

Lajmet
A e përmirëson muzika shëndetin dhe mirëqenien e përgjithshme të njeriut?
Dëgjimi i muzikës së preferuar, mund të ndihmojë në përmirësimin e humorit dhe reduktimin e ankthit.
Published
3 years agoon
By
UBT.NewsCili është zhanri juaj i preferuar i muzikës? Preferoni më shumë Bah apo Metallica-n? A ka rëndësi zhanri, kur flitet për ndikimin e muzikës në shëndetin e njeriut? Sipas studimeve të fundit jo.
Për shembull, ka prova të qarta se dëgjimi i muzikës së preferuar, mund të ndihmojë në përmirësimin e humorit dhe reduktimin e ankthit.
Dr.Met Mekreri nga UNSW Medicine & Health në Australi, thotë se angazhimi me muzikën,që përfshin dëgjimin e muzikës, luajtjen e një instrumenti apo këndimin, shkakton një reagim emocional, që ka gjithashtu edhe një element fiziologjik.
Se pse muzika ka aftësinë të shkaktojë këtë reagim emocional, kjo është ende objekt debatesh. Por duket se ka të bëjë me krijimin e një lidhjeje emocionale midis muzikantëve, të cilët krijojnë tinguj me një qëllim emocional, dhe dëgjuesit, të cilët e marrin këtë informacion emocional, thotë Dr.Mekreri, që është një lektor në Shkollën Klinike të Princit të Uellsit nëSidnei.
Eksperti thotë se pasojat fiziologjike të kësaj përgjigje emocionale, janë aktivizimi i gjerë i shumë rajoneve të trurit, si dhe aktivizimi i sistemit nervor autonom, dhe sidomos i përgjigjes “lufto ose vrapo” gjatë pjesës më të madhe të angazhimit me muzikën, e ndjekur nga rritja e “relaksimit psikologjik dhe metabolizmit”.
“Hipoteza e ngritur nga studimet e mia, është se dëgjimi apo angazhimi i përsëritur i muzikës, e rrit aftësinë tonë për t’iu përgjigjur në mënyrë efektive stresit, gjë që përmirëson shëndetin dhe mirëqenien tonë të përgjithshme”, thotë Mekreri.
Dhe duke iu kthyer pyetjes nëse preferoni muzikën bashkëkohore pop, heavy metal apo klasike, nuk ka aktualisht asnjë provë që të pretendohet nëse një zhanër i caktuar është më i mirë se një tjetër, për sa kohë që ajo është muzika që ju pëlqen.
“Muzika më me ndikim në shëndetin dhe mirëqenien tuaj, duket se është muzika që ju pëlqen më shumë, pasi luajtja dhe dëgjimi i saj përputhet me reagimin më të fortë emocional dhe fiziologjik. Për disa, kjo mund të jetë muzika klasike, për të tjerët muzika metal”, shton eksperti.
Është interesante të theksohet se muzika shkakton tek njeriu modele të ngjashme të aktivizimit të sistemit nervor autonom, që ne përjetojmë kur marrim pjesë në një stërvitjefizike. Gjithsesi, Mekreri thekson se madhësia e këtyre përgjigjeve ndaj muzikës, është e një amplitude më të ulët kur krahasohet me ushtrimin fizik.
Bazuar në gjetjet e studimit të tij, dr.Mekrarti thotë se u befasua kur zbuloi se ndikimi i muzikës është i prekshëm, i matshëm dhe i rëndësishëm, si në aspektin statistikor ashtu edhe atë klinik. “Aspekti më emocionues në lidhje me këto rezultate, janë njohuritë që ato ofrojnë për ndikimin e mundshëm të muzikës në shëndetin tonë të përgjithshëm.
Për shembull, ushtrimi fizik lidhet me parandalimin e 1.6 milionë vdekjeve në vit në mbarëbotën. Nëse muzika mund të ketë gjysmën e këtij ndikimi, po flasim për parandalimin e 800.000 vdekjeve vjetore të shmangshme”- thotë Mekrari.
Lajmet
Dështimi i 21-të, konstituimi i Kuvendit nuk bëhet as këtë herë
Published
16 hours agoon
May 25, 2025
Dështoi edhe vazhdimi i sotëm i seancës, përpjekja e 21-të me radhë për konstituimin e këtij institucioni ligjvënës.
Vazhdimi i sotëm ishte i njëjtë me vazhdimet e mëparshme: përsëri tentim i Lëvizjes Vetëvendosje për krijimin e një komisioni ad-hoc për votim të fshehtë.
