Lajmet

A paguajnë të famshmit për të marrë pjesë në Met Gala?

Sa kushtojnë biletat e Met Gala?

Published

on

Met Gala ose Met Ball/Met Gala Ball, është një organizim vjetor që do të mbahet të hënën e parë të majit e që lidhet me hapjen e ekspozitës pranverore në Institutin e Kostumeve të Muzeut Metropolitan të Artit në New York. Met Gala shërben edhe si mbledhje fondesh për muzeun duke bashkuar emra të rëndësishëm të modës dhe Hollywood-it.

Për shumë spektatorë online, lista e të ftuarve ka qenë prej kohësh një pikë interesi – veçanërisht kohët e fundit, pas raportimeve se redaktorja e Vogue dhe kryetarja e Met Gala, Anna Wintour po ‘godiste’ të ftuarit. Disa supozuan se kjo do të thoshte se i gjithë klani Kardashian nuk do të kthehej, por Page Six konfirmoi se Kim do të merrte pjesë.

Procesi se kush ftohet dhe si ka qenë gjithmonë pak i mjegullt. Ne e dimë se Wintour miraton personalisht të gjithë ata që marrin një ftesë. Por këto ftesa vijnë me një çmim të lartë, dhe këtë vit, një vend thuhet se kushton 50 mijë dollarë.
 

Sa kushtojnë biletat e Met Gala?

Sipas New York Times, një biletë e vetme kushton 50 mijë dollarë, ndërsa tavolinat fillojnë me 300 mijë dollarë. Megjithatë, kjo nuk ka qenë gjithmonë kështu. Në fakt, vetëm vitin e kaluar, biletat ishin ende 30 mijë dollarë– një rritje çmimi që po bën që disa donatorë ta bëjnë ‘skip’ ngjarjen e këtij viti, edhe pse paratë janë për bamirësi. (Fakt: përpara përfshirjes së wintour në 1995, biletat kushtonin vetëm 1 mijë dollarë.)

Çfarë përfshihet në çmimin e biletës?

Epo, darkë – dhe qasje në festën më ekskluzive në botë. Të ftuarit gjithashtu marrin pjesë në after party ku performon një i ftuar muzikor.
 
A paguajnë të famshmit për biletat?

Personat e famshëm zakonisht marrin pjesë falas, pasi stilistët ose vetë markat blejnë biletat dhe ftojnë yjet e tyre atje. Por edhe nëse një markë shpenzon qindra mijëra për një tavolinë, ata që ulen në atë tryezë duhet të miratohen nga Ëintour.

A mund të marrin pjesë të famshmit pa një sponsor ?

Nëse të famshmit nuk kanë një sponsor, ata mund të marrin ftesën nga Ëintour dhe të mbulojnë tarifën e biletës./Revistaclass

Lajmet

Osmani: Aleanca me SHBA, BE e partneriteti me NATO janë në ADN-në e shtetësisë sonë

Published

on

By

Gjatë vizitës zyrtare në Hungari, presidentja Vjosa Osmani, iu drejtua studentëve dhe profesorëve të Universitetit Eötvös Loránd.

Ajo me këtë rast ka folur mbi prioritetet strategjike të politikës së jashtme të Republikës së Kosovës, përfshirë për marrëdhëniet ndërmjet Kosovës dhe Hungarisë, raporton KosovaPress.

Në fjalimin e saj, Osmani theksoi se Kosova është e vendosur të bëhet pjesë e plotë e familjes së shteteve euroatlantike dhe se aleanca me SHBA-në, Bashkimin Evropian dhe partneriteti me aleatët e NATO-s përbëjnë shtylla të qëndrueshmërisë rajonale dhe kontribuojnë drejtpërdrejt në sigurinë e hapësirës euroatlantike.

Në një nga universitetet më prestigjioze të Evropës Qendrore, presidentja Osmani u ndal te roli i arsimit si urë lidhëse mes kombeve dhe si themel për bashkëpunim afatgjatë. Ajo shprehu mirënjohje për mbështetjen që studentët nga Kosova kanë marrë ndër vite nga Universiteti Eötvös Loránd dhe nga institucionet hungareze.

Duke vënë në pah dimensionin historik të marrëdhënieve shqiptaro-hungareze, presidentja solli në vëmendje kontributin e dy figurave emblemë – Gjergj Kastrioti Skënderbeu dhe Janos Hunyadi.

