Lajmet

Abdixhiku paralajmëron konventën e partisë: Do të kemi përgjigje për të gjitha proceset madhore

Ai tha se çdo parti duhet ta ketë të domosdoshme që të ketë të shkruar programin dhe idetë e qarta për qytetarët.

Published

3 years ago

on

Lidhja Demokratike e Kosovës do të organizojë konventë programore dyditore me të gjithë anëtarët e partisë. Pas mbledhjes së kryesisë, kryetari Lumir Abdixhiku theksoi se pas organizimit të kësaj konvente, do të kenë përgjigje për çdo proces madhor të Kosovës.

Ai në konferencë për medie, bëri të ditur se sot kanë marrë vendim që me datë 29 dhe 30 të këtij muaji të ftojnë konventën programore “Lidhja për të ardhmen”.

Ai tha se çdo parti duhet ta ketë të domosdoshme që të ketë të shkruar programin dhe idetë e qarta për qytetarët.

“Në këtë konventë programore më të madhen të organizuar nga LDK, do të ftohen të gjithë anëtarët e LDK-së, anëtarët e Këshillit të Përgjithshëm, deputetët, kryetarët e komunave nga anët e LDK-së, asamblistët të 209 e pushteteve lokale, kryetarët e degëve të kryesisë, anëtarët e forumeve rinore, forumeve të gruas me gjitha strukturat tona në një punim dyditor ku do të nisim organizimin e programit tonë politik dhe qeverisës për Kosovën. Ne do të kemi panele diskutuese në temat më të rëndësishme për Kosovën në datë 29 prill dhe do të kemi prezencë të anëtarëve të PPS-së, familjes tonë evropiane në ndërtimin e këtij projekti madhor politik”, ka theksuar kreu i LDK-së.

Pas konventës, Abdixhiku bëri të ditur se do të nisin konsultimet me qytetarët në çdo qytet, për të marrë mendimet e tyre për çështje të caktuara.

“LDK do të ketë përgjigje për energjetikë, do të ketë përgjigje për arsim, për shëndetësi, për politikë të jashtme dhe do të ketë përgjigje për proceset madhore të Republikës së Kosovës. Këto çështje do t’i diskutojmë brenda forumeve tona në një konventë madhore dhe do t’i diskutojmë me palët e interesit që janë jashtë partiake dhe që mund të shërbejnë në pasurimin e platformës tonë politike”, ka thënë ai.

Kreu i Lidhjes Demokratike të Kosovës, Lumir Abdixhiku theksoi se kjo konventë programore është pjesë e mobilizimit të gjithmbarshëm.

“Kjo pjesë e angazhimit tonë të datës 29 dhe 30 prill në konventën programore ‘Lidhja për të ardhmen’ është pjesë e mobilizimit të gjithmbarshëm të LDK-së në muajt në vijim. Përcillet edhe me regjistrim të anëtarësisë edhe me aktivizim opozitar gjithandej në Kosovë, në komunikim të drejtpërdrejt me qytetarët tanë. Pres që të kemi komente dhe të shoqërisë civile, të akterëve, profesionistëve, të botës akademike në formim të asaj që do të jetë program i ardhshëm i yni opozitar dhe program i ardhshëm i yni qeverisës”, ka shtuar ai. 

Related Topics:
Continue Reading

Lajmet

Jarinjë: Sekuestrohen mbi 19 mijë euro para të padeklaruara në një automjet me targa serbe

Published

12 minutes ago

on

September 9, 2025

By

Policia e Kosovës në bashkëpunim me Doganën e Kosovës kanë realizuar një aksion kontrolli në pikën kufitare në Jarinjë, ku kanë sekuestruar një shumë të konsiderueshme parash të padeklaruara.

Rasti ka ndodhur, rreth orës 13:00, gjatë një kontrolli të detajuar në një automjet të tipit Mercedes kombi me targa të Serbisë. Sipas njoftimit zyrtar, brenda automjetit janë gjetur mjete financiare të fshehura nën ulësen e pasme. Autoritetet kanë gjetur 9,300 euro si dhe 1,200,000 dinarë RSD, shuma këto të cilat në total kapin vlerën prej rreth 19,500 euro.

“Pkk Jarinje / 08.09.2025 – 13:00.  Policia e Kosovës në bashkëpunim me doganën e Kosovës gjatë kontrollit në automjetin kombi Mercedes me targa të Serbisë, kanë gjetur mjete financiare të padeklaruara, të fshehura nën ulësen e prapme: 9,300 (nëntëmijë e treqind) bankënota euro si dhe 1,200,000 (njëmilion e dyqindmijë) dinarë RSD. Të gjitha mjetet monetare të padeklaruara në vlerë prej rreth 19,500 (nëntëmbëdhjetëmijë e pesëqind) Euro janë sekuestruar përkohësisht dhe i janë dorëzuar zyrtarëve Doganor për trajtim dhe procedim të mëtutjeshëm te rastit.” thuhet në njoftim./D.B/UBTNews

Continue Reading

Lajmet

Klinë: Dy të arrestuar për lojëra të fatit të jashtëligjshme, sekuestrohen katër vetura

Published

20 minutes ago

on

September 9, 2025

By

Dy persona janë arrestuar gjatë një aksioni kundër organizimit të lojërave të fatit të jashtëligjshme. Gjatë operacionit policor, përveç arrestimit të dy personave, janë sekuestruar edhe katër automjete, të cilat dyshohet se janë përdorur nga të implikuarit për zhvillimin e veprimtarisë së jashtëligjshme ose për t’u larguar nga vendi i ngjarjes.

“Klinë / 08.09.2025 – 21:40. Janë arrestuar dy të dyshuar meshkuj kosovarë për shkak se të njëjtit dyshohet se bashkë me disa persona tjerë kanë kryer veprën penale të lartëcekur. Po ashtu në vendin e ngjarjes janë sekuestruar katër vetura që dyshohet se u takojnë personave që janë të implikuar në rast dhe me të vërejtur policinë kanë ikur nga vendi i ngjarjes. Në konsultim me prokurorin pas inicimit të rastit dy të dyshuarit janë dërguar në mbajtje.” thuhet në njoftim nga Policia e Kosovës./D.B/UBTNews

Continue Reading

Lajmet

Kosova ballafaqohet sot me Spanjën për Euro U21

Published

27 minutes ago

on

September 9, 2025

By

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Continue Reading

Bota

Bombardimet e sotme në Gaza, vriten 11 persona, 20 rezultojnë të zhdukur

Published

27 minutes ago

on

September 9, 2025

By

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Continue Reading

Të kërkuara