Lajmet

AAK kërkon rishikim të plotë buxhetor

Me këtë rishikim, buxhetit prej 2.7 miliardë euro i shtohen edhe mbi 150 milionë të tjera.

Published

on

Komisioni për Buxhet, Punë dhe Transfere, me shtatë vota pro dhe një abstenim, miratoi në mbledhjen e së martës raportin me amendamente për Projektligjin për ndryshimin dhe plotësimin e ligjit mbi ndarjet buxhetore për Buxhetin e Republikës së Kosovës për vitin 2022.

Me këtë rishikim, buxhetit prej 2.7 miliardë euro i shtohen edhe mbi 150 milionë të tjera. Në këtë rast, rishikimi i buxhetit nga qeveria është bërë vetëm për Ministri të Financave, dhe nuk prek ndonjë organizatë tjetër buxhetore.

Ani se votoi pro këtij rishikimi, deputeti nga AAK, Pal Lekaj kërkoi që urgjent të bëhet rishikimi i plotë i buxhetit 2022, i cili ngriti edhe çështjen e ngecjes së shumë projekteve kapitale në vend.

Lekaj theksoi se Kosova është para kolapsit për realizimin e investimeve kapitale.

“Këtë Projektligj, ne si grup parlamentar do ta votojmë, por kam disa sugjerime që sa më parë të bëhet rishikimi i tërësishëm buxhetor, sepse shumë projekte kanë ngecur dhe nuk mund të zhvillohen. Jemi para një kolapsi të investimeve kapitale dhe sa më parë që ta sjellim ligjin për rishikim buxhetor aq më mirë është. Përndryshe, ne i themi po”, theksoi Lekaj.

Ndërsa, kryetari i Komisionit, Armend Muja, theksoi se në bazë të vendimit të Kuvendit për procedura të përshpejtuara për miratimin e rishikimit të buxhetit, Komisionit sot ka afatin e fundit për procedim në kuvend.

“Komisioni për Buxhet, Punë dhe Transfere deri më datën 21 qershor, në bazë të vendimit të Kuvendit, duhet ta paraqesë raportin me rekomandime për shqyrtim në seancë plenare. Në bazë të nenit 57 të Rregullores së Kuvendit, pasi që raporti me amendamente shqyrtohet nga Komisionet e përhershme, konsiderohet se Komisioni ka përfunduar shqyrtimin e projektligjit dhe procedon për lexim të dytë”, theksoi ai.

Për këtë projektligj, ka abstenuar deputeti i LDK-së, Avdullah Hoti. Ndërkaq, në seancën e së enjtes në Kuvend, pritet të shqyrtohet në lexim të dytë Projektligji për ndryshimin dhe plotësimin e Ligjit mbi ndarjet buxhetore për buxhetin për vitin 2022.

Komisioni ka miratuar edhe kërkesën buxhetore të Kuvendit të Kosovës për periudhën 2023, në bazë të Qarkores së parë buxhetore të Ministrisë së Financave.

Sekretari i përgjithshëm i Kuvendit të Kosovës, Ismet Krasniqi ka prezantuar para komisionit kërkesën për kategorinë e buxhetit.

“Sipas rregullave dhe procedurave të Ligjit për menaxhimin e financave publike, ne kemi dorëzuar kategorinë e buxhetit për vitin 2023-2025 dhe sipas të cilave shpenzime janë kategoritë e parapara me ligjin, të cilat për çdo vit në një mënyrë kanë paraparë një rritje graduale, por në disa raste ka edhe zbritje. Nëse flasim për kategoritë e pagave, shuma e buxhetit është 1 milion e 45 mijë euro, për mallra dhe shërbime 120 mijë euro”, theksoi Krasniqi.

Në anën tjetër, deputeti nga VV-ja Eman Rrahmani ka kërkuar sërish përgjigje nga sekretari Krasniqi për shpenzimet rreth 1000 euro, të cilat deri tash kanë mbetur enigmë në raportin e shpenzimeve të Kuvendit, se nga cilët deputetë janë shpenzuar këtë mjete në një hotel në Brezovicë, në janar 2022.

Për këtë ka reaguar kryetari i Komisionit, Armend Muja, i cili tha se ka marrë një raport shtesë të shpenzimeve me shkrim nga sekretaria dhe do t’ia shpërndajë anëtareve të Komisionit gjatë ditës.

Lajmet

Eva Longoria pozon pranë yllit në Hollywood Walk of Fame, para premierës së filmit të ri

Published

on

Eva Longoria, 50 vjeçe, shkëlqeu teksa pozoi pranë yllit të saj në Hollywood Walk of Fame të mërkurën, pak para premierës së filmit të saj të ri “Alexander And The Terrible, Horrible, No Good, Very Bad Road Trip”, që transmetohet në Disney+ të premten.

Aktorja e “Desperate Housewives” u shfaq elegante me një fustan jeshil ulliri pa rripa, të kombinuar me taka të bardha.

Dukej natyrale me flokët e lëshuar me onde dhe një grim të butë kafe, shkruan DailyMail.

Më pas, Eva mori pjesë në premierën e filmit në Teatrin El Capitan, duke festuar komedinë e saj të re familjare.

