

Kulturë
Aktorja flet për rolin si Marilyn Monroe: Të gjithë filluan të qanin
Ajo foli për emocionet që pati kur u shndërrua për herë të parë në Marilyn.
Published
3 years agoon
By
UBT newsAna De Armas foli për herë të parë për filmin e saj të ardhshëm “Blonde”, ku ajo portretizon Marilyn Monroe.
Të premten, aktorja kujtoi herën e parë që u pa në pasqyrë pasi u shndërrua në personazhin e saj. “Të gjithë në dhomë filluan të qanin. Unë mund t’ju them se ishte shumë emocionuese. U bë e vërtetë… e dini?’ u shpreh Ana për Sunday Today .
“Kisha mijëra veshje , kam bërë mbi njëqind ndryshime në garderobë në film, dhe më pas bëra veçmas, teste flokësh dhe make-up. Pra, ajo ditë ishte disi si… u ndje sikur ajo ishte kthyer apo diçka tjetër. Nuk e di… emocionohem duke menduar për këtë’.
Blonde bazohet në jetën e yllit ikonë, duke e përshkruar karrierën e saj përmes jetës së saj si Norma Jeane Mortenson dhe më pas si Marilyn Monroe. Filmi është prodhuar nga kompania e Brad Pitt, Plan B, dhe do të jetë në Netflix më 23 shtator.
Kasti përfshin gjithashtu Adrien Brody si Arthur Miller dhe Bobby Cannavale si Joe DiMaggio.
Ana ka lindur në Kubë dhe për të mbuluar theksin e saj natyral, ajo punoi me një trajner dialektesh për një vit për t’u përgatitur për rolin. Ajo më parë pranoi se kishte probleme me procesin e studimit të zërit të Monroe.
“Më u deshën nëntë muaj stërvitje dialektesh, praktikë dhe disa seanca ADR [për të marrë theksin e duhur]”, tha ajo për London Times. “Ishte një torturë e madhe, shumë rraskapitëse”./lapsi.al
Kulturë
Sonte jepet premiera e shfaqjes ‘Sytë e Ujkut’
Published
4 hours agoon
October 8, 2025By
UBT News
Shfaqja “Sytë e ujkut”, me tekst të Doruntina Bashës dhe regji të Kushtrim Koliqit, do të vijë për herë të parë para publikut më 8 tetor.
Premiera do të zhvillohet vetëm me ftesa, ndërsa reprizat e para do të mbahen më 9, 10 dhe 11 tetor, të hapura për publikun, por me rezervim paraprak të ulëseve.
Shfaqja do të interpretohet në Barabar Centre, duke filluar nga ora 20:00.
Në skenë do të ngjiten aktorët Irena Aliu, Edona Reshitaj, Armend Smajli dhe Albina Krasniqi, të cilët do të sjellin personazhet e tyre në këtë produksion të ri teatror. /A.Z/UBT News/
Kulturë
Tirana vallëzon në sheshin ‘Skënderbej’, performancë nga International Dance Festival
Published
5 hours agoon
October 8, 2025By
UBT News
Festivali Ndërkombëtar i Dancit në Tiranë ka zbuluar për artdashësit vendndodhjet e aktiviteteve të tij artistike, që do të zhvillohen nga data 9 deri më 25 tetor.
Ky është edicioni i katërt, këtë vit vjen nën drejtimin e një prej emrave më të njohur shqiptarë në skenën ndërkombëtare, Angelin Preljocaj.
Gjatë tre javëve të festivalit, publiku do të ketë mundësinë të ndjekë krijimet më të reja të mbi 13 koreografëve e kompanive ndërkombëtare.
Programi çelet me katër performanca publike në hapësira të ndryshme të qytetit dhe pesë shfaqje në skenat e Teatrit Metropol dhe Teatrit Kombëtar të Operas dhe Baletit. Më 9 tetor, festivalin e hapin dy performanca të hapura për publikun, njëra në Qendrën Komunitare “Të qëndrojmë së bashku” dhe tjetra në sheshin Skënderbej, në orët e pasdites.
