Lajmet

Analizë: Varianti Delta mund të verë në provë fëmijët

Hulumtuesit kanë filluar të kuptojnë pse fëmijët nuk janë prekur veçanërisht nga Covid-19.

Published

on

/ATSH-ANSA/ – Varianti Delta po fillon të testojë sistemin imunitar të fëmijëve, të cilët deri më tani i kanë rezistuar mirë versioneve të mëparshme të virusit SarsCoV2.

Studiuesit, të intervistuar nga revista ”Nature”, i përmbahen hipotezës se përgjigjja e tyre e lindur imune (domethënë reagimi primitiv, por i shpejtë ndaj patogjenëve) i ka mbrojtur ata nga Covid-19 deri më tani, por ndërsa pandemia përparon, përhapja e variantit Delta dhe rritja e numri i infeksioneve tregojnë se kjo mburojë mund të mos zgjasë.

Hulumtuesit kanë filluar të kuptojnë pse fëmijët nuk janë prekur veçanërisht nga Covid-19.

Në fakt, fëmijët duket se kanë një përgjigje të shtuar të lindur gati për të funksionuar. Tani për tani, nuk ka asnjë dëshmi të qartë se fëmijët janë më të prekshëm ose të prekur nga varianti Delta më shumë se të tjerët.

Por, të dhënat sugjerojnë që fëmijët kudo kanë filluar të kenë një pjesë më të madhe të numrit të infektimeve dhe shtrimeve në spital.

Kjo mund të jetë për shkak të shkallës së lartë të transmetimit të Delta-s dhe faktit që shumë të rritur tani mbrohen nga vaksina.

Deri muajin e kaluar, rreth 15% e të gjitha rasteve në SHBA përfshinin njerëz nën moshën 21 vjeç.

Në Indi, testet serologjike treguan se mbi gjysma e fëmijëve të moshës 6 deri në 17 vjeç, që është dy të tretat e popullsisë së përgjithshme, kishin antitrupa ndaj Covid-19.

Fëmijët pastaj infektohen, por ndoshta virusi nuk përsëritet brenda tyre aq rëndë sa ndodh tek të rriturit.

Një studim paraprak i 110 fëmijëve tregon se nga foshnjat tek adoleshentët ka një ngarkesë të lartë virale, veçanërisht menjëherë pas infektimit.

“Jo vetëm që virusi është atje dhe është i zbulueshëm, por ai është gjithashtu aktiv. Pra, ata janë infektues”, thotë Lael Yonker, nga spitali i përgjithshëm i Masaçusetsit, koordinator i studimit.

Krahasuar me të rriturit, fëmijët e infektuar kohët e fundit me Covid-19 kanë neutrofile më aktive, të cilat janë linja e parë e përgjigjes ndaj virusit.

“Për ne të rriturit, duhen dy ditë për të rritur sistemin mbrojtës kundër viruseve në të njëjtin nivel që shohim tek fëmijët nga dita e parë”, shpjegon Roland Eils, nga Instituti i Shëndetit në Berlin.

Studiuesit tani kanë frikë se virusi mund të evoluojë në mënyra që parandalojnë një pjesë të kësaj mbrojtjeje të lindur nga fëmijët.

“Pothuajse të gjitha viruset kanë gjetur një mënyrë për t’iu shmangur sistemit imunitar të lindur dhe Covid-19 nuk bën përjashtim. Deri tani, fëmijët kanë fituar me imunitetin e tyre të lindur, por për sa kohë?”, pyesin studiuesit.

Continue Reading

Lajmet

Pesë kadetë nga Kosova diplomojnë në Akademinë e Forcave të Armatosura të Shqipërisë

Published

on

By

Pesë kadetë nga Kosova kanë diplomuan në Akademinë e Forcave të Armatosura të Shqipërisë.

Ata do të vazhdojnë shërbimin e tyre si oficerë në radhët e Forcës së Sigurisë së Kosovës.

Kjo u bë e ditur nga ministri në detyrë i Mbrojtjes, Ejup Maqedonci i cili mori pjesë në ceremoninë e diplomimit me ftesë të homologut të tij nga Shqipëria, Pirro Vengu.

