Lajmet

A rrezikon të shembet regjimi komunist në Korenë e Veriut?

Koreja e Veriut mbetet për momentin e qëndrueshme, gjë që do të thotë se vendi komunist nuk ka gjasa të kalojë në kaos ose kolaps.

Published

5 years ago

on

Nga Naoko Aoki

“National Interest”

Pavarësisht problemeve ekonomike serioze, Koreja e Veriut mbetet për momentin e qëndrueshme, gjë që do të thotë se vendi komunist nuk ka gjasa të kalojë në kaos ose kolaps. Kjo sepse lideri i Koresë së Veriut Kim Jong-un, duket se ka një kontroll të fortë të pushtetit, gjë që i jep atij mundësinë të neutralizojë në kohë çdo kërcënim të brendshëm.

Ndërsa mungesa e ushqimit dhe pasiguritë e tjera ekonomike paraqesin rreziqe për Kim, dhe nëse ato do të çojnë në një destabilitet më të gjerë për vendin e izoluar, kjo gjë mbetet të shihet. Ekzistojnë të gjitha shenjat se Kim ka aktualisht nën kontroll të gjitha institucionet shtetërore dhe shoqërinë koreano-veriore, çka është një parametër matës i rëndësishëm i stabilitetit politik të Koresë së Veriut.

Kim ka vazhduar që të drejtojë aktivitetet politike javët e fundit, përfshirë një takim 4-ditor të Partisë së Punëtorëve të Koresë se Veriut, që përfundoi në mesin e këtij muaji. Paraqitjet e tij në mediat shtetërore nuk tregojnë ndonjë zhvillim, që të sugjerojë shpërthimin e afërt të trazirave politike.

Megjithatë është fakt që Koreja e Veriut, po përballet me sfida të mëdha ekonomike. Në krye të kësaj liste është mungesa e ushqimit, e cila i detyrohet pjesërisht vendimit të Koresë së Veriut për t’i mbyllur kufijtë e saj, me synimin parandalimin  e përhapjes së madhe të koronavirusit në vend.

Kim bëri një deklaratë të pazakontë në fillim të këtij muaji, kur e pranoi vendi i tij po përballet me një situatë ushqimore “të tensionuar”, gjë që tregon seriozitetin e problemit.

Ndërsa Koreja e Veriut pretendon se nuk ka asnjë rast me koronavirus, masat ekstreme që ka marrë vendi për të parandaluar depërtimin e pandemisë, e kanë dëmtuar ekonominë e saj në aspekte që shkojnë përtej mungesës së ushqimit.

Raportet mediatike tregojnë se vendi komunist po përjeton gjithashtu prishje të zinxhirëve të furnizimit, një mungesë të theksuar të mallrave më jetikë dhe çmime shumë të luhatshme.

Nëse probleme të tilla ekonomike do të përkeqësohen më tej apo jo, kjo gjë do të varet pjesërisht nga shkalla në të cilën Kina, partnerja më e madhe tregtare e Koresë së Veriut dhe aleati politik tradicional, do ta ndihmojë Korenë e Veriut përmes ndihmës zyrtare dhe jozyrtare.

Gjithashtu, kjo do të varet nëse Koreja e Veriut, e cila është jashtëzakonisht e kujdesshme ndaj pandemisë së Covid-19, do të hapë kufirin e saj me Kinën, për të lejuar kalimin e produkteve ushqimore për të parandaluar kësisoj një krizë humanitare.

Një përkeqësim i situatës ushqimore dhe i ecurisë së përgjithshëm ekonomike të Koresë së Veriut, paraqesin shumë rreziqe për Kim, pasi mund të rritet pakënaqësia midis qytetarëve të Koresë së Veriut, të cilët kanë duruar për dekada pasojat e keq-menaxhimit ekonomik të regjimit.

Duke pasur parasysh kontrollin e fortë të regjimit të Kim mbi opinionin publikun, pakënaqësia në nivelin e qytetarëve të zakonshëm, nuk ka gjasa ta kërcënojë regjimin. Tek e fundit, edhe një zi buke në shkallë të gjerë në vitet 1990 që vrau miliona njerëz, nuk shkaktoi ndonjë trazirë masive.

