Inspektorati Qendror i Punës ka lansuar sistemin digjital të inspektimeve të punës në Kosovë, duke përfshirë dorëzimin e pajisjeve dhe trajnimin praktik për inspektorët mbi përdorimin e këtij sistemi.

Ambasadori i Suedisë në Kosovë, Jonas Westerlund, theksoi rëndësinë e bashkëpunimit ndërkombëtar dhe ndikimin e këtij projekti në përmirësimin e kushteve të punës.

“Është kënaqësi të jem këtu duke lavdëruar për ndikimin e tyre të qëndrueshëm. Dhe siç i përmenda standardet, sepse Kosova po i afrohet anëtarësimit në BE, po ashtu e keni avancuar punën e inspektimit të punës. Pra, këtu është një shembull më i qartë se si bashkëpunimi ndërkombëtar ndikon. Po ashtu dua të lavdëroj për lansimin dixhital të inspektimeve, këto e dëshmojnë një profesionalizëm dhe një punë efektive. Masa të tilla mund të rrisin mbikëqyrjen dhe t’i mbrojnë punëtorët. Kjo iniciativë është e Kosovës për të nxitur efikasitetin dhe punën. Siç e dini, këtë vit kemi pasur një numër të fataliteteve të personave në vendin e punës, prandaj kemi nevojë që të vazhdojmë të përmirësojmë punën tuaj. Shembulli suedez tregon se kombinimi i formave dhe shfrytëzimi i mjeteve digjitale rritin standardet e vendit të punës dhe jemi mirënjohës që kemi një bashkëpunim kaq të mirë,” tha ambasadori Westerlund.

Ushtruesi i detyrës së drejtorit të Zyrës së Inspektoratit të Përgjithshëm, Lum Vranica, tha se sistemi i ri është një hap drejt modernizimit dhe transparencës.

“Ky është një hap i madh drejt modernizimit dhe efikasitetit se si ligji funksionon në mbrojtjen e të drejtave të punëtorëve. Në kuadër të kësaj reforme të gjithanshme, qëllimi është i qartë, më shumë transparencë dhe efikasitet për qytetarët dhe më pak burokraci. Ky është vetëm fillimi i një transformimi të thellë. Dua të falënderoj inspektorët për punën dhe angazhimin e tyre, si dhe partnerët tanë ndërkombëtarë. Bashkë po ndërtojmë një sistem inspektimesh që i shërben qytetarëve tanë,” tha Vranica.

Ndërsa ushtruesi i detyrës së drejtorit të Inspektoratit të Punës, Rizal Plakolli, vlerësoi se ky sistem ësht më shumë se një risi teknologjike.

“Me lansimin po shënojmë një moment të rëndësishëm. Ky sistem përfaqëson më shumë se një risi të teknologjisë, ky është një hap drejt modernizimit të inspektimit të punës. Falë këtij sistemi do të krijohet një proces më efikas dhe i lidhur ngushtë me institucionet tjera. Një element i rëndësishëm është se ky sistem është i lidhur me Administratën Tatimore të Kosovës. Kjo tregon se për herë të parë Inspektorati i Punës do të ketë një pamje më të integruar. Krahas këtij sistemi, dua të theksoj disa hapa të rëndësishëm: së pari, jemi në proces të rekrutimit të 50 inspektorëve të rinj, kjo është një rritje e kapaciteteve tona dhe mundësi për reagime më të shpejta ndaj shkeljeve të të drejtave të punëtorëve. E dyta, është miratuar rregullorja që parasheh ndarjen në inspektorë të sigurisë dhe të marrëdhënieve të punës, të cilët do të punojnë në fusha të veçanta. E treta, sistemi digjital që po e implementojmë do të lehtësojë dhe shpejtojë ndjeshëm punën tonë. Në këtë kuadër, më lejoni të shpreh një mirënjohje të thellë ndaj Ambasadës Suedeze për mbështetjen ndaj Inspektoratit të Punës,” tha Plakolli.