Një ditë më parë, ajo u takua me shoqen e saj Lauren Sanchez, e cila pritet të martohet me miliarderin Jeff Bezos këtë verë.

Gjatë një interviste promovuese, Eva ndau kujtime nga fëmijëria e saj në një fermë në Teksas dhe rrëfeu se, si më e vogla e katër motrave, shpesh e konsideronte veten “rosën e shëmtuar”, ndaj vendosi të shquhej për humorin dhe zgjuarsinë e saj.

Në filmin e ri, Longoria luan Val Garcian, një nënë që niset në një udhëtim të çmendur familjar në Kaliforni, duke sjellë në ekran një histori të ngrohtë dhe plot aventura.

Continue Reading

Lajmet

Presidenca kundërshton propozimin për shtrenjtim të rrymës

Published

on

By

Presidenca e Kosovës ka kundërshtuar propozimin për rritjen e çmimit të energjisë elektrike.

Në komentin dërguar Zyrës së Rregullatorit të Energjisë në kuadër të procesit të shqyrtimit të tarifave, Presidenca ka propozuar disa rekomandime për të parandaluar shtrenjtimin e energjisë elektrike.

Propozimi i ZRRE-së ka qenë që rryma të shtrenjtohet për 15 për qind nga prilli.

Megjithatë, sipas komentit të Presidencës, një shtrenjtim i tillë do të sillte barrë të madhe për qytetarët. Presidenca ka thënë se “ky veprim do të mund të shkaktonte valë të re inflacioni në vend dhe të ndikonte drejtpërdrejt në rënien e fuqisë blerëse të qytetarëve”.

“Rritja e çmimit të energjisë ka një efekt të drejtpërdrejtë dhe shumë të rëndësishëm në ekonominë e një vendi. Çmimi i energjisë është i lidhur ngushtë me inflacionin, si dhe me koston e jetesës. Prandaj, shprehim shqetësimin tonë për faktin se një rritje e tillë e çmimit të energjisë do të kishte një ndikim të drejtpërdrejtë në jetën e përditshme të qytetarëve, duke rritur barrën e tyre financiare. Kjo do të përfshinte edhe rritjen e çmimeve të produkteve ushqimore dhe shërbimeve të tjera thelbësore”, thuhet në komentin e dërguar nga Presidenca.

Në komente, Presidenca ka propozuar që si masa të menjëhershme të jenë: Mirëmenaxhimi i shpenzimeve dhe humbjeve, subvencionimi i energjisë, identifikimi i masave shtesë për obligimin e pagesës së faturave mujore në veri, largimi i ose reduktimi i përkohshëm i TVSH-së për energjinë elektrike, dizajnimi dhe prezantimi i programit të shtyrjes së pagesave.

Si masa më afatmesme Presidenca ka rekomanduar: Menaxhimin efikas të KEK-ut dhe planifikimin e burimeve energjetike, rritje të efikasitetit të furnizimit me energji dhe vazhdim të programeve të efiçiencës.

Si masa afatgjata, Presidenca ka rekomanduar: Ndërtimin e kapaciteteve të reja gjeneruese të energjisë elektrike në vend dhe marrëveshje për tregtinë ndërkufitare me shtete aleate.

Pos Presidencës, në ditën e fundit të mundësisë për komentim, këtë e kanë bërë edhe INDEP-i, KEDS-i, KOSTT-i dhe KESCO.

Continue Reading

Lajmet

​Agjencisë së Menaxhimit Emergjent i shtohen edhe 51 zjarrfikës

Published

on

By

Në Akademinë e Kosovës për Siguri Publike – Agjencia e Menaxhimit Emergjent u organizua sot ceremonia e përfundimit të trajnimit bazik për 51 zjarrfikës të rinj.

Trajnimi kishte për qëllim përgatitjen profesionale të pjesëtarëve të Njësive Profesionale të Zjarrfikjes dhe Shpëtimit, në mënyrë që ata të jenë të gatshëm të përballen me sfidat e këtij profesioni dhe të kontribuojnë në strukturat profesionale të zjarrfikjes dhe shpëtimit.

Gjatë trajnimit, pjesëtarët e zjarrfikjes dhe shpëtimit u njohën me teknikat e avancuara të shuarjes së zjarreve, procedurat operative dhe përdorimin e pajisjeve të specializuara.

Përveç aftësive teknike, ata mësuan rëndësinë e disiplinës, bashkëpunimit në ekip dhe elementeve kyçe për suksesin e një zjarrfikësi shpëtues.

Drejtori Ekzekutiv i AME-së, Genc Metaj, vlerësoi punën dhe përkushtimin e zjarrfikësve të rinj, të cilët tashmë janë të gatshëm të shërbejnë me përgjegjësi dhe guxim në mbrojtje të jetës dhe pronës së qytetarëve.

Ai theksoi se ky është një hap i rëndësishëm në ndërtimin e kapaciteteve të shërbimit zjarrfikës në vendin tonë.

Continue Reading

Bota

Macron: Izraeli nuk ka asnjë arsye që të sulmojë Libanin

Published

on

Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.

Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.

Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.

Continue Reading

Të kërkuara