 
									 
																		
Kulturë
“Ajo krijoi një përbindësh” – Drew Barrymore ndan kujtime me Demi Lovaton për nënën e saj
Published
4 years agoon
By
Betim GashiEdhe pse ato u rritën në Hollywood dhe dekada larg, Demi Lovato dhe Drew Barrymore kanë gjetur shumë të përbashkëta si yje që kur ishin fëmijë. Në podcastin e ri 4D Me Demi Lovato, ato folën për varësinë, duke qenë të institucionalizuar dhe ndërkohë duke treguar fotografi kur ishin fëmijë.
Ashtu si Lovato, Barrymore kishte ‘luftën’ e saj për varësinë nga droga dhe alkooli. Ajo për herë të parë u kthye esëll në moshën 13 vjeç kur nëna e saj e institucionalizoi.
“Ajo nuk dinte çfarë të bënte me mua,” tha Barrymore për nënën e saj, e cila e merrte atë në klube të natës në vitet ’80. “Ajo krijoi një përbindësh. E mbyllur në Spitalin Psikiatrik Van Nuys për 18 muaj, unë isha aq e mërzitur që ma morën lirinë. Thjesht mendova se do të më ndjekte gjithë jetën.”
Barrymore tha që të qenit e institucionalizuar nuk ishte asgjë si objektet e rehabilitimit që njerëzit shohin reklama natën vonë.
“As unë!” Lovato tha pasi Barrymore tha se nuk dëshiron kurrë të jetojë përsëri në institucionet e rehabilitimit. “Së pari, ti ishe në Van Nuys. Unë isha në San Bernardino,” duke iu referuar një institucioni psikiatrik në qytetin afër.
Barrymore tha se ajo që mësoi është se shërimi nga kjo “merr shumë kohë”. Ndërsa historia e saj ishte shumë publike në atë kohë, ajo ndjeu ndjeshmëri për Lovaton në epokën e mediave sociale ku varësia dhe mbidozimi i saj ndodhi në kohë reale.
Barrymore gjithashtu foli rreth daljes nga institucioni, emancipimit dhe zhvendosjes në banesën e saj, në moshën 14 vjeçare. Ajo pranoi që gjërat ishin shumë “të çrregullta” në fillim, ku kishte “krizë në mes të jetës” opr që ajo ngadalë ndërtoi jetën dhe karrierën e saj.
Ata gjithashtu folën për mbështetjen e prindërve të tyre si fëmijë të famshëm dhe sa e komplikuar ishte dinamika prind-fëmijë.
“Kur ata provonin të më blinin diçka në moshën 17 vjeçare, unë thoja, “Unë i paguaj faturat” theksoi Lovato. “Tani po përpëlitem kur mendoj për qëndrimin. Por kur bota të vë në piedestal, ti mendon se nuk mund të bësh keq”.
Barrymore foli për të dhe nënën e saj duke thënë se ato janë pajtuar tani, vite pasi ishin mjaft të larguara nga njëra-tjetra.
Megjithëse shumë sfida, Barrymore tha se ajo në fund të fundit nuk do të ndryshonte asgjë, madje as të këqijat. “Thjesht nuk do të ndryshoja asgjë”, tha nëna e dy fëmijëve. “Nëse gjithçka nuk do të kishte ndodhur ashtu siç ishte – dhe ju do të hiqnit një gjë nga loja e Jenga – ndoshta nuk do të dilnit nga ana tjetër”./UBTNews
Lifestyle
Sekretet e mëngjesit që dallojnë njerëzit inteligjentë nga të tjerët
Published
2 hours agoon
October 31, 2025By
UBT News 
														Njerëzit vërtet inteligjentë përdorin fillimin e çdo dite për të rritur produktivitetin e tyre.
1. Zgjohen para agimit
Njerëzit inteligjentë e kanë të thjeshtë zgjimin para agimit. Ata dalin nga shtrati e kanë qëllime për ditën që duan t’i përmbushin para mesditës. Njerëzit normalë shpesh e urrejnë zgjimin e hershëm.
2. Nuk shtypin kurrë butonin “snooze”
Shumë prej nesh vendosin të zgjohen herët, por sapo alarmi tingëllon, shtypim snooze. Njerëzit inteligjentë e dinë rëndësinë e daljes nga shtrati me alarmin e parë. Të shtypësh snooze mund të të lodhë më shumë dhe të shqetësojë orën e brendshme të trupit, duke sjellë probleme gjumi dhe shëndeti. Prandaj, rezistojini tundimit dhe dilni nga shtrati menjëherë.
3. Pijnë ujë
Njerëzit inteligjentë e dinë se duhet të hidratojnë trupin fillimisht. Uji në mëngjes përfiton metabolizmin, zvogëlon oreksin dhe e mban trupin të hidratuar gjatë gjithë ditës. Mos e nis me kafe mëngjesin.
4. Prioriteti i mëngjesit të shëndetshëm
Edhe pse koha është e ngarkuar, njerëzit inteligjentë e dinë rëndësinë e një mëngjesi të mirë. Nëse nuk kanë kohë në mëngjes, përgatitin ushqimin natën.
5. Nuk bëjnë scroll në telefon
Kontrolli i telefonit sapo zgjohemi është zakon. Ata e shmangin këtë, sidomos “doomscrolling”-un, sepse ai shkakton lodhje mendore dhe rrit ankthin.
6. Bëjnë ushtrime herët
Nga vrapi i gjatë deri te yoga, njerëzit inteligjentë e dinë që aktiviteti fizik në mëngjes është kyç.
7. Lexojnë
Leximi në mëngjes, veçanërisht jo fantazi, aktivizon mendjen dhe e përgatit për ditën. Njerëzit inteligjentë lexojnë 10-15 faqe çdo mëngjes, duke filluar ditën me mendje aktive, para se sfidat e punës të bëhen të vështira.
8. Shkruajnë në ditar
Metoda 3-5 faqe pas zgjimit, për të liruar mendjen. Njerëzit inteligjentë e përdorin këtë për të filluar ditën me mendje të qartë. Njerëzit normalë nuk mund ta imagjinojnë të shkruajnë kaq shumë faqe sapo të zgjohen.
9. Qëndrojnë larg inbox-it
Njerëzit inteligjentë nuk kontrollojnë email-in sapo zgjohen, sepse e dinë që dita e tyre do jetë e ngarkuar me e-mail-e. Ata zgjedhin kohën për veten e tyre para se të përfshihen në punë.
10. Praktikojnë vetëvlerësime ditore
Të flasësh me vete pozitivisht mund të duket qesharake për disa, por njerëzit inteligjentë e dinë se afirmimet e përditshme rrisin vetëbesimin, përgatitjen për ditën dhe zvogëlojnë stresin.
11. Bëjnë dush të ftohtë
Pak gjëra duken më të rënda se të dalësh nga shtrati i ngrohtë për një dush të ftohtë. Por përfitimet janë të mëdha: përshpejton metabolizmin, qarkullimin e gjakut, ul simptomat e depresionit dhe ankthit, dhe përmirëson energjinë. /A.Z/UBT News/
Kulturë
Kur arti bëhet shpresë: “La vita è bella” e përjetshme e Roberto Benignit
Published
3 hours agoon
October 31, 2025By
UBT News 
														Në ditëlindjen e Roberto Benignit, kinematografia botërore e kujton me dashuri dhe admirim njërën nga figurat më të ndritura të artit italian – aktorin, regjisorin dhe skenaristin që i dhuroi njerëzimit një nga veprat më të paharrueshme të historisë së filmit: “La vita è bella” (Jeta është e bukur).
Ky film, i realizuar në vitin 1997, mbetet një kryevepër që tejkalon kufijtë e kinemasë. Në të, Benigni arrin të ndërthurë me mjeshtëri humorin e pastër italian me tragjedinë e thellë të Holokaustit, duke e kthyer dhimbjen në poezi dhe shpresën në një akt të fuqishëm rezistence.
Historia e Guido-s – një burrë i thjeshtë që përdor imagjinatën për ta mbrojtur djalin e tij nga tmerret e kampit të përqendrimit, mbetet dëshmi e jashtëzakonshme e forcës së dashurisë dhe optimizmit njerëzor, edhe përballë së keqes më ekstreme.

