Lajmet

Afrikë e Jugut: Bletët vrasin 63 pinguinë që ishin në rrezik të zhdukjes

Pinguinët u gjetën të ngordhur me thumbime të shumta bletësh rreth syve dhe krahëve të tyre.

Published

on

Gjashtëdhjetë e tre pinguinë afrikanë që konsideroheshin në rrezjanë vrarë nga një tufë bletësh në një rast të rrallë pranë Cape Town, sipas konservatorëve të shpendëve në Afrikën e Jugut, transmeton UBT News.

Pinguinët e mbrojtur nga një koloni në Simonstown, u gjetën në breg me thumbime të shumta bletësh. Megjithatë, ata nuk kishin lëndime të tjera fizike.

Zyrtarët e parqeve kombëtare i thanë BBC-së se ky ishte sulmi i parë i tillë në plazhin Boulders me famë botërore, i cili tërheq deri në 60,000 vizitorë në vit.

“Zakonisht pinguinët dhe bletët bashkëjetojnë”, tha Dr Alison Kock, një biologe detare me agjencinë e parqeve kombëtare të Afrikës së Jugut.

“Bletët nuk pickojnë nëse nuk provokohen – ne po punojmë në supozimin se një fole ose koshere në zonë u shqetësua dhe bëri që një masë bletësh të largoheshin nga foleja, të vërshonin dhe të bëheshin agresive”, shtoi ajo.

“Fatkeqësisht bletët hasën në një grup pinguinësh në rrugën e tyre të fluturimit”.

Post-mortem-et zbuluan se pinguinët ishin kafshuar rreth syve dhe në krahët e tyre, përcjell UBT News.

Kjo ndodh sepse “ato janë pjesët që nuk janë të mbuluara me pendë”, sipas dr. Katta Ludynia. Një nga pinguinët ishte goditur 27 herë.

“Duke parë numrin e pickimeve në zogjtë individualë, ndoshta do të kishte qenë vdekjeprurëse për çdo kafshë të asaj madhësie”, shtoi ajo.

Bletët vdesin pas pickimit dhe një numër bletësh të ngordhura u gjetën në vendin e ngjarjes.

Pinguinët afrikanë dallohen për madhësinë e tyre të vogël dhe jetojnë kryesisht në bregdetin dhe ishujt e Afrikës së Jugut dhe Namibisë.

Popullsia e tyre po bie me shpejtësi, thotë Unioni Ndërkombëtar për Ruajtjen e Natyrës, për shkak të peshkimit tregtar./UBTNews

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara