Lajmet

Alicia Keys debuton me albumin e parë për festa, thotë se do të donte të bashkëpunonte me Mariah Carey

Keys foli rreth rëndësisë së debutimit të këtij albumi.

Published

4 years ago

on

Ylli Alicia Keys, 15 herë fituese e Grammyt, foli për CNN lidhur me inicizimin e albumit të saj të parë për festa, “Santa Baby” dhe rëndësinë e debutimit të këtij albumi.

Keys u nda me Sony Music vitin e kaluar pas më shumë se dy dekadash si pjesë e këtij grupi, duke iu bashkuar një numri në rritje artistësh që po fitojnë më shumë pronësi dhe kontroll ndaj krijimtarisë së tyre.

“Albumi që sapo e lansova për festa, duke qenë publikimi i parë në gjurmët e mia, është shumë emocionues. Gjithashtu ndihem shumë e vendosur dhe e përqendruar në atë se si dua të vazhdoj të jem jo vetëm gruaja, e cila po krijon biznesin e duhur dhe po ndjek mundësitë që do, por edhe duke menduar se si ndodh kjo me artistë të tjerë, me gra të tjera”, tha Keys për CNN.

“Jam vërtet shumë e emocionuar për Alicia Keys Records”, shtoi ajo.

“Santa Baby” debutoi ekskluzivisht në Apple Music dhe u rendit në vendin e parë në platformë.

Ndërsa Mariah Carey konsiderohet nga shumë si “Mbretëresha e Krishtlindjeve” me këngën festive, “All I Want for Christmas Is You”, Keys tha se ajo nuk po përpiqet të konkurrojë dhe do të donte të bashkëpunonte me Careyn.

“Unë jam mbretëresha ime dhe ajo është mbretëresha e saj dhe unë e lartësoj plotësisht atë”, tha Keys. “Unë mendoj se ajo është e pabesueshme. Do të doja që ne të… nuk mund ta besoj se nuk kemi bërë kurrë muzikë së bashku. Ne kemi nevojë, ka shumë gjëra të përbashkëta. Ajo është një shkrimtare dhe producente e jashtëzakonshme”, deklaroi tutje Keys./UBTNews/

Related Topics:
Continue Reading

Lajmet

Kosova dhe Franca nënshkruajnë dy marrëveshje të reja për bashkëpunim në drejtësi

Published

13 minutes ago

on

July 27, 2026

By

Kosova dhe Franca kanë nënshkruar dy marrëveshje të rëndësishme në fushën e drejtësisë, me qëllim forcimin e bashkëpunimit në luftën kundër krimit të organizuar, korrupsionit dhe kriminalitetit ndërkufitar.

Bëhet fjalë për Marrëveshjen për Ndihmë të Ndërsjellë Juridike në Çështjet Penale dhe Marrëveshjen për Ekstradim, të cilat krijojnë mekanizma më efikasë për shkëmbimin e provave dhe informacionit, si dhe për ndjekjen dhe ekstradimin e personave të kërkuar nga drejtësia.

Sipas njoftimit, këto marrëveshje pritet të forcojnë kapacitetet e institucioneve të Kosovës dhe Francës në përballjen me format e ndryshme të kriminalitetit ndërkufitar dhe të sigurojnë që personat e kërkuar nga drejtësia të mos gjejnë strehë jashtë kufijve.

Pas marrëveshjes së nënshkruar me Belgjikën në muajin prill, Kosova po zgjeron më tej rrjetin e bashkëpunimit ndërkombëtar në fushën e drejtësisë edhe me Francën./A.K/

Continue Reading

Lajmet

I mituri dyshohet se ka kërcënuar dhe marrë para nga një tjetër i mitur, arrestohet nga policia

Published

15 minutes ago

on

July 27, 2026

By

Sipas Policisë së Kosovës një mashkull kosovar së bashku me djalin e tij të mitur kanë raportuar se një i dyshuar mashkull kosovar, po ashtu i mitur, në vazhdimësi e ka kërcënuar me fjalë dhe i ka kërkuar e marrë para viktimës së mitur.

I dyshuari është arrestuar dhe me vendim të prokurorit është dërguar në mbajtje./A.K/

Continue Reading

Lajmet

Gjendet pa shenja jete një grua në Rahovec, trupi dërgohet në IML për obduksion

Published

20 minutes ago

on

July 27, 2026

By

Një grua kosovare është sjellë pa shenja jete në Qendrën Kryesore të Mjekësisë Familjare në Rahovec.

Sipas Policisë së Kosovës, rasti është raportuar më 26 korrik 2026, ndërsa vdekja e viktimës është konstatuar nga mjeku kujdestar.

Sipas dëshmitarit, viktima është gjetur e shtrirë në shtëpinë e saj. Në vendin e ngjarjes kanë dalë njësitet përkatëse, ndërsa me vendim të prokurorit trupi i pajetë është dërguar në Institutin e Mjekësisë Ligjore për ekzaminim./A.K/

Continue Reading

Lajmet

Të shtëna me armë në Podujevë, dy persona të plagosur – gjashtë të arrestuar

Published

22 minutes ago

on

July 27, 2026

By

Një rast i rëndë ka ndodhur në Podujevë, ku pas një përleshjeje fizike mes disa personave, dyshohet se njëri nga ta ka shtënë me armë zjarri.

Sipas Policisë së Kosovës, ngjarja ka ndodhur më 26 korrik rreth orës 18:50, ku si pasojë e të shtënave janë plagosur dy meshkuj kosovarë, të cilët janë dërguar për trajtim në QKUK.

Në vendin e ngjarjes janë sekuestruar dy gëzhoja dhe tri automjete.

Me vendim të prokurorit, gjashtë të dyshuar janë arrestuar dhe pas intervistimit janë dërguar në mbajtje, ndërsa personi i dyshuar për të shtënat me armë zjarri ndodhet ende në kërkim nga policia./A.K/

Continue Reading

Të kërkuara