Lajmet

Abazi kërkon largimin e Mimoza Kusarit nga pozita e kryesueses: Hendikep i madh për GP

Kjo pasi ajo nuk vjen nga ky subjekt politik.

Published

3 years ago

on

Deputeti i Lëvizjes Vetëvendosje, Haki Abazi, ka thënë ka thënë se Lëvizja Vetëvendosje ka hendikep të madh faktin se kryesuese të Grupit Parlamentar ka një person që nuk vjen nga ky subjekt politik, për çka pohoi se ka kërkuar largimin e saj nga kjo pozitë udhëheqëse.

Abazi në një konferencë për media ku foli për lidhur me hapësirën e deputetit në Kosovë dhe çështje tjera politike e partiake tha se diskutimet nëpër studio, duke i quajtur deputetët “analfabetë” e të “papërgatitur” nuk qëndrojnë, pasiqë sipas tij, kjo ka të bëjë me skenarë që paraqiten në seanca plenare e që nuk lënë hapësirë të mjaftueshme për deputetët të angazhohen.

“Shumica e deputetëve kanë gatishmëri që të përgatiten, por janë dy probleme themelore brenda këtij skenari, njëri është se si bëhet ndarja në komisione parlamentare, sepse shumica e deputetëve janë të panjoftuar me substancën që diskutohet në komisione parlamentare… Ekziston një shkëputje e hallkës së debateve dhe diskutimit përmbajtësor për të gjithë deputetët se çfarë ndodh. Dhe e dyta, në rastin e GP të VV-së, ne kemi një hendikep të madh sepse kemi kryesues të GP një njeri që nuk vije nga GP i yni. As nuk është krijuar dhe as nuk është tentuar të krijohet një kohezion i brendshëm për të arritur që deputetët të japin më të mirën për çështjet dhe të ndërtojnë pronësinë mbi proceset e parlamentit mbi të cilat ne kalojmë… Nuk jam duke dalë prej Vetëvendosjes, mendoj që problemet e brendshme brenda Vetëvendosjes janë kryer”, tha ai derisa shtoi se është koha e fundit që t’i kthehen debatit.

Ai ka pohuar se ka kërkuar largimin e Kusari-Lilës nga pozita e kryesueses së Grupit Parlamentar të Vetëvendosjes. 

“Po (kam kërkuar largimin e Mimoza Kusarit nga pozita e kryesues të GP), edhe sot unë e thash në mënyrë implicite që mungesa e kohezionit që një deputet që nuk është pjesë e VV-së të udhëheq një grup kaq të madh është problematike. Kjo sepse dinamiket brenda Lëvizjes e bëjnë kompleks udhëheqjen e GP”, u shpreh ai.

Abazi foli edhe për draft-strategji për energjinë, për të cilën tha se është e njëjta me ato të qeverisjeve të 20 vjetëve të fundit, duke theksuar se duhet të ndryshohet.

“Mendoj se është momenti ta tejkalojmë problematikën e 20-vjeçarit dhe dështimit në sektorin energjetik dhe të fokusohemi në të tashmen dhe në të ardhmen. Unë them se strategjia që është përgatitur për energjinë është përsëritje me ndryshim të vendeve të togfjalëshave nga strategjitë e 20 vjetëve të fundit dhe ne e dimë se ku na kanë sjell ato strategji. Fakti që edhe kjo draft-strategji e ka kryefjalën te ndërtimi i kapaciteteve të reja prej qymyrit e bën strategjinë në kundërshtim me trendët dhe agjendën e gjelbër të BE-së dhe nuk ofron asnjë zgjidhje përveç argumenteve të së kaluarës që është në dëm të madh për shëndetin publik”, tha ai.

Sipas tij, nuk ka asnjë dyshim që draft-strategjia nuk është në linjë me atë që kërkohet dhe me atë që ne si vend duhet kaluar. 

Related Topics:
Continue Reading

Aktualitet

UBT ofron 30 për qind bursë për të gjithë alumnit në programet master

Published

5 hours ago

on

August 12, 2025

By

UBT ka nisur një nismë të re për të mbështetur zhvillimin profesional të alumnëve të tij. Të gjithë të diplomuarit e UBT-së, tashmë mund të përfitojnë 30 për qind bursë për çdo program master që ofrohet në institucion.

Pse kjo është një mundësi e veçantë?

  • Thellim i njohurive në fusha të ndryshme profesionale
  • Përmirësim i aftësive për tregun e punës
  • Diplomë nga një institucion me standarde të larta dhe praktika bashkëkohore mësimdhënieje

Programet master në UBT janë të njohura për:

  • Cilësinë akademike
  • Fokusin në praktikë dhe aplikime reale
  • Përputhjen me kërkesat e tregut të punës
  • Mentorim nga profesorë dhe ekspertë me përvojë ndërkombëtare

Si të përfitoni?