Më 10 tetor, performancat zhvendosen tek Pazari i Ri, ndërsa më 11 tetor, Teatri Metropol do të presë tre shfaqje paradite. Në mbrëmje, artistët do të ngjiten në skenë me veprën “Puls” nga Jiri Kylian, Robert North dhe Edi Blloshmi, e cila do të reprizohet edhe natën pasuese.
Ky edicion do të zhvillohet në 11 skena të ndryshme, duke ofruar 15 premiera, 9 aktivitete publike falas dhe masterclass-e që e lidhin festivalin me gjithë qytetin.
Ky aktivitet realizohet me mbështetjen e Bashkimit Evropian përmes programit EU4Culture, duke sjellë në Tiranë emra të njohur të kërcimit bashkëkohor përkrah një brezi të ri koreografësh, në një dialog të pasur mes gjuhëve të ndryshme artistike. /A.Z/UBT News/
Lifestyle
Ngjyra e flokëve që freskon fytyrën dhe nxjerr tiparet në pah
Published
23 hours agoon
October 7, 2025By
UBT News
Ngjyra e duhur e flokëve bën mrekulli për pamjen, ajo mund të freskojë fytyrën, të theksojë tiparet e t’ju bëjë të dukeni më të rinj.
Nga ana tjetër, një ngjyrë që nuk i përshtatet tonit të lëkurës mund t’ju lodhë pamjen ose t’ju japë një efekt më të vjetër.
Prandaj, zgjedhja e ngjyrës ideale nuk është thjesht ndjekje trendesh, por gjetja e nuancës që harmonizohet me koloritin tuaj natyral.
Si të dini cila ngjyrë ju shkon më mirë?
Një mënyrë e thjeshtë për të identifikuar tonin e lëkurës është të shikoni venat në kyçin e dorës: Nëse venat duken blu ose vjollcë → keni nën-ton të ftohtë. Nëse venat duken jeshile → nën-toni juaj është i ngrohtë. Nëse shihni një përzierje → keni ton neutral.
Për tonet e ngrohta të lëkurës, nuancat me shkëlqim të artë, bakri, çokollatë e ngrohtë, blu e artë ose ngjyrë mjalti duken më bukur.
Për tonet e ftohta, më të përshtatshme janë ngjyrat e hirit, blu e ftohtë, kafe hiri ose kafe e errët pa reflektime të kuqërremta.
Nëse nuk jeni të sigurt, shikoni se cila prej bizhuterive ju shkon më shumë. Argjendi i përshtatet tonit të ftohtë, ndërsa ari duket më bukur tek tonet e ngrohta.
Flokë blu apo kafe – çfarë të zgjidhni?
Ngjyrat blu mund të freskojnë fytyrën dhe t’i japin një pamje më të lehtë, ndërsa nuancat kafe duken elegante, sofistikuese dhe natyrale.
Flokët me nuanca të kuqërremta ose bionde të ngrohta i shkojnë mirë personave me sy të hapur dhe ton të ngrohtë lëkure.
Nuancat e errëta blu ose hiri i përshtaten personave me ton të ftohtë lëkure.
Tonet kafe janë falënderuese: kafe e artë ose çokollatë për tonet e ngrohta dhe espresso ose kafe e errët për tonet më rozë ose porcelani.
A na shkon ngjyra e flokëve që kishim si fëmijë?
Shumë shpesh po. Ngjyra natyrale në fëmijëri harmonizohet me tonin e lëkurës e ngjyrën e syve. Edhe pse flokët ndryshojnë me moshën, nuanca origjinale është pika më e mirë për të zgjedhur ngjyrën e re.
Nëse doni të dukeni natyrale dhe të freskët, rikthimi tek ngjyra e fëmijërisë mund të jetë zgjidhja ideale.
Këshilla për zgjedhjen e nuancës ideale
Zgjidhni një ngjyrë që nuk ndryshon më shumë se 2-3 nivele nga ajo natyrale, për të ruajtur harmoninë në fytyrë. Nëse doni një ndryshim, provoni teknika si balayage ose babylights, që japin dimension pa ndryshuar shumë ngjyrën.
