Lajmet

Ambasadori finlandez: Duhet pasur kujdes për diskursin në kohë fushate

Published

on

Tashmë kur edhe jo zyrtarisht ka nisur fushata politike për zgjedhjet e përgjithshme të 9 shkurtit, ambasadori i Finlandës në Kosovës, Matti Nissinen këshillon liderët politikë që mos t’iu japin jehonë narrativave të rreme.

Sipas tij, Kosova duhet të krijojë një elektorat shumë të informuar dhe të ketë një proces demokratik.

Këto komente, ambasadori i Finlandës në Kosovës, Matti Nissinen i bëri në kuadër të konferencës “Ndikimi i aktorëve të huaj në sigurinë kombëtare” e organizuar nga Qendra Kosovare për Studime të Sigurisë (QKSS), në bashkëpunim me zyrën Konrad Adenauer Stiftung (KAS) .

Ambasadori finlandez tha se Bashkimi Evropian do të vazhdojë t’i mbështes përpjekjet konstruktive të dialogut Kosovë-Serbi për t’i zbutur tensionet mes dy vendeve si dhe të promovojë bashkëjetesë paqësore.

Pasi që Kosova po përgatitet për zgjedhjet në shkurt, rreziku për polarizimin e shoqërisë dhe këto informacione që e bënë më të rëndësishme me një potencial për të destabilizuar, për tu përballur këto rreziqe, Kosova duhet të zgjerojë mjetet e saja për luftimin e këtyre informacioneve duke rritur mekanizmat dhe duke përmirësuar mekanizmat e fakteve dhe konfirmimin. Figurat publike duhet të marrin parasysh ndikim pak më të gjerë të deklaratave të tyre. Figurat me ndikim duke përfshirë edhe politikanët dhe persona të tjerë dhe personalitete të shquara duhet sigurisht të kenë kujdes që të mos i japin jehonë këtyre narrativave të rrejshme sepse kjo mënyrë e kësaj jehone se si personat e profilit të lartë mund t’i përhapin dhe shpërndajnë edhe më tepër këto lajme. Dhe duhet të krijojmë sisteme të monitorimit që shumë shpejt t’i detektojmë dhe zbulojmë këto informacione të rreme dhe në këtë mënyrë Kosova duhet të krijojë një elektorat shumë të informuar dhe të ketë një proces demokratik”, tha ai.

Ambasadori finlandez në Kosovës teksa shprehu mbështetjen e shtetit të tij për integrimit euro-atlantik të Kosovës, theksoi se një hap i tillë është masë jetike për një të ardhme të sigurt.

Për Kosovën dhe Ballkanin Perëndimor integrimi në strukturat euro-atlantike nuk është vetëm zgjidhje politike, por është edhe një masë jetike e sigurisë për një të ardhme më të sigurt. Finlanda i mbështet aspiratat e Kosovës për integrimin euro-atlantik dhe është e gatshme t’i ndajë përvojat e saj në përballjen me luftën hibride”, tha ai.

Aktualitet

Bëhet publike letra me të cilën Albin Kurti e paralajmëroi dorëheqjen

Published

on

Kreu i Lëvizjes Vetëvendosje, Albin Kurti, ka dhënë dorëheqje nga posti i kryeministrit, në mënyrë që të mund të bëjë betimin si deputet i legjislaturës së nëntë.

Dorëheqje kanë dhënë edhe anëtarët e tjerë të Qeverisë në detyrë të Kosovës, që janë zgjedhur deputetë në zgjedhjet e 9 shkurtit.

Ndërkohë nuk është miratuar raporti i komisionit të përkohshëm për verifikimin e mandateve të deputetëve në Kosovë.

Kjo është hera e parë që ndodhë një gjë e tillë, e çon në ndërprerjen e seancës konstituive.

Një pjesë e deputetëve janë larguar nga salla e seancave plenare. Ndërkohë që anëtarët e komisionit janë duke diskutuar me kryesuesin e seancës për të vendosur si do të vazhdohet më tej.

 

Continue Reading

Aktualitet

Kusari Lila: PDK, LDK, AAK dhe Lista Serbe votuan së bashku kundër mandateve të tyre

Published

on

Deputetja e Kuvendit të Kosovës, Mimoza Kusari-Lila ka reaguar pas mos konsituimit të kuvendit. Ajo tha se kjo po ndodh për herë të parë duke i fajësuar deputet nga opozita dhe Lista Serbe.

“Për herë të parë në Kosovë, opozita aktuale dhe ajo e ardhshme nuk e voton raportin për certifikimin e rezultateve dhe konfirmimin e mandateve.

“PDK, LDK, AAK dhe Lista Serbe votuan së bashku kundër konstituimit të Kuvendit – pra edhe kundër mandateve të tyre. Me këtë veprim, sot, përmes një tjetër shfaqjeje të paaftësisë së tyre të vazhdueshme, treguan se nuk e pranojnë më rezultatin e zgjedhjeve që vetë e kishin pranuar dhe votuar në KQZ”, ka shkruar Kusari Lila.

 

Continue Reading

Aktualitet

Krasniqi: Nuk do të lejojmë që të fillojë legjislatura e re me shkelje të Kushtetutës

Published

on

Kryetari i Partisë Demokratike të Kosovës, Memli Krasniqi, është deklaruar pasi ka dështuar të bëhet konstituimi i Kuvendit.

Krasniqi para mediave deklaroi se është e paprecedentë situate që ka krijuar Lëvizja Vetëvendosje, transmeton Telegrafi.

“Vetë e kanë miratuar ligjin pa votat tona, edhe në atë ligj e kanë shkruar vetë se nuk mundet kryeministri dhe ministrat e ekzekutivit me u betu si deputet, është çështje shumë e thjeshtë. Logjika e tyre me shkel Kushtetutën me çdo kusht është logjikë që nuk mundet me kalu në Kuvendin e Kosovës”, ka thënë Krasniqi.

Ai ka deklaruar tutje se LVV që katër vjet ka shkelur Kushtetutën.

“Nuk do të lejojmë të fillojë legjislatura e re me shkelje të Kushtetutës”, u shpreh ai.

Kryesuesi i seancës së Kuvendit, Avni Dehari ka ndërprerë seancën konstituive të Kuvendit. Dehari tha se pas situatës së krijuar me mosvotimin e raportit për konfirmimin e mandatave, seanca ndërpritet.

“Për shkak të rrethanave të krijuara meqë raporti i komisionit nuk mori votat e mjaftueshme në këto rrethana duhet ta ndërpresim seancën dhe me një letër ta njoftojmë presidenten sesi do të vijohet tutje”, tha Dehari.

Raporti i Komisionit të përkohshëm për verifikimin e mandateve nuk kaloi. 52 deputetë ishin pro, 46 kundër e 11 abstenuan.

Continue Reading

Aktualitet

Ndërpritet seanca konstituive

Published

on

Seanca konstituive e Kuvendit të Kosovës edhe pse ishte paraparë të fillonte në ora 10:00, ende nuk ka filluar pas një ore vonesë.

Kryesuesi i seancës Avni Dehari tha se ndërpritet senaca konstituive pas mosmiratimit të raportit të Komisionit të përkohshëm për verifikimin e mandateve.

UBT News do të ju mbajë të informuar në kohë reale. /UBT News/

 

Continue Reading

Të kërkuara