Kryesuesi Avni Dehari kërkoi nga PDK-ja, LDK-ja, AAK-ja dhe Lista Serbe që të bëjnë propozimet e kandidatëve të tyre për komision, por këto parti nuk pranuan dhe nuk morën pjesë në votim.
Nga 90 deputetët e pranishëm, 53 vota ishin për, një kundër dhe asnjë abstenim.
Dehari bëri të ditur se seanca ndërprehet dhe se do të vazhdojë më 27 maj, në orën 11:00.
Lajmet
UBT organizon Akademi Përkujtimore për të nderuar jetën dhe veprën e profesorit dhe arkitektit Arsim Murseli
Published
1 day agoon
May 24, 2025By
UBTnews
Nën patronatin e Rektorit të UBT-së, Prof. Dr. Edmond Hajrizi, të hënën më 26 maj 2025, në Sallën e Bibliotekës në Parkun Shkencor, Inovativ dhe Teknologjik të UBT-së në Lipjan, duke filluar nga ora 10:00, do të organizohet një Akademi Përkujtimore për të nderuar jetën, veprën dhe trashëgiminë profesionale e njerëzore të profesor Arsim Murselit – arkitektit të njohur dhe intelektualit të shquar të komunitetit akademik.
Profesor Murseli ishte një bashkëpunëtor i respektuar, mik i afërt dhe kontribuues i rëndësishëm në rrugëtimin e UBT-së. Ai ishte ndër figurat më të dashura dhe më të përkushtuara, i njohur për mençurinë, modesti të rrallë, integritet të lartë dhe dashurinë e pakushtëzuar për dijen.
Në rolin e tij si ligjërues dhe arkitekt, profesor Murseli la gjurmë të thella përmes angazhimit të palodhur në projekte të shumta akademike e arkitektonike, duke përçuar përherë mesazhin e përparësisë së dijes, edukimit cilësor dhe formimit profesional të brezave të rinj. Si udhëheqës i degës së UBT-së në Ferizaj, ai vendosi standarde të larta të lidershipit akademik dhe krijoi një trashëgimi të qëndrueshme në edukimin e studentëve.
Lajmet
Prokuroria e Kosovës ngre aktakuzë ndaj një të dyshuari për spiunazh për inteligjencën serbe
Published
3 days agoon
May 23, 2025By
UBTnews
Prokuroria Speciale e Kosovës ka ngritur aktakuzë të premten kundër një burri, të cilin e akuzon se kishte spiunuar për Agjencinë e Inteligjencës dhe Sigurisë së Serbisë, e njohur si BIA, për kohë të papërcaktuar.
Të dyshuarin, e identifikuar vetëm me inicialet A.V., prokurorët e ngarkojnë me dy vepra penale, spiunazh dhe armëmbajtje pa leje.
Sipas aktakuzës, i dyshuari kishte “mbledhur të dhëna dhe dokumente të rëndësishme, të cilat, më pas dërgoi në cilësinë e Agjentit Rezident BIA-s serb”, duke e “cenuar rendin kushtetues dhe sigurinë e Kosovës si dhe jetën e zyrtarëve shtetëror dhe të qytetarëve të saj”.
Ai dyshohet se e ka kryer veprën për kohë të papërcaktuar deri në arrestimin e tij në qershor të vitit 2024.
“Nga provat e siguruara… A.V kishte krijuar një rrjet të punësuarve në organizatat ndërkombëtare në Kosovë të nacionalitetit serb, nga të cilët kishte pranuar informacione dhe raporte të punës së këtyre organizatave që ndërlidheshin me aspektet politike dhe të sigurisë në Kosovë, si dhe kishte mbledhur informacione, për persona të nacionalitet serbë, me qëllimin që t’i paraqiste si bashkëpunëtorë të strukturave të sigurisë së Kosovës”, thuhet në aktakuzë.
Ai dyshohet se të dhënat dhe dokumentet e siguruara ia kishte “dorëzuar zyrtarit të lart të BIA-së, R.G, shef i njërës prej Qendrave të BIA-së në territorin e Serbisë, përmes komunikimeve telefonike dhe takimeve fizike”.
Prokuroria tha se në shtëpinë e të dyshuarit janë gjetur dhe konfiskuar një armë dhe një spërkatës gaz lotsjellës, gjatë një bastisjeje policore.
Prokurorët kanë kërkuar që ai të mbahet në paraburgim në pritje të gjykimit.
Prokuroria nuk dha më shumë hollësi rreth identitetit apo kombësisë së A.V., por vitet e fundit serbë e shqiptarë janë arrestuar në Kosovë nën dyshimet se po spiunonin për shërbimet e inteligjencës së Serbisë.
