Lajmet

AAK-ja kërkon që dinari të mos jetë “mollë sherri” drejt BE-së, VV-ja përmend lehtësirat për qytetarët serbë

Tahiri thotë se çështja e dinarit nuk është dashur të diskutohet fare në Bruksel, pasi Kosova që nga viti 2002 operon me valutën euro.

Publikuar

2 muaj më parë

më

Aleanca për Ardhmërinë e Kosovës thekson se Qeveria e udhëhequr nga Albin Kurti po krijon tema që janë në dëm të qytetarëve, siç është çështja e dinarit, ndërsa nga Lëvizja Vetëvendosje thonë se në Bruksel guvernatori ka sqaruar për lehtësirat për qytetarët në atë pjesë të veriut.

Nga VV-ja kanë përmendur lehtësirat që po u mundëson Banka Qendrore sa i përket këmbimit valutor, ndërkaq nga AAK-ja kërkojnë më shumë kujdes, në mënyrë që kjo temë të mos bëhet “mollë sherri” në rrugëtimin drejt integrimit Evropian.

Shefi i deputetëve të Aleancës për Ardhmërinë e Kosovës (AAK), Besnik Tahiri, thotë se çështja e dinarit nuk është dashur të diskutohet fare në Bruksel, pasi Kosova që nga viti 2002 operon me valutën euro. Ai thotë se Qeveria po krijon tema që e pengojnë përparimin e Kosovës.

“Çështja e dinarit është vendim i brendshëm i Kosovës. Valuta euro është valutë tash e 22 vite dhe nuk duhet të diskutohet as në Bruksel e askund tjetër. Problemi qëndron se kjo qeveri do të thotë i nxjerr disa tema pa kurrfarë nevoja që pastaj kthehen në tema që e pengojnë ecjen e Kosovës përpara dhe në veçanti e pengojnë Kosovën në rrugëtimin e vet në formësimin dhe forcimin e subjektivitetit të vet ndërkombëtar. Kjo ka ndodhur, pra nuk duhet diskutohet dinari askund mirëpo duhet të trajtohet me partnerët tanë Kosovë për me u gjet një zgjidhje. Valuta është e vetme dinari mirëpo është tepër më rendësi që kjo të mos na bëhet mollë sherri në rrugëtimin tonë drejt integrimit tonë Evropian”, u shpreh Tahiri.

Deputeti i Lëvizjes Vetëvendosje, Driton Hyseni, thotë se Banka Qendrore ka ofruar shumë lehtësira për qytetarët në atë pjesë sa i përket shërbimeve bankare.

“Unë mendoj që është qartësuar me vizitën që zyrtarët e Bankës Qendrore të Kosovës që e kanë bërë në Bruksel. Guvernatori i Bankës Qendrore e dha njoftimin lidhje me të gjitha sqarimet që ka pasur nevojë të diskutohen me të gjitha palët e interesuara në Bruksel në lidhje me lehtësirat që Banka Qendrore e Kosovës ka ofruar për të gjithë qytetarët në pjesën veriore të Kosovës me qëllim që ata të mos kenë as një vështirësi sa i takon qasjes në shërbimet bankare”, thotë Hyseni.

“Unë konsideroj që BQK e ka vullnetin dhe gatishmërinë e plotë që çdo sqarim i mëtutjeshëm i nevojshëm të bëhet për qytetarët në pjesën veriore të Kosovës me qëllim që ata të ndihen qytetarë maksimalisht të privilegjuar sa i takon qasjes në të gjitha shërbimet bankare, përfshirë edhe llogarit me kushte minimale apo pa pas nevojë të paguhet për to por edhe me lehtësira të tjera të cilat janë të proceduara saktësisht nga masat që Banka Qendrore e Kosovës ka marrë me qëllim që të lehtësoj të gjitha transaksionet e mundshme bankare për qytetarët në pjesën veriore të vendit”, u shpreh ai.

Etiketa
Vazhdo të lexosh

Lajmet

Nga ‘Heroi i Pamundur’ te ‘Shkatërrimtari’: Joselu dërgon Real Madridin në Finalen e Champions League

Publikuar

1 orë më parë

më

9 Maj, 2024

nga

Ndër talentët më të mëdhënj të futbollit modern, Joselu, hero i panjohur, shkroi një kapitull të pazakontë në historinë e Ligës së Kampionëve. Në një përleshje epike gjysmëfinale, ai u shfaq në çastet më kritike për të shënuar dy gola vendimtarë, duke çuar Real Madridin në një triumf mahnitës kundër Bayern Munich.

Në një kthesë të papritur të ngjarjeve, José Luis Mato Sanmartín, i njohur si Joselu, u nis nga stolu i zëvendësuesit për të shkëlqyer në një rol që shumë e quajnë “heroi i pamundur”. Duke lindur afër Mynihut dhe duke përjetuar karrierën nëpër klube të ndryshme evropiane, ai rikthehet në rrugëtimin e tij me Real Madridin për të kryer një performancë legjendare.

Në një atmosferë të shkëlqyer, Joselu shënon dy gola në mënyrë spektakolare, duke kthyer ndeshjen në favor të Real Madridit. Megjithëse Bayern Munich mundi të shënojë një gol të bukur, performanca e tij në fushë ishte e pamohueshme. Duke fituar këtë fitore epoke, Real Madrid ngrihet në kulmin e suksesit, duke shkruar një kapitull të ri në historinë e tyre të lavdishme në Ligën e Kampionëve.

