Lajmet

Afër 100 milionë euro dërgoi diaspora në Kosovë

Published

5 years ago

on


Guvernatori i Bankës Qendrore të Kosovës (BQK), Fehmi Mehmeti tha se kanë qenë proaktiv gjatë periudhës së pandemisë duke marrë pjesë aktive në hartimin, draftimin e planeve emergjente, gjithashtu edhe në hartimin e pakos së rimëkëmbjes.

Ai tha se  BQK-ja është këshilltar i Qeverisë së Republikës së Kosovës dhe janë të gatshëm dhe në dispozicion për të suportuar sa herë që kërkohet për të dhënë kontributin e tyre.

Sa u përket opsionet e rimëkëmbjes, kemi një ligj për rimëkëmbje ekonomike, cili është kontributi, pozicionimi dhe mbështetja e BQK-së në këtë ligj?

“Ne kemi qenë proaktiv gjatë gjithë periudhës, prej se ka fillu pandemia, kemi marrë pjesë aktive në hartimin, draftimin e planeve emergjente, gjithashtu edhe në hartimin e pakos së rimëkëmbjes që më pastaj kaloj në Kuvend, në dhjetor si ligj i rimëkëmbjes dhe ne vazhdojmë të jemi proaktiv. Ju e dini me ligj Banka Qendrore është këshilltar i Qeverisë së Republikës së Kosovës, ne jemi gjithmonë të gatshëm dhe në dispozicion për të suportuar sa herë që kërkohet për të dhënë kontributin tonë, duke pasur parasysh faktorët dhe të dhënat që kemi në dispozicion, duke pasur parasysh se sektori financiar është një prej atyre sektorëve që përpos që ka arritë t’i tejkalojë rreziqet ka vazhduar të jetë një promotor ose kontribut dhënës në rimëkëmbjen ekonomike në vend. Përkundër kësaj vazhdon të ketë një pëerqindje të lartë të likuiditetit, mund të them me bindje të plotë që ky sektor është i gatshëm që të ketë rol kyc sa i përket procesit të rimëkëmbjes dhe njëkohësisht ligji i rimëkëmbjes i lë një vend të rëndësishëm sektorit bankar në rimëkëmbje. Kjo për arsye se, një ndër dy pikat që përmenden në këtë ligjin e rimëkëmbjes kanë të bëjnë me rritjen e normës ose përqindjen e garantimit të kredive nga 50 në 80%, njëkohësisht edhe subvencionimin e normës së interesit”, tha guvernatori Mehmeti në ‘Ekonomiks’ në RTK.

Sa i përket cështjes për fondin për garantimin e kredive është tregues pozitiv në shifrat që publikohen rreth garantimit të kredive, por është edhe një e mirë tjetër që psh. nga 7 mijë kredi që i ka garantuar ky fond janë vetëm 24 kredi të kqija. Pra pandemia nuk është se ka ndikuar aq shumë tek bizneset për kthimin e kredive në kohë.

“Ne kemi qenë shumë proaktv kur kemi marrë masa për ta evituar këtë, do të thotë duke filluar nga procesi i shtyerjes së këstit të kredive pastaj edhe te udhëzimi për rikonstrukturim, janë faktor që kanë ndikuar ta ruajm likuiditetin edhe të bizneseve por edhe të sektorëve bankare. Për këtë arsye kemi këtë përqindje. Ne i shohim analizat në vazhdimësi dhe shohim se kemi pritje, sidomos në sektorin e gastronomisë kemi një rritje të lehtë të kredive performuuese në të ardhme por që nuk do të jenë të papërballueshme për sektorin bankar.”

Sa i përket diasporës, meqë dhe varemi nga ta duhet të u ofrojmë kushte me të mira edhe për të bërit biznes, diaspora tek investimet e huaja direkte merr pjesë në investitor por jo në masën dëshirore. Pse nuk po arrijmë të kemi një ofertë për të tërhequr investime nga diaspora në sektorë prodhues në vend?