Derisa shpeshtohen rastet, njohësit e sigurisë thonë se inteligjenca serbe ka shtrirë rrënjët në tërë territorin e Kosovës ndër vite./REL/
Lajmet
FFK pajtohet me vërejtjet e MKRS-s, Kuvendi i Punës do të përsëritet
Published
3 days agoon
May 23, 2025By
UBTnews
Federata e Futbollit të Kosovës do pa përsëris Kuvendin e Punës të mbajtur më 20 shkurt të këtij viti pasi Komisioni Vlerësues brenda Ministrisë së Sportit kishte gjetur parregullësi në këtë kuvend, me theks të veçantë në pjesëmarrjen e dy klubeve që nuk ishin të licencuara në këtë kuvend.
Si pasojë e këtyre shkeljeve, MKRS kishe pezulluar lëshimin e vërtetimeve nga Ligji i Sponsorizimeve për të gjitha klubet e futbollit, duke shkaktuar kështu dëm të madh financiar tek secila prej tyre.
Por, situata tashmë ka ndryshuar. Ekskluzivisht për KosovaPress, Kryesuesi i Komisionit për Licencim të Federatave Sportive, Fidan Shatri ka thënë se FFK është pajtuar që ta përsëris Kuvendin e Punës duke u pajtuar me gjetjet e shkeljeve nga ana e MKRS-së
Sipas zyrtarit të MKRS-së, Fatmir Shatri, një nga shkeljet më të theksuara ishte përfshirja e klubeve të palicencuara në procesin e vendimmarrjes, çka bie ndesh me Ligjin për Sport.
“Rasti i Federatës së Futbollit të Kosovës ka qenë pas vlerësimit të komisionit mbi kuvendin e punës që është mbajtur në muajin shkurt, kanë qenë disa vërejtje të cilat kanë qenë edhe publike, dhe një nga vërejtjet kyçe ka qenë pjesëmarrja e klubeve të cilat nuk janë të licencuara në procesin e vendimmarrjes, pra pjesëmarrja në Kuvendin e Federatës së Futbollit. Në rastin e tillë është standard për të gjitha federatat që klubet të cilat nuk janë të licencuara nuk mund të jenë pjesë e vendimmarrjes dhe me strukturat e federatës përkatëse, në këtë rast FFK”, ka thënë fillimisht Shatri.
Shatri ka bërë të ditur se FFK është zotuar që Kuvendi i të mbahet gjatë muajit qershor
“Pas vlerësimit të komisionit, kemi pasur disa takime me FFK-në ku me të gjitha federatat jemi të gatshëm të kontribuojmë në mundësinë e dhënies së propozimeve tona në lidhje me harmonizimin e të gjitha akteve pasi është ligj i ri i sportit dhe nuk është i njohur për të gjithë. Në këtë rast, Federata e Futbollit është pajtuar që të gjeturat që i ka dhënë komisioni në drejtim të federatës që këto të gjetura ku kanë marrë pjesë klubet e palicencuara është vërejtje e komisionit që nuk mund të jenë pjesë e kuvendit. Në këtë rast, janë zotuar që gjatë muajit qershor Federata e Futbollit do ta mbaj Kuvendin e Punës dhe në harmoni me Ligjin për Sport, udhëzimet dhe rekomandimet e komisionit të miratohen në kuvendin që do të mbahet në qershor”, ka bërë të ditur Shatri.
Ai ka shtuar në fund se në rast se FFK nuk e mban këtë zotim, atëherë mund të pezullohet sërish lëshimi i vërtetimeve të sponsorizimit për të gjitha klubet sportive që janë anëtare të FFK-së.

Rosie O’Donnell flet pas humbjes në peshë: S’më besohet që jam unë

Kjo është anija më e madhe në botë në formë breshke që do të mbajë 60 mijë pasagjerë

Filmi “Nobody 2”, i mbushur me skena aksion

Arsyet pse kafeja mund t’ju bëjë të ndjeni të përziera

Nicole Kidman flet rrallëherë për vajzat: “Jam shumë pranë tyre, ndajmë gjithçka”

Doktorët bëjnë apel: Mos rrini në dush më shumë se 20 minuta!

Prindërit miliarderë të Nicola Peltz paditen për neglizhencë, ish-punonjësja kërkon 75,000 dollarë dëmshpërblim

Pronarja e një Fiat 500 zbulon një hapësirë sekrete brenda kabinës për ruajtjen e gjësendeve

Jennifer Lopez shqetëson fansat pas aksidentit në hundë, pak para AMA 2025
Të kërkuara
-
Lajmet nga UBT4 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur