Sport

Alcaraz dëmtohet në Rio dhe rrezikon statusin e numrit dy të botës

Vetë Alcaraz u shfaq shumë i ngarkuar emocionalisht për mediat pas takimit, teksa ende nuk kishte informacion për shkallën e dëmtimit

Published

3 years ago

February 21, 2024

Betim Gashi

Numri dy i botës në tenis, Carlos Alcaraz u tërhoq nga turneu “ATP 500” në Rio de Zhaneiro. Spanjolli u dëmtua në kyçin e këmbës gjatë ndeshjes së parë ndaj Thiago Monteiros, teksa në momentin e ndërprerjes, sfida ishte në barazimin 1-1.

Vetë Alcaraz u shfaq shumë i ngarkuar emocionalisht për mediat pas takimit, teksa ende nuk kishte informacion për shkallën e dëmtimit

“Nuk mund të them se sa i rëndë është lëndimi, do të bëj analizat dhe do të shoh nëse është diçka serioze apo jo. Sipas fizioterapistit, nuk duhet të jetë ndonjë gjë serioze. Ai më tha të provoja të luaja disa ndeshje, por ndjeva dhimbje dhe nuk mund të lëvizja siç duhet”, deklaroi tenisti.

Si të mos mjaftojë kjo, 20-vjeçari rrezikon të humbasë edhe vendin e dytë të renditjes botërore, teksa Jannik Sinner është afruar ndjeshëm në klasifikimin e përgjithshëm. Alcaraz ka momentalisht 8805 pikë, ndërsa Sinner 8270, ndaj për të mos lëshuar më shumë terren ndaj kundërshtarit i mjafton të ketë një rezultat më të mirë në turneun Masters-1000 në Uells./UBTNews/

Vendi

Akil Gjakova mbyll garën pa medalje në Abu Dhabi

Published

8 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

9 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

10 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/