Kulturë

“A jeni lënduar nga libri i Princit Harry?”: Gazetarët pyesin William dhe Kate

Kjo teksa po bënin paraqitjen e parë të tyre publike që nga dalja në shitje e librit të Princit Harry, “Spare’.

Published

on

Ndërsa Princi dhe Princesha e Uellsit mbërritën për të hapur Spitalin e ri Royal Liverpool, një gazetar pyeti me të madhe, “A jeni lënduar nga libri i Princit Harry?”

Mbreti Charles, Princi dhe Princesha e Uellsit kanë bërë paraqitjet e tyre të para publike që nga publikimi i kujtimeve të diskutueshme të Princit Harry.

Ndërsa William dhe Kate mbërritën për të hapur Spitalin e ri Royal Liverpool, një gazetar bërtiti, “A jeni lënduar nga libri i Princit Harry?”

Çifti nuk iu përgjigj pyetjes dhe buzëqeshi dhe përshëndeti me dorë teksa hynë në spital për një turne.

Ndërkohë, Charles udhëtoi për në Aberdeenshire për të takuar grupet e komunitetit.

Ky ka qenë angazhimi i parë publik i bërë nga anëtarët e familjes mbretërore që nga publikimi i kujtimeve të Harry-t, “Spare”.

Libri, i cili ka ngjallur vëmendjen e mediave mbarëbotërore, përmban një sërë zbulimesh për jetën e vetë princit, si dhe marrëdhënien e tij me të atin, vëllain e tij William, dhe anëtarë të tjerë të lartë të familjes mbretërore.

Duka i Sussex gjithashtu ka bërë së fundmi një raund intervistash, për të promovuar librin, i cili u publikua në fillim të kësaj jave.

Libri ka shitur më shumë se 400,000 kopje në hardback, e-book dhe formate audio në ditën e parë të botimit.

Pavarësisht polemikave rreth librit, Mbreti Charles u shfaq në humor të mirë të enjten.

Përveç shikimit të objekteve të reja në një qendër komunitare, ai piu çaj me anëtarët e strehës së burrave Aboyne, e cila ndodhet në ndërtesë, dhe shikoi aftësitë e artizanatit duke përfshirë gdhendjen në dru dhe gurë./UBTNews/

Kulturë

Kryetari i Prishtinës nderon aktoren Fatlume Bunjaku për suksesin në Berlinale

Published

on

By

Kryetari i Prishtinës, Përparim Rama, ka vlerësuar aktoren dhe profesoreshën në Fakultetin e Arteve në UBT, Fatlume Bunjaku, për suksesin e saj ndërkombëtar, pasi është përzgjedhur “European Shooting Stars 2026” në kuadër të Berlinale, një nga platformat më prestigjioze evropiane për promovimin e aktorëve me potencial.

Në një takim të veçantë, Rama e nderoi aktoren për këtë arritje të rëndësishme, duke theksuar kontributin e saj në përfaqësimin dinjitoz të Kosovës në arenën ndërkombëtare.

Continue Reading

Kulturë

“Zbardhje” i Kaltrina Krasniqit merr mbështetje nga Fondi Hubert Bals

Published

on

Filmi i ri artistik i regjisores Kaltrina Krasniqi, “Zbardhje”, është përzgjedhur për mbështetje nga Fondi Hubert Bals i Festivalit Ndërkombëtar të Filmit në Roterdam përmes skemës HBF+EU Minority Co-Production. Filmi trajton mënyrat se si gjinia, klasa dhe vetëdija për trupin formësojnë marrëdhëniet e përditshme mes grave që jetojnë në Prishtinë, në rrethana të ndryshme sociale dhe ekonomike.

Skenari është nga Doruntina Basha, ndërsa prodhimi bëhet nga Ares Shporta për Vera Films, në bashkëprodhim me Portokal (Bullgari), Papadhimitri Productions (Shqipëri) dhe Code Blue Production (Mali i Zi). Xhirimet fillojnë këtë javë në Prishtinë.

Fondi Hubert Bals ka mbështetur mbi 1,400 projekte filmike ndër vite, shumë prej të cilave janë shfaqur në Festivalet e Kanës, Venecias dhe Berlinale. Skema HBF+EU Minority Co-Production ka për qëllim të tërheqë bashkëprodhues evropianë dhe të lidhë projekte me kinemanë arthouse ndërkombëtare.

Continue Reading

Kulturë

Biblioteka Kombëtare e Kosovës sot hap pjesëmarrjen në Panairin e Librit në Leipzig

Published

on

Biblioteka Kombëtare e Kosovës është gati për Panairin e Librit në Leipzig, i cili hapet zyrtarisht sot dhe do të qëndrojë i hapur deri të dielën.

Stenda e saj në Sallën 4, D410, mirëpret vizitorët dhe bashkëatdhetarët tanë që jetojnë në Gjermani.

Continue Reading

Kulturë

Nisin punimet për Muzeun e Shtëpisë-Shkollë të familjes Hertica në Prishtinë

Published

on

Pas shumë përpjekjeve dhe angazhimit të vazhdueshëm, në kryeqytet nisën punimet për restaurimin dhe konservimin e Shtëpisë-Shkollë të familjes Hertica. Ky projekt jo vetëm që rikthen një objekt historik, por përçon edhe mesazhin e rezistencës qytetare përmes arsimit gjatë kohës kur mësimi në Kosovë ishte i ndaluar.

Shtëpia-shkollë e familjes Hertica ka qenë një hapësirë ku dija ruhej dhe transmetohej si formë mbijetese dhe dinjiteti. Muzeu synon të ruajë këtë trashëgimi të jashtëzakonshme dhe ta bëjë të njohur tek brezat e rinj dhe komuniteti ndërkombëtar.

Ky projekt është një dëshmi për guximin dhe sakrificën e atyre që e kuptuan arsimin jo vetëm si proces mësimor, por si akt politik, shoqëror dhe ekzistencial.

Siç u theksua, “aty ku dija mbrohet edhe në kushte të pamundura, aty fillon liria”.

Continue Reading

Të kërkuara