Kulturë

Aktori Baldwin paditet nga familja e kinematografes që e vrau aksidentalisht gjatë xhirimeve

Hutchins u qëllua për vdekje në tetor të vitit të kaluar gjatë provave për një skenë filmi në Nju Meksiko.

Published

4 years ago

February 16, 2022

Betim Gashi

Familja e kinematografes Halyna Hutchins, e cila u qëllua për vdekje në xhirimet e filmit “Rust”, ngriti padi ndaj aktorit Alec Baldwin, kompanive të produksionit, producentëve dhe anëtarëve të tjerë të ekipit.

Hutchins u qëllua për vdekje në tetor të vitit të kaluar gjatë provave për një skenë filmi në Nju Meksiko. Kurse regjisori Joel Souza u plagos.

Familja e kinematografes pretendon se Baldwin dhe të tjerët dështuan të performojnë kontrolle sigurie dhe të ndiqnin rregullat e sigurisë për armët.

Gjatë një interviste me George Stephanopoulos të ABC-së në fund të vitit të kaluar, Baldwin tha se ai dhe Hutchins po planifikonin se si ajo donte t’i poziciononte dorën përpara se ta shkrepte armën, duke thënë më pas, “Unë kurrë nuk do t’i drejtoja armën askujt dhe të tërhiqja këmbëzën”./UBTNews

Related Topics:Alec Baldwin Halyna Hutchins kinematografja

Up Next

Parlamenti francez autorizon rikthimin e veprave të artit te familjet hebreje

Don't Miss

Muzeu i Lidhjes Shqiptare të Prizrenit do të jetë i hapur dhe pa pagesë për të gjithë vizitorët më 17 shkurt

Lajmet

Mbrëmje muzikore polake në Prishtinë

Published

1 hour ago

May 6, 2026

UBT News

Në shënim të Ditës së Kushtetutës së Polonisë, më 3 maj, dhe në bashkëpunim me Konsullatën e Përgjithshme të Republikës së Kosovës në Varshavë, Filharmonia e Kosovës solli për publikun e Prishtinës Kuartetin Harkor të Filharmonisë së Krakovës.

Mbrëmja u hap nga drejtori i Filharmonisë së Kosovës, Dardan Selimaj, i cili për fjalët përshëndetëse ftoi Mateusz Prendotën, drejtor i Filharmonisë së Krakovës, dhe Drilon S. Gashin, ambasador i Republikës së Kosovës në Varshavë. Në fjalimet e tyre u theksua rëndësia e bashkëpunimit ndërmjet institucioneve kulturore dhe roli i shkëmbimeve artistike në forcimin e miqësisë mes Kosovës dhe Polonisë.

Në një atmosferë të veçantë, muzikantët Joanna Konarzewska, Zuzanna Frankiewicz, Jan Czyżewski dhe Martyna Sołtys interpretuan dy vepra të rëndësishme të repertorit polak për kuartet harkor: “Kuarteti Harkor Nr. 2, Op. 42” nga Władysław Żeleński dhe “Kuarteti Harkor Nr. 3” nga Grażyna Bacewicz.

Mbrëmja konfirmoi edhe një herë rolin e artit dhe kulturës si ura të fuqishme të bashkëpunimit ndërkombëtar, si dhe dëshmoi përkushtimin për thellimin e pranisë kulturore polake në Kosovë.

Lajmet

Vizita kulturore në El Salvador nis me institucione kyçe

Published

1 hour ago

May 6, 2026

UBT News

Në ditën e parë të qëndrimit në El Salvador, Ministria e Kulturës e këtij vendi organizoi një program vizitash në disa nga institucionet më të rëndësishme kulturore për ekipin nga Kosova.

Vizita nisi në Bibliotekën Kombëtare, ku u prezantuan hapësirat moderne, përfshirë laboratorë të avancuar për printim 3D, robotikë dhe teknologji të tjera në shërbim të publikut dhe edukimit.

Më pas, u zhvillua një vizitë në Pallatin Kombëtar, ku u ofrua një pasqyrë mbi historinë dhe trashëgiminë institucionale të vendit.

Programi vijoi në Teatro Nacional de El Salvador, ku Baleti Kombëtar i Kosovës do të performojë më 8, 9 dhe 10 maj në gala mbrëmje të përbashkëta me Baletin Kombëtar të El Salvadorit.

Në përfundim, u shpreh mirënjohje për Ministrinë e Kulturës së El Salvadorit për mikpritjen, organizimin dhe përkushtimin në prezantimin e këtyre vlerave kulturore.

Lajmet

Gala e përbashkët Kosovë – El Salvador në skenën ndërkombëtare

Published

1 hour ago

May 6, 2026

UBT News

Baleti Kombëtar i Kosovës, në bashkëpunim me Baletin Kombëtar të El Salvadorit, do të prezantojë tri mbrëmje gala të përbashkëta më 8, 9 dhe 10 maj në Teatro Nacional de El Salvador, në San Salvador.

Gjatë këtyre netëve artistike, Baleti Kombëtar i Kosovës do të interpretojë veprën “Carmina Burana”, me koreografi të Toni Candeloros, ndërsa Baleti Kombëtar i El Salvadorit do të sjellë “The Invisible Trace”, me koreografi nga Pepe Hevia.

Kjo ngjarje realizohet me mbështetjen e Ministrisë së Kulturës dhe Turizmit të Kosovës, Ambasadës së Kosovës në Panama, ambasadores Heroina Telaku, si dhe Ministrisë së Kulturës së El Salvadorit dhe Baletit Kombëtar të këtij shteti.

Ky bashkëpunim shënon një moment të rëndësishëm në skenën ndërkombëtare artistike, duke forcuar lidhjet kulturore mes dy vendeve dhe duke afirmuar praninë e Baletit Kombëtar të Kosovës në arenën globale.