Ndërkaq, zyrtari i programit të ILO-së për Kosovë, Blerim Murtezi theksoi se ky projekt është rezultat i bashkëpunimit mes institucioneve vendore dhe ndërkombëtare.

“Ky projekt është rezultat i bashkëpunimit të Qeverisë së Kosovës me ILO-n dhe Ambasadën Suedeze. Sistemi që po e lansojmë sot do t’i ndihmojë Inspektoratit të jetë më efikas dhe më transparent. Pikërisht për këtë, në kuadër të këtij projekti, Inspektorati po bashkëpunon me Aleancën Kosovare të Biznesit për të pasur një rezultat më të mirë. Në emër të ILO-s dua të shpreh mirënjohje dhe falënderim për mbështetjen nga Suedia. Sot është një ditë simbolike, sepse inspektorët po furnizohen me teknologji që t’i bëjnë detyrat e tyre të përditshme më efikase,” tha ai.

Drejtoresha e Aleancë Kosovare të Biznesit, Lumnije Ajdini tha foli për bashkëpunimin dhe për rezultatin e këtij bashkëpunimi.

“Aleanca Kosovare e Bizneseve, që nga themelimi i saj, ka qenë gjithmonë zëri përfaqësues i punëdhënësve në Kosovë. Ne përfaqësojmë një rrjet të gjerë të kompanive vendore dhe ndërkombëtare që operojnë në vendin tonë biznese që kontribuojnë në krijimin e vendeve të punës, zhvillimin ekonomik dhe formalizimin e tregut të punës. Prandaj, çdo reformë që e bën këtë sistem më transparent dhe më efikas është reformë që e përshëndesim dhe e mbështesim fuqishëm. Digjitalizimi i inspektimeve është një hap drejt ndërtimit të besimit ndërmjet institucioneve publike dhe sektorit privat. Me këtë sistem të ri krijohet mundësia për një proces më të drejtë, më të shpejtë dhe më të paanshëm, ku çdo palë qoftë inspektori, punëdhënësi apo punëtori ka qasje të barabartë në informacione dhe në transparencë. Ky projekt, i mbështetur nga Qeveria e Suedisë dhe Organizata Ndërkombëtare e Punës, është dëshmi e vlerës së bashkëpunimit ndërkombëtar dhe institucional. Si AKB, ne besojmë se vetëm përmes partneritetit të sinqertë midis qeverisë, punëdhënësve dhe punëtorëve mund të ndërtojmë një treg pune të qëndrueshëm, të drejtë dhe të formalizuar“, tha ajo./S.K/EO/

Presidentja e Kosovës, Vjosa Osmani ka deklaruar se duhet sa më shpjetë të formohet Qeveria, duke gjetur një gjuhë të përbashkët  të gjitha partitë politike.

Osmani theksoi se përkundër angazhimit të saj të vazhdueshëm, ajo çështje është varet kryekëput nga vullneti i partive politike dhe deputetëve të Kuvendit të Kosovës

‘‘Tani ju e dini që përkundër angazhimit tim të vazhdueshëm që të kemi konstitutim të Kuvendit, ajo çështje është varet kryekëput nga vullneti i partive politike dhe deputetëve të Kuvendit të Kosovës, por më në fund edhe ai proces u përmbyll. Kemi Kuvend të konstituar dhe pas asaj unë menjëherë të nesërmen kam mandatuar kryeministrin në detyrë i cili është nominuar nga partia e parë e cila ka dalë nga zgjedhjet e 9 shkurti. Nga data që është nominuar, janë 14 ditë  afatet rrjedhin, mirëpo negociatat për koalicione ndodhin vetëm ndërmjet partive, apo në rastin konkret mund të bëhet edhe me deputetë.  Janë diskutime mes partie politike, ku si presidente nuk do të duhej të ndërhyrja, rrjedhimesh dhe unë nuk mund ta di ku kanë mund të arrijnë ato negociata por janë çështje për të cilat më shumë informata mund të japin paritë politike”, shtoi ajo.

