Shëndet

A është e shëndetshme dieta me bazë peshku?

Aspekti shëndetsor i dietes bazohet në dy faktorë: sasinë dhe llojin e produkteve të detit por edhe cilësinë e tyre.

Published

4 years ago

on

Ndër regjimet ushqimore më të përfolura të momentit është ajo me bazë peshku, të cilën e mbështesin shumë njerëz të famshëm.

Ndonëse nuk ka një përkufizim standard, dieta me bazë peshku ka ngjashmëri me dietën vegjetariane apo atë vegane.

Njerëzit që ndjekin këtë dietë, kryesisht konsumojnë drithëra të plota, arrorë, legume, yndyrna të shëndetshme por edhe vezë, produkte bulmeti, peshk dhe nënproduktet e tij.

Ushqimet që nuk mund të konsumohen në këtë dietë janë: mishi i viçit, pulës, derrit, qingjit, gjelit të detit etj.

Ushqimet që konsumohen duhet të jenë të përpunuara në nivele minimale.

A është e shëndetshme dieta me bazë peshku?

Aspekti shëndetsor i kësaj diete bazohet në dy faktorë: sasinë dhe llojin e produkteve të detit por edhe cilësinë e ushqimeve të tjera të përfshira në të.

Kjo dietë ofron padyshim burime të shkëlqyera të proteinës dhe acideve yndyrore omega-3, të cilat luftojnë inflamacionin dhe mbështesin shëndetin e trurit, syve, lëkurës, zemrës dhe muskujve.

Njerëzit kanë nevojë për 0.8 gramë protein për çdo kilogramë të peshës trupore dhe ndonëse kjo sasi është e vështirë të arrihet vetëm nga burime bimore, peshqit ofrojnë sasi të jashtëzakonshme të saj.

Studimet të cilave u referohet AgroWeb.org kanë zbuluar se gratë që zbatojnë këtë dietë shtojnë 1.1 kilogramë më pak në peshë në krahasim me gratë që konsumojnë mish.

Studime të tjera kanë zbuluar se kjo dietë ul rrezikun e diabetit me 4.8 përqind dhe të rrezikut të vdekjes nga sëmundjet e zemrës me 22%.

Përveç proteinës dhe acideve yndyrore, produktet e detit ofrojnë shumë ushqyes të tjerë të rëndësishëm.

Për shembull, gocat e detit janë jashtëzakonisht të pasur me vitaminën B12, zink dhe selenium.

Një sasi prej 85 gramë merluc ofron 19 gramë proteinë por edhe fosfor, niacinë dhe vitaminat B6 dhe B12

Kjo dietë është përgjithësisht e shëndetshme, nëse nuk merr në konsideratë faktin se peshqit e thellësive dhe kryesisht ato të oqeaneve përmbajnë sasi merkuri që mund të bëhen toksike./AgroWeb.org

Related Topics:
Continue Reading

Shëndet

Si të ulni nepsin për ëmbëlsira? Këto ushqime ju vijnë në ndihmë

Published

6 hours ago

on

December 12, 2025

By

Frenimi i nepsit është një nga sfidat më të mëdha si gjatë dietës, ashtu edhe në përditshmëri.

Dëshira për të konsumuar të ëmbla, karbohidrate a ushqime të yndyrshme shfaqet si mënyrë për të shtuar energjinë, edhe kur e dimë që ato nuk janë zgjedhja më e shëndetshme.

Megjithatë, ka alternativa të thjeshta që mund t’ju ndihmojnë ta kontrolloni këtë dëshirë.

Avokado

E pasur me minerale, vitaminë E dhe yndyrna të shëndetshme, avokado është një ushqim ideal për t’ju mbajtur të ngopur më gjatë. Mund ta konsumoni të thjeshtë me pak kripë e piper ose ta shtoni në sallata.

Vaji i kokosit

Përdorimi në vend të sheqerit në disa receta ndihmon në uljen e dëshirës për ushqime të përpunuara. Ai përmban yndyrna të shëndetshme që kontribuojnë në një ndjesi më të qëndrueshme ngopjeje.

Arra dhe arrorë të tjerë

Janë të pasura me yndyrna e proteina, mund të reduktojnë nepsin për të ëmbla apo karbohidrate. Zgjidhni versione natyrale, pa kripë dhe pa shtesa të tjera.

Karrotat dhe selinoja

Janë të pasura me fibra, ju ngopin natyrshëm e ju ndihmojnë të shmangni ushqimet e panevojshme. Mund t’i konsumoni si snack, në sallata ose bashkë me një çaj të ngrohtë.

Pini mjaftueshëm ujë

Trupi ngatërron etjen me uri. Duke pirë rregullisht ujë gjatë ditës, mund të zvogëloni nepsin dhe të përmirësoni hidratimin. Këto zgjedhje mund t’ju ndihmojnë të kontrolloni dëshirat e papritura për ushqime jo të shëndetshme dhe të mbani një rutinë ushqimore më të balancuar. /A.Z/UBT News/

Continue Reading

Shëndet

Sekreti i çokollatës së zezë për një trup më të ri

Published

1 day ago

on

December 11, 2025

By

Një studim i ri ka gjetur një lidhje mes teobrominës, një përbërësi natyral i çokollatës së zezë, dhe ngadalësimit të plakjes biologjike.

Studiuesit analizuan mbi 1,600 persona në Britani dhe Gjermani dhe vunë re se ata me nivele më të larta teobromine kishin një moshë biologjike më të ulët se mosha reale.

Mosha biologjike mat gjendjen reale të trupit duke u bazuar në qelizat, indet dhe organet, dhe lidhet me faktorë si stili i jetesës, mjedisi dhe gjenetika.

Studiuesit përdorën ndryshimet në ADN dhe gjatësinë e telomereve për këtë matje.

Ekspertët theksojnë se nevojiten më shumë studime për të kuptuar ndikimin e teobrominës dhe paralajmërojnë që sheqeri dhe yndyra në çokollatë mund të ulin përfitimet.

Shija e çokollatës mund të shijohet në sasi të vogla dhe rrallë. /A.Z/UBT News/

Continue Reading

Shëndet

Varianti K: Mutacioni më infektues që po përhapet shpejt në botë

Published

2 days ago

on

December 10, 2025

By

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Continue Reading

Shëndet

Kombinimet e rrezikshme të suplementeve! Çfarë nuk duhet marrë kurrë bashkë?

Published

2 days ago

on

December 10, 2025

By

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/

 

Continue Reading

Të kërkuara