Sport

Alarmojnë klubet: MKRS të licencojë FFK-në, po futemi në krizë financiare

Trajneri i Llapit, Tahir Batatina, tha se dëmi që po e pësojnë klubet është shumë i madh.

Published

2 years ago

on

Edhe më tutje Federata e Futbollit të Kosovës vazhdon të jetë njëra nga federatat e pakta që ka mbetur pa u licencuar nga Ministria e Kulturës, Rinisë dhe Sportit. Shpresat që ky proces të përfundojë ditëve në vijim janë më të mëdha pas lirimit nga akuza e kryetarit të kësaj federate Agim Ademit, që ishte njëri nga kushtet e MKRS-së që kjo federatë të licencohet.

Nga ky moslicencim i FFK-së po e pësojnë klubet e futbollit të cilat kanë bërë thirrje drejtuar MKRS-së që të merret seriozisht më këtë proces pasi janë duke u futur në një krizë të thellë financiare.

Trajneri i Llapit, Tahir Batatina, tha se dëmi që po e pësojnë klubet është shumë i madh dhe nëse vazhdohet kështu, futbolli kosovar do të pësojë rënie të madhe.

“Mendoj që asnjë arsye më nuk është që të moslicencohet federata duke parë që me sa kemi njohuri i gjithë procesi i cili ka ngec ka qenë për shkak të atij dënimi mbi të cilin pretendohet se kryetari (i FFK, Agim Ademi) që ka pasur një aktakuzë ka dalë i pafajshëm dhe në momentin që ka dalë i pafajshëm mendoj që duhet federata të licencohet. Dëmi është shumë i madh te klubet, te skuadrat. Mendoj që futbolli i Kosovës sapo filloi pak të këndellet, në një far forme në momentin që nuk licencohet federata edhe futbolli i Kosovës fillon të ketë rënie drastike të skuadrave sepse skuadrat nuk mund t’i mbulojnë shpenzimet krahas avancimit të kushteve financiare që janë tani te skuadra tona në ligën tonë”, theksoi Batatina.

Batatina ka thënë se ministria duhet të marr parasysh rrethanat në të cilat punohet në Kosovë dhe të mos jetë aq shumë rigoroze në kërkesat e saj, por t’i shtyjë proceset përpara.

“Mendoj që duhet të jetë një thirrje urgjente nga të gjitha klubet që kam pasur kontakte, nga të gjithë njerëzit sepse ne jemi në kontakte, bisedojmë mes vete që brenga më e madhe është moslicencimi sepse shumë klube kanë humbur disa nga të hyrat që mund t’i kenë dhe çfarë do të ndodh kur në momente të caktuar klubet të mos i paguajnë lojtarët nga tre apo katër muaj ditë siç kemi informacione sepse nuk ka mundësi asnjë donator ta përballojë këtë gjendje kaq të madhe financiare… Edhe kjo ministri nuk ka ardhur nga Kazakistani këtu në Kosovë, por janë njerëzit tonë, e dinë që në këtë vend mund të ketë ndoshta edhe disa gjëra që ata i kërkojnë që nuk janë ndoshta, por duhet nganjëherë t’i shtyjmë proceset përpara dhe mos ta pengojmë procesin e futbollit”, theksoi ai.

Pasojat e moslicencimit po i ndien edhe klubi i futbolli Gjilani. Menaxheri i kësaj skuadre, Drilon Sylejmani duke folur për KosovaPress ka bërë apel që të përfundojë para datës 31 mars në mënyrë që ta kenë mundësinë të përfitojnë të hyra nga sponsorët.

“Moslicencimi i federatës faktikisht e ka stopuar për momentin Ligjin e sponsorizimit dhe si te klubet e tjera në futbollin kosovar, ashtu edhe te klubi i Gjilanit ka shkaktuar jo pak telashe, jo pak dëme, pasi jemi në pritje të marrjes së vërtetimit për disa sponsorë. Megjithëse kemi indice që procesi i licencimit do të përfundojë shumë shpejtë, ndoshta kisha bërë apel një gjë e tillë të ndodh sa më parë në mënyrë që para datës 31 mars bizneset të cilat kanë menduar ta shfrytëzojnë Ligjin për sponsorizim t’i kompletojnë edhe ata dokumentacionet e nevojshme dhe mos të kemi probleme të tjera në agjencinë tatimore të Kosovës”, tha Sylejmani.