Ajo që e bën “Jeta është e bukur” kaq të paharrueshme është aftësia unike e Benignit për ta kthyer tragjedinë në një himn për jetën.
Ai na mëson se humori nuk e mohon dhimbjen, por e zbut atë; se bukuria nuk shuhet në errësirë, përkundrazi, ndriçon kur shpresa duket më e brishtë.
Filmi u shpërblye me tre çmime “Oscar”, për aktorin më të mirë, filmin më të mirë në gjuhë të huaj dhe muzikën origjinale duke e vendosur Benignin në panteonin e legjendave të kinemasë botërore.
Por më shumë se çdo trofe, është ndikimi i filmit që vazhdon të jetojë: brez pas brezi e rizbulon si një kujtesë të përjetshme se dashuria dhe imagjinata janë armët më të forta të njeriut ndaj së keqes.
Në këtë ditë të veçantë, bota e kujton Roberto Benignin jo vetëm si një artist të madh, por edhe si një njeri që na dhuroi një mesazh të pavdekshëm: pavarësisht gjithçkaje, jeta është e bukur. /A.Z/UBT News/
Kulturë
Subvencionet e QKK-së: Tre filma artistikë që do t’i mbushin kinematë në 2025
Published
21 hours agoon
October 30, 2025By
UBT News 
														Tre filmat “Lost Frames”, “Adet” dhe “Lumi” janë shpallur fitues në kategorinë Filmi i metrazhit të gjatë artistik në konkursin vjetor të Qendrës Kinematografike të Kosovës (QKK) për subvencionimin e projekteve filmike për vitin 2025.
“Lost Frames”, me producent Valon Bajgora dhe regjisor e skenarist Samir Karahoda, ka marrë mbështetjen më të lartë financiare, në vlerë 303,000 euro.
Filmi “Adet”, i prodhuar nga N.SH. CMB, me producent Shkumbin Istrefi, regjisor Mentor Shala e skenariste Lyra Xhoci, u subvencionua me 280,000 euro.
Filmi i tretë fitues, “Lumi”, i prodhuar nga ASHA SH.P.K., me producent Alban Zogiani dhe regjisor e skenarist Edon Rizvanolli, ka përfituar 230,000 euro.
Këto projekte u përzgjodhën pas konkursit publik të QKK-së, të hapur më 22 maj 2025, ku u dorëzuan 126 aplikime në 11 kategori të ndryshme filmike.
Pas procesit të vlerësimit profesional, Komisioni financiar i QKK-së miratoi mbështetjen për gjithsej 48 projekte filmike.
Juria ndërkombëtare e përzgjedhjes ishte e përbërë nga: Gentian Koçi, Hassan Oswald, Roshanak Behesht Nedjad, Soňa Morgenthalová, Visar Morina, Dea Gjinovci, Eneos Çarka, Iber Deari, Sevdije Kastrati dhe Shpëtim Selmani.
Ndërsa Komisioni financiar, në përbërje të Ilir Gjocaj, Fitim Shala dhe Virgjina Peja, ka aprovuar përfundimisht listën e projekteve që do të subvencionohen gjatë vitit 2025. /A.Z/UBT News/

