Lajmet

AAK inicion seancë të jashtëzakonshme për koeficientin e pagave

Tahiri përmes një konference për media përmendi institucionet që sipas tij janë dëmtuar nga Ligji për paga.

Published

3 years ago

on

Aleanca për Ardhmërinë e Kosovës vlerëson se duhet mbajtur një seancë e jashtëzakonshme në të cilën do të diskutohet Ligji për paga. Shefi i Grupit Parlamentar të AAK-së, Besnik Tahiri bëri të ditur se janë duke i mbledhur nënshkrimet për të ftuar një debat parlamentar, ku do të kërkohet që të ketë rritje të koeficientit nga 105 në 129. Tahiri paralajmëroi inicimin e një nisme ligjore e cila do të kërkon amendamentimin e Ligjit për buxhet, nëse nuk do të ketë zhvillime të reja. Derisa theksoi se dialogu ka degraduar tërësisht.

Tahiri përmes një konference për media përmendi institucionet që sipas tij janë dëmtuar nga Ligji për paga, derisa specifikoi Policinë e Kosovës.

“Aleanca për Ardhmërinë e Kosovës është duke i mbledhur nënshkrimet për të ftuar një debat parlamentar në një seancë të jashtëzakonshme me 40 nënshkrime, për të adresuar katrahurën në administratën shtetërore e cila vjen si rezultat i neglizhimit total të kësaj qeverie ndaj një strukture të shtetit e cila realisht, është struktura që i jep drejtim dhe zhvillim, është administrata shtetërore. Janë dy çështje kryesore që do t’i ngrisim në këtë seancë të jashtëzakonshme. E para ka të bëjë me Ligjin e pagave, respektivisht me ligjin për zvogëlimin e pagave i cili vjen si rrjedhojë e totalisht neglizhimit që qeveria e ka bërë me këtë ligj,. A mund të besoni që rreth 900 punëtorë civilë në Policinë e Kosovës, prej tyre 600 kanë zvogëlim të pagave. Pra janë diku rreth 900 punëtorë në administratën civile në polici diku rreth 600 kanë zvogëlim të pagave. A mund të besoni që gradat prej majorit, pra policët në shërbim, prej gradës major e deri tek gjenerali, tek drejtori i Policisë kanë zvogëlim të pagës prej 120 deri në 600 euro”, tha Tahiri.

Tutje, Tahiri kërkoi nga qeveria aktuale që ta rritë koeficientin për paga nga 105 në 129, derisa potencoi edhe institucionin arsimor si të “prekur” nga ky ligj.

“A mund të besoni se në arsim, në arsimin e lartë shumica e profesorëve kanë zvogëlim të pagave e lëre më për anomalitë në hierarkinë e pagës. Sekretari i përgjithshëm i një fakulteti, po e marrim fakultetin e edukimit, e ka pagën më të vogël se zyrtari i tij për teknologji informative. Pastaj, në qoftë se e shohim pjesën e administratës së shtetit, nuk ka lëvizë në shërbim civil asgjë, ka vetëm degradim. Andaj, ne si grup parlamentar, në këtë debat do t’iu japim argumentet tona pse duhet që koeficienti të ngritet nga 105 në 129, së paku dhe për këtë shpresoj që të kemi mbështetjen jo vetëm të 40 deputetëve, po të deputetëve që e dinë se e drejta është në anën tonën. Në qoftë se kjo nuk lëvizë, atëherë ne si grup parlamentar do të iniciojmë një nismë ligjore, nismë ligjore e cila do të kërkon amandamentimin e ligjit për buxhet tani dhe jam i bindur se deputetët do të na mbështesin”, tha Tahiri.

Ndërkaq i pyetur se çfarë pret nga takimi që do të mbahet në Bruksel në mes të Kosovës dhe Serbisë, Tahiri e quajti degradim faktin që Kosova vazhdon të mbetet nën sanksione.

