Lajmet

Akademia Verore e Shkencave Politike dhe Studimeve të Sigurisë në UBT trajtoi sfidat e migrimit dhe integrimit përmes rrëfimeve reale

Published

3 months ago

on

Në kuadër të Global UBT Fest 2026, Fakulteti i Shkencave Politike dhe i Studimeve të Sigurisë në UBT organizoi një sesion të Akademisë Verore kushtuar migrimit, integrimit dhe rëndësisë së dialogut ndërkulturor, duke sjellë pranë studentëve përvoja reale të personave me histori migrimi.

Në këtë aktivitet morën pjesë përfaqësues të Jesuit Refugee Service (JRS) Kosovo, organizatë e përkushtuar për mbështetjen e refugjatëve dhe personave në lëvizje, së bashku me mysafirë nga Siria dhe Ukraina, të cilët ndanë me studentët rrugëtimin e tyre të migrimit, sfidat me të cilat janë përballur, si dhe përvojën e jetës dhe të integrimit në Kosovë.

Përmes rrëfimeve personale dhe diskutimeve interaktive, studentët patën mundësinë të kuptojnë më nga afër dimensionin njerëzor të migrimit, rëndësinë e solidaritetit dhe përfshirjes sociale, si dhe sfidat që shoqërojnë procesin e integrimit të personave me përvojë migrimi.

Ky sesion shërbeu si një platformë e rëndësishme për dialog, shkëmbim përvojash dhe reflektim mbi çështje që lidhen me sigurinë njerëzore, migrimin dhe bashkëjetesën, duke nxitur studentët të zhvillojnë një qasje më gjithëpërfshirëse dhe të bazuar në mirëkuptim ndaj fenomeneve bashkëkohore të migrimit.

Related Topics:
Continue Reading

Lajmet

Theret me thikë një person në Gjakovë, arrestohen tre të dyshuar

Published

53 minutes ago

on

November 10, 2026

By

Një person ka mbetur i lënduar pasi dyshohet se është therur me thikë në rrugën “UÇK” në Gjakovë.

Rasti ka ndodhur më 9 nëntor, rreth orës 08:00. Viktima është dërguar për trajtim mjekësor në Qendrën Klinike Universitare të Kosovës (QKUK), ndërsa sipas mjekëve ndodhet jashtë rrezikut për jetë.

Pas hetimeve, Policia ka arrestuar tre persona të dyshuar, të cilët pas intervistimit, me vendim të prokurorit, janë dërguar në mbajtje.

Rasti është iniciuar si “Vrasje në tentativë”./A.K/

Continue Reading

Lajmet

I mituri raporton se vëllai tentoi ta sulmonte me thikë dhe sopatë në Graçanicë

Published

56 minutes ago

on

November 10, 2026

By

Një i mitur në Graçanicë ka raportuar në Polici se vëllai i tij, pas një mosmarrëveshjeje në shtëpi, kishte tentuar ta sulmonte me thikë dhe sopatë.

Sipas raportit policor, rasti ka ndodhur më 9 nëntor, rreth orës 09:00. I dyshuari është larguar nga shtëpia pasi ka kuptuar se Policia ishte njoftuar dhe ende nuk është lokalizuar.

Për rastin është njoftuar prokurori, ndërsa hetimet janë duke vazhduar./A.K/

Continue Reading

Lajmet

Sekuestrohen mbi 8 gramë marihuanë në një banesë në Prishtinë

Published

59 minutes ago

on

November 10, 2026

By

Policia e Kosovës ka sekuestruar rreth 8.31 gramë substancë të dyshuar narkotike të llojit marihuanë në një banesë në rrugën “Hakif Zejnullahu” në Prishtinë.

Sipas raportit policor, substanca është gjetur më 9 nëntor, gjatë trajtimit të një rasti të dhunës në familje, në banesën e një të dyshuareje.

E dyshuara është shoqëruar në stacionin policor dhe, pas intervistimit, me vendim të prokurorit është liruar në procedurë të rregullt./A.K/

Continue Reading

Lajmet

Sekuestrohet në Prishtinë vetura e kërkuar nga Interpoli, kap vlerën e 20 mijë eurove

Published

1 hour ago

on

November 10, 2026

By

Policia e Kosovës ka sekuestruar një veturë në Prishtinë, e cila ishte në kërkim ndërkombëtar nga Interpoli në Spanjë.

Sipas raportit policor, vetura është lokalizuar dhe sekuestruar më 9 nëntor, pas hetimeve të zhvilluara lidhur me një rast të mashtrimit.

Vlera e veturës së sekuestruar llogaritet të jetë rreth 20 mijë euro. Për rastin është njoftuar prokurori./A.K/

Continue Reading

Të kërkuara