Alumnit e interesuar mund të kontaktojnë Zyrën e Regjistrimit në UBT. Procesi i aplikimit është i thjeshtë, transparent dhe i shpejtë.

UBT vazhdon të qëndrojë pranë alumnëve të tij, duke investuar në suksesin e tyre afatgjatë. Bursa prej 30 për qind është një mundësi konkrete për t’i ndihmuar ata të zhvillojnë karrierën dhe të bëhen liderë në fushat e tyre./UBTNews

Continue Reading

Lajmet

​Kërcënoi një person duke i kërkuar 21 mijë euro, arrestohet për organizim të lojërave të fati

Published

6 hours ago

on

August 12, 2025

By

Drejtoria për Hetimin e Krimeve Ekonomike dhe Korrupsionit (DHKEK), përmes Njësisë Rajonale në Prizren, ka arrestuar një person nën dyshimin për përfshirje në veprat penale ‘organizimi i skemave piramidale dhe bixhozit të paligjshëm’ dhe ‘detyrimi’.

Rasti ka nisur më 11 gusht, pasi një ankues nga një fshat i Suharekës ka raportuar se po kërcënohet dhe detyrohet nga i dyshuari, gjithashtu nga një fshat i Suharekës.

Ankuesi ka deklaruar se para tri vitesh ka luajtur lojëra bixhozi në shumën rreth 9,000 euro, ndërsa tani i dyshuari i kërkon rreth 21,000 euro, duke ushtruar presion dhe kanosje të vazhdueshme për kthimin e borxhit.

Hetuesit dyshojnë se i dyshuari ka menaxhuar lojërat e fatit përmes adresave elektronike që operonin nga Zvicra dhe Kosova. Në kuadër të hetimeve, Policia ka sekuestruar një telefon për ekzaminim të mëtejshëm.

I dyshuari, identifikuar me inicialet A.L., lindur në vitin 1990 dhe shtetas kosovar, është intervistuar në prezencë të mbrojtësit dhe ndaj tij është iniciuar rasti penale me dyshimin për veprat ‘organizimi i skemave piramidale dhe bixhozit të paligjshëm’ dhe ‘detyrimi’.

Me aktvendim të prokurorit, i dyshuari është ndaluar për 48 orë.

Continue Reading

Lajmet

OSBE mirëpret rregulloren e re për ankesat zgjedhore: E forcon transparencën, buron nga rekomandimet e misionit të BE-së

Published

6 hours ago

on

August 12, 2025

By

Misioni i OSBE-së në Kosovë, përmes një postimi në rrjetet sociale, ka bërë të ditur se ka mirëpritur miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Nga OSBE është deklaruar se kur të zbatohet plotësisht rregullorja në fjalë, e njëjta do të forcojë transparencën dhe efektivitetin e të gjithë procesit zgjedhor.

‘‘Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë’’, thuhet mes tjerash në postim.

Postimi:

Misioni i OSBE-së në Kosovë mirëpret miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Kjo rregullore e re, kur të zbatohet plotësisht, do të forcojë transparencën dhe efektivitetin e të gjithë procesit zgjedhor.

Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë, përfshirë Komisionin Qendror të Zgjedhjeve, partitë politike, Komisionin e Pavarur për Media, Këshillin e Mediave të Shkruara dhe të tjerë.

Continue Reading

Lajmet

OEK do të vazhdojë betejën ligjore pas vendimit të Dhomës së Shkallës së Dytë të Gjykatës Komerciale

Published

7 hours ago

on

August 12, 2025

By

Oda Ekonomike e Kosovës ka pranuar me shqetësim që Dhoma e Shkallës së Dytë e Gjykatës Komerciale ka ndryshuar masën e sigurisë për shtyrjen e ekzekutimit të vendimit nr. 275/24, të datës 05.04.2024, dhe njoftimit të datës 12.03.2025 të nxjerrë nga ZRrE.

OEK, duke qenë institucion publik, nuk e komenton vendimin e Dhomës së Shkallës së Dytë të Gjykatës Komerciale, por njofton se do të vazhdojë betejën ligjore nëpërmjet mjeteve të tjera ligjore në dispozicion, brenda afateve të përcaktuara, dhe për këtë do të njoftojë me kohë të gjithë anëtarët e Odës Ekonomike të Kosovës.

Përkundër këtij vendimi, OEK kërkon nga Zyra e Rregullatorit për Energji që të mos marrë veprime të tjera që do t’i dëmtonin bizneset, të cilat tashmë janë dëmtuar nga vendimet e ZRrE-së që kanë shkuar në dëm të ekonomisë së vendit dhe kanë ndikuar në shtrenjtimin e jetesës së qytetarëve të Republikës së Kosovës.

Në ditët në vijim, ne do të konsultohemi me bizneset dhe do të shqyrtojmë hapat e tjerë që do të ndërmerren. Për këtë, do të njoftoheni me kohë.

Continue Reading

Të kërkuara