“Në Bruksel dialogu ka degraduar totalisht prej një situate kur do të duhej të qartësohej rrugëtimi i Kosovës drejt anëtarësimit në NATO dhe BE, partneritetit për paqe, beneficioneve që Kosova do t’i merr në këtë proces, Kosova sot është e sanksionuar. Ajo që ka bërë kryeministri Kurti sot është që e ka sjellë Kosovën që të diskutohen çështjet e brendshme atje. Pra, zgjedhjet në katër komuna, tanimë prej vendim diskutimit në parlament e në Qeveri të Kosovës, në Prishtinë, i ka kthyer në një diskutim të palëve në Bruksel. Ky është degradimi që ka ndodhur”, u shpreh Tahiri.

Related Topics:
Continue Reading

lajme

Shkarkohet Blerim Isufaj nga posti i Kryeprokurorit të Prokurorisë Speciale

Published

8 hours ago

on

October 2, 2026

By

Kryeprokurori i Prokurorisë Speciale, Blerim Isufaj, është shkarkuar të premten nga Këshilli Prokurorial i Kosovës (KPK), ka mësuar KOHA.

Gjatë ditës ishte bërë e ditur se KPK-ja do të mblidhej në një takim të jashtëzakonshëm, ku në rend dite ishte diskutimi për performancën e Isufajt.

Isufaj ishte zgjedhur për herë të parë në krye të Prokurorisë Speciale në vitin 2019, ndërsa ishte rizgjedhur në këtë pozitë në vitin 2023.

Gjatë mandatit të tij, Isufaj ka qenë një prej figurave më të kritikuara në sistemin prokurorial nga Lëvizja Vetëvendosje. Ai ishte votuar edhe nga Këshilli Prokurorial për pozitën e Kryeprokurorit të Shtetit, por procesi kishte mbetur pezull dhe nuk ishte dekretuar nga ish-presidentja Vjosa Osmani.

Kryeministri Albin Kurti kishte deklaruar më herët se në sistemin prokurorial “shumica e problemeve kanë emër të përveçëm”, duke iu referuar Isufajt.

Më 2 shtator, Isufaj pati një përplasje me disa anëtarë të Këshillit Prokurorial të Kosovës. Përplasjet u zhvilluan gjatë shqyrtimit të raportit të punës së Prokurorisë Speciale për vitin 2025, i cili më pas u rrëzua nga KPK-ja.

D.L

Continue Reading

Aktualitet

Nis takimi mes Kurtit dhe Hamzës

Published

8 hours ago

on

October 2, 2026

By

Ka nisur takimi mes kryeministrit Albin Kurti dhe kryetarit të Partisë Demokratike të Kosovës (PDK), Bedri Hamza.

Në takim pritet të diskutohen çështja e zgjedhjes së presidentit të ri dhe ndryshimet e mundshme në Ligjin për Dhomat e Specializuara të Kosovës.

Hamza është parë duke hyrë në objektin e Qeverisë i shoqëruar nga deputeti i PDK-së, Rrahman Rama.

Kuvendi i Kosovës ka afat deri më 6 tetor për zgjedhjen e presidentit të ri. Nëse presidenti nuk zgjidhet brenda këtij afati, vendi shkon në zgjedhje të reja.

D.L

Continue Reading

lajme

“Jo në emrin tim” para Ministrisë së Drejtësisë “Voto Ligjin”, kërkohet miratimi i ligjit për mbrojtjen e UÇK-së

Published

9 hours ago

on

October 2, 2026

By

Protestuesit e iniciativës “Jo në emrin tim” kanë zhvilluar sot një aksion simbolik para Ministrisë së Drejtësisë, ku kanë vendosur një baner me mbishkrimin “Voto Ligjin”, duke kërkuar procedimin dhe miratimin e ligjit për mbrojtjen e UÇK-së.

Aktivisti Rron Kafegjolli deklaroi se qytetarët prej 17 ditësh po kërkojnë miratimin e këtij ligji, duke e cilësuar vonesën si të papranueshme.

Sipas Kafegjollit, bazuar në deklarimet e kryeministrit Albin Kurti, ligji po mbahet i bllokuar në Ministrinë e Drejtësisë dhe Ministrinë e Financave.

