Sport

Agjenti i Jesus e konfirmon: Kemi pasur bisedime me Arsenalin

Jesus ka arritur të bëjë 234 paraqitje në të gjitha garat, duke regjistruar 95 gola dhe 46 asistime.

Published

on

Pas transferimit të Erling Haaland te Manchester City, sulmuesi brazilian Gabriel Jesus pritet që të largohet këtë verë nga kampioni anglez.

Tani gazetari i njohur, Fabrizio Romano ka bërë të ditur se interesim në shërbimet e yllit brazilian ka shprehur skuadra londineze, Arsenal. Këtë gjë e ka konfirmuar edhe agjenti i Jesus, Marcelo Pettinati, i cili po ashtu tregoi që edhe gjashtë skuadra të tjera janë të interesuara në sulmuesin e Manchester Cityt.

“Ne kishim bisedime me Arsenalin për Gabriel Jesusin dhe neve na pëlqen projekti i tyre, është një mundësi serioze kështu që ne jemi duke e diskutuar. Ka edhe gjashtë klube të tjera që janë të interesuara në Gabriel Jesusin, por ai tani është i fokusuar në ndeshjet e fundit me Manchester Cityn, më pastaj do të shohim se çdo të ndodh”, tha Pettinati.

Që prej transferimit nga skuadra e Palmeiras te Manchester City, Gabriel Jesus ka arritur të bëjë 234 paraqitje në të gjitha garat, duke regjistruar 95 gola dhe 46 asistime.

Sport

Trepça mbron “Minatorin” ndaj Bashkimit dhe bën hapin e madh drejt titullit kampion

Published

on

By

Klubi i basketbollit Trepça ka shënuar edhe fitoren e dytë radhazi në serinë finale të play-offit në Superligën e Kosovës, duke mposhtur Bashkimin me rezultat 93:83. Ndeshja e zhvilluar në palestrën “Minatori” në Mitrovicë dhuroi basketboll të nivelit të lartë dhe rivalitet të fortë, por vendasit arritën të shkëputen në momentet vendimtare, të shtyrë edhe nga përkrahja masive e shikuesve.

Atmosfera në palestër ishte e jashtëzakonshme, ku mbi 3 mijë tifozë mitrovicas kishin mbushur shkallët e “Minatorit” për të mbështetur skuadrën e tyre drejt mbrojtjes së titullit. Kjo fitore vjen pas triumfit të parë që Trepça e arriti javën e kaluar me rezultatin 94:79, duke dëshmuar formë të lartë në këtë fazë finale.

Me këtë rezultat, Trepça tani udhëheq serinë finale me epërsi 2-0. Seria e ndeshjeve tani zhvendoset në Prizren, ku ballafaqimi i tretë do të luhet të dielën nga ora 19:30 në palestrën “Sezai Surroi”, ku Bashkimi do të kërkojë përmbysjen, ndërsa Trepça mundësinë për të mbyllur llogaritë.

Continue Reading

Lajmet

Shkencëtarët paralajmërojnë FIFA-n se nxehtësia ekstreme rrezikon lojtarët

Published

on

By

Një grup prej 20 ekspertësh dhe shkencëtarësh ndërkombëtarë të fushës së shëndetësisë dhe klimës i kanë dërguar një letër të hapur FIFA-s, ku paralajmërojnë se udhëzimet aktuale për mbrojtjen nga nxehtësia gjatë Kupës së Botës janë të pamjaftueshme. Sipas studiuesve nga Britania e Madhe, SHBA, Kanadaja dhe Australia, rregullat e shtëpisë botërore të futbollit nuk përkojnë me shkencën aktuale dhe i vënë lojtarët në rrezik serioz për lëndime apo probleme shëndetësore.

Paralajmërimi vjen për shkak se temperaturat në 14 nga 16 stadiumet e turneut që do të mbahet në SHBA, Kanadà dhe Meksikë pritet të kalojnë në nivele kritike. Në disa pjesë të SHBA-së jugore dhe Meksikës veriore, termometri pritet të shënojë deri në 40 gradë Celsius, ku kombinimi i nxehtësisë me lagështinë e lartë krijon stres ekstrem në trupin e sportistëve.

Në anën tjetër, FIFA ka reaguar duke thënë se është plotësisht e përkushtuar për sigurinë e pjesëmarrësve. Organizatorët kanë paraparë masa si pushime të detyrueshme 3-minutëshe për freskim në çdo pjesë loje, ulëse me klimë të kontrolluar për stafin dhe rezervistët, si dhe lehtësime për tifozët, duke përfshirë zonat me hije dhe shpërndarjen e shtuar të ujit. Megjithatë, ekspertët insistojnë për protokolle më të rrepta, duke përfshirë edhe mundësinë e shtyrjes së ndeshjeve në kushte ekstreme.

Continue Reading

Lajmet

KFF Dukagjini fiton Kupën e Kosovës pas finales dramatike ndaj Prishtinës

Published

on

KFF Dukagjini ka triumfuar në Kupën e Kosovës në futboll për vajza, pasi mposhti KFV Prishtina pas penalltive me rezultat 5:4, në një finale të mbushur me emocione dhe rivalitet sportiv.

Koha e rregullt përfundoi 1:1. Skuadra nga Klina kaloi në epërsi që në minutën e katërt me golin e Olsa Kuçit, ndërsa Prishtina barazoi në minutën e 86-të përmes Rreze Gashit, duke e çuar ndeshjen në vazhdime. Edhe pas 120 minutave lojë nuk pati fitues, ndërsa penalltitë vendosën triumfin e Dukagjinit, që siguroi trofeun për të dytin vit radhazi.

Finalja u vlerësua për nivelin e lartë sportiv dhe emocionet që solli, duke dëshmuar edhe njëherë rritjen e vazhdueshme të futbollit të vajzave në Kosovë.

Continue Reading

Sport

Arijanet Muriç konfirmon largimin nga Italia: “Nuk do të luaj më për Sassuolon”

Published

on

By

Portieri i Kombëtares së Kosovës, Arijanet Muriç, ka bërë të ditur se aventura e tij në Serie A do të mbyllet këtë verë. Përmes një deklarate të prerë për mediat italiane, Muriç konfirmoi se nuk e ka ndërmend të vazhdojë te Sassuolo sezonin e ardhshëm, duke i dhënë fund huazimit nga skuadra angleze, Ipswich Town.

27-vjeçari, i cili ishte një prej shtyllave kryesore të klubit italian këtë sezon me 32 paraqitje dhe mbi 100 pritje vendimtare, theksoi se vendimi i tij është përfundimtar dhe lidhet me motive personale. “E kam njoftuar klubin se nuk dua të qëndroj pas këtij sezoni.

Me përfundimin e huazimit, mbaron edhe koha ime këtu”, u shpreh portieri kosovar, duke shuar shpresat e Sassuolos për blerjen e kartonit të tij për rreth 10 milionë euro.

Ky njoftim ka shkaktuar habi në opinionin sportiv në Itali, duke pasur parasysh formën e lartë që tregoi Muriç në luftën e skuadrës për mbijetesë. Ish-nxënësi i akademisë së Manchester Cityt, i cili ka pasur një karrierë të pasur në vende si Holanda, Turqia, Spanja dhe Anglia, pritet të rikthehet te Ipswich Town, ku ka kontratë të vlefshme deri në vitin 2028.

Megjithëse destinacioni i tij i ri nuk dihet ende, paraqitjet e tij solide në Serie A pritet të nxisin interesimin e shumë klubeve evropiane gjatë afatit kalimtar të verës.

Continue Reading

Të kërkuara