Aktualitet

AFK-ja hapi degën edhe në Obiliq

Anadolli shtoi se qëllim tjetër i AFK-së është edhe hapja e vendeve të reja të punës.

Published

on

Agjencia për Financim në Kosovë (AFK) hapi të hënën degën e re edhe në Obiliq. Ky institucion mikrofinanciar synon të jetë sa më pranë klientëve të saj me shërbimet që ofron, si për nevoja familjare, për biznese, bujqësi, gra ndërmarrëse, eko-kredi dhe kredi për regjistrim të veturave me kushte të volitshme.

Drejtori i AFK-së, Vahdet Anadolli tha se për gjithë ata që dëshirojnë të marrin kredi për biznese të ndryshme kjo pikë do të kontribuojë në të mirë të komunitetit në Obiliqit.

Anadolli shtoi se qëllim tjetër i AFK-së është edhe hapja e vendeve të reja të punës për të gjithë ata që janë të interesuar të punojnë.

“Besojmë se do të kontribuojë mirë në komunitetin tuaj, do të furnizohemi me kredi të reja, ata që kanë nevojë për kredi dhe shpresojmë se kjo do ta ngrit mirëqenien e komunitetit tuaj që ndodhë edhe në komunat tjera në Kosovë ku AFK-ja vepron. Për ne është me rendësi që përveç kësaj ne fusim edhe punëtor të ri në punë. Kështu, tani për momentin e kemi një grup të punëtorëve që funksionojnë, dhe deri sa të hapet zyra zyrtarisht, në ndërkohë varësisht prej aktivitetit të AFK-së dhe kreditimit me siguri se do ta rrisim prapë stafin në Obiliq”, tha Anadolli.

Mes tjerash, Anadolli tha se pavarësisht se kjo komunë nuk është shumë e madhe, e kanë parë të nevojshme të investojnë. Pasi sipas tij, biznesmenët gjithmonë kanë nevojë për kredi të ndryshme.

“Sa i përket komunës suaj, u interesova në disa detaje dhe është një komunë jo shumë e madhe, por, sidoqoftë ne e kemi parë të udhës me hap një zyre, sepse gjithmonë ka nevojë për kreditim, për biznesmenë të ndryshëm, për bujq apo çfarëdo veprimtarie që e kryen. Kështu keni banka, keni mikrofinanca, por AFK-ja është e veçantë, është mirë të punoni me ne, pasi mundeni t’i keni kushtet mjaftë të mira dhe ta vazhdoni biznesin”, shtoi Anadolli.

Ndryshe, kjo është pika e 29-të me radhe e AFK-së dhe ka filiale në të gjitha komunat e Kosovës. 

Bota

Macron do të presë takimin e koalicionit të Ukrainës në Paris

Published

on

By

Presidenti francez Emmanuel Macron tha të enjten se liderët e një koalicioni të mbështetësve të Ukrainës do të takohen sërish në Paris javën e ardhshme për të finalizuar planet për sigurimin e një armëpushimi të mundshëm në konfliktin Rusi-Ukrainë.

Ne do të mbajmë një takim tjetër të koalicionit të të vullnetit të enjten e ardhshme në Paris në prani të presidentit Volodymyr Zelenskyy”, u tha Macron gazetarëve pas një samiti të BE-së në Bruksel.

Ne do të finalizojmë punën tonë për mbështetjen afatshkurtër për ushtrinë ukrainase, për mbrojtjen e një modeli të qëndrueshëm për forcat e armatosura të Ukrainës për të parandaluar pushtimet ruse dhe për garancitë e sigurisë që ushtritë evropiane mund të ofrojnë. I gjithë procesi do të finalizohet në ditët në vijim”, tha ai.

Macron, së bashku me kryeministrin britanik Keir Starmer, ka udhëhequr përpjekjet për të formuar një koalicion në mbështetje të Ukrainës që kur Presidenti i SHBA Donald Trump hapi negociatat e drejtpërdrejta me Rusinë muajin e kaluar për t’i dhënë fund konfliktit trevjeçar.

Ne kemi bërë shumë punë me britanikët për mënyrat për të mbështetur armëpushimin”, tha Macron. “Kjo është e rëndësishme për të siguruar që çdo armëpushim është i besueshëm, si dhe kur të vijë. Ky do të jetë një shans për të diskutuar dhe rregulluar,” shtoi lideri francez.

Continue Reading

Bota

Aeroporti Heathrow në Londër mbyllet deri në mesnatë për shkak të ndërprerjes së energjisë elektrike

Published

on

By

Në Mbretërinë e Bashkuar, të gjitha fluturimet për nga aeroporti Heathrow janë anuluar deri në mesnatën e sotme pas një zjarri në nënstacionin elektrik pranë North Hyde.

Aeroporti është mbyllur pasi një zjarr shpërtheu në një qendër nënstacioni elektrik që furnizon aeroportin, duke shkaktuar një “ndërprerje të konsiderueshme të energjisë elektrike”, njoftoi aeroporti në një deklaratë.