Gjëja më e rëndësishme: ngjyra e flokëve duhet të nxjerrë në pah personalitetin dhe bukurinë tuaj natyrale, jo të ndjekë vetëm një trend. /A.Z/UBT News/
Mënyra e Jetës
Shmangni tarifat e mjeshtrit, një truk i thjeshtë për të ngrohur klimën vetë
Published
24 hours agoon
October 7, 2025By
UBT News
Me rënien e menjëhershme të temperaturave, shumë prej jush e kanë ndezur për herë të parë këtë sezon klimën për ngrohje, por disa pajisje duket se nuk duan të kalojnë nga ftohja në ngrohje.
Para se të telefononi mjeshtrin, provoni këto këshilla të thjeshta nga ekspertët e kondicionerëve.
Si të vendosni klimën në mënyrën e ngrohjes?
Butoni MODE – Në çdo telekomandë ekziston butoni MODE. Shtypeni dhe kërkoni opsionin HEAT (ngrohje). Në disa pajisje, kjo shfaqet si ikona e diellit ose me mbishkrimin HEAT. Sigurohuni që shigjeta treguese të jetë drejtuar tek ky opsion.
Vendosja e temperaturës – Rekomandohet të vendosni dy gradë më të lartë se ajo që dëshironi në dhomë. Për shembull, nëse doni 24°C, vendoseni 26°C, pasi njësia e brendshme mat nxehtësinë pranë vetes, që zakonisht është më e lartë se temperatura reale në dhomë.
Mos ndryshoni opsionin gjatë punës – Nuk rekomandohet të kaloni nga ftohja në ngrohje ndërkohë që kondicioneri është ndezur. Ky ndryshim duhet bërë para ndezjes së pajisjes. Ndërsa temperatura mund të rregullohet lirshëm gjatë funksionimit.
Kohë për ngrohje – Pasi ta ndizni, klimës i duhen rreth 2 deri 10 minuta për të filluar të lëshojë ajër të ngrohtë.
Shpejtësia e ventilatorit – Rregullohet me butonin FAN SPEED në telekomandë. Shumica e pajisjeve kanë tre ose katër nivele. Rekomandohet niveli i parë (LOW), që lejon ajrin të ngrohet më mirë para se të shpërndahet në dhomë.
Nëse klima nuk ngroh ende
Nëse pas këtyre hapave pajisja nuk funksionon, duhet ta rindizni. Shpesh, mungesa e shërbimit vjetor mund të shkaktojë që kondicioneri të mos ndizet ose të shfaqë mesazh gabimi.
Si të bëni rindezjen?
Fikni kondicionerin përmes telekomandës dhe nxirrni kabllon nga priza. Lëreni disa minuta dhe pastaj lidheni sërish me rrymën.
Afrohuni te njësia e brendshme dhe hapni kapakun. Shikoni për një buton të vogël për rindezje zakonisht në njërën anë poshtë.
Mbajeni të shtypur për rreth 10 sekonda dhe më pas lëshojeni.
Ndizeni sërish përmes telekomandës dhe vendoseni në mënyrën HEAT.
Me këto hapa, klima juaj duhet të fillojë të ngrohë pa probleme, dhe mund ta përdorni vetë pa nevojën për mjeshtrin. /A.Z/UBT News/

Broja para përballjes me Serbinë: Më e rëndësishme se goli im, është fitorja e ekipit!

Meta përditëson algoritmin e Facebook për të treguar më shumë Reels

Përurohet rruga që lidh zonën e dytë ekonomike të Gllavicës me magjistralen mes Shtimes dhe Ferizajt

Gjermania do t’i lejojë policinë të rrëzojë dronët

Presidenti i FIFA-s, dekorohet nga Osmani

Nuk i mjaftoi as fama, restoranti luksoz i Salt Bae regjistron humbje milionëshe

Çmimi Nobel për Kimi iu dha tre shkencëtarëve për punën e tyre mbi kornizat metal-organike

Cristiano Ronaldo bëhet miliarderi i parë në histori të futbollit

Arsyet e fshehura të shtimit në peshë edhe kur ushqeheni shëndetshëm
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi1 month ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën