Shëndeti

A e dini se çfarë ndodh në trupin tuaj kur merrni zink?

Zinku është një mineral, për të cilin trupi i njeriut ka nevojë ta marrë në sasi fare të vogla që të funksiojë siç duhet.

Published

3 years ago

on

Shpesh mund të keni nevojë të merrni zink për të parandaluar ose trajtuar një mangësi të kësaj lënde ushqyese, ose për të përmirësuar një gjendje të caktuar shëndetësore.

Zinku është një mineral që lidhet kryesisht me forcimin e imunitetit dhe luftimin e ftohjes, por ka edhe arsye të tjera që njerëzit e marrin atë.

Çfarë është zinku?

Zinku është një mineral, për të cilin trupi i njeriut ka nevojë ta marrë në sasi fare të vogla që të funksiojë siç duhet.

Për shkak se nuk prodhohet ose ruhet nga trupi, konsiderohet një mineral i rëndësishëm që duhet ta merrni rregullisht përmes ushqimit ose suplementeve.

Të rriturit kanë nevojë për 8 deri në 11 miligramë zink në ditë, por në varësi të moshës, gjinisë, dhe nëse jeni shtatzënë ose ushqeni me gji, kjo nevojë mund të ndryshojë.

Edhe pse ju nevojitet vetëm një sasi e vogël zinku, mungesa e tij është mjaft e zakonshme.

Rreziku është edhe më i lartë tek të moshuarit, pasi ata priren të mos marrin mjaftueshëm zink nga ushqimi dhe mund të kenë vështirësi në përthithjen e tij.

Burimet e zinkut

Disa nga ushqimet më të pasura me zink janë: gocat e detit, mishi i viçit, pula, mishi i derrit, thjerrëzat, farat e kungullit, tërshëra dhe kosi.

Ndër to, produktet shtazore kanë sasinë më të madhe të zinkut dhe zinku nga këto ushqime absorbohet më lehtë nga trupi sesa ai nga burimet bimore.

Për të përmirësuar përthithjen e zinkut, AgroWeb.org iu këshilloni ta merrni atë me ushqime të pasura me proteina.

Përfitimet shëndetsore

Disa nga përfitimet kryesore janë:

Mbështet imunitetin

Zinku dhe suplementet e tij mund të ndihmojnë në stimulimin e qelizave të caktuara imune dhe reduktimin e stresit oksidativ, i cili kontribuon në funksionimim e shëndetshëm të sistemit imunitar.

Ndihmon në shërimin e plagëve

Zinku luan një rol të madh në çdo fazë të procesit të shërimit të plagëve sepse ndihmon në reduktimin e inflamacionit.

Ndihmon me rritjen dhe zhvillimin

Zinku ndihmon qelizat të rriten dhe të shumohen, diçka shumë e rëndësishme për zhvillimin gjatë fëmijërisë, adoleshencës dhe shtatzënisë.

Mund të ulë rrezikun e inflamacionit dhe sëmundjeve

Edhe pse inflamacioni është një përgjigje normale imune e trupit, nëse bëhet kronik, mund të çojë në një mori problemesh shëndetësore.

Zinku është një antioksidant, që do të thotë se ndihmon në luftimin e dëmtimit oksidativ të qelizave në trup.

Studiuesit theksojnë se marrja e mjaftueshme e zinkut është shumë e rëndësishme për të rriturit mbi 65 vjeç, sepse ndihmon në parandalimin e problemeve shëndetësore që lidhen me moshën.

Mbron lëkurën

Shumë sëmundje të lëkurës karakterizohen nga inflamacioni. Për shkak se zinku punon për ta luftuar atë, ka një shans që mund të mbrojë lëkurën tuaj.

Në fakt, sëmundjet e lëkurës si dermatiti, puçrrat, zbokthi dhe skuqja nga pelenat, shpesh trajtohen me zink.

A është i sigurt?

Zinku që merrni nga ushqimi konsiderohet i sigurt. Suplementet e zinkut përgjithësisht tolerohen nga organizmi, por marrja e tepërt e zinkut mund të ketë disa efekte negative. Simptomat mund të përfshijnë:

  • Të përziera
  • Të vjella
  • Dhimbje stomaku
  • Diarre
  • Mungesë e bakrit

Suplementet e zinkut mund të ndërveprojnë edhe me medikamente të tjera, të tilla si antibiotikët.

Këshillohuni gjithmonë me mjekun për të gjitha suplementet që merrni dhe ato që dëshironi të shtoni. Kjo mund t’ju ndihmojë të shmangni efektet negative shëndetësore. /AgroWeb.org

Related Topics:
Continue Reading

Shëndeti

Tre sekrete shëruese që rregullojnë tensionin e gjakut

Published

1 day ago

on

August 11, 2025

By

Bimë si ashwagandha dhe shafrani i Indisë tani njihen si pjesë e alfabetit global të mirëqenies.

