Shëndet

A ndihmojnë vërtetë suplementet në forcimin e imunitetit?

Ekspertët thonë se një dietë e mirë, gjumë i qetë dhe stërvitje e rregullt është çelësi për një sistem imunitar të fortë.

Published

on

Që prej fillimit të vitit kryefjala e mjeksisë është rritja e imunitetit dhe mbrojtja e organizmit.

Kjo më së shumti për shkak të virusit Covid-19, por edhe sepse ndodhemi pikërisht në sezonin e viruseve, alergjive dhe motit të ftohtë.

Po në këtë periudhë shitjet e suplementëve pësuan rritje për shkak të kujdesit që çdo qytetar duhet të tregojë për veten.

Kryesisht vitamina C, D, por edhe suplementë të tjera janë trajtuar përgjatë këtyre muajve si një domosdoshmëri  në luftën kundër Covid-19.

Por sa ju ndihmojnë këto suplemente në të vërtetë në rritjen e imunitetit?

Çfarë thonë mjekët

Barry Fox,  specialist i sëmundjeve infektive në Shkollën e Mjekësisë dhe Shëndetit Publik të Universitetit të Uiskonsin në SHBA thotë se nuk ka një ilaç apo kurë magjike që mund të forcojë imunitetin.

Çdo gjë varet tek jeta e përditëshme dhe kujdesi që tregoni për trupin tuaj në çdo moment.

Ekspertët thonë se një dietë e mirë, gjumë i qetë për 7-8 orë dhe stërvitje e rregullt është çelësi për një sistem imunitar të fortë.

Eleminimi i stresit dhe qetësimi i mendjes me anë të meditimit, terapive të tjera si shëtitjet relaksuese gjithashtu ndihmojnë në shëndet të mirë të të gjithë organizmit.

Suplementet janë vetëm shtesa të cilat e ndihmojnë trupin, apo zëvëndësojnë ndonjë mungesë të vogël vitamine, por nuk mund të kryejnë të gjithë punën.

Gjithashtu ekspertët thonë se gjithnjë duhet të mbani në mendje se suplementet mbajnë një sasi të përqëdruar dhe shumë të vogël të vitaminës në vetëvete.

Prandaj fokusohuni fillimisht tek një jetë e shëndetëshme për rezultate të sigurta në organizëm.

Si veprojnë vitaminat?

Vitamina C

Një nga më të përfolurat dhe më të njohurat si forcuese e imunitetit.

Në të vërtetë vitamina C nuk ka ndonjë rol në parandalimin e sëmundjeve respiratore. Kjo vitaminë mund t’ju ndihmojë të kaloni më shpejt gripin dhe të ftohurat, por jo t’i parandalojë ato.

Marrja e vitaminës C me rreth 1 gramë çdo ditë ul efektin e sëmundjeve virale me 8% tek te rriturit dhe me 14% tek fëmijët, sipas një studimi të pasqyruar në Sistemin e të Dhënave Korkane.

Ndërsa për Covid-19 dhe këtë vitaminë ekspertët thonë se ende nuk ka asgje të vërtetuar me saktësi, gjithësesi ka të dhëna se kjo vitaminë mund të ndihmojë.

Gjithësesi mbani në mendje se nuk duhet të kaloni dozën e 500 mg në ditë pasi mund të keni probleme të stomakut apo veshkave.

Vitamina D

Vitamina D njihet që është “vitamina e diellit” dhe shumë studime kanë treguar se mund të ndihmojë në largimin e të ftohurave apo gripit.

Ekspertët në këtë periudhë e këshillojnë që ta merrni çdo ditë apo të paktën një herë në javë.

Studime të tjera tregojnë se personat me një nivel të ulët të vitaminës D kanë qenë më të ekspozuar ndaj Covid-19.

Është e rëndësishme që para se ta merrni të këshilloheni me një mjek apo farmacist për të mos kaluar dozat e duhura ditore për ju.

Pasi egziston një rrezik i intoksikimit të trupit nga kjo vitaminë. Mund të ndjeni marramendje, të vjella, dhimbje apo probleme të veshkave.

Vitamina E

Vitamina E ka një rol të veçantë në përimirësimin e funksionit munitar tek të moshuarit.

Një studim i The Journal  i Shoqatës Mjekësore Amerikane zbuloi se, me vetëm 130 mg në ditë nga kjo vitaminë për një vit mund të ulë ndjeshëm rrezikun e prekjes nga infeksionet e ndryshme të frymëmarrjes.

