Ylli i muzikës, Dua Lipa, ka zgjeruar aktivitetin e saj edhe drejt botës së mirëqenies.

Këngëtarja shqiptare me famë ndërkombëtare ka bërë të ditur se është bashkuar si bashkëthemeluese dhe drejtoreshë kreative e një marke të re. Marka “Frame” ka si qëllim të riformësojë mënyrën se si praktikohet pilatesi, sipas Lipës.

Në një postim në Instagram, ajo ka treguar se gjithçka nisi si një përpjekje për të sjellë lëvizjen e ndërgjegjshme në jetën e përditshme, por tashmë ka evoluar në diçka më të madhe — një qasje krejtësisht të re ndaj mirëqenies.

“Po krijojmë më shumë se thjesht ushtrime për në shtëpi. Po ndërtojmë një stil jetese që përshtatet me ty, frymëzon qëndrueshmëri dhe hap hapësirë për lëvizje, pavarësisht vendit ku ndodhesh”, ka shkruar ajo. /A.Z/UBT News/

Modelja botërore Karlie Kloss dhe bashkëshorti i saj, sipërmarrësi Joshua Kushner, janë bërë prindër për herë të tretë.

Më 18 shtator, çifti mirëpriti një vajzë, që e pagëzuan Rae Florence. Ata janë prindër edhe të dy djemve: Levin, 4 vjeç, dhe Elijahu, 2 vjeç.

33 vjeçarja e bëri publike shtatzëninë në muajin mars. Tani ka ndarë me ndjekësit emocionet rreth ardhjes së re në jetë, duke falënderuar Joshua-n për mbështetjen. Ajo theksoi se partneri e ka nxitur të ruajë individualitetin të mos heqë dorë nga vetvetja edhe në rolin e nënës.

Historia e dashurisë së çiftit ka nisur në vitin 2012, ndërsa martesa e tyre është kurorëzuar shtatë vite më parë.

Joshua, i cili është vëllai i Jared Kushner, bashkëshortit të Ivanka Trump – dhe Karlie kanë treguar se lidhja e tyre është forcuar gjatë 13 viteve të përbashkëta, falë momenteve të shumta të përjetuara krah për krah. /A.Z/UBT News/

Justin Bieber do të rikthehet fuqishëm në skenë vitin e ardhshëm, duke qenë performuesi kryesor i Coachella 2026.

Ai do të ndajnë skenën me Sabrina Carpenter dhe Karol G, ndërsa festivali do të zhvillohet në Indio, California, më 10–12 prill dhe 17–19 prill.

Sipas Billboard dhe Cosmopolitan, Bieber do të fitojë plot 10 milionë dollarë për dy fundjava, duke e bërë headliner-in më të paguar ndonjëherë në historinë e Coachella-s. Për më tepër, kontrata nuk përfshin tarifë agjencie, që do të thotë se shuma i shkon drejtpërdrejt atij.

Kjo shumë kalon rekordin e mëparshëm të vendosur nga Beyoncé më 2018, e cila kishte marrë 8 milionë dollarë për performancën ikonike.

Ky rikthim në skenë vjen pas ndërprerjes së turneut “Justice World Tour” më 2022 e pas publikimit të projekteve të tij të fundit muzikore.

Burime pranë artistit e përshkruajnë këtë si një “epokë të re të pavarësisë artistike” për Bieber, duke premtuar një spektakël që do të mbetet gjatë në kujtesën e fansave. /A.Z/UBT News/

Aktorja amerikane Reese Witherspoon ka zbuluar se ka kërkuar ndihmën e një hipnotizuesi për shkak të sulmeve të forta të panikut dhe ankthit.

Në një intervistë për podkastin “Las Culturistas” me Bowen Yang dhe Matt Rogers, ylli 49-vjeçar foli për mënyrat që kishte provuar për të menaxhuar ankthin dhe për sfidat që kishte hasur.

“Kam provuar meditimin dhe ilaçet, por asnjëra nuk më ndihmonte sa duhet. Vetëm kur fillova terapinë me një hipnotizues ndjeva një përmirësim të vërtetë,” tha Witherspoon.

Aktorja shpjegoi se ankthi i saj bëhej më i fortë në situata ku duhej të performonte ose të dilte në publik.

“Më parë kisha sulme paniku të rënda, ndonjëherë sikur do të qaja pa kontroll,” shtoi ajo.

Përpjekjet e saj për të qetësuar ankthin përfshinin meditimin, por me çrregullimin e mungesës së vëmendjes që ka, ishte e vështirë të qëndronte e fokusuar gjatë seancave. Ajo gjithashtu provonte qetësues, por ndonjëherë ndjente sikur ishte “si një zombi”.

Kur ishte 34 vjeç, ajo e nisi terapinë me hipnozë dhe Programimin Neuro-Gjuhësor, i cili ndihmon njerëzit të krijojnë strategji të qarta për të menaxhuar stresin dhe për të përmirësuar mirëqenien.

“Më ndihmoi të kuptoja se mund të performoja njësoj mirë, edhe kur ndjeja ankth,” shpjegoi ajo.

Një nga ushtrimet që ajo përdor është të flasë me veten pas përfundimit të një detyre.

Ndërsa largohet nga skena, i thotë vetes: “Do të ia dalim mbanë,” duke përforcuar ndjenjën e vetëbesimit dhe qetësisë.

/A.Z/UBT News/