Një rrezik më i madh për Kim Jong-un mund të vijë nga pakënaqësia në mesin e elitës drejtuese të Koresë së Veriut, që mund t’u japë më shumë pushtet grupeve brenda sistemit, si për shembull në ushtri. Edhe nëse do të ndodhë kjo, mund të mos rrezikojë domosdoshmërisht stabilitetin e regjimit.

Faktorë të tjerë që mund të ndikojnë në stabilitetin e Koresë së Veriut, përfshijnë një shpërthim masiv të koronavirusit, të cilin sistemi shëndetësor i Koresë së Veriut është i pajisur shumë keq për ta menaxhuar si duhet.

Duke pasur parasysh rëndësinë e udhëheqësit në sistemin e Koresë së Veriut, çdo problem me shëndetin e Kim, për të cilin ka informacion të kufizuar, mund të përbëjë një kërcënim më të drejtpërdrejtë për stabilitetin e regjimit. Por tani për tani, Koreja e Veriut duket e qëndrueshme, dhe shumë të ngjarë të qëndrojë e tillë, të paktën për një periudhë të afërt.

Shënim: Naoko Aoki, ndihmës profesor në Universitetin Amerikan dhe bashkëpunëtor kërkimor për Qendrën për Studime Ndërkombëtare dhe të Sigurisë në Universitetin e Merilendit, SHBA.

Related Topics:
Continue Reading

Lajmet

PDK nderon viktimat e 11 Shtatorit, Hamza: Jemi krah miqve tanë amerikanë

Published

19 seconds ago

on

September 11, 2026

By

Kryetari i Partisë Demokratike të Kosovës, Bedri Hamza, së bashku me deputetët e PDK-së, ka bërë homazhe te memoriali “Kosova Kujton”, në Prishtinë, me rastin e 25-vjetorit të sulmeve terroriste të 11 Shtatorit në Shtetet e Bashkuara të Amerikës.

Hamza tha se më 11 shtator 2001, mijëra jetë të pafajshme u humbën në një prej tragjedive më të rënda të kohës moderne.

“Sot jemi me miqtë tanë amerikanë, duke kujtuar viktimat, duke nderuar guximin e ekipeve të emergjencës dhe duke shprehur solidaritetin tonë me të gjithë ata që u prekën nga kjo tragjedi”, tha Hamza.

Ai theksoi se Kosova e njeh rëndësinë e miqësisë dhe mbështetjes së Shteteve të Bashkuara.

“25 vjet më pas, jemi krah miqve tanë amerikanë në kujtim të viktimave dhe në nderim të sakrificës së tyre. Nuk harrojmë kurrë”, u shpreh Hamza./A.K/

Continue Reading

Lajmet

Kuriozitetet e ditës

Published

21 minutes ago

on

September 11, 2026

By

Lexoni pesë kuriozitete. Mund të mos i keni ditur:

 

1.Gjatë gjumit, një njeri mund të gëlltisë pa e kuptuar edhe insekte shumë të vogla.

 

2.Gjurma e gjuhës së çdo njeriu është unike, njësoj si shenjat e gishtave.

 

3.Nëse teshtin shumë fort, në raste të rralla mund të dëmtohet edhe një brinjë.

 

4.Në shumë reklama, ora vendoset gjithmonë në 10:10 sepse duket më simetrike dhe më e bukur vizualisht.

 

5.Fjala “dreamt” është e vetmja fjalë në anglisht që përfundon me “mt”.

Continue Reading

Lajmet

25 vjet nga 11 Shtatori, Haxhiu dhe Kurti: Kosova gjithmonë qëndron përkrah Amerikës

Published

43 minutes ago

on

September 11, 2026

By

Ushtruesja e detyrës së presidentes, Albulena Haxhiu, dhe kryeministri në detyrë, Albin Kurti, kanë bërë homazhe te memoriali “Kosova kujton”, kushtuar viktimave të sulmeve terroriste të 11 shtatorit në Shtetet e Bashkuara të Amerikës.

Në 25-vjetorin e sulmeve që tronditën SHBA-në dhe botën, Haxhiu dhe Kurti kanë vënë në pah solidaritetin e qytetarëve të Kosovës me popullin amerikan, duke theksuar lidhjen e veçantë mes dy vendeve dhe mbështetjen që SHBA-ja i ka dhënë Kosovës në periudhat më të vështira të historisë së saj.

U.d. e Presidentes, Albulena Haxhiu, tha se dhimbja e 11 shtatorit kishte kaluar kufijtë e SHBA-së dhe se qytetarët e Kosovës e kishin përjetuar tragjedinë me një afërsi të veçantë.