“Investimet e huaja direkte, edhe pse në periudhë të pandemisë kanë shënuar rritje rreth 34.5% por kryesisht rritja e investimeve të huaja direkte është tek shërbimet financiare, po flasim për vitin 2020 prej 14 milionë përafërsisht sa kanë qenë kanë shkuar në 84 milionë, ndërkaq te sektori i patundshmërisë kemi një rënje të investimeve të huaja direkte. Nëse e shohim si strukturë të investimeve direkte gjithomë duhet të kemi parasysh se cka merren për bazë ose elementet që e konstruktojnë investimet e huaja direkte dhe pritjet tona janë që ne duhet të kemi sa më shumë investime të huaja në fushën e prodhimit me qëllim që ta ndrrojmë strukturën e ekonomisë, e që kjo mund të adresohet me Ligjin e Rimëkëmbjes.”

Duhet të ketë një ofertë nga qeveria për investimet e huaja edhe ato direkte edhe të tjera?

“Kjo lidhet me ligjin e rimëkembjes, besoj që këtu duhet t’i adresojmë. Ligji i rimëkëmbjes afekton shumë ligje të tjera të cilat i bëjnë apo joshin investimet e huaja. Tash kur flasim për remitenca i kemi 980 milionë euro remitenca, prej atyre që vijnë në Kosovë kryesisht pjesa dërmuese e tyre shkojnë në konsum. Kjo ndodhë për shkak të një ndërlidhje familjare, mërgimtarët që kanë lidhje familjare dhe është shumë e rëndësishme për vendin. Do të shkojmë në fazën tjetër që t’i joshim ose t’i bëjmë politikat atraktive për investitorë të huaj , në këtë rast edhe për diasporën që ne kemi nevojë edhe për paranë e tyre por edhe për investime e tyre.”.

Related Topics:
Continue Reading

Lajmet

Nis rrënimi i 11 objekteve pa leje rreth liqenit të Ujmanit

Published

11 minutes ago

on

July 21, 2026

By

Ka nisur aksioni për rrënimin e 11 objekteve në zonën përreth liqenit të Ujmanit, të cilat janë ndërtuar në pronë të ndërmarrjes publike hidroekonomike “Ibër-Lepenc”.

Kryeshefi ekzekutiv i kësaj ndërmarrjeje, Faruk Mujka, bëri të ditur se aksioni po realizohet nga Inspektorati i Ministrisë së Mjedisit, pasi poseduesit e objekteve nuk e kanë respektuar afatin e dhënë për lirimin e pronës.

Ndërkohë, gjatë zhvillimit të aksionit, njëri nga pronarët e objekteve ka paraqitur kërkesë me shkrim për të parandaluar rrënimin e pronës së tij.

/Ekonomia Online/

Continue Reading

Lajmet

Studimi gjeohapësinor zbulon nivelin e gjelbërimit në Gjakovë: Sa zbatohet “Rregulli 3-30-300”?

Published

30 minutes ago

on

July 21, 2026

By

Sfidat e planifikimit urban bashkëkohor dhe nevoja për hapësira të gjelbra kanë qenë në qendër të një hulumtimi shkencor të realizuar për temë masteri në UBT nga studiuesja Eli Binxhija, nën mentorimin e Prof. Dr. Edon Maliqit. Hulumtimi analizon zbatueshmërinë e konceptit ndërkombëtar “Rregulli 3-30-300” në territorin e Gjakovës përmes teknologjive të avancuara gjeohapësinore (GIS, GPS dhe RS).

Ky rregull përbën një standard modern për zhvillim të qëndrueshëm, ku synohet që çdo qytetar të shohë së paku 3 pemë nga vendbanimi, çdo lagje të ketë minimumi 30% mbulim me gjelbërim dhe çdo banor të ketë një hapësirë të gjelbër publike brenda një distance prej 300 metrash.

Përmes të dhënave satelitore dhe analizës hapësinore, studimi nxori në dritë treguesit realë për qytetin e Gjakovës: Dukshmëria e pemëve (Kriteri 3): Përmbushet në 84.40% të territorit; Mbulimi me gjelbërim (Kriteri 30): Arrin në 93.28% dhe Qasja në parqe publike brenda 300m (Kriteri 300): Realizohet vetëm në 53.49% të rasteve.