Kurse Kushtrim Sopa, administrator te klubi i futbollit Prishtina, ka deklaruar se nga futbolli varen rreth 4 mijë familje që marrin pagë në baza mujore dhe se ky fakt duhet të merret parasysh nga Ministria e Sportit.

Sipas tij, Ligji i sponsorizimit ndikon direkt në stabilitetin financiar të klubeve.

“Falë atij ligji ne kemi funksionuar mjaftë mirë të gjitha klubet dhe patëm filluar t’i tejkalojmë krizat të cilat i kemi pasur pa këtë ligj edhe të stabilizohemi dhe ta projektojmë të ardhmen përpara, mirëpo pengesa tutje që doli që nuk u licencua Federata e Futbollit të Kosovës ka shkaktuar probleme edhe për klubet, sidomos te Prishtina sepse nuk po them me shifra saktësisht por pjesën më të madhe të buxhetit të klubit vjetor e përbënë sponsorët… Shpresojmë shumë që të licencohet Federata e Futbollit të Kosovës. Të gjitha informata që na vijnë në drejtim tonin janë që tani kanë përfunduar të gjitha procedurat dhe i bëj apel Ministrisë së Kulturës, Rinisë dhe Sportit, gjegjësisht ministrit Hajrulla Çeku dhe Departamentit të Sportit që të kenë mirëkuptim për të gjitha sportet, por në futboll janë 3000-4000 mijë familje që paguhen në baza mujore dhe është e domosdoshme për klubet sportive të procedohet tutje dhe të licencohet federata”, tha Sopa.

Kujtojmë se Federate e Futbollit e ka ndryshuar edhe statutin e saj në Kuvendin e Jashtëzakonshëm të mbajtur më 27 janar të këtij viti që ishte një kusht tjetër i vendosur nga MKRS-ja për licencimin e saj.

Related Topics:
Continue Reading

Sport

Zbulohet diagnoza e fshehur e Hulk Hogan

Published

2 hours ago

on

August 2, 2025

By

Është bërë publik shkaku i vdekjes së Hulk Hogan, ndërsa raporti mjeko-ligjor ka zbuluar një detaj tronditës: legjenda e wrestling-ut vuante prej kohësh nga leuçemia kronike limfatike (CLL), një formë e kancerit të gjakut që ai nuk e kishte ndarë me publikun.

71-vjeçari humbi jetën më 24 korrik si pasojë e një ataku të rëndë në zemër, ndërsa mjekët nuk arritën ta shpëtonin pas një arresti kardiak në banesën e tij në Florida. Përveç CLL-së, Hogan kishte edhe fibrilacion atrial – një çrregullim i rrezikshëm i ritmit të zemrës.

Familjarët kanë konfirmuar se trupi i tij do të kremohet, ndërsa nuk janë dhënë detaje për një ceremoni publike.

Bashkëshortja e tij, Sky Hogan, dhe vajza, Brooke, kanë reaguar me mesazhe prekëse, duke kujtuar forcën, besimin dhe dashurinë që ai la pas.

Continue Reading

Lajmet

Liga e Kampionëve 2025-2026, 29 klube të kualifikuara

Published

19 hours ago

on

August 1, 2025

By

Ka ende kohë deri në fillimin e sezonit të ri të Ligës së Kampionëve, megjithatë vështirë se ka ndonjë garë që gjeneron aq shumë pritje sa ky kompeticion. Edhe para se faza e ligës të fillojë më 16 shtator, ka disa data të rëndësishme në axhendë.

UEFA ka planifikuar tashmë shortin për fazën e ligës. Ai do të zhvillohet më 28 gusht në Nyon. Siç ndodhi vitin e kaluar, një program kompjuterik do ta kryejë procesin, pasi një short manual në formatin revolucionar do të ishte përtej mundësive.

Klubet do të ndahen në katër vazo me nga tetë ekipe secila sipas koeficientit të klubit të tyre, me Paris Saint-Germain, si fitues të Ligës së Kampionëve, që tashmë janë të vendosur në vazon e parë. Bayern (i 2-ti), Leverkusen (i 7-ti) dhe Dortmund (i 8-ti) nga Bundesliga janë midis tetë ekipeve të para. Një ekip nga vazoja e parë duhet të luajë kundër një ekipi tjetër nga vazoja e parë dhe klubeve të dyta secila nga vazot e dyta, të treta dhe të katërta në fazën e ligës.

Liga e Kampionëve 2025/26: Cilat klube janë gati për shortin?

