Ekonomi

A duhet të merrni kredi për biznesin tuaj?

Publikuar

3 vjet më parë

më

Kjo është një nga pyetjet më të shpeshta të biznesit që njerëzit bëjnë, sidomos në fazën kur dikush ka një ide biznesi, por i mungojnë paratë.

Prandaj po ndajmë me të gjithë, atë çfarë “Bid” mendon në lidhje me marrjen e kredisë bankare. Janë tre faktorë kryesorë:

Çfarë rrezikoni?

Rrezikoni që të zhyteni në borxhe dhe të përkeqësoni jetën tuaj. Nëse gjërat nuk shkojnë sipas planit, çfarë plani rezervë shpëtimi keni? Borxhin a do e merrni si individ, apo në emër të biznesit. Gjasat janë që bankat të mos japin kredi bankare nëse kompania është e re apo nuk ka një plan të sigurt për nxjerrje të ardhurash. Prandaj shpesh njerëzit detyrohen që të marrin kredi në bankë për të investuar në idenë e tyre të biznesit, duke lënë si garanci një pronë të paluajtshme. Nëse mund të përballoni humbjen e asaj prone pa pasoja të mëdha në jetë, atëherë vazhdoni, merreni kredinë dhe luftoni për idenë tuaj. Por në asnjë mënyrë mos vendosni si garanci shtëpinë ku jetoni, apo një pronë të paluajtshme që ju siguron të ardhura muaj pas muaji.

Çfarë mundësie tjetër keni?

Kredia nuk është mënyra e vetme që të siguroni financim për biznesin që doni të ngrini. Sigurisht varet nga shuma, por gjithmonë ekziston mundësia për të kursyer dhe për të investuar kursimet në biznes pa marrë kredi.

Nëse kursimet nuk mund të përballojnë investimin që keni ndërmend të bëni, atëherë shihni mundësinë që të krijoni një model të zvogëluar të biznesit që mund të filloni me më pak para. Për shembull, nëse keni ndërmend të hapni një restorant luksoz, filloni me diçka të vogël të versionit “merr me vete”, për pica apo për pasta. Nëse jeni të suksesshëm aty, të ardhurat e nxjerra mund t’i investoni në një ambjent më të madh.

Gjithashtu ekziston mundësia për gjetjen e një partneri. Nëse ju keni idenë e mirë, është dikush tjetër që ka paratë por nuk ka idenë. Bëni përpjekjet tuaja për të arritur një marrëveshje ortakërie me një person të tillë, duke verifikuar gjithmonë besueshmërinë, ndershmërinë dhe integritetin e tij/saj.

Në çfarë faze është biznesi?

Nëse nuk mund të fitosh para kur nuk ke para, çfarë të bën të mendosh që po të kesh shumë para, do të bësh më shumë para? Ky është një ndër mendimet më të gabuara të njerëzve. Aftësia për të qenë të zotë në biznes duket kur nuk ke asgjë. Nëse nuk nxjerr do gjë nga asgjëja si sipërmarrës, kur të kesh shumë para në dorë, i bie t’i humbësh edhe ato. Prandaj këshilla më e mirë që mund t’ju jap është që të mos merrni kredi për biznesin tuaj të parë, që doni ta nisni nga 0. Duhet të keni provuar veten më parë. Nëse nga ana tjetër keni një model të suksesshëm biznesi me të ardhura të kënaqshme dhe vizion të qartë, atëherë mund të merrni kredi bankare në emër të kompanisë tuaj (shpk) për të përshpejtuar rritjen e atij fidanit që keni mbjellë.

Etiketa
Vazhdo të lexosh

Ekonomi

Pesë personat më të pasur në botë dyfishuan pasurinë e tyre

Kështu thuhet në një raport të Oxfam që u publikua të dielën.

Publikuar

4 muaj më parë

më

15 Janar, 2024

nga

Pesë njerëzit më të pasur në Tokë janë bërë shumë më të pasur vitet e fundit. Që nga viti 2020, pasuria neto e këtyre miliarderëve është rritur me 114% në një total prej 869 miliardë dollarësh, pas inflacionit, sipas raportit vjetor të pabarazisë të Oxfam, të publikuar të dielën. Nëse trendet aktuale vazhdojnë, bota mund të shohë trilionerin e saj të parë në një dekadë.

Në po këtë periudhë, gati pesë miliardë njerëz në mbarë botën janë varfëruar, pasi ata u përballën me inflacionin, luftën dhe krizën klimatike. Do të duheshin gati 230 vjet për të eliminuar varfërinë bazuar në trajektoren aktuale.

Raporti, i cili bazohet në të dhënat e përpiluara nga Forbes, përkon me fillimin e takimit vjetor të Forumit Ekonomik Botëror në Davos të Zvicrës, mbledhje elitare e disa prej njerëzve më të pasur dhe liderëve botërorë.

Vlerësohet se 148 korporatat kryesore kanë pasur fitim prej 1.8 trilion dollarë, 52 për qind më shumë sesa mesatarja 3-vjeçare, duke u mundësuar që aksionarët të kenë fitime dhe miliona punëtorë të përballen me krizat e kostos së jetesës, përderisa inflacioni çoi në uljen e pagave.