Por, ato nuk janë të vetmet që ekzistojnë e që nuk janë të vetmet që mund të ofrojnë përfitime të konsiderueshme shëndetësore për trupin e njeriut. Ayurveda, sistemi tradicional i mjekësisë në Indi, i cili daton më shumë se 3,000 vjet më parë, përfshin një gamë shumë më të gjerë bimësh medicinale.

Bazuar në parimet e ekuilibrit midis trupit, mendjes dhe shpirtit, mjekësia Ayurvedic mbështetet në dietë, stilin e jetës dhe substancat natyrale për të parandaluar dhe trajtuar sëmundjet. Ka disa bimë dhe erëza pak të njohura që tani po tërheqin vëmendjen për përfitimet e tyre të mundshme shëndetësore:

1. Pjepër i hidhur

Pavarësisht emrit, përfitimet janë “të ëmbla”. Kjo perime jeshile është përdorur prej kohësh për të rregulluar sheqerin në gjak, për të luftuar infeksionet e trajtuar inflamacionin dhe kolesterolin e lartë. Gjashtë eliksirë shëndetësorë me bimë dhe erëza – Zvogëlojnë fryrjen, hipertensionin dhe përmirësojnë kujtesën.

Studimet laboratorike tregojnë se mund të luftojë mikrobe si E. coli, salmonela, viruset e herpesit dhe madje edhe parazitët e malaries. Hulumtimet sugjerojnë  veti të mundshme antikancerogjene, në kancerin e gjirit. Nevojiten më shumë studime për të përcaktuar besueshmërinë e këtyre provave.

Pjepri i hidhur përmban disa komponime bioaktive, si karantina dhe polipeptidi-p, që imitojnë efektet e insulinës, mbështesin prodhimin dhe përmirësojnë përdorimin e sheqerit nga trupi. Nëse jeni duke marrë ilaçe antidiabetike, konsumimi i pjeprit të hidhur kërkon kujdes.

2. Kopër

Kokrra e zezë konsiderohet si një “mjet shumëfunksional” bimësh. Tradicionalisht është përdorur për të lehtësuar dhimbjet menstruale, për të mbështetur ushqyerjen me gji e rregulluar sheqerin në gjak. Provat klinike sugjerojnë se mund të ndihmojë në rregullimin e kolesterolit. Përmban përbërës aktivë, si saponinat, pektina dhe fitosterolet, që zvogëlojnë thithjen e yndyrës dhe të bllokojnë thithjen e kolesterolit. Përmban antioksidantë që mbrojnë zemrën dhe mbështesin metabolizmin e shëndetshëm të yndyrës. Ngadalëson tretjen e karbohidrateve, zvogëlon thithjen e glukozës në zorrë e rrit çlirimin e insulinës.

Disa teste kanë treguar se fenugreek mund të ndihmojë në rritjen e testosteronit , duke ndihmuar në përmirësimin e epshit , uljen e yndyrës trupore dhe rritjen e energjisë, veçanërisht kur kombinohet me stërvitje forcuese.

Efektet anësore janë të lehta dhe gastrointestinale, si të përziera, fryrje ose diarre. Megjithatë, dozat e ulëta përgjithësisht konsiderohen të sigurta.

3. Asafoetida

Njihet si një erëz me aromë të fortë, e përdorur në kuzhinën indiane. Në Ayurveda, njihet edhe si ilaç i fuqishëm për tretjen. Prodhohet nga lëngu i tharë i rrënjëve të bimës ferula, është i famshëm për aftësinë e tij për të lehtësuar fryrjen dhe gazrat. Përbërësi i tij aktiv, acidi ferulik ndihmon në tretjen e karbohidrateve komplekse. Thuhet se stimulon enzimat tretëse dhe prodhimin e tëmthit, duke përmirësuar tretjen e yndyrnave.

Studimet e hershme laboratorike sugjerojnë edhe më shumë përfitime, duke përfshirë efekte të mundshme antimikrobike, anti-inflamatore dhe neuroprotektive , si dhe role në rregullimin e presionit të gjakut, lehtësimin e astmës dhe uljen e sheqerit në gjak.

Këshillohet nëse jeni duke marrë ilaçe për tensionin e gjakut, siç është varfarina, pasi asafetida shkakton rënie të tensionit të gjakut dhe hollim të gjakut.

