

Kuriozitete
Adoleshenti që gjurmoi avionin e Elon Musk tani po gjurmon oligarkët rusë
Sweeney i tha Wall Street Journal se njerëzit i kanë thënë prej kohësh që ta bëjë këtë.
Published
4 years agoon
By
UBT newsJack Sweeney, një adoleshent nga Florida që gjurmoi avionin privat të Elon Musk në internet, ka një objektiv të ri: oligarkët rusë dhe miliarderët, përcjell UBT News.
19-vjeçari, i cili refuzoi ofertën prej 5,000 dollarësh të Musk për të fshirë llogarinë e tij në Twitter, kohët e fundit lansoi dy llogari të reja të automatizuara në Twitter – @RUOligarchJets dhe @Putinjet – pas pushtimit rus të Ukrainës.
Të dy profilet së bashku kanë grumbulluar afro 300,000 ndjekës dhe ofrojnë përditësime pothuajse të drejtpërdrejta të lëvizjeve të avionëve privatë së bashku me fotografitë e hartave që i lokalizojnë.
Sweeney i tha Wall Street Journal se njerëzit i kanë thënë prej kohësh që të hapë llogari në Twitter si këto, dhe kërkesat u rritën pasi sanksionet vunë në shënjestër më të pasurit e Rusisë.
Oligarkët e Rusisë përballen me kaos ekonomik në atdhe dhe ndëshkim nga Perëndimi pasi Presidenti Vladimir Putin urdhëroi trupat e tij në Ukrainë. Shtetet e Bashkuara dhe aleatët e tyre janë përgjigjur duke sanksionuar individë të pasur që janë të afërt me Kremlinin.
Disa nga avionët e gjurmuar nga llogaritë përfshijnë pronarin e Klubit të Futbollit Chelsea, Roman Abramovich, biznesmenin Alisher Usmanov dhe Leonid Mikhelson, miliarderi i prodhuesit rus të gazit Novatek.
Në një intervistë me Bloomberg, Sweeney tha se ishte i habitur nga madhësia e avionëve që përdorin oligarkët rusë.
Më të pasurit rusë udhëtojnë me avionë të përmasave komerciale si Airbus A319 dhe Boeing 737. “Aeroplanët e tyre janë të mëdhenj në krahasim me avionët e tjerë”, tha Sweeney.
Në total, llogaritë gjurmojnë më shumë se 40 avionë dhe helikopterë të lidhur me oligarkët rusë. Ai ka ftuar të tjerët për të ndihmuar në rritjen e sasisë së avionëve që mund të gjurmohen.
Gjurmimi i Musk në llogarinë e Sweeney në Twitter është ende i drejtpërdrejtë. Ai i tha Journal se do ta fshinte atë vetëm në këmbim të një Tesla Model 3 të ri./UBTNews/
Kuriozitete
Një familje gjen kamën 3500-vjeçare prej bronzit në fshatin gjerman
Published
7 hours agoon
September 2, 2025By
UBT News
Gjatë një shëtitjeje nëpër pyll pranë fshatit Gudersleben në Turingia të Gjermanisë, një baba dhe dy djemtë e vegjël gjetën një kamë 3500-vjeçare të Epokës së Bronzit.
Maik Bohner nuk e kishte idenë se shëtitja familjare do të shndërrohej në një moment të rëndësishëm arkeologjik.
Kama me gjatësi 20 centimetra, e bërë prej bronzi, ka qenë e fshehur nëntokë për shekuj me radhë derisa reshjet e fundit e nxorën në sipërfaqe. Peizazhi gjeologjik i Turingisë, i njohur për përrenjtë nëntokësorë dhe lëvizjen aktive të tokës, luan rol kyç në zbulime të tilla.
Daniel Scherg, arkeolog nga Zyra Shtetërore e Turingisë për Ruajtjen e Monumenteve dhe Arkeologjinë në Weimar, tha se objekte të tilla nuk janë zbulime të përditshme dhe se të shohësh një kamë të Epokës së Bronzit të ruajtur kaq mirë është diçka e veçantë.
Sipas televizionit MDR, kama ka të ngjarë t’i përkiste një individi me status të lartë dhe mund të ketë pasur rëndësi ceremoniale, raporton KosovaPress. Fshati Gudersleben po përgatitet të festojë 1100-vjetorin, por kama vërteton se zona ishte aktive shumë kohë para se të fillonin të dhënat e shkruara.