Zinku

Nuk ka të dhëna të qarta të cilat thonë se zinku mund të largojë apo parandalojë viruset.

Gjithësesi njihet si një metodë që mund të zbusë simptomat evirusit që mund të jeni duke kaluar me 30%-40%.

Probiotikët

Nga ana tjetër probiotikët janë provuar se mund të ju ndihmojnë që të largoni infeksionet respiratore në një periudhë më të shkurtër.

Gjithnjë para se t’i merrni këta suplementë konsultohuni me një mjek për dozat e duhura./AgroWeb.org

Shëndet

Pse fryhet barku? Shkaqet dhe zgjidhjet më të zakonshme

Published

on

Fryrja e barkut është një nga shqetësimet më të zakonshme që raportohen në kabinetet mjekësore.

Ajo ndodh kur barku zmadhohet përtej përmasave normale për shkak të gazrave, lëngjeve, përmbajtjes tretëse ose ndryshimeve strukturore në organet e brendshme.

Shkaqet kryesore:

Shkaqe organike: shtatzënia, shtimi në peshë, bllokimet në zorrë, gastropareza, celiakia, peritoniti, asciti ose rritja e organeve të brendshme.

Shkaqe funksionale: gazrat nga sindroma e zorrës së irrituar (IBS), intoleranca ushqimore, kapsllëku, çrregullime të tkurrjes së zorrëve dhe dobësia e muskujve të barkut.

Diagnoza

Mjeku vlerëson simptomat përmes ekzaminimit fizik, nëse është e nevojshme, kryen ultratingull abdominal apo analiza tjera për të përcaktuar shkakun.

Trajtimi

Në rastet organike, trajtohet sëmundja themelore. Në rastet funksionale, ndihmojnë laksativët, probiotikët, enzimat tretëse dhe ndryshimet në dietë.

Shmang ushqimet që shkaktojnë gazra.

Ha ngadalë dhe në porcione të vogla.

Pij më shumë ujë dhe konsum më shumë fibra.

Bëj aktivitet fizik të rregullt.

Nëse fryrja është e shpeshtë ose e shoqëruar me dhimbje, kërko këshillë mjekësore për të përjashtuar shkaqe më serioze. /A.Z/UBT News/

 

Continue Reading

Shëndet

Ekspertët paralajmërojnë: Këto dy ushqime të përpunuara e dëmtojnë trurin

Published

on

Ushqimet e përpunuara që mund të dëmtojnë më shumë shëndetin e trurit, sipas një studimi të ri, janë mishi i përpunuar dhe pijet e gazuara me sheqer.

Një ekip studiuesish nga Universiteti Virginia Tech ka zbuluar se personat që konsumojnë rregullisht këto produkte kanë rrezik dukshëm më të lartë për të zhvilluar probleme njohëse, përfshirë çrregullime që lidhen me demencën dhe sëmundjen e Alzheimerit, raporton Science Alert.

Studimi u mbështet në të dhënat e Universitetit të Michiganit për Shëndetin dhe Pensionimin, ku u analizuan 4,750 amerikanë mbi 55 vjeç, të ndjekur për një periudhë shtatëvjeçare (2014–2020). Çdo dy vjet, pjesëmarrësit i’u nënshtruan testeve të kujtesës dhe aftësive njohëse, duke përfshirë kujtimin e menjëhershëm, kujtimin e vonuar, llogaritje të thjeshta dhe ushtrime për përqendrim.

Rezultatet treguan se 1,363 persona zhvilluan probleme me kujtesën. Ata që konsumonin një racion mishi të përpunuar në ditë kishin 17% më shumë rrezik për çrregullime njohëse, ata që pinin çdo ditë pije të ëmbëlsuara – si kola, çaj i ftohtë me sheqer apo lëngje frutash industriale – kishin 6% më shumë rrezik.

Megjithatë, studimi nuk gjeti një lidhje të fortë mes konsumit të përgjithshëm të ushqimeve ultra të përpunuara dhe rritjes së rrezikut për probleme njohëse, përveç mishrave të përpunuar dhe pijeve me sheqer. Ushqime të tjera si gatimet e gatshme, ëmbëlsirat, snack-et e kripura apo produktet e bulmetit dhe drithërave nuk rezultuan me ndikim të njëjtë negativ.

