Shëndeti

Aktiviteti fizik shpëton jetë

Mbi 110.000 jetë do të shpëtonin nëse të rriturit do bënin 10 minuta më shumë aktivitet fizik.

Published

3 years ago

January 28, 2022

Betim Gashi

Më shumë se 110.000 vdekje në SHBA mund të parandalohen çdo vit nëse të rriturit mbi 40 vjeç shtojnë 10 minuta aktivitet fizik të moderuar deri në energjik në rutinën e tyre të zakonshme, sipas një studimi të botuar këtë javë në Journal of the American Medical Association.

Një rritje prej 20 deri në 30 minuta mund të çojë në shpëtimin e jetëve edhe më shumë, sipas studimit, raporton CNN.

“Ne e dimë se stërvitja është e mirë për ne. Ky studim ofron dëshmi shtesë të përfitimeve në nivel popullsie: nëse të gjithë të rriturit mbi 40-vjeç do të ushtronin vetëm pak më shumë çdo ditë, një numër i madh vdekjesh mund të parandaloheshin çdo vit”, tha Pedro Saint-Maurice, autori kryesor dhe epidemiologu i studimit pranë Institutit Kombëtar të Kancerit.

Studimi përdori të dhëna përshpejtuese nga Anketa Kombëtare e Shëndetit dhe Ushqimit të pjesëmarrësve të moshës mbi 6-vjeç midis 2003 dhe 2006. Studiuesit më pas shikuan nivelet e aktivitetit të gati 5.000 pjesëmarrësve të moshës 40 deri në 85-vjeç dhe gjurmuan shkallët e vdekshmërisë deri në fund të vitit 2015.

Metoda e përdorur për të kryer studimin ishte rigoroze, tha Peter Katzmarzyk, profesor i obezitetit pediatrik dhe ndihmës drejtor ekzekutiv i shkencës së popullsisë dhe shëndetit publik në Qendrën e Universitetit Shtetëror të Penningtonit për Kërkime Biomjekësore në Luiziana.

“Megjithëse numri i vdekjeve të parandaluara është një vlerësim, është “qasja e duhur pasi do të ishte pothuajse e pamundur të kryhet një studim i vërtetë mbi njerëzit për të manipuluar nivelet e aktivitetit njerëzor dhe për të parë rezultatet afatgjata si vdekja,” tha Katzmarzyk, i cili nuk ishte përfshirë në studim.

“Ne kemi raportuar më parë se edhe pak stërvitje mund të çojë në përfitime shëndetësore”, tha Saint-Maurice, duke shtuar se “ky studim nuk fokusohet në përfitimet për individët, por në nivelin e popullsisë”. Ai gjithashtu vuri në dukje se shteti mund të bëhet më i shëndetshëm duke i inkurajuar njerëzit të kryejnë 10 minuta aktivitet shtesë çdo ditë ose më shumë.

Shëndeti

Ushqimet më të mira kundër fryrjes së stomakut

Published

2 days ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

2 days ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!