Me mbështetjen e ministrit Pirro Vengu dhe të Shefit të Shtabit të Përgjithshëm, gjeneral Arben Kingji, është bërë e mundur që për vitin e ardhshëm të katërfishohet numri i kadetëve nga Kosova që do të ndjekin studimet në këtë akademi prestigjioze”, shkruan Maqedonci në Facebook

Continue Reading

Lajmet

​IPK-ja identifikon dobësi në pasqyrimin e gjobave dhe shkeljeve

Published

on

By

Inspektorati Policor i Kosovës thotë se ka të meta në pasqyrimin e të dhënave në gjoba në raport me shkeljet dhe që këto “sjellin dyshime se mund të abuzohet gjatë kryerjes së detyrës zyrtare”. Kjo është theksuar me një inspektim që IPK-ja e ka bërë rreth përdorimit të teknologjisë për matjen e shpejtësisë së lëvizjes së mjeteve në trafik.

Përmes një njoftimi për media, IPK-ja tha se inspektimi është realizuar me kërkesë të kryeshefit ekzekutiv, ndër të tjera, bazuar në informacionet që IPK kishte pranuar se zyrtarët policorë për arsye të ndryshme nuk i gjobisin kundërvajtësit për shkeljet që i kanë kryer.

Inspektimi ka vënë në pah se ka dobësi/të meta në pasqyrimin e të dhënave në gjoba në raport me shkeljet dhe që këto sjellin dyshime se mund të abuzohet gjatë kryerjes së detyrës zyrtare”.

Sipas IPK-së. gjatë krahasimit të të dhënave në gjoba dhe atyre të regjistruara në radar gjatë inspektimit janë hasur katër natyra të mospërputhjeve: Shpejtësia e lëvizjes së mjetit e përshkruar në gjobë është më e ulët se ajo e regjistruar në radar (në 55 nga 84 mostra/gjoba); Shpejtësia e kufizuar në radar ndryshon nga ajo e regjistruar në gjobë (në 23 nga 84 mostra); Lloji i shkeljes në gjobë ndryshon nga ajo e matur me radar (në 3 nga 84 mostra); Shqiptohet gjobë për tejkalim të shpejtësisë në bazë të një neni (paragrafi) jo adekuat të ligjit (në 3 nga 84 mostra).

IPK-ja në kuadër të Raportit ka dhënë shtatë rekomandime, që kanë të bëjnë me nevojën e nxjerrjes së një udhëzuesi lidhur me përdorimin e pajisjeve për matjen e shpejtësisë së lëvizjes, mbajtjen e një trajnimi shtesë për të pajisur personelin me njohuri të mjaftueshme, ushtrimit të kontrolleve në drejtim të eliminimit të dobësive sa i përket vendosjes së të dhënave në pajisjet e matjes, ushtrimit të kontrolleve në drejtim të eliminimit të praktikave të dëmshme gjatë shqiptimit të gjobave për kundërvajtje, përdorimit efektiv të automjeteve me pajisje inteligjente, monitorimit të procesit të shkarkimit dhe ruajtjes së materialeve të regjistruara nga pajisjet, aplikimit të praktikës së printimit të kundërvajtjeve.

Continue Reading

Lajmet

Një aksident me fatalitet, Policia e Kosovës shqipton mbi 2 mijë e 200 gjoba trafiku brenda 24 orëve të fundit

Published

on

By

Policia e Kosovës ka shqiptuar 2289 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 70 aksidente trafiku me dëme materiale, 35 aksidente trafiku me të lënduar kurse një aksident përfundoi me fatalitet.

Policia e Kosovës ka arrestuar 20 persona, 10 janë dërguar në mbajtje kurse një person është në vuajtje të dënimit.

Continue Reading

Lajmet

Konfiskohen nëntë armë në formë stilolapsi, arrestohet i dyshuari

Published

on

By

Një person është arrestuar pasi të njëjtit i janë gjetur nëntë armë në formë stilolapsi dhe katër fishek.

Policia në Pejë njoftoi se pas informacionit për një përleshje fizike në fshatin Carrabreg-Deçan njësitet policore kanë dalë në vendin e ngjarjes ku edhe i janë gjetur dhe i janë konfiskuar armë të dyshuarit.

Nё koordinim me prokurorin e Shtetit, ёshtё kryer kontroll/bastisje ne shtёpinё e personit tё dyshuar mirёpo nuk ёshtё gjetur diçka e kundёrligjshme.I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё“, thuhet në njoftim.

Continue Reading

Të kërkuara