregohet i durueshëm, sepse ndonjëherë trajneri preferon tjerë lojtarë”, shtoi trajneri i Real Madridit.

Hazard ka pasur vështirësi që të përshtatet te Real Madridi që nga transferimi i tij nga Chelsea në vitin 2019, ku për një periudhë prej dy vitesh, ka pasur shumë lëndime të cilat ia kanë imponuar që të bëjë vetëm 51 paraqitje.

Sport

Besnik Krasniqi pas kualifikimit historik: “Suksesi më i madh në karrierën time”

Published

on

By

Besnik Krasniqi, autori i golit vendimtar në fitoren e Dritës kundër Differdanget, ka shprehur entuziazëm të madh pas kualifikimit historik të skuadrës nga Gjilani në fazën e grupeve të Ligës së Konferencës së UEFA-s.

Drita fitoi të dyja ndeshjet e fazës play-off – 2-1 në Prishtinë dhe 1-0 në Luksemburg – me Krasniqin që shënoi nga pika e bardhë në sfidën e kthimit, duke vulosur rezultatin e përgjithshëm 3-1.

“Jam shumë i lumtur për fitoren dhe që goli im ishte vendimtar. Ishim pak në presion, pasi e kemi ditur se është natë historike. Dhe ia arritëm. Jam shumë i lumtur për tifozët e Dritës, po ashtu për presidentët që kanë bërë punë të jashtëzakonshme dhe e kanë merituar këtë,” tha Krasniqi pas ndeshjes.

Mesfushori e cilësoi këtë si suksesin më të madh në karrierën e tij deri më tani, por theksoi se skuadra nuk do të ndalet këtu: “Ky nuk është fundi. Kemi ende punë. Në grupe do të jemi më të qetë dhe do të bëjmë lojëra shumë më të mira.”

Ai gjithashtu u ndal te presioni që kishte ndjerë skuadra si favorite, por theksoi se menaxhimi i situatës ishte çelësi i suksesit: “Si favoritë kishim një lloj presioni, por e menaxhuam mirë dhe në fund u shpërblyem. Falënderoj tifozët dhe familjen time për mbështetjen.”

Continue Reading

Sport

Kualifikim historik dhe përfitime rekord për Shkëndijën

Published

on

By

Shkëndija e Tetovës është kualifikuar për herë të parë në fazën e grupeve të Ligës së Konferencës së UEFA-s, duke shënuar arritjen më të madhe në historinë e klubit, si në aspektin sportiv ashtu edhe atë financiar.

Skuadra e drejtuar nga Jeton Beqiri tashmë ka garantuar mbi 3 milionë euro përmes kësaj pjesëmarrjeje — një shumë rekord për futbollin në Maqedoninë e Veriut.

Sipas strukturës së shpërblimeve të UEFA-s, çdo ekip që arrin në fazën e grupeve përfiton 3.2 milionë euro si shpërblim bazë. Kjo shumë mund të rritet më tej, pasi çdo fitore në grup sjell 400 mijë euro shtesë, ndërsa një barazim vlerësohet me 133 mijë euro.

Kualifikimi për në grupe përfaqëson një hap të madh për Shkëndijën, duke i siguruar klubit stabilitet të rëndësishëm financiar dhe një bazë për zhvillim të mëtejshëm afatgjatë. Për më tepër, kjo pjesëmarrje e vendos klubin tetovar në një pozicion të ri në skenën evropiane, si përfaqësues i denjë i futbollit nga Maqedonia e Veriut.

Continue Reading

Sport

Drita shkruan histori: Në grupet e Ligës së Konferencës

Published

on

By

Kampioni i Kosovës, Drita, ka siguruar një arritje historike duke u kualifikuar për herë të parë në fazën e grupeve të Ligës së Konferencës së UEFA-s. Klubi nga Gjilani mposhti Differdange edhe në ndeshjen e kthimit të fazës play-off, me rezultat 1-0 në Luksemburg, pas fitores 2-1 në sfidën e parë në Prishtinë.

Goli i vetëm i takimit u realizua nga Besnik Krasniqi nga pika e bardhë, duke vulosur kualifikimin me rezultat të përgjithshëm 3-1.

Kjo është një nga arritjet më të mëdha të një klubi kosovar në arenën ndërkombëtare dhe sjell përfitime të mëdha jo vetëm në aspektin sportiv, por edhe financiar.

Vetëm pjesëmarrja në fazën e grupeve garanton për Dritën një shpërblim prej 3.170.000 eurosh nga UEFA. Për më tepër, çdo fitore në grup sjell 400.000 euro shtesë, ndërsa çdo barazim 133.000 euro.

Me këtë sukses, skuadra e drejtuar nga trajneri Zekirija Ramadani jo vetëm që përfaqëson denjësisht Gjilanin dhe Kosovën, por bëhet edhe një ambasadore e rëndësishme e futbollit kosovar në garat evropiane.

Continue Reading

Sport

Manchester City planifikon ofertë prej 150 milionë eurosh për Vinicius Junior

Published

on

By

Manchester City po përgatit një ofertë të rëndësishme për të siguruar shërbimet e sulmuesit brazilian Vinicius Junior në afatin kalimtar të verës 2026, raportojnë burime pranë klubit për Fichajes.

Sipas raportimeve, klubi nga Etihad Stadium është i gatshëm të ofrojë 150 milionë euro për kartonin e lojtarit të Real Madridit, duke synuar të përfitojë nga pasiguria që ka lindur rreth rinovimit të kontratës së tij, e cila skadon në vitin 2027.

Trajneri Pep Guardiola e sheh Vinicius Jr si një element ideal për sistemin e tij, për shkak të shpejtësisë, driblimit dhe aftësisë për të krijuar situata një-me-një. Nëse transferimi realizohet, ai do të formonte një dyshe sulmuese me Erling Haaland – një kombinim që City e konsideron si bazë për të dominuar futbollin evropian në vitet e ardhshme.

Në Madrid, ndërkohë, bisedimet për rinovimin e kontratës së Vinicius Jr nuk kanë përparuar me ritmin e pritur. Ndonëse lojtari mbetet një figurë kyçe në sukseset e fundit të klubit, kërkesat për përmirësim të kushteve financiare kanë krijuar një ngërç në negociata.

Presidenti i Real Madridit, Florentino Perez, mban një qëndrim të qëndrueshëm: rinovimi është i mundur, por vetëm brenda kornizës financiare të klubit. Përvoja me largimet e mëparshme të emrave si Sergio Ramos dhe Cristiano Ronaldo ka forcuar politikën e klubit për të mos vepruar nën presion.

Nga ana tjetër, Manchester City thuhet se ka ndërtuar një strategji specifike financiare, duke shmangur investimet e mëdha në sulm deri në verën e 2026-ës, pikërisht për të pasur hapësirë buxhetore për një lëvizje të madhe në drejtim të Viniciusit.

Continue Reading

Të kërkuara