Në deklaratë iu rekomandua të gjithë pasagjerëve që të mos udhëtojnë në aeroport. “Për të garantuar sigurinë e pasagjerëve dhe kolegëve tanë, Heathrow do të jetë i mbyllur deri në orën 23:59 më 21 mars“, theksoi deklarata.

Mbyllja e aeroportit Heathrow vjen pasi një zjarr në një nënstacion elektrik në perëndim të Londrës la shumë shtëpi pa energji elektrike.

Continue Reading

Bota

Netanyahu shkarkon shefin e sigurimit të Izraelit

Published

on

By

Kryeministri i Izraelit, Benjamin Netanyahu ka shkarkuar kreun e shërbimit të sigurisë së vendit për dështimin e tij për të parashikuar sulmin e 7 tetorit 2023 nga Hamasi.

Kabineti izraelit u takua të enjten në mbrëmje për të miratuar zyrtarisht shkarkimin e parakohshëm të Ronen Bar, i cili u emërua në tetor 2021 për një mandat pesë-vjeçar si shefi i Shin Bet.

Netanyahu njoftoi qëllimin e tij për të shkarkuar zotin Bar në një deklaratë video të dielën, duke përmendur një “mosbesim të vazhdueshëm” midis dy burrave që ai tha se ishte “rritur me kalimin e kohës”.

Masa ngjalli zemërim dhe ndezi më tej demonstratat antiqeveritare në Jerusalem, të cilat panë mijëra izraelitë të bashkojnë forcat me protestuesit që kundërshtonin sulmin e ri të Izraelit në Gaza.

Është hera e parë në historinë e Izraelit që një qeveri shkarkon liderin e Shin Bet.

Një letër dërguar nga Netanyahu anëtarëve të qeverisë së tij përpara takimit i referohej një “humbjeje të vazhdueshme të besimit profesional dhe personal” midis kryeministrit dhe z. Bar dhe propozoi përfundimin e mandatit të tij më 20 prill.

Humbja e besimit profesional është konsoliduar gjatë luftës, përtej dështimit operacional të 7 tetorit 2023, dhe veçanërisht në muajt e fundit,” tha ai, duke iu referuar sulmeve të Hamasit ndaj Izraelit që ndezën luftën Izrael-Gaza.

Shin Bet është agjencia e brendshme e inteligjencës e Izraelit dhe luan një rol kyç në luftë. Aktivitetet dhe anëtarësimi i saj janë sekrete shtetërore të mbajtura ngushtë.

Continue Reading

Bota

Trump: SHBA-ja dhe Ukraina do ta nënshkruajnë së shpejti marrëveshjen për minerale

Published

on

By

Presidenti amerikan, Donald Trump, ka thënë se Shtetet e Bashkuara do ta nënshkruajnë së shpejti një marrëveshje për minerale dhe burime natyrore me Ukrainën.

Trump tha për gazetarë në Shtëpinë e Bardhë mbrëmjen e së enjtes se përpjekjet e tij për ta arritur paqen mes Ukrainës dhe Rusisë janë duke shkuar “shumë mirë”, pasi këtë javë bisedoi me liderët e dy vendeve të përfshira në luftë.

Jemi duke ecur shumë mirë me Ukrainën dhe Rusinë. Dhe një nga gjërat që po bëjmë është nënshkrimi shumë shpejt i një marrëveshjeje me Ukrainën në lidhje me mineralet e rralla”, tha Trump.

Ndërsa Trumpi po i bënte këto komente, forcat ruse sulmuan infrastrukturën civile në Odesa, duke shkaktuar dëme dhe duke plagosur tre persona, përfshirë një vajzë, tha guvernatori rajonal.

Armiku i sulmoi fuqishëm me dronë Odesën dhe rajonin”, tha guvernatori Oleh Kiper.

Ka dëme në infrastrukturën civile, duke përfshirë një ndërtesë të lartë banimi, një qendër tregtare dhe dyqane”, shkroi ai në Telegram.

Ndërkohë, thuhet se në rajonin Kursk të Rusisë forcat ukrainase sulmuan stacionin e shpërndarjes së gazit në Sudzha. Media e pavarur Sota publikoi një foto në Telegram që shfaq një zjarr të madh.

Zyrtarët e Qeverisë ukrainase nuk janë deklaruar për këtë sulm. As Moska nuk e raportoi incidentin.

Stacioni ishte pika e vetme përmes së cilës kalonte gazi rus në rrugën e tij drejt Evropës, deri kur Ukraina refuzoi të zgjasë një marrëveshje tranziti në janar.

Presidenti i Rusisë, Vladimir Putin, urdhëroi të enjten ukrainasit në territoret e pushtuara të Ukrainës të marrin pasaportë ruse deri më 10 shtator ose të largohen. Ultimatumi vlen për ukrainasit në rajonet e pushtuara Donjeck, Luhansk, Herson dhe Zaporizhja, tha në X ish-ministri i Ekonomisë i Ukrainës, Tymofiy Mylovanov.

Continue Reading

Të kërkuara