Anglia : Liverpool , Arsenal , Manchester City, Chelsea, Tottenham, Newcastle

Spanjë : Barcelona , Real Madrid , Atlético Madrid, Athletic Club, Villarreal

Italia : Napoli, Inter, Atalanta, Juventus

Gjermani : Bayern Munich, Bayer Leverkusen, Eintracht Frankfurt , Dortmund

Francë : Paris Saint-Germain, Marseille, Monaco

Holanda : PSV, Ajax

Portugalia : Sporting CP

Belgjikë : Union Saint-Gilloise

Turqi : Galatasaray

Republika Çeke : Slavia Pragë

Greqi : Olimpiakosi

29 klube janë kualifikuar tashmë për shortin e fazës së ligës. Anglia dhe Spanja kanë siguruar secila nga një vend shtesë përmes renditjes vjetore të UEFA-s, kështu që Newcastle dhe Villarreal do të përfaqësohen. Tottenham është kualifikuar si fitues i Europa League, që do të thotë se Premier League do të ketë gjashtë klube.

Liga e Kampionëve 2025/26: Si do të luhen vendet e mbetura?

Vendet e mbetura do të përcaktohen përmes fazës kualifikuese dhe eliminatoreve.

Raundi i 1-rë kualifikues: 8/9 dhe 15/16 korrik 2025

Raundi i dytë kualifikues: 22/23 dhe 29/30 korrik 2025

Raundi i 3-të kualifikues: 5/6 dhe 12 gusht 2025

Playoff-et: 19/20 dhe 26/27. Gusht 2025

Raundi i parë kualifikues është tashmë në kulmin e tij. Megjithatë, vetëm klubet nga ligat më të ulëta do të garojnë atje. Megjithatë, në raundin e dytë kualifikues do të marrin pjesë klube të njohura si FC Copenhagen dhe RB Salzburg.

Vendimi se cilat klube do të avancojnë në fazën e ligës do të merret më 26 dhe 27 gusht me ndeshjet e kthimit të fazës eliminatore.

Continue Reading

Lajmet

​Laporta për Yamalin: Ka personalitet të fortë si Messi, është i rrallë

Published

20 hours ago

on

August 1, 2025

By

Presidenti i Barcelonës, Joan Laporta, ka bërë një deklaratë të fuqishme në lidhje me talentin e jashtëzakonshëm të Lamine Yamal, duke e krahasuar atë me Lionel Messin jo vetëm për cilësitë teknike, por edhe për karakterin e tij të veçantë.

Në një prononcim për mediat, Laporta u shpreh: “Lamine Yamal ka një personalitet shumë të fortë, njësoj siç kishte edhe Messi në kohën e tij. Ai nuk është thjesht një lojtar i talentuar, por është i rrallë, një prej atyre futbollistëve që lindin rrallëherë.”

Presidenti katalanas vazhdoi me vlerësimet duke theksuar nivelin elitar në të cilin tashmë ndodhet adoleshenti spanjoll:

“Yamal është një gjeni i vërtetë i futbollit. Ka arritur një nivel shumë të lartë për moshën që ka dhe kjo e bën edhe më të jashtëzakonshëm. Ne te Barcelona jemi shumë krenarë që kemi një lojtar si ai në radhët tona.”

Lamine Yamal, vetëm 18 vjeç, ka shpërthyer me paraqitjet e tij për Barçën dhe përfaqësuesen e Spanjës, duke u bërë një ndër emrat më premtues në futbollin botëror. Krahasimi me Messin nga vetë presidenti Laporta vetëm sa e forcon imazhin e tij si trashëgimtar potencial i legjendës argjentinase në “Camp Nou”.

Continue Reading

Lajmet

​Drita prezanton përforcimin e ri

Published

21 hours ago

on

August 1, 2025

By

Drita ka bërë një goditje të rëndësishme në merkato duke siguruar shërbimet e sulmuesit të njohur Kristal Abazaj. Lojtari me përvojë të madhe dhe cilësi të spikatura do të jetë tashmë pjesë e repartit ofensiv, duke i shtuar më shumë forcë dhe alternativë skuadrës nga Gjilani.

Pas një pune të përkushtuar dhe negociatash të suksesshme, drejtori sportiv Valon Zymberi arriti të finalizojë marrëveshjen me Abazajn, i cili ka firmosur një kontratë dyvjeçare me klubin.

Abazaj pritet të jetë një armë e fuqishme në dispozicion të trajnerit Ramadani, duke sjellë me vete jo vetëm eksperiencë, por edhe potencial për të bërë diferencën në fushë.

 

Continue Reading

Të kërkuara