Autorët theksojnë se shmangia e këtyre dy kategorive kryesore mund të ndihmojë në mbrojtjen e shëndetit të trurit.

“Ka gjëra që mund t’i ndryshoni. Sekreti është moderimi dhe balanca në zgjedhjet ushqimore,” – deklaroi profesoresha Brenda Davy, autore e studimit.

Ndikimi i ushqimeve të përpunuara është më i madh sesa mendojnë shumica e njerëzve. Vetëm më 2020, 65% e ushqimeve dhe 38% e pijeve të blera nga familjet amerikane përbëheshin nga produkte të përpunuara me ngjyrues, aromatizues e përbërës artificialë që mungojnë në ushqimin e përgatitur në shtëpi.

Një tjetër autor i studimit, Ben Katz nga Virginia Tech, sugjeroi se edukimi ushqimor mund të jetë pjesë e zgjidhjes: “Nuk mjafton të ndjekësh një dietë. E rëndësishme është t’u japësh njerëzve aftësitë për të gatuar sipas asaj diete,” – u shpreh ai. /A.Z/UBT News/

Continue Reading

Shëndet

Ndërrimi i natës rrit rrezikun e kancerit tek gratë

Published

on

Puna gjatë natës ka qenë prej kohësh e lidhur me shëndetin e dobët. Tani një studim i ri sugjeron se për gratë, puna gjatë kësaj kohe mund të rris rrezikun e kancerit.

Hulumtuesit kanë zbuluar se gratë që punojnë në turnin e natës janë pothuajse pesë herë më të rrezikuara nga kanceri në krahasim me gratë që punojnë gjatë ditës.

Në këtë studim ekspertët kanë gjetur se gratë që punonin gjatë natës ishin më shumë të rrezikuara nga kanceri i gjirit, kanceri i lëkurës dhe kanceri i mushkërive, shkruan Medicalnewstoday,

Bashkautori i hulumtimit, Xuelei Ma, nga Qendra Mjekësore e Kinës Perëndimore dhe kolegët e tij kanë publikuar gjetjet e tyre në revistën “Cancer Epidemiology, Biomarkers & Prevention”.

Hulumtimet e mëparshme kanë treguar se puna gjatë ndërrimit të natës mund të pengojë rëndë ritmin tuaj të qarkullimit.

Ky është orari kur rregullohen proceset fiziologjike të trupit gjatë një cikli 24 orësh. /A.Z/UBT News/

Continue Reading

Shëndet

Ja lista me ushqime që mbajnë yndyrën në gjak nën kontroll

Published

on

Meqenëse nuk kanë kurrfarë shijeje apo arome, këta dy artikuj mund t’u shtohen ushqimeve më të llojllojshme. Hani pa u shtuar sheqer dhe organizmit tuaj do t’u bëjnë mirë.

Në ditë mjafton të hani një deri në dy lugë të vogël fara chia, ndërkaq nga ajo lugë të vogël do të përfitoni deri në tri herë më shumë hekur sesa nga spinaqi.

Më parë duhet t’i zhytni në ujë, meqë nuk kanë aromë mund t’u shtohet të gjitha gjellëve – supës, perimeve, vezëve e pijeve. Farat e chias janë me omega-3 të thartirave yndyrore, të cilat ndihmojnë në rregullimin e kolesterinës së mirë dhe të kolesterinës së keqe në gjak, ndihmojnë ne shëndetin e zemrës.

Pas eliminoni nga organizmi të të gjithë “armiqtë” e njohur, sheqerit, produkteve të mishit dhe të tjera, në ushqim shtoni farat e tërshërës.

Konsumoni ashtu siç janë, pa shtesa të ëmbla. Kokrrat e tërshërës pastrojnë zorrët nga yndyrat, sepse fibrat e tërshërës të njohura si beta-glukan, yndyrarti thithin, andaj kolesterina as që hyn në gjak dhe në qarkullim të gjakut.

Një filxhan kokrra tërshëre do t’i plotësojë nevojat ditore për beta-glukan, mirëpo fibra të tilla ka edhe në elb dhe në alga.

Në ushqim kohë pas kohe përdorni edhe avokado, e cila, pos që ul kolesterinën LDL, mbron edhe arteriet. /A.Z/UBT News/

Continue Reading

Të kërkuara