Aktualitet

Akuzat e opozitës për udhëtimet, Rama: Përpjekje për të nxitur konflikt me shpifje

Rama e konsideron si përpjekje non stop për ta helmuar, çoroditur, nxitur për sherr e për konflikt këtë popull.

Published

3 years ago

November 1, 2022

UBT news

Kryeministri Edi Rama ka reaguar sot ndaj deklaratë së PD-së për ngritjen e një Komisionit Hetimor lidhur me udhëtimet e tij jashtë vendit. Në një postim në Twitter, Rama e konsideron si përpjekje non stop për ta helmuar, çoroditur, nxitur për sherr e për konflikt këtë popull.

“I Zot të qash a të qeshësh, vetëm këtu bën vaki të të dyndin me shpifje dhe të të thonë bëj transparencë! Po si bëhet kjo transparenca kur u tregon shifrat dhe bëjnë sikur nuk kuptojnë?! Po kur thonë pse i bën reklamë Shqipërisë? Po kujt t’i bëj, kanaleve, portaleve apo rublave?! Jemi pyetur shumë herë këto vite për avionin ALBANIA dhe i kemi dhënë informacionet, po tani u bashkuan hakerat iranianë dhe grupi Rubla Çorba, kështu që u ngrit tymi lart se helbete, duhet hedhur sa më shumë blozë, “S’ka asnjë faj Putini, çohu o popull se duhet rrëzuar regjimi!”, shprehet Kreu i Ekzekutivit.

“Lëre pastaj kur thonë me charter udhëtojnë vetëm sheikët e diktatorët, ndërkohë që tërë qeveritë e rajonit, se Europës po e po, kanë avionët e tyre përjashto Shqipërinë e Kosovën! Ne s’e blejmë dot, me qera s’e marrim dot, ndaj kemi blerë orë fluturimi me marrëveshje promocionale!”, nënvizon më tej Rama.

Kryeministri shton se: “Po ku është hilja thonë se s’ka mundësi?! Ka si s’ka! Hilja është ashiqare fare tek përpjekja non stop për ta helmuar, çoroditur, nxitur për sherr e për konflikt këtë popull me shpifje sa më të përbindshme, nisur nga gjysëm të vërteta që janë edhe gënjeshtrat më të mëdha!”./Atsh

Aktualitet

Emisari i BE-së për dialog takon sot presidenten Osmani

Published

1 hour ago

August 6, 2025

UBT News

Emisari i posaçëm i BE-së për dialogun Kosovë-Serbi, Peter Sorensen, do të vizitojë sot Kosovën.

Sipas një njoftimi të Presidencës, ai do të takohet fillimisht me presidenten Vjosa Osmani.

“Në orën 10:00, presidentja e Republikës së Kosovës, Vjosa Osmani pret në takim përfaqësuesin e BE-së për Dialog, Peter Sorensen”, thuhet në njoftim.

Aktualitet

Organizatat e dala nga lufta shpalosin detajet e protestës së nesërme

Published

1 hour ago

August 6, 2025

UBT News

Organizatat e dala nga lufta e Ushtrisë Çlirimtare të Kosovës, do të mbajë sot konferencë për media për të prezantuar detajet dhe informacionet për protestën e nesërme. Konferenca nis në ora 11:00, në zyret e OVL-UÇK.

OVL-UÇK-ja nesër me fillim nga ora 17:00, do të protestojnë në sheshin “Skënderbeu” në Prishtinë, për të kundërshtuar vijueshmërinë e procesit gjyqësor në Hagë, ndaj ish-krerëve të UÇK-së.

Gjatë protestës do të kërkohet reagim institucional lidhur me këtë proces. Në një prej njoftimeve të organizatës thuhet se duke pasur parasysh mosreflektimin e partive politike për konstituimin e institucioneve, dhe mosrespektimin e vendimit të Gjykatës Kushtetuese, në takim u vendos që të mbahet protestë gjithëpopullore, me kërkesat e mëposhtme

Kundërshtimi i padrejtësive ndaj ish-bashkëluftëtarëve në Gjykatën Speciale

Formimi urgjent i institucioneve legjitime dhe respektimi i rendit kushtetues

Ndërprerja e përbuzjes ndaj kategorive të luftës, përfshirë mosmbështetjen financiare, përjashtimin e veteranëve nga paga minimale dhe mungesën e ligjit për vlerat e UÇK-së” thuhet në një prej njoftimeve të organizatës.

Aktualitet

Fushë Kosovë, burri sulmon fizikisht gruan

Published

1 hour ago

August 6, 2025

UBT News

Një rast i dhunës në familje është raportuar në Fushë Kosovë, kur një burrë shtetas i Kosovës, ka sulmuar fizikisht bashkëshorten e tij shtetase e Shqipërisë.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

Raporti i Policisë së Kosovës:

“Fushë Kosovë 05.08.2025 – 15:08. Është arrestuar i dyshuari mashkull kosovar, pasi që kishte sulmuar fizikisht dhe më pas kishte kanosur bashkëshorten e tij viktimën femër shqiptare shtetase e Shqipërisë. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës”.