Kronikë e zezë

Aksioni i Policisë, sekustrohen 56 kg drogë dhe arrestohen pesë persona

Katër personave u është caktuar masa e ndalimit, ndërsa i dyshuari i fundit vazhdon në procedurë të rregullt.

Published

4 years ago

April 20, 2022

Betim Gashi

Policia e Kosovës ka arrestuar pesë pesona dhe ka konfiskuar 56 kg marihuanë në një operacion që u zhvillua në orët e hershme të mëngjesit në rajonin e Mitrovicës së Jugut dhe në Fushë Kosovë.

Policia njofton se fillimisht në lagjen Uglar të Fushë Kosovës është identifikuar i dyshuari (transportieri) i parë (S.B,) i cili drejtonte një veturë të tipit Mercedes, me të cilën transportonte substancën narkotike të fshehur në bunkerin e modifikuar të veturës. Më pastaj përmes Pikës Kufitare Vërmicë ka hyrë edhe i dyshuari i dytë (B.R,) me veturën e tij po ashtu të tipit Mercedes, i cili ka vazhduar në drejtim të Mitrovicës Jugu ku e priste personi i tretë (N.M,), me të cilin kanë vazhduar në shtëpinë/garazhin e të dyshuarit e cila gjendej në fshatin Vaganicë.

“Bazuar në planet taktike të hetuesve policorë të DHTN-se dhe njësiteve policore, të njejtit kanë reaguar duke i arrestuar të dyshuarit në flagrancë, ku gjatë kontrollit të automjetit të dytë dhe të tretit i cili gjendej në garazh, janë zbuluar po ashtu bunker të modifikuar.

Si vazhdimësi e kontrollit dhe bastisjes së automjeteve (të tria të tipit mercedes), dy prej tyre me targa të Shqipërisë, një me targa vendore si dhe bastisjes së shtëpisë, janë arrestuar edhe personi i katërt dhe i pestë, të dy me inicialet (A.M)”, njofton PK-ja.

Në cilësi të provave materiale janë konfiskuar dëshmitë si në vijim:

-(56 kg 81 gr) substancë e dyshuar narkotike e llojit Marihuanë,

-(3) vetura të tipit Mercedes (dy me targa te Shqipërisë një me targa vendore, që të tria me bunker të modifikuar në të njëjtën mënyrë),

-(7) telefona celular,

-(10507) euro (dhjetëmijë e pesëqind e shtate euro) si dhe disa monedha lek të Shqipërisë dhe denarë te Serbisë.

Me vendim mbi ndalimin e personave, katër të dyshuarve u është caktuar masa e ndalimit mbi dyshimin e bazuar për përfshirje në veprën penale “Blerja, posedimi shitja e paautorizuar e substancave narkotike psikotropike dhe analoge”, ndërsa i dyshuari i fundit vazhdon në procedurë të rregullt./UBTNews/

Related Topics:arrestim Policia e Kosoves

Up Next

Dënohet me 5 mijë euro zyrtari i Komunës së Kllokotit

Don't Miss

Lufta kundër narkotikëve, policia po zhvillon një operacion në Mitrovicë

Kronikë e zezë

Arrestim për kanosje në Ferizaj

Published

20 hours ago

February 23, 2026

UBTNews

Një person është arrestuar në Ferizaj, pasi dyshohet se ka kanosur dy persona pas një mosmarrëveshjeje.

Sipas Raportit një ditor të Policisë, i dyshuari, ka tentuar të sulmojë një burrë dhe një grua. Gjatë ndërhyrjes, nga i dyshuari është sekuestruar një thikë.

Me vendim të prokurorit kujdestar, i dyshuari është ndaluar dhe është dërguar në qendrën e mbajtjes.

Rasti po hetohet nga organet kompetente.

Kronikë e zezë

Aksident trafiku me fatalitet në Fushë Kosovë

Published

20 hours ago

February 23, 2026

UBTNews

Një person ka humbur jetën si pasojë e një aksidenti trafiku në Fushë Kosovë, sipas Raportit 24 orësh të Policisë së Kosovës.

Sipas Policisë, një burrë, derisa po drejtonte një automjet me targa vendore, dyshohet se nga pakujdesia ka goditur një këmbësor, po ashtu burrë.

Në vendin e ngjarjes kanë dalë njësitë përkatëse policore dhe ekipi mjekësor, i cili ka konfirmuar vdekjen e viktimës.

Me vendim të prokurorit, i dyshuari është arrestuar dhe është dërguar në mbajtje, ndërsa trupi i pajetë i viktimës është dërguar në Institutin e Mjekësisë Ligjore për obduksion.

Rasti është duke u hetuar.

Kronikë e zezë

Hetim mbi dy vdekje në Prishtinë dhe Fushë Kosovë

Published

20 hours ago

February 23, 2026

UBTNews

Dy raste të vdekjeve janë raportuar në rajonin e Prishtinës, ndërsa autoritetet kanë nisur hetimet për sqarimin e rrethanave, sipas Raportit 24 orësh të Policisë së Kosovës.

Në Prishtinë, një burrë është gjetur pa shenja jete. Polica ka dalë menjëherë në vendin e ngjarjes, ndërsa me urdhër të prokurorit trupi i pajetë është dërguar në Institutin e Mjekësisë Ligjore për obduksion.

Një rast tjetër është regjistruar edhe në Fushë Kosovë, ku një burrë është gjetur i shtrirë. Në vendin e ngjarjes kanë intervenuar policia dhe ekipi mjekësor, i cili ka konstatuar vdekjen. Edhe në këtë rast, me urdhër të prokurorit, trupi është dërguar për obduksion.

Të dy rastet janë duke u trajtuar në procedurë hetimore.

Kronikë e zezë

Arrestohen dy të dyshuar për fajde në Prizren

Published

4 days ago

February 20, 2026

UBTNews

Dy burra janë arrestuar në Prizren, nën dyshimin se kanë kryer veprën penale të fajdesë, duke e detyruar viktimën të paguajë kamatë mujore prej 100%.

Sipas Policisë së Kosovës, pas arrestimit dhe intervistimit, me vendim të prokurorit, të dyshuarit janë dërguar në mbajtje, ndërsa rasti po hetohet nga autoritetet kompetente.