Lajmet

AKB-ja kundër masave të reja anti-covid: Humbjet e bizneseve nuk do të mbulohen asnjëherë

Published

5 years ago

on

Aleanca Kosovare e Bizneseve po i konsideron masat e reja të Qeverisë për parandalimin e përhapjes së Coronavirusit, si jo racionale dhe të dëmshme për ekonominë e Kosovës.

I pari i AKB-së, Agim Shahini, në një intervistë për Ekonomia Online tha se masat e reja anti-Covid të cilat do të zgjasin nga 7 deri më 18 prill, do të shkaktojnë humbje të mëdha te operatorët e ndryshëm ekonomikë.

Shahini ka shtuar se vendi po shkon në një mbyllje ku humbjet e bizneseve nuk do të mbulohen asnjëherë, që siç thotë ai në vitin 2021 ekzistonte shpresa për një përmirësim të gjendjes ekonomike.

“Aleanca Kosovare e Biznesit vlerëson se qeveria e vendit duhet të kujdeset qoftë për shëndetin publik ashtu edhe për mirëqenien sociale dhe ekonomike, prandaj në kuadër të saj sot ajo do të tenton që të merr një vendim që do të kufizon lëvizjet dhe punën e disa sektorëve gjë që kjo do të dëmton rëndë ekonominë edhe ashtu të dëmtuar, të ngarkuar me humbje të një pas njëshme qoftë nga Covidi, apo edhe nga mos mbështetja e institucioneve shtetërore të Kosovës dhe mbyllja e paralajmëruar prej 12 ditë ne si AKB e vlerësojmë një mbyllje jo racionale, një mbyllje të pa analizuar ekonomikisht mirë dhe të pa mbuluar humbjet të cilat do ti kenë operatorët e ndryshëm ekonomik e që janë të lidhur me ta. Në shumë vende është bërë kufizimi dhe mbylljet por kanë pasur shumë arsye dhe shumë mbështetje nga institucionet shtetërore, sektorët dhe operatorët ekonomik të ndryshëm. Ne po shkojmë me një mbyllje që nuk ishte dashtë të merret një vendim i tillë për arsye se humbjet e bizneseve nuk do të mbulohen asnjëherë dhe kjo do të krijonte një humbje edhe pse fillojë ky vit me një shpresë të përmirësimit të gjendjes ekonomike”.

Derisa masat tashmë kanë hyrë në fuqi, Shahini thotë se i propozojnë qeverisë që duhet të rriten masat parandaluese siç janë maskat, distancat dhe higjiena nëpër lokale, por jo mbyllje pasi që dëmet në ekonomi do të jenë prezentë edhe në vitin e ardhshëm.

Sipas, kreut të AKB-së, masat e reja prej 12 ditësh do të rrezikojnë buxhetin e vendit, të hyrat dhe vetë qytetarët.

“Ne do t’i propozonim Qeverisë së vendit që t’i rrit masat parandaluese duke mbajtur distancën, maskat duke ngrit format e higjienës nëpër të gjitha lokalet, duke ngritur inspektimin por jo mbylljen sepse e kemi parë që ka bërë dëm të madh në ekonomi dhe nga ai dëme është bërë vitin e kaluar ka pasoja edhe sot dhe vitin e ardhshëm, dhe kur të mbyllsh duhet ta kompensosh, dhe kompensimi nuk është vetëm paga është edhe rritja edhe vlera e shtuar e punës, angazhimi”, ka shtuar Shahini.

“…kjo do të dëmtojë më shumë ekonominë, do të rrezikojë buxhetin e vendit, do të rrezikojë të hyrat por edhe  vetë bizneset për arsye se këta sektorë që do të mbyllen kanë një të hyrë të madhe edhe për buxhetin edhe për vetën dhe qytetarët”.

E kompensimi i qirave nga Qeveria e vendit, sipas Shahinit nuk është i mjaftueshëm, që siç thotë ai masat nuk janë të duhura në këtë kohë.

“Nuk është e mjaftueshme qiraja, janë edhe punëtorët si dhe qarkullimi parasë nga mos qarkullimi i parasë do të kenë humbje edhe bankat, prandaj asnjëherë nuk mund të kompensohen. Nuk është në proporcion me masat që do të duhej të merren në këtë kohë”.