“Ky nuk është një udhëzim çfarëdo që mund ta kaloni lart e poshtë nëpër zyra. Sepse bëhet fjalë për ligjin që mbron të vërtetën e UÇK-së dhe ne nuk do të lejojmë zvarritjen e tij”, u shpreh ai.

Kafegjolli kritikoi ministren Donika Gërvalla dhe ministrin Hekuran Murati, duke kërkuar nga institucionet që të veprojnë në përputhje me kërkesat e qytetarëve.

“Institucionet e këtij shteti nuk mund të mbeten peng i inateve apo bindjeve personale të ministres Gërvalla dhe ministrit Murati. Shteti nuk është pronë private e dikujt”, tha Kafegjolli.

Duke iu referuar afatit për zgjedhjen e presidentit, i cili skadon më 6 tetor, ai i bëri thirrje Qeverisë që të mos e zvarrisë më tej procesin e miratimit të ligjit.

“Qeveria duhet ta dijë se rinia po ju vëzhgon dhe 6 tetori po afron me shpejtësi. Mos e provokoni durimin tonë”, deklaroi ai.

Kafegjolli e përmbylli fjalimin duke i bërë thirrje Qeverisë që ta dëgjojë zërin e protestuesve dhe të veprojë lidhur me kërkesën për miratimin e ligjit.

D.L

Continue Reading

Lajmet

Master në Gjuhë, Media dhe Komunikim në UBT: Formimi profesional për liderët e së ardhmes

Published

9 hours ago

on

October 2, 2026

By

Në një epokë ku media dhe komunikimi po transformohen me ritme të shpejta, profesionistët e së ardhmes kanë nevojë për njohuri të avancuara, mendim kritik dhe aftësi praktike.

Pikërisht për këtë, UBT ofron programin Master në Gjuhë, Media dhe Komunikim, të konceptuar për të përgatitur profesionistë të aftë për të udhëhequr në sektorin e medias, komunikimit dhe marrëdhënieve me publikun.

Programi Master në Gjuhë, Media dhe Komunikim ndërthur në mënyrë strategjike shkencat sociale, teknologjinë e informacionit, gazetarinë, Marrëdhëniet me Publikun (PR) dhe krijimin e përmbajtjes digjitale.

Përmes kombinimit të njohurive teorike me përvojën praktike dhe hulumtimin shkencor, studentët zhvillojnë kompetenca të avancuara për t’u përballur me kërkesat e tregut modern të punës, si në Kosovë ashtu edhe në tregun global.

Një rëndësi e veçantë i kushtohet etikës profesionale, mendimit kritik dhe aftësisë për të analizuar, interpretuar dhe menaxhuar komunikimin dhe imazhin e institucioneve dhe organizatave.

Kjo e bën programin një mundësi të përshtatshme për të gjithë ata që synojnë të avancojnë profesionalisht në media, gazetari, komunikim strategjik, PR, marketing dhe përmbajtje digjitale.

Përveç mundësisë për të ndjekur një program Master të orientuar drejt zhvillimit profesional, UBT ofron edhe një mbështetje të rëndësishme financiare për studentët. Përmes bursës Engaged Scholarship, studentet që janë pjesë e kësaj fushe përfitojnë 20% zbritje në tarifën e studimeve gjatë gjithë periudhës së programit Master.

Kjo bursë përfaqëson një mundësi konkrete për studentët që duan të investojnë në arsimimin e tyre të avancuar, duke pasur njëkohësisht mbështetje financiare gjatë gjithë rrugëtimit akademik.

Master në Gjuhë, Media dhe Komunikim në UBT është një mundësi për të zgjeruar njohuritë, për të zhvilluar kompetenca profesionale dhe për të ndërtuar bazat e një karriere të suksesshme në një sektor që ndryshon vazhdimisht.

Apliko në programin Gjuhë, Media dhe Komunikim -Master dhe përfito 20% bursë përmes Engaged Scholarship.

Continue Reading

Të kërkuara