“Sulmet e 11 shtatorit ishin sulm ndaj shteteve të Bashkuara të Amerikës, por dhimbja megjithatë kaloi menjëherë kufijtë e saj. Në qytete anembanë botës, njerëzit u mblodhën në heshtje, ndezën qirinj dhe e dërguan mesazhin ngushëllimi. Në Prishtinë dhe në qytetet tjera të Republikës së Kosovës, njerëzit dolën për të shprehur solidaritet me popullin amerikan, ndezën qirinj, u mblodhën tubime në marsh dhe u paraqitën për të dhuruar gjak. Rrugët u mbushën me qytetarë që mbanin flamuj amerikanë dhe pankarta ku shkruhej ‘Amerikë jemi me ty’. Në shenjë solidaritetit me popullin amerikan, në atë ditë zie, Kosova e vitit 2001 ende po e merrte veten nga lufta. Vetëm 2 vjet më herët, Shtetet e Bashkuara kishin qenë pranë nesh në një nga periudhat më të rënda të historisë sonë. Historitë tona janë të ndryshme dhe secila bart dhimbjet e veta, por ne e dinim nga përvoja jonë e afërt çfarë peshe ka prania e mikut sidomos në ditët e vështira. Prandaj, kur Amerika u godit më 11 shtator, qytetarët e Kosovës nuk e përjetuan atë si një tragjedi, e një vendi tjetër, një vendi të largët, dhimbja e asaj dite hyri në shtëpitë tona, në bisedat tona dhe u përjetua me një afërsi të veçantë, si dhimbja për një mik të madh. Ndërsa vetë sulmi u kuptua si sulm ndaj lirisë, demokracisë dhe dinjitetit njerëzor, vlerat që kishin qenë edhe në themel të mbështetjes amerikane për Kosovën. Disa qytetarë të Kosovës shkuan deri te zyra amerikane në Prishtinë dhe u paraqitën si vullnetarë për të luftuar përkrah ushtarëve amerikanë. Ishte një reagim i jashtëzakonshëm dhe spontan. Që tregonte se afër e ndjente Kosova dhimbjen e Amerikës”, tha Haxhiu.

Kryeministri në detyrë, Albin Kurti bëri të ditur se shteti i Kosovës gjithmonë do qëndrojë krah Amerikës.

“Mbi të gjitha aspektet e sulmeve të asaj dite. Sot jemi mbledhur këtu për të shënuar përvjetorin e 25 të atyre sulmeve. Para një çerek shekulli, katër avionë ishin shndërruar në armë të shkatërrimit masiv, me pasoja të tmerrshme. 2 mijë e 977 ishte numri i të vrarëve atë ditë. Por numri i viktimave është edhe më i lartë. Sipas studiuesve, mbi 5 mijë persona kanë vdekur nga sëmundjet dhe komplikimet e 11 shtatorit. Dhe mijëra e mijëra të tjerë të mbijetuar vazhdojnë të vuajnë nga këto pasoja. Para 25 vjetësh, Shtetet e Bashkuara të Amerikës pësuan sulmin më vdekjeprurës në historinë e vet. Dhe bota pësoi ndër goditjet më të rënda ndaj vlerave demokratike. Kosova qëndron përkrah SHBA-ve, jo vetëm se SHBA-ja kurrë nuk e ka braktisur Kosovën. Ne qëndrojmë dhe gjithmonë do të qëndrojmë me Amerikën, sepse përkushtimi ynë ndaj lirisë dhe demokracisë janë për ti mbrojtur këto vlera”, tha ai. /Kosovapress/A.K/

Continue Reading

Lajmet

Kurti nuk tregon nëse do të marrë pjesë në marshin për ish-krerët

Published

45 minutes ago

on

September 11, 2026

By

Kryeministri në detyrë Albin Kurti nuk ka treguar se a do të merr pjesë në marshin për ish-krerët e UÇK-së, e cila do mbahet të shtunën.

Ai tha se më vonë do ketë përgjigje për çështje, që nuk kanë të bëjnë me 25-vjetorin e 11 shtatorit, raporton KosovaPress.

“Më vonë përgjigjemi për çështje të tjera, këtu jemi për 25-vjetorin e 11 Shtatorit”, tha ai.

 

Continue Reading

Të kërkuara