Në shekullin e pesëmbëdhjetë, shqiptarët dhe hungarezët qëndruan krah për krah për mbrojtjen e qytetërimit evropian. Ishte një aleancë mbi vlera shpirtërore, e ndërtuar mbi vlera të përbashkëta si liria, identiteti dhe dinjiteti. Sot, në një Evropë që po ndryshon, ky trashëgim frymëzues na udhëzon për të ndërtuar partneritete që reflektojnë vizionin e përbashkët për një të ardhme paqësore dhe të bashkuar.

Osmani theksoi gjithashtu se marrëdhëniet ndërmjet Kosovës dhe Hungarisë kanë potencial të madh për t’u thelluar në fusha si energjia e ripërtërirë, turizmi, teknologjia dhe arsimi, duke nënvizuar se përparimi i qëndrueshëm ndërtohet mbi investimin në rini dhe në krijimin e urave të mirëkuptimit ndërkulturor.

Continue Reading

Lajmet

FSK-ja zhvillon stërvitje të përbashkët me ushtarët e Iowas

Published

on

By

Ushtarët e Gardës Kombëtare të Ushtrisë së Iowas me partnerët nga Forca e Sigurisë së Kosovës dhe njësi mbështetëse të specializuara po marrin pjesë në një stërvitje ushtarake.

Kjo stërvitje po zhvillohet në kushte të intensitetit të lartë dhe për simulime luftarake të avancuara, thuhet në njoftimin e lëshuar nga Garda Kombëtare e Iowas.

Aty thuhet se të gjitha njësitë po përballen me mjedis sfidues dhe presion të lartë, i projektuar për të reaguar në luftime në shkallë të gjerë.

Çdo ekip po përballet me sfida në një ambient dinamik dhe me presion të lartë, i krijuar për të imituar realitetin e luftimeve të shkallës së gjerë”, thuhet në njoftim.

Continue Reading

Lajmet

Podujeva me ndërprerje të furnizimit me ujë nesër e pasnesër, shkak punimet teknike

Published

on

By

Për shkak të disa punimeve teknike, nesër dhe pasnesër do të ketë ndërprerje të furnizimit me ujë në qytetin e Podujevës.

Kjo është bërë e ditur nga Kompaniia Rajonale e Ujësjellësit “Prishtina”.

Ju njoftojmë se në qytetin e Podujevës do të ketë punime teknike në gypin fi 450mm punime këto që do e rrisin kapacitetin e furnizimit të qytetit me ujë”.

“Me këtë rast më datë 19 dhe 20 qershor do të ketë ndërprerje të furnizimit me ujë nga ora 12:00-18:00″, thuhet në postimin e kësaj kompanie në Facebook.

Continue Reading

Lajmet

Çeku pret në takim ekipin e xhudos pas suksesit në Kampionatin Botëror

Published

on

By

Kampionet e xhudos nga Kosova, Distria Krasniqi dhe Laura Fazliu, janë rikthyer në vend me medalje nga Kampionati Botëror i Xhudos, duke sjellë krenari dhe emocion për gjithë vendin, shkruan KosovaPress.

Distria Krasniqi fitoi medaljen e argjendtë, ndërsa Laura Fazliu u nderua me medaljen e bronztë – suksese që konfirmojnë nivelin elitar të sportistëve tanë në skenën ndërkombëtare.

Pas arritjes së tyre të jashtëzakonshme, ato u pritën me nderime dhe mirënjohje nga ministri në detyrë i Ministrisë për Kulturë, Rini dhe Sport, Hajrulla Çeku.. Gjatë një takimi të veçantë, u shprehën përgëzime të veçanta për xhudistet, por edhe për trajnerët Toni Kuka dhe Majlinda Kelmendi, si dhe për Agron Kukën, kryetarin e Federatës së Xhudos së Kosovës.

Kosova vazhdon të shkëlqejë në sport falë punës, disiplinës dhe talentit të sportistëve tanë,”, ka shkruar Çeku në ‘Facebook’ pas takimit.

Xhudoja vazhdon të mbetet një nga sportet më të suksesshme në Kosovë, duke dëshmuar se pasioni dhe përkushtimi sjellin rezultate të mëdha edhe në arenën më të madhe sportive botërore.

Continue Reading

Të kërkuara