Lajmet

Kina sfidon Amerikën me avionin e saj “të padukshëm” J-35A

Published

2 years ago

on

Kina ka hequr më në fund “maskën” dhe ka zbuluar ambiciet e saj për të sfiduar supremacinë amerikane në qiell. Ushtria e Pekinit ka prezantuar super avionin e saj të luftës të padukshëm të gjeneratës së pestë, të emërtuar J-35A, një zhvillim që e çon Kinën më afër niveleve të teknologjisë së avioneve më të avancuara të Shteteve të Bashkuara.

Spektakli ajror Kina 2024 në Zhuhai, një nga ngjarjet më të rëndësishme ajrore të vendit, shërbeu si një mundësi e shkëlqyer për Presidentin Xi Jinping për të treguar rezultatet e modernizimit të forcave të armatosura të vendit. J-35A është një avion i gjeneratës së pestë që mund të ketë potencialin për të rivalizuar me avione të njohura amerikane si F-22 dhe F-35, të cilët deri më tani kanë qenë të vetmit avionë të padukshëm operativë në botë.

Prezantimi i J-35A ka shkaktuar një reaksion të madh në rrjetet sociale, ku përdoruesit janë mahnitur nga performanca e avionit. Ai kaloi me shpejtësi mbi kokat e spektatorëve dhe, pas një ngritje të papritur, u zhduk shpejt nga sytë e të pranishmëve, duke treguar aftësitë e tij për të shmangur ndjekjen radarike.

Avioni ka një dizajn të ri dhe futuristik, që duket të jetë i frymëzuar nga modelet amerikane, duke u larguar nga dizajni tradicional rus. Forma e tij është projektuar për të minimizuar praninë në radar dhe ka ngjashmëri të theksuara me avionin amerikan F-35, një avion i famshëm për aftësitë e tij të “padukshme”. Pavarësisht entuziazmit të krijuar nga prezantimi, informacionet mbi performancën e plotë të J-35A janë ende të kufizuara, duke i lënë shumë detaje të paditura.

Ky zhvillim i ri mund të shënjojë një hap të rëndësishëm për Kinën në mundësinë për të rivendosur një pozicion më të fuqishëm në tregun global të aviacionit dhe, gjithashtu, për të forcuar praninë e saj në rajone kyçe si Indo-Paqësori./UBTNews/

Related Topics:
Continue Reading

Vendi

Mbi 100 gramë kokainë dhe marihuanë kapen në Vërmicë

Published

14 hours ago

on

June 19, 2026

By

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Continue Reading

Vendi

Mbyten dy vajza të mitura në Tale

Published

15 hours ago

on

June 19, 2026

By

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë.  /E.A/

Continue Reading

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

16 hours ago

on

June 19, 2026

By

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Continue Reading

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

18 hours ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Të kërkuara