Presidentja tha se shpreson se do të ketë më parë me mandat të plotë.

“Shpresoj shumë që do të kemi sa më parë  qeveri të RKS me mandat të plotë kushtetuese, sepse siç e dini qeveria në detyrë ka kompetencat e limituara sipas ligjit për qeverinë dhe kjo e pengon jo vetëm punë e qeverisë por e pengon shtetin në tërësi. Sa më par të kemi qeveri me mandat të plotë kushtetuese, mund të shtyhen përpara reformat, mund të kemi buxhet gjithëpërfshirës që vendos shëndetin e qytetarëve tanë në radhë të parë. Do të kem dhe vendime tjera që do të shtyhen nga qeveria. Por kur do të ndodhë kjo, siç e thash është në duart e partive politike”, tha Osmani pas vizitës në Klinikë e Onkologjisë në QKUK, ku u dhuruan 640 pako onkologjiken për pacientet e prekur me kancer të gjirit./S.K/EO/

Zëdhënësi i KQZ-së, Valmir Elezi ka konfirmuar se deri në orën 12:00, janë verifikuar rezultatet nga 845 vendvotime për zgjedhjet e Kryetarëve të Komunave dhe nga 792 vendvotime për zgjedhjet e Kuvendeve Komunale.

Sipas tij, në Qendrat Komunale të Numërimit po zhvillohen paralelisht tri procese: verifikimi i rezultateve për kryetarë, verifikimi i rezultateve të subjekteve politike dhe numërimi i votave të kandidatëve për asambletë komunale.

Rezultatet e përditësuara janë të qasshme në platformën zyrtare të KQZ-së.

“Nga po kaq vendvotime, 792, janë numëruar votat e kanidatëve nga zgjedhjet për Kuvendet Komunale. Në përgjithësi, në Qendrat Komunale të Numërimit zhvillohen 3 aktivitete të rëndësishme, njëkohsisht: verifikimi i rezultateve nga zgjedhjet për Kryetarë të Komunave dhe rezultatet e subjekteve politike nga zgjedhjet për Kuvende Komunale dhe numërimi i votave të kandidatëve për anëtarë të Kuvende Komunale”.

“Në platformën e KQZ-së për rezultateve, prezantohen rezultatet nga QKN-të, të cilat përfshijnë: -rezultatet e verifikuara nga zgjedhjet për Kryetarë të Komunave, -rezultatet e verifikuara të subjekteve politike nga zgjedhjet për Kuvendet Komunale, dhe -votat e kandidatëve për anëtarë të Kuvendeve Komunale”, tha ai,/S.K/EO/

Tifogrupi “Dardanët”, kanë dalë në mbështetje për protestën gjithëkombëtare që do të mbahet në Tiranë, në mbështetje të ish-krerëve të UÇK-së që po gjykohen në Hagë, më 17 tetor, në ora 17:00.

Përmes një postimi në rrjetin social Facebook, “Dardanët” theksojnë se protesta është një reagim i drejtë ndaj asaj që ata e cilësojnë si padrejtësi ndaj luftëtarëve të lirisë, ndërsa kërkojnë drejtësi të vërtetë dhe jo, siç thuhet në reagim, barazi të rreme me kriminelët serbë.

“Duam drejtësi dhe jo barazi farse me kriminelët shovinistë serbë. Të bashkuar në emër të mbrojtjes së vlerave të përbashkëta, për ta përçuar kështu edhe një mesazh të fuqishëm nga kryeqyteti shqiptar se UÇK-ja nuk kreu krime lufte e kështu as pjesëtarët apo udhëheqësit e saj. Adresa e krimeve është vetëm Beogradi famëkeq”, shkruhet në postimin e Dardanëve./S.K/EO/