“Kjo pabarazi nuk është aksidentale. Klasa e miliarderëve po sigurohet që korporatat t’u mundësojnë atyre më shumë pasuri në kurriz të të tjerëve”, tha shefi i Oxfamit, Amitabh Behar.

Elon Musk, i cili drejton disa kompani, sikurse Tesla dhe SpaceX, përjetoi rritje vitet e fundit. Pasuria e tij u rrit në 245.5 miliardë dollarë në fund të nëntorit, 737% më shumë nga marsi i vitit 2020, pas llogaritjes së inflacionit.

Bernard Arnault, kryetar i gjigantit francez të mallrave luksoze LVMH, dhe familja e tij kishin një vlerë neto prej 191.3 miliardë dollarësh, më shumë se 111%.

Themeluesi i Amazon, Jeff Bezos, kishte një pasuri prej 167.4 miliardë dollarësh, me 24% rritje; ndërsa pasuria e themeluesit të Oracle, Larry Ellison arriti në 145.5 miliardë dollarë, me një rritje prej 107%.

Në përfundim të listës së pesë njerëzve më të pasur qëndron CEO i Berkshire Hathaway, Warren Buffett, pasuria neto e të cilit u rrit 48% në 119.2 miliardë dollarë./UBTNews/

Vazhdo të lexosh

Ekonomi

Barclays ul numrin e vendeve të punës

Kjo shifër përfaqëson rreth 5% të totalit të fuqisë punëtore të saj.

Publikuar

4 muaj më parë

më

9 Janar, 2024

nga

Barclays vlerësohet të ketë reduktuar rreth 5 mijë vende pune në të gjithë botën në vitin 2023, në kuadër të nismës për uljen e kostove, e cila filloi në fund të vitit të kaluar. Kjo shifër përfaqëson rreth 5% të totalit të fuqisë punëtore të saj.

Shkurtimet e vendeve të punës pritet të jenë një kombinim i shkurtimeve aktuale dhe vendeve të lira të punës që nuk do të plotësohen në fund të fundit. Detajet tjera pritet të bëhen të ditura së bashku me publikimin e të ardhurave të bankës më 20 shkurt, por ky plan për uljen e kostove pritet të vlerësohet në rreth 1 miliard £ (1.16 miliard euro).

Një zëdhënës i bankës së investimeve theksoi se Barclays e mori këtë vendim në kuadër të “programit të saj të vazhdueshëm të efikasitetit, i cili u krijua për të thjeshtuar dhe riformuar biznesin, për të përmirësuar shërbimin dhe për të ofruar kthime më të larta”./UBTNews/

Vazhdo të lexosh

Ekonomi

Banka Botërore njofton 20 milionë dollarë ndihmë në Gaza

E konfirmoi Banka përmes një deklarate.

Publikuar

5 muaj më parë

më

17 Dhjetor, 2023

nga

Banka Botërore njoftoi të martën 20 milionë dollarë në financim të ri për të ofruar ndihmë emergjente për njerëzit në Gaza, përfshirë edhe 10 milionë dollarë për pako ushqimore.

Ndihma, e cila do të arrijë rreth 377 mijë njerëz, është pjesë e një pakete më të madhe ndihme për Gazën prej 35 milionë dollarësh, njoftoi Banka përmes një deklarate.

Një ndihmë fillestare prej 15 milionë dollarësh tashmë është dorëzuar./UBTNews/

Vazhdo të lexosh

Ekonomi

Danimarka do të heqë nga qarkullimi kartëmonedhën 1000 korona

Me këtë veprim, Banka Qendrore daneze po përpiqet të luftojë krimin ekonomik.

Publikuar

5 muaj më parë

më

3 Dhjetor, 2023

nga

Danimarka, ku paratë kesh përdoren rrallë, po synon të heqë nga qarkullimi deri në maj të vitit 2025 kartëmonedhat 1000 korona (afërsisht 134 €).

“Me ndryshimin e zakoneve të pagesave të danezëve, kartëmonedha 1000 e kurorës nuk është më e nevojshme”, njoftoi Christian Kettel Thomsen, drejtor i Nationalbanken.

Në vendin skandinav, vetëm 10% e pagesave në dyqane bëhen me para në dorë. Në 90% të rasteve, blerjet arrijnë në më pak se 500 korona (rreth 67 €). Kjo është relativisht e pazakontë në krahasim me pjesën më të madhe të Eurozonës, ku më shumë se gjysma e pagesave komerciale bëhen me para në dorë.

Me këtë veprim, Banka Qendrore daneze po përpiqet të luftojë krimin ekonomik.

“Kemi parasysh shqetësimet e policisë, sektorit financiar dhe sektorit të shitjes me pakicë… kartëmonedha 1000 kurora përdoret në masë më të madhe se kartëmonedhat e tjera në kuadër të formave të ndryshme të krimit financiar”, njoftoi Banka.

Kjo kartëmonedhë hyri në qarkullim në vitin 1975 për shkak të inflacionit shumë të lartë./UBTNews/

Vazhdo të lexosh

Të kërkuara