Në bilancin e përgjithshëm, rezulton se Gjakova përmbush 44.14% të të tri kërkesave simultanisht, ndërsa 55.86% e tyre mbeten të papërmbushura. Kjo dëshmon se përkundër nivelit të lartë të bimësisë, sfidë kryesore mbetet mungesa e parqeve publike në distancë të afërt dhe shpërndarja e pabarabartë e tyre.

Rëndësia praktike e këtij hulumtimi qëndron në krijimin e një baze të saktë të dhënash për institucionet lokale, planifikuesit urbanë e vendimmarrësit. Gjetjet ofrojnë udhëzime të qarta për identifikimin e zonave prioritare ku duhet të investohet në infrastrukturë të gjelbër, me qëllim ndërtimin e qyteteve më të shëndetshme, më rezistente dhe më gjithëpërfshirëse.

Continue Reading

Lajmet

Abazoviq dhe Adzhiq intervistohen për shtetësinë e biznesmenit Naser Ramaj

Published

1 hour ago

on

July 21, 2026

By

Ish-kryeministri i Malit të Zi, Dritan Abazoviq, dhe ish-ministri i Punëve të Brendshme, Filip Adzhiq, janë marrë në pyetje nga Departamenti Special i Policisë (SPO) në kuadër të hetimeve paraprake lidhur me dhënien e shtetësisë së nderit biznesmenit nga Kosova, Naser Ramaj.

Sipas gazetës “Vijesti”, Abazoviq dhe Adzhiq u morën në pyetje rreth dhjetë ditë më parë lidhur me dokumentacionin dhe bazën mbi të cilën i ishte miratuar shtetësia malazeze Ramajt, pak para përfundimit të mandatit të qeverisë së tyre në vitin 2023. Ish-kryeministri Abazoviq e ka konfirmuar dhënien e deklaratës në cilësinë e qytetarit, por nuk ka dhënë detaje të mëtejshme.

Prokuroria Speciale e Shtetit dhe SPO-ja po hetjnë nëse ka pasur keqpërdorim të detyrës zyrtare gjatë përdorimit të së drejtës diskrecionale për dhënien e kësaj shtetësie. Procedura kishte kaluar me propozim të kryeministrit të atëhershëm, pas mendimit pozitiv nga Ministria e Financave dhe verifikimit të sigurisë nga Agjencia për Siguri Kombëtare (ANB).

Shtetësia e nderit i ishte dhënë Ramajt me arsyetimin se ai ishte investitor në kompleksin “Porto Budva”, me vlerë prej 80 milionë eurosh. Megjithatë, Prokuroria tashmë e akuzon atë për evazion fiskal, nën dyshimin se si përgjegjës në kompaninë “Alart Centar Budva” nuk ka deklaruar të ardhurat nga shitja e hapësirave në këtë kompleks.

Për këtë arsye, kryeministri aktual i Malit të Zi, Millojko Spajiq, pati kërkuar më parë nisjen e procedurave urgjente për heqjen e shtetësisë së Ramajt.

Naser Ramaj njihet në Kosovë edhe si ish-pronar i klubit të futbollit Feronikeli. Klubi kishte grumbulluar borxhe mbi 700 mijë euro ndaj lojtarëve dhe trajnerëve nga viti 2019, gjë që e shtyu FIFA-n të obligojë pasardhësin e tij, Feronikeli 74, për shlyerjen e këtyre detyrimeve financiare.  /Vijesti/

 

Continue Reading

Lajmet

Humb jetën një person në Prishtinë, dyshohet se ra nga një objekt

Published

2 hours ago

on

July 21, 2026

By

Një person ka humbur jetën në Prishtinë, pasi dyshohet se ka rënë nga një objekt në rrugën “Arshi Pipa”.

Sipas Policisë, në orën 23:00 është pranuar informata se një person ka rënë nga një lartësi. Si pasojë e lëndimeve të marra, viktima nuk ka arritur t’u mbijetojë plagëve.

Vdekja e tij është konstatuar në vendin e ngjarjes nga ekipi mjekësor.

Policia e Kosovës, në koordinim me Prokurorin e Shtetit, ka nisur hetimet dhe po ndërmerr të gjitha veprimet e nevojshme për sqarimin e rrethanave të rastit.

Burimi: KOHA.

D.L

Continue Reading

Të kërkuara