Ndërkohë, për Joselun, ky triumf shënon një kapitull të rëndësishëm në karrierën e tij, duke treguar se asnjë sfidë nuk është e pamundur për një luftëtar të vërtetë. Ai i jep një kontribut vendimtar në rrugën drejt finalja, duke përjetuar një natë të papërshkrueshme në skenën më prestigjioze të futbollit botëror. /UBTNews/

Vazhdo të lexosh

Aktualitet

Trump: Biden mban anën e terroristëve, e çon botën në Luftën e Tretë Botërore

Publikuar

2 orë më parë

më

9 Maj, 2024

nga

Donald Trump, ish-presidenti i SHBA-së, fituesi i zgjedhjeve paraprake republikane dhe një kandidat gjithnjë e më i sigurt presidencial, kritikoi presidentin aktual, Joseph Biden, për kushtëzimin e dorëzimit të armëve dhe mbështetjes për Izraelin me ndalimin nga një “pushtim i plotë”,  të Rafahut.

Sipas mediave izraelite, Trump e akuzoi Bidenin se po mban anën e ekstremistit palestinez Hamas.

Trump shkroi në rrjetet sociale se “Krimineli Joe mban anën e terroristëve”, duke aluduar në Hamas, duke deklaruar se Biden “anon me turmat radikale që kanë pushtuar kampuset, sepse donatorët e tij i financojnë ato”.

“Biden është i dobët, i korruptuar dhe po e çon botën drejtpërdrejt në Luftën e Tretë Botërore”, tha ish-udhëheqësi amerikan, duke përsëritur se lufta mes Izraelit dhe Hamasit nuk do të kishte nisur nëse ai do të kishte qenë president. /UBTNews/

 

Vazhdo të lexosh

Kulturë, Lifestyle

Përkthimi i kulturës në valutë: Hajrulla Çeku çel arkën me 3 milionë euro për Muzeun Kombëtar të Kosovës

Publikuar

2 orë më parë

më

9 Maj, 2024

nga

Në një njoftim të rëndësishëm për kulturën dhe trashëgiminë e Kosovës, ministri i Kulturës, Hajrulla Çeku, ka shpallur planin për rindërtimin dhe rinovimin e Muzeut Kombëtar të Kosovës. Përmes një postimi në Facebook, Çeku ka zbuluar që Muzeu do t’i nënshtrohet një procesi të gjatë restaurimi, me një fokus të veçantë në përmirësimin e kushteve të deposë.

Çeku ka shpalosur se për këtë projekt të rëndësishëm janë përcaktuar fondet në vlerën e tre milionë eurove, duke theksuar seriozitetin dhe synimet për të kthyer Muzeun në një qendër të rëndësishme për trashëgiminë kulturore të vendit.

Në të njëjtën kohë, ministri Çeku ka premtuar që gjatë periudhës së mbylljes së Muzeut për restaurim, do të kryhet edhe një rikonceptim dhe përditësim i ekspozitave të përhershme. Ky ndryshim pritet të sjellë një frymë të re dhe një përvojë më të pasur për vizitorët pas hapjes së Muzeut, duke e ngritur atë në një nivel të lartë artistik dhe kulturor. /UBTNews/

Vazhdo të lexosh

Aktualitet

Hoxhaj: Kosova pa asnjë njohje që katër vjet, i ka humbur momentumi ndërkombëtar

Publikuar

2 orë më parë

më

9 Maj, 2024

nga

Ish-ministri i jashtëm Enver Hoxhaj, ka thënë se Palestina, edhe pse në Gaza në gjendje lufte, ka arritur të rikthejë momentumin ndërkombëtar, nga e cila po merr njohje të njëpasnjëshme.

Nënkryetar i Kuvendit Enver Hoxhaj, përmes një shkrimi në rrjetin social Facebook, ka thënë se javën e kaluar Xhamajka, Barbados, Trinidad dhe Tobago njohën pavarësinë e Palestinës dhe këtë muaj Spanja, Irlanda dhe Sllovenia gjithashtu do ta njohin atë, shkroi ai. E kjo, sipas Hoxhajt, tregon që, Palestina, përkundër luftës në Gaza, e ka rikthyer momentumin e saj.

“Kosova pa asnjë njohje në katër vitet e fundin, përfundimisht e ka humbur momentumin ndërkombëtar të saj! Ky është çmimi që është duke paguar Kosova pa kurrfar politike të jashtme.”, ka shkruar Hoxhaj.

“Javën e kaluar Xhamajka, Barbados, Trinidad dhe Tobago njohën pavarësinë e Palestinës. Këtë muaj Spanja, Irlanda dhe Sllovenia gjithashtu do ta njohin atë! Kjo tregon që, ajo, përkundër luftës në Gaza, e ka rikthyer momentumin e saj. Kosova pa asnjë njohje në katër vitet e fundin, përfundimisht e ka humbur momentumin ndërkombëtar të saj! Ky është çmimi që është duke paguar Kosova pa kurrfar politike të jashtme”, është ky shkrimi i plotë i tij. /UBTNews/

Vazhdo të lexosh

Të kërkuara