Lifestyle
Si të zhbllokoni lavamanin me sodë buke dhe uthull?
Published
23 hours agoon
October 30, 2025By
UBT News 
														Një lavaman i bllokuar mund të jetë i bezdisshëm. Uji që kullohet ngadalë, zhurmat e gurgullimës ose era e keqe janë shenja që në tuba ka një bllokim.
Nëse uji nuk kalon fare ose del përsëri në sipërfaqe, problemi është më i rëndë. Shkaktarët më të zakonshëm janë flokët, yndyra, mbetjet e sapunit, ushqimi apo produktet e tualetit. Në disa raste, bllokimi mund të vijë nga dëmtime ose vendosje e gabuar e tubave — situatë që kërkon ndihmën e një hidrauliku.
Megjithatë, për bllokime të lehta, mund të provoni zgjidhje të thjeshtë me dy përbërës që zakonisht i keni në shtëpi: sodë buke dhe uthull.
Çfarë ju nevojitet?
Një çajnik me ujë të vluar
240 ml ujë të vluar
240 ml uthull
120 g sodë buke
Hapat që duhet të ndiqni:
Hidhni ujë të vluar në lavaman për të zbutur yndyrat dhe papastërtitë. Në një enë, përzieni 240 ml ujë të vluar me 240 ml uthull.
Shtoni 120 g sodë buke dhe menjëherë derdhni përzierjen në lavaman, lëreni të qëndrojë rreth 1 orë. Gjatë kësaj kohe do të formohen flluska që ndihmojnë në shpërbërjen e bllokimit. Pas një ore, shpërlani lavamanin me ujë shumë të nxehtë për rreth një minutë.
Nëse bllokimi nuk është larguar plotësisht, mund të përdorni një spiral pastrues (tel fleksibël) për të pastruar më thellë.
Pse funksionon kjo metodë?
Kur soda e bukës reagon me uthullën, krijohet një reaksion kimik që prodhon dioksid karboni (gaz). Ky gaz formon flluska dhe presion, të cilat ndihmojnë në zhbllokimin dhe pastrimin e mbetjeve brenda tubave. /A.Z/UBT News/
 
											Ja lista me ushqime që mbajnë yndyrën në gjak nën kontroll
 
											Ekspertët paralajmërojnë: Telefonat para moshës 13 vjeç ndikojnë tek zhvillimi emocional i fëmijëve
 
											Jesse Eisenberg dhuron veshkën për një të panjohur
 
											Nga video në blerje! YouTube e kthen televizorin në platformë inteligjente
 
											Presidentja Osmani pret sot në takim liderët e partive politike
 
											Si të mbroheni nga alergjitë sezonale?
 
											Mbi 2 mijë e 400 gjoba trafiku shqiptohen nga Policia e Kosovës në 24 orët e fundit
 
											Sekretet e mëngjesit që dallojnë njerëzit inteligjentë nga të tjerët
 
											Arrestohet një serb në Prishtinë, kishte urdhërarrest ndërkombëtar
Të kërkuara
- 
   Lajmet2 months ago Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis 
- 
   Rajoni1 month ago Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT 
- 
   Aktualitet1 week ago Aktualitet1 week agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë 
- 
   Vendi2 months ago Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën 

 
									 
																	 
									 
																	 
									 
																	