Shahini mbylljen po e sheh si opsionin më të lehtë dhe mungesë të strategjisë ekonomike nga ana e ekzekutivit.

“Mbyllja është më e lehta dhe në mungesë të strategjisë për të punuar me Covid duke furnizuar qytetarët me vaksina duke rrit masat, duke rrit kontrollin më e lehta është që të merret vendim dhe të mbyllet. Por kjo është më e vështira dhe do të ketë humbje të madhe për ekonominë dhe kjo mbyllje është pa strategji ekonomike dhe pa vizion se si do të dilet nga kjo për arsye se gjatë kohës së fushatës ka pas një hapje liberale”.

Qeveria e Kosovës miratoi të hënën masa të reja për parandalimin e përhapjes së Coronavirusit. Këto masa, për dy javët e ardhshme ndalojnë qarkullimin e qytetarëve nga ora 22:00 deri në 05:00, përveç në raste urgjente. Shërbimet e gastronomisë obligohen të pezullojnë aktivitetin e tyre nga data 7 prill deri me datë 18 prill.

Shërbimet e gastronomisë lejohen të punojnë vetëm me shërbimet “merr me vete”, “dërgesë me porosi” apo marrjes së porosive pa u larguar nga makinat. Sipas vendimit të Qeverisë së Kosovës, ndalohet veprimtaria e qendrave të mbyllura tregtare, përveç shërbimeve esenciale në kuadër të tyre, siç janë dyqanet ushqimore dhe farmacitë, nga data 7 prill deri më datë 18 prill.

Related Topics:
Continue Reading

lajme

UBT nesër organizon bashkëbisedim me Ministrin Ejup Maqedonci për mundësitë e angazhimit të studentëve në industrinë e mbrojtjes

Published

4 hours ago

on

June 22, 2026

By

UBT do të organizojë më 23 qershor 2026, nga ora 14:00, në Parkun Shkencor, Inovativ dhe Teknologjik, në Lipjan, (Biblioteka), një bashkëbisedim me Ministrin e Mbrojtjes së Republikës së Kosovës, Ejup Maqedonci, lidhur me mundësitë e angazhimit profesional të studentëve në fabrikën e parë të municionit në Kosovë.

Ky takim synon të informojë studentët dhe të rinjtë për projektin strategjik të industrisë së mbrojtjes, i cili pritet të fillojë prodhimin gjatë këtij viti dhe që konsiderohet një hap i rëndësishëm në ngritjen e kapaciteteve prodhuese dhe teknologjike të vendit.

Gjatë aktivitetit, Ministri Maqedonci do të prezantojë mundësitë konkrete të angazhimit profesional për studentët dhe të diplomuarit në fusha të ndryshme teknike dhe inxhinierike, duke përfshirë inxhinierinë mekanike, elektroteknike/elektrike, metalurgjike, kimike, hidraulike, si dhe profile të tjera të ngjashme.

Pjesëmarrësit do të kenë mundësinë të diskutojnë nga afër për rëndësinë e zhvillimit të industrisë së mbrojtjes në Kosovë, rolin e të rinjve në këtë proces, si dhe perspektivat për zhvillim profesional dhe avancim teknologjik në kuadër të këtij projekti.

UBT vazhdon të krijojë ura bashkëpunimi ndërmjet institucioneve, industrisë dhe studentëve, duke ofruar mundësi konkrete për zhvillim profesional dhe përfshirje në projekte me rëndësi strategjike për vendin.

Continue Reading

Vendi

Rektori Edmond Hajrizi priti në takim Alaa Garad, nga Stirling Centre në Mbretërinë e Bashkuar

Published

4 hours ago

on

June 22, 2026

By

UBT mirëpriti në Parkun Shkencor, Inovativ dhe Teknologjik një delegacion nga Stirling Centre for Strategic Learning and Innovation, nga Mbretëria e Bashkuar, të kryesuar nga Alaa Garad – Kryetar i Bordit Këshillëdhënës.