Mjete të lashta, vëmendje moderne

Mjekësia tradicionale u ka besuar këtyre bimëve Ayurvedic për shekuj, që duket se kanë shumë për të ofruar në menaxhimin e sëmundjeve kronike ose përmirësimin e mirëqenies së përgjithshme, për sa kohë që përdoren me kujdes dhe duke ndjekur udhëzimet e konsumit të sigurt. Sasitë e vogla konsiderohen të sigurta, por nëse po mendoni të merrni suplemente ose doza terapeutike, është e rëndësishme të flisni me një mjek, veçanërisht nëse jeni shtatzënë, merrni ilaçe ose keni një problem shëndetësor.

 

 

Continue Reading

Shëndeti

Fruti antioksidues i verës që i bën mirë zemrës dhe përmirëson gjumin

Published

1 day ago

on

August 11, 2025

By

Continue Reading

Shëndeti

Çka i shkakton nishanet e kuq në trup dhe a trajtohen ato?

Published

1 day ago

on

August 11, 2025

By

Nishanët e kuq të cilët shfaqen në trup me kalimin e viteve shpesh konsiderohen si të padëmshëm. Por ato nuk shfaqen nga asgjëja, sigurisht që pas shfaqjes së tyre qëndron një komplikacion shëndetësor.

Specialistët e lidhin me çrregullime të vogla të mëlçisë, praninë e toksinave në trup, apo ekspozimin në diell. Shpesh i keni vënë re që të shfaqen në lëkurë afër qafës, gjoksit, shpinës, në ngjyrë të kuqë dhe pak të dala nga lëkura.

Ja çfarë duhet të dini:

Emri shkencor për nishanet e kuqe është Ruby Angioma, janë të padëmshëm, por nëse janë të shumtë në numër dhe në madhësi të konsiderueshme, atëherë bëni mirë t’i drejtoheni mjekut. Është mirë të mbani nën kontroll perimetrin dhe konsistencën e tyre.

Nëse ato janë të parregullta, të rrudhura dhe kanë një gjatësi prej më shumë se 6 milimetra, është mirë të konsultoheni me një dermatolog.

Përveç komplikacioneve të vogla në mëlçi, ato mund të shkaktohen edhe nga një dietë e pabalancuar, ose si rezultat i grumbullimit të tepërt të toksinave në zorrë. Shkaktohen për shkak të rritjes jonormale të enëve të vogla të gjakut.

Nishanet e kuqe në fytyrë, duar dhe pjesë të tjera zakonisht të pambuluara të trupit mund të jenë për shkak të ekspozimit të tepërt në diell.

Në këtë rast, kini kujdes të veçantë me mbrojtjen nga dielli.

Si mund t’i parandaloni?

Ekspertët thonë se për të ndaluar shfaqjen e nishaneve në trup, është mirë të konsumoni pije që largojnë toksinat nga trupi.

Minimalisht duhet të pini dy litra ujë në ditë.

Konsumoni sa më shumë perime të freskëta edhe në formë të lëngët. Veçanërisht karotat, angjinaret dhe selinotë janë të shkëlqyera në këtë rast.

Gjithashtu shtoni sa më shumë avokado në dietën tuaj dhe përdorminin e vajit të ullirit. /UBT News/

Continue Reading

Shëndeti

Punoni shumë me kompjuter? Atëherë, ju duhet kjo vitaminë!

Published

1 day ago

on

August 11, 2025

By

Duke u fokusuar në ekranin e kompjuterit, sytë reagojnë ndaj pikave të ndritshme dhe të errëta. Ndaj ata që punojnë në kompjuter kanë nevojë për vitaminë A. Sytë harxhojnë rodopsinë, pigment fotosensitiv, që është i nevojshëm për të parë sa më mirë.

Vitamina A luan rol të rëndësishëm në prodhimin e rodopsinës.

Njerëzit të cilët duhet ta zvogëlojnë marrjen e yndyrave dhe kolesterolit, mund të hanë ushqim në të cilin ka më shumë beta-karotene.

Ato janë të pranishme në shumicën e perimeve, pastaj në pemët siç janë kumbullat e thata, pjepri, pjeshka dhe mango.

Këshilla për ata që punojnë në kompjuter:

– Ruani pjerrësinë e tastierës, kur lexoni dhe shkruani;

– Për të pasur një qëndrim të mirë, krijoni pjerrësinë në lexim ose shkrim, të ngjashme me bankat e shkollës. Pjerrësia duhet të jetë 20 gradë;

– Sfondi përtej ekranit të mos jetë asnjëherë krejt i errët. Të mos ketë reflekse në ekran kontrasti dhe drita e ekranit të rregullohen në vlera mesatare;

– Ekrani duhet të jetë rreth 50–60 cm larg syve;

– Mundësisht të përdoret filtër për ekranin kundër reflekseve;

– Të rrotullohen sytë në ambientin përreth ose të paktën çdo një orë të bëhet një pushim prej 15 minutash;

– Punoni me dritë natyrale sa më shumë. /UBT News/

 

Continue Reading

Të kërkuara