Lajmet

AGK-ja dorëzon komentet e Ligjit të KPM-së në Kushtetuese, shprehin bindjen se do të rrëzohet

Published

12 months ago

on

Kryetari i Bordit të Asociacionit të Gazetarëve të Kosovës (AGK), Xhemajl Rexha, dhe juristja e medias, Flutura Kusari, kanë dorëzuar komentet e përbashkëta për Ligjin e KPM-së në Gjykatën Kushtetuese.

Kryetari i AGK-së, Xhemajl Rexha, shpreson që komentet e dërguara në Gjykatën Kushtetuese do ta bindin këtë institucion që ta shpallë anti-Kushtetues Ligjin për KPM-në.

“Siç kemi paralajmëruar sot kemi dorëzuar në Gjykatën Kushtetuese komentet e AGK sa i përket kontestimit në këtë Gjykatë të Ligjit të KPM. E falënderojmë Gjykatën Kushtetuese që ka kërkuar komente nga AGK si palë e interesuar tash e tri vjet për këtë ligj. Kjo çka ka ndodhur më fakt dhe diskutimi që do të ndodh brenda Gjykatës për këtë ligj është i një rëndësi historike për shkak se për herë të parë do të merren një vendim për një ligj kaq të rëndësishëm për sa i përket lirisë së medias dhe shprehjes në Kosovë. Ne besojmë që komentet tona por edhe të palëve të tjera do ta bindin, shpresojmë, Gjykatën Kushtetuese që ligji është anti-Kushtetues dhe ai do të shfuqizohet në tërësi, pasi mënyra se si është hartuar, mënyra se çka përmban janë në kundërshtim me frymën e Kushtetuese dhe në kundërshtim me lirinë universale të medias”, u shpreh kryetari i AGK-së, Xhemajl Rexha.

Juristja e medias, Flutura Kusari, ka thënë se komentet e tyre argumentojnë se ky ligj bie ndesh me disa nene të Kushtetutës. Shpreson që ligji të shfuqizohet në tërësi.

“Në dorëzuam sot komente përmes së cilave argumentojnë se procedura se si është bërë ligji dhe disa nene që kanë të bëjnë me rregullimin e funksionimin e komisionit bien ndesh me disa nene të Kushtetutës, por në veçanti bien ndesh me parimin e barazisë gjinore, me lirin e medias dhe pavarësinë e KPM-së. Ne kemi argumentuar që disa prej neve duhet të shfuqizohen, por nëse këto nene shfuqizohen ligji nuk mund të mbijetoj se bëhet i pazbatueshëm në praktik. Shpresojmë që ligji do të shfuqizohet në tërësi. Kjo është një ngjarje historike për shkak se është hera e parë që Gjykata Kushtetuese merret me lirinë e medias”, u shpreh ajo.

 

Related Topics:
Continue Reading

Lajmet

Ballkani shkon në raundin e tretë të Ligës së Konferencës

Published

38 minutes ago

on

August 1, 2025

By

Skuadra nga Suhareka, Ballkani ka siguruar raundin e tretë të Ligës së Konferencës.

Futbollistët e ekipit kanë luajtur si mysafirë ndaj skuadrës Floriana me rezultat 1:1. Vella solli maltezët në epërsi në minutën e 38-të, ndër sa Adetunji barazoi për Ballkanin në minutën e parë të kohës shtesë.

Në këtë mënyrë suharekasit siguruan pjesëmarrjen e në raundin e radhës, pasi në ndeshjen e parë në “Fadil Vokrri” shënuan fitore me rezultat 4:2.

Continue Reading

Bota

​Trump shtyn për tre muaj tarifat ndaj Meksikës

Published

40 minutes ago

on

August 1, 2025

By

Presidenti i SHBA-së Donald Trump tha se do të shtyjë vendosjen e tarifave ndaj Meksikës për tre muaj, për të arritur një marrëveshje tregtare, që do të thotë se tarifat më të larta të shpallura nuk do të hyjnë në fuqi për momentin.

Trump shkroi në Truth Social se diskutoi në telefon me presidenten meksikane Claudia Sheinbaum, duke e përshkruar bisedën si “shumë të suksesshme”.

Tarifat prej 25 për qind për shumicën e mallrave nga Meksika do të mbeten në fuqi ndërsa negociatat vazhdojnë. Trump kërcënoi të rriste tarifat në 30 për qind më parë këtë muaj.

Presidenti amerikan shkroi në Truth Social se tarifat për veturat do të mbeten 25 për qind dhe se tarifat prej 50 për qind për çelikun, aluminin dhe bakrin do të vazhdojnë të zbatohen.

Ndërsa Sheinbaum shkroi në X: “Ne shmangëm rritjen e tarifave të njoftuara për nesër dhe na u dhanë 90 ditë për të krijuar një marrëveshje afatgjatë përmes dialogut,”rtheksoi ajo.

Nesër, do të hyjnë në fuqi më shumë tarifa për shumë vende kur bëhet fjalë për importet në SHBA, ndërsa fillon faza tjetër e politikës tregtare të Trump.

Disa vende, përfshirë Britaninë e Madhe dhe Japoninë, kanë arritur tashmë marrëveshje me qeverinë amerikane për të ulur tarifat. Pas muajsh negociatash, Bashkimi Evropian ra dakord për një marrëveshje tregtare me SHBA-në katër ditë më parë, sipas së cilës norma bazë e tarifës për eksportet e Bashkimit Evropian në SHBA do të jetë 15 për qind.

Continue Reading

Bota

​Policia u del në ndihmë 5 shtetasve që rrezikonin të mbyteshin në Durrës

Published

41 minutes ago

on

August 1, 2025

By

Shërbimet e Njësisë Policore Detare u kanë dalë në ndihmë pesë shtetasve që kërkonin ndihmë, pasi gomonia e tyre rrezikonte të fundosej për shkak të erërave të forta në afërsi të Gjirit të Durrësit.

Menjëherë pas konstatimit, efektivët e Njësisë, me mjete lundruese, ndërhynë në kohë dhe bënë të mundur nxjerrjen në breg të qytetarëve, të cilët ndodheshin në gjendje të mirë shëndetësore.

Policia fton qytetarët apo turistët që ndodhet në vështirësi dhe kanë nevojë për ndihmë të kontaktojnë menjëherë Shërbimet e Njësisë Policore Detare.

Continue Reading

Aktualitet

​Gjendet pa shenja jete një 63-vjeçar në Jezerc

Published

45 minutes ago

on

August 1, 2025

By

Policia e Kosovës ka bërë të ditur se në një vilë private në Jezerc është gjetur pa shenja jete një person.

Kanun Veseli nga policia rajonale e Ferizajt, ka thënë se personi i moshës 63-vjeçare është gjetur pa shenja jete rreth orës 11:00, në garazh pranë veturës së tij.

“Në vendin e ngjarjes kanë dalë njësiti i hetimeve rajonale dhe ekipi i forenzikës. Vdekjen e ka konstatuar ekipi mjekësor i Qendrës Emergjente në Ferizaj”, ka thënë ai.

Prokurori i shtetit është njoftuar për rastin dhe ka udhëzuar që të ndërmerren të gjitha veprimet hetimore të nevojshme, ndërsa trupi i pajetë është dërguar në Institutin e Mjekësisë Ligjore në Prishtinë për obduksion. Rasti po hetohet nga Sektori Rajonal i Hetimeve në Ferizaj.

Continue Reading

Të kërkuara