“Ky zbulim vërteton se njerëzit jetonin këtu shumë më herët”, vuri në dukje Böhner, duke theksuar se si një objekt i vogël mund të riformojë kuptimin e një komuniteti për origjinën e tij.
Në Gjermani, është e paligjshme të gërmosh ose të mbash gjetje të tilla pa autorizim dhe familja Böhner veproi me përgjegjësi duke raportuar menjëherë kamën.
Kjo e fundit po i nënshtrohet ruajtjes dhe studimit të detajuar në Zyrën e Shtetit në Weimar dhe pas përfundimit të analizave ajo do të ekspozohet në muzeun lokal në Ellrich.
Kuriozitete
Mbretëria e Bashkuar regjistron verën më të nxehtë të historisë
Published
8 hours agoon
September 2, 2025By
UBT News
Mbretëria e Bashkuar përjetoi këtë vit verën më të nxehtë që nga fillimi i regjistrimeve meteorologjike, një fenomen që ekspertët e lidhin drejtpërdrejt me ndryshimet klimatike.
Sipas Zyrës Meteorologjike (Met Office), kjo ngjarje është bërë 70 herë më e mundshme për shkak të ngrohjes globale. Temperaturat mesatare për periudhën 1 qershor-31 gusht 2025 u regjistruan 16.10°C, duke thyer rekordin e mëparshëm prej 15.76°C, i vendosur më 2018.
Edhe pse diferenca mund të duket e vogël, kur konsiderohet si një mesatare tre mujore që përfshin temperaturat ditore dhe ato të natës, kjo shifër tregon një ndryshim të ndjeshëm klimatik.
Fenomeni nuk është vetëm rekord i ri; ai theu edhe temperaturat e verës 1976, e cila renditet e gjashta në listën e verave më të nxehta që nga viti 1884. Nxehtësia e vazhdueshme solli mungesa uji në nivel kombëtar, duke ndikuar në bujqësi, ujitje e jetën e përditshme të qytetarëve.
Dr. Mark McCarthy nga Met Office thekson se ngjarje të tilla, dikur të konsideruara ekstreme, tani po bëhen më të zakonshme për shkak të ndryshimeve klimatike.
Ai paralajmëron se verat e nxehta dhe fenomenet ekstreme mund të shfaqen gjithnjë e më shpesh në dekadat e ardhshme, duke e bërë të domosdoshme marrjen e masave për adaptimin dhe uljen e ndikimit të ngrohjes globale.
Kuriozitete
Danimarka ndërmerr masa ligjore për të nxitur leximin tek të rinjtë
Published
12 hours agoon
September 2, 2025By
UBT News
Danimarka pritet të heqë TVSH-në për librat, në përpjekje për të nxitur të lexuarit dhe për të përballuar atë që autoritetet e quajnë një “krizë leximi” në rritje.
Me një normë prej 25%, taksa mbi librat në Danimarkë është aktualisht ndër më të lartat në botë, një politikë që, sipas qeverisë, ka ndikuar negativisht në zakonet e leximit të qytetarëve.
Ministri i Kulturës, Jakob Engel-Schmidt, njoftoi të mërkurën se si pjesë e projektbuxhetit të ri, qeveria do të propozojë heqjen e TVSH-së për librat. Kjo masë pritet të ketë një kosto prej rreth 330 milionë koronash daneze në vit (rreth 38 milionë paund).
“Kjo është një nismë për të cilën kam luftuar personalisht, sepse besoj se duhet të bëjmë gjithçka që mundemi për t’i dhënë fund krizës së leximit që ka marrë hov vitet e fundit”, deklaroi Engel-Schmidt për agjencinë e lajmeve Ritzau.
Ai shtoi: “Nuk ndodh çdo ditë të bindësh kolegët e tu për të investuar kaq shumë në kulturë dhe në konsumin vendas.”
Ndryshe nga Danimarka, vendet tjera skandinave aplikojnë norma më të ulëta për librat: Finlanda 14%, Suedia 6% dhe Norvegjia zero TVSH. Suedia, p.sh uli taksën mbi librat në vitin 2001, duke shkaktuar rritje të menjëhershme të shitjeve, edhe pse, siç treguan ekspertët, librat u blenë kryesisht nga lexues të zakonshëm dhe jo të rinj.
