Sport

Albert Bunjaki: Kjo është e vërteta për emrat që po qarkullojnë për postin e trajnerit të Kosovës

Bunjaki tha se ende s’ka asgjë konkrete sa i përket emrit të trajnerit të ri të Kosovës.

Published

3 years ago

October 14, 2021

Betim Gashi

Stoli i trajnerit të Kombëtares së Kosovës ka mbetur i lirë që nga dita e mërkurë kur Federata e Futbollit të Kosovës mori vendim për shkarkimin e trajnerit zviceran, Bernard Challandes për shkak të rezultateve jo të mira.

Që në orët e para pas këtij vendimi, nëpër media të ndryshme qarkulluan shumë emra si alternativa për të marr postin e trajnerit të Kosovës, duke përfshirë ish-trajnerin e Shqipërisë Gianni De Biassi, legjendën braziliane Roberto Carlos, ish-trajnerin e Bayerni Munichut Felix Magath dhe shumë emra të tjerë, por e vërteta është që deri më tani nuk ka asgjë konkrete në këtë drejtim.

Albert Bunjaki, i cili është pjesë e stafit organizativ brenda FFK-së dhe që në të kaluarën ishte trajner i Kosovës ka thënë për KosovaPress se ende nuk ka asgjë konkrete sa i përket emrit të trajnerit të ri të Kosovës dhe ka shtuar se vendimi do t’i takojë kryetarit të FFK-së Agim Ademi dhe Komitetit Ekzekutiv.

“Është e natyrshme që tani do të qarkullojnë shumë emra në mediat kosovare. Ne duhet të besojmë në përzgjedhjen e z.Ademi dhe KE-së se do të bëjnë më të mirën të mundshme dhe që jam i sigurt se do ketë shumë interesim”, tha Bunjaki në një përgjigje me shkrim për KosovaPress.

I pyetur se çfarë nënkupton kur thotë se “do të ketë shumë interesim”, Bunjaki ka thënë se posti i trajnerit të Kosovës është një post për lakmi për shkak të lojtarëve të rinj dhe tifozëve të mrekullueshëm që i ka.

“E them këtë në bazë të asaj se Kosova ka lojtarë të rinj dhe një potencial shumë të lartë për zhvillim, e kur kësaj i bashkangjiten edhe tifozët ‘Dardan’, vërtetë është post për t’u lakmuar”, ka thënë ai.

Në lidhje me atë se kur mund të merret vendimi për emërimin e trajnerit të ri, Bunjaki ka thënë se kjo nuk është në kompetencën e tij për ta thënë.

Related Topics:Albert Bunjaki KOSOVA trajner

Up Next

Pedri rinovon kontratën me Barcelonën, ka klauzolën më të lartë në histori të futbollit

Don't Miss

Presidenti letonez Egils Levits rezulton pozitiv

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.