Delegacioni u prit nga Rektori i UBT-së, Prof. Dr. Edmond Hajrizi, me ç’rast u diskutua për mundësitë e bashkëpunimit në fushën e zhvillimit profesional, ngritjes së kapaciteteve institucionale dhe shkëmbimit të praktikave të mira në sigurimin e cilësisë.

Palët theksuan rëndësinë e partneriteteve ndërkombëtare dhe zhvillimit të iniciativave të përbashkëta që kontribuojnë në avancimin akademik dhe institucional.

Continue Reading

lajme

Rektori Hajrizi priti në takim delegacionin e Institutit Yunus Emre në Kosovë

Published

4 hours ago

on

June 22, 2026

By

Rektori i UBT-së, Prof. Dr. Edmond Hajrizi, mirëpriti në takim një delegacion nga Instituti Yunus Emre në Kosovë, të kryesuar nga drejtori Ramazan Yılmaz.

Në këtë takim u diskutua për mundësitë e bashkëpunimit ndërmjet UBT-së dhe Institutit Yunus Emre në fushën e gjuhës, kulturës dhe arsimit, me fokus të veçantë në gjuhën turke, zhvillimin e aktiviteteve të përbashkëta akademike dhe kulturore, si dhe krijimin e mundësive të reja për studentët dhe stafin akademik.

Gjatë takimit, u theksua roli i Institutit të Gjuhëve të Huaja në UBT, i cili synon të zgjerojë gamën e trajnimeve dhe certifikimeve profesionale në gjuhë të ndryshme për studentët dhe qytetarët e Kosovës. Në këtë drejtim, bashkëpunimi me Institutin Yunus Emre pritet të kontribuojë në avancimin e ofertës për mësimin dhe certifikimin e gjuhës turke.

Palët shqyrtuan mundësinë e organizimit të kurseve të gjuhës turke, punëtorive tematike, ligjëratave të hapura dhe aktiviteteve kulturore, të cilat do t’u mundësonin studentëve të njihen më nga afër me gjuhën, traditën dhe kulturën turke.

Ky bashkëpunim synon të kontribuojë në pasurimin e ofertës akademike dhe ndërkombëtare të UBT-së, duke krijuar ura të reja komunikimi dhe bashkëpunimi me institucione partnere nga Turqia.

Continue Reading

Lajmet

PZAP refuzon ankesat për rinumërim, KQZ pret afatin për ankim në Gjykatën Supreme

Published

9 hours ago

on

June 22, 2026

By

Komisioni Qendror i Zgjedhjeve (KQZ) ka bërë të ditur se do të presë përfundimin e të gjitha procedurave ankimore para shpalljes së rezultateve përfundimtare të zgjedhjeve të parakohshme për Kuvendin e Kosovës.

Kjo vjen pasi Paneli Zgjedhor për Ankesa dhe Parashtresa (PZAP) ka refuzuar ankesat e paraqitura nga kandidatët për deputetë, Bekim Haxhiu nga PDK-ja dhe Qëndrim Kryeziu nga LDK-ja, të cilët kishin kërkuar rinumërim të votave.

Sipas vendimit të PZAP-it, ankesat janë vlerësuar si të pabazuara dhe nuk është urdhëruar rinumërim shtesë.

Zëdhënësi i KQZ-së, Valmir Elezi, ka konfirmuar se institucioni është njoftuar me vendimet, por ka theksuar se palët kanë të drejtë ankese në Gjykatën Supreme brenda afatit ligjor prej 48 orësh.

Sipas KQZ-së, vetëm pas plotfuqishmërisë së vendimeve do të vlerësohet nëse ekzistojnë obligime konkrete për zbatim nga ana e institucionit. Nëse nuk do të ketë vendime të tjera që ndikojnë në proces, atëherë KQZ do të procedojë me shpalljen e rezultateve përfundimtare të zgjedhjeve.

Kujtojmë se Bekim Haxhiu kishte kërkuar rinumërim të plotë të votave të kandidatëve të PDK-së, duke argumentuar se gjatë rinumërimeve të deritanishme janë evidentuar mospërputhje në numërim dhe se diferencat e ngushta mes kandidatëve mund të ndikojnë në renditjen përfundimtare. Megjithatë, PZAP nuk e ka mbështetur këtë kërkesë. /A.K/

 

Continue Reading

Të kërkuara