Ministri Engel-Schmidt theksoi se synimi nuk është vetëm ulja e çmimeve, por edhe afrimi i letërsisë me fëmijët dhe të rinjtë.
“Kjo është arsyeja pse kemi ndarë tashmë fonde për të forcuar bashkëpunimin mes bibliotekave publike dhe shkollave. Duam që më shumë fëmijë të kenë mundësi të përjetojnë letërsinë cilësore,” u shpreh ai.
Sipas statistikave zyrtare, gjatë 2023 në Danimarkë janë shitur 8.3 milionë libra, si në dyqane ashtu edhe online, në një vend me mbi 6 milionë banorë. Më të kërkuarit ishin librat për fëmijë të vegjël, veçanërisht me figura dhe aktivitete, ndërsa pas tyre vinin romanet thriller.
Kuriozitete
Mos lini fatura në makinë – ja rreziku që ju kanoset
Published
1 day agoon
September 1, 2025By
UBT News
Nuk janë të pakta rastet kur drejtuesit e makinave lënë çdo lloj fature në brendësi të automjetit.
Megjithëse kjo duket si zakon që krijon rrëmujë, specialistët theksojnë se pasojat mund të jenë shumë më serioze.
“Shumica nuk e kuptojnë se brendësia e makinës mund të shndërrohet në thesar informacioni personal. Çdo faturë tregon një histori, ku keni qenë, çfarë keni blerë, pra të dhëna që mund të jenë të vlefshme nëse bien në duar të gabuara”, shpjegon eksperti Kazimieras Urbonas.
Sipas tij, faturat e karburantit zbulojnë zakonet e udhëtimit e vendet e preferuara, faturat e blerjeve tregojnë gjendjen financiare dhe sjelljen konsumatore, ndërsa edhe një faturë nga një kafene mund të japë të dhëna mbi rutinën e përditshme. Nëse këto copëza informacioni mblidhen, hajdutët mund të krijojnë një profil të detajuar mbi një person dhe të shohin nëse është një objektiv i leverdishëm.
Veçanërisht të rrezikshme konsiderohen faturat e blerjeve të shtrenjta, që mund t’u tregojnë kriminelëve se drejtuesi zotëron sende me vlerë apo ka të ardhura të larta. Urbonas shton se përtej rrezikut të privatësisë, grumbullimi i faturave në makina shkakton incidente të tjera.
“Në një hapësirë të kufizuar si makina, me prani të komponentëve elektrikë dhe burimeve të nxehtësisë si çakmakët apo karikuesit e telefonit, edhe një grumbull i vogël faturash mund të kthehet në rrezik zjarri”, thekson ai.
Faturat të hiqen rregullisht nga automjeti, të fotografohen nëse duhen e të shkatërrohen nëse mbajnë të dhëna të dukshme personale.
“Qëllimi nuk është të bëhemi paranojakë për çdo copë letre, por të jemi të kujdesshëm”, shton Urbonas.

A e dini çfarë të hani nëse keni uri natën para gjumit?

Post Malone habit Parisin: Hyn me kalë në sfilatën e koleksionit të tij të parë të modës

Mos bëni dush në darkë, do të keni probleme me shëndetin

Drama e Bruce Willis, transferohet në një shtëpi tjetër pas gjendjes së përkeqësuar shëndetësore

Dylli i veshit: Simptomat shqetësuese dhe trajtimi me produkte natyrale

Erdogan thotë se Putin dhe Zelensky “nuk janë ende gati” për takim ballë për ballë mbi luftën

Kushtetuesja po shqyrton ankesën e Listës Serbe, thotë s’është përmendur “Kuvendi i Prishtinës”

Ku është vendi më i mirë për t’u ulur në një kinema?

Tre nga viktimat e aksidentit të rëndë në Luksemburg bëhet e ditur se janë kosovarë
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet1 week ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet1 month ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës