

Lajmet
A do të vazhdojë hetimi i kancelarit gjerman Scholz për skandalin e taksave?
Viti i Ri ka nisur me shumë telashe për kancelarin Olaf Scholz.
Published
2 years agoon
By
Betim GashiA dha dëshmi të rreme kancelari, Olaf Scholz lidhur me skandalin e taksave “Cum-Ex” prej miliarda eurosh? CDU dëshiron ta vërtetojë këtë dhe paralajmëron aksione të tjera.
Viti i Ri ka nisur me shumë telashe për kancelarin Olaf Scholz. Partitë opozitare CDU dhe CSU duan ta ftojnë Olaf Scholzin përsëri përpara Komisionit të Financave. Akuzat janë shumë të rënda: thuhet se politikani i SPD-së nuk ka thënë të vërtetën në deklarimet e tij për të ashtuquajturin skandal Cum-Ex. Procesverbali i një mbledhjeje të Komisionit të Financave nga korriku i vitit 2020, i cili ka qenë deri tani i klasifikuar, synon ta vërtetojë këtë akuzë, shkruan DW.
Ndërkohë ky procesverbal është zhbllokuar nga kategoria e klasifikimit dhe është bërë publik, parlamentarët kanë akses dhe mund ta citojnë ate. Dokumenti tregon se Scholzit i kujtohej një bisedë në korrik me bankierin Christian Olearius, i cili ishte i përfshirë në mashtrimin tatimor Cum-Ex. Por nga shtatori 2020, Scholz thoshte se “nuk kishte kujtime konkrete” rreth takimeve.
Dëshmitarët duhet të thonë të vërtetën
Ai më pas dy herë tha para Komisionit hetimor parlamentar në Dhomën e Përfaqësuesve të Hamburgut, se nuk i kujtohet asgjë. Dëshmitarët janë të detyruar të thonë të vërtetën, në të kundërtën ata janë përgjegjës dhe mund të ndiqen penalisht.
“Deklaratat kontradiktore dhe humbja e papritur e kujtesës së kancelarit brenda pak muajsh ngrenë pikëpyetje të konsiderueshme”, tha për DW, Matthias Hauer, deputet i Bundestagut, i cili është përfaqësues i CDU në Komisionin e Financave.
Plaçkitja e shtetit
“Cum-Ex” është sinonimi i mashtrimit më të madh tatimor në historinë e Republikës Federale. Deri më sot janë 1500 të dyshuar, ndërsa janë përfshirë edhe rreth 130 banka. Bëhej fjalë për rimbursimin nga shteti të taksave mbi kapitalin që nuk është paguar kurrë. Kjo funksionoi falë një truku me ndihmën e aksioneve. Një herë në vit, kompanitë e listuara përcaktojnë nivelin e shpërndarjes së fitimit për aksionerët e tyre. Për këto dividende duhet të paguhen taksa, të cilat mund të rikthehen në rrethana të caktuara.
Me ndihmën e bankave, blloqet e aksioneve me (cum) dhe pa (ex) të drejta dividendesh shtyheshin kaq shpesh rreth datës së ndarjes së dividendeve sa që autoritetet tatimore nuk mund të kuptonin më se kush ishte në të vërtetë pronari në datën e ndarjes së tyre. Në fund të gjithë merrnin fatura nga bankat për taksat e paguara, të cilat mund t’i përdornin për të kërkuar rimbursim nga zyra e tatimeve. Ndërsa zyra e taksave ka paguar disa herë para që nuk janë marrë kurrë. Në vitin 2012 legjislatura ndërhyri dhe ndaloi transaksionet e errëta. Vlerësohet se dëmi i taksapaguesve nga Cum-Ex do të jetë mbi dhjetë miliardë euro. Hetimi po vazhdon ndonëse Komisioni i parë hetimor në Bundestag është ngritur në vitin 2016.
Skyline e zonës së bankave në Frankfurt mbi MainSkyline e zonës së bankave në Frankfurt mbi Main
Vizita e kryeministrit
Banka private e Hamburgut M.M. Warburg u përfshi në skandal. Kontrollet dhe hetimet tatimore filluan në vitin 2016. Në këstin e parë banka duhej të shlyente 47 milionë rimbursime të marra gabimisht. Anëtari i bordit dhe bashkëpronari i bankës private të Hamburgut M.M. Warburg, Christian Olearius bëri gjithçka që ishte e mundur për të shmangur shlyerjen.
Thuhet se Olearius ka pasur një ndikim masiv te politikanët dhe autoritetet në Hamburg. Ai gjithashtu iu drejtua Olaf Scholzit për ndihmë politike. Në atë kohë, Scholz ishte kryetari i parë i Hamburgut, pra kreu i qeverisë së qytetit-land. Në fund, autoritetet tatimore të Hamburgut hoqën dorë nga borxhi tatimor. Më vonë, Ministria federale e Financave, e udhëhequr nga CDU, udhëzoi Hamburgun që gjithsesi të kërkojë paratë.
Nuk është premtur asgjë, por…
A ndikuan Scholz dhe politikanë të tjerë kryesorë të SPD-së në Hamburg në trajtimin tatimor të Bankës Warburg? Olaf Scholz e ka mohuar vazhdimisht këtë, si në Komisionin hetimor parlamentar në Dhomën e Përfaqësuesve të Hamburgut, ashtu edhe në intervistat me Komisionin e Financave të Bundestagut.
Nuk ka asnjë provë për këtë në ditarët e Christian Olearius, të cilët u gjetën gjatë kontrolleve të shtëpive. Në të, bankieri vuri në dukje reagimin e kryetarit të bashkisë: Scholz “dëgjon me kujdes përshkrimet tona dhe bën pyetje të zgjuara”. Dhe më tej: “Nuk na është premtuar asgjë, mos e prisni dhe as mos kërkoni. Unë mund ta kontaktoj në çdo kohë, ai e pret këtë për këtë çështje”.
Një takim i dytë na tregon se Olearius, siç shkruan ai në ditarin e tij, i dha Scholzit një letër me shtatë faqe. Në dokument, Warburg Bank shpjegon pse ka të drejtë për fondet Cum-Ex dhe pse kthimi i parave do të “rrezikonte ekzistencën e bankës”. Olearius vuri në dukje në takim se Scholz “pyet, dëgjon, nuk shpreh një mendim. Nuk zbulon se çfarë mendon dhe nuk zbulon se si ka ndërmend të veprojë. Unë e kuptoj këtë, nuk dua ta shtyj dhe ta komprometoj atë në asnjë mënyrë.”
Boshllëqet e kujtesës së Scholzit janë të lidhura ngushtë me publikimin e të dhënave nga ditari. Nga këto doli se Scholz dhe bankieri ishin takuar jo vetëm një herë, por gjithsej tri herë.
“Ne mendojmë se boshllëqet e kujtesës së kancelarit janë të rreme”, thotë Hauer nga CDU. “Pas zbulimit të takimeve të tjera dhe një telefonate mes të dyve, Olaf Scholz deklaroi se nuk mban mend dhe nuk i kujtohet asgjë”.
Partitë në pushtet mbrojnë kancelarin e tyre
Këtu CDU dhe CSU duan të veprojnë edhe një herë në Komisionin për financa. Por ata mund ta bëjnë këtë vetëm nëse e dëshiron edhe shumica në Komision, e kjo nuk ka gjasa të ndodhë në të ardhmen e parashikueshme. SPD, të Gjelbrit dhe FDP, të cilët së bashku formojnë qeverinë, qëndrojnë në mbrojtje të kancelarit të tyre. Kjo ishte ndryshe në vitet e mëparshme, kur Scholz sulmohej nga FDP dhe të Gjelbërit.
SPD ka interesin më të vogël që kancelari të merret sërish në pyetje. “Ndërsa Olaf Scholz dhe qeveria federale po luftojnë me sukses krizën, Unioni po vazhdon të kritikojë dhe të nxisë çështjen”, kritikon Michael Schrodi, zëdhënës për politikën financiare për grupin parlamentar të SPD dhe përfaqësues i partisë në Komisionin e Financave. Në procesverbale shihet se Scholz ka deklaruar atë që kishte lexuar në takimet për shtyp. “Por nuk thuhet gjë për takimet apo përmbajtjet e tyre”. Prandaj nuk ka asnjë kundërshtim dhe asnjë arsye për të dëgjuar përsëri kancelarin në Komision, tha Schrodi për DW.
Marrja në pyetje në Hamburg në vend të Berlinit?
As FDP-ja nuk është e interesuar për një intervistim tjetër. Kjo është humbje kohe, tha Markus Herbrand, përfaqësuesit i FDP në Komision. Kancelari ka thënë disa herë se nuk mban mend asgjë. Në këtë drejtim, një ftesë në Komisionin e Financave nuk ka kuptim.
“Zbraztësirat në kujtesë sigurisht që mund të shikohen dhe diskutohen në mënyrë kritike, por nuk mund të priten gjetje të reja nga një marrje e re në pyetje”.
Të Gjelbrit nuk shohin mundësinë e ritrajtimit të çështjes në Berlin, por në Hamburg. Ata mendojnë se Komisioni hetimor në Dhomën e Përfaqësuesve të Hamburgut është “vendi i duhur dhe i përshtatshëm për punë të mëtejshme parlamentare dhe për marrjen në pyetje të kancelarit aktual”, thotë Sascha Müller, anëtar i Bundestagut dhe kryetar i të Gjelbërve në Komisionin për Financa.
Për DW ai shton: “Një tjetër marrje në pyetje në Komisionin e Financave të Bundestagut do të ishte vetëm një spektakël tjetër”.
Lajmet
Zogaj paralajmëron lëndë në Gjykatë: Kushtetuta po shkelet çdo ditë me vetëdije nga VV
Published
36 minutes agoon
July 3, 2025By
UBTnews
Deputeti i LDK-së, Alban Zogaj, ka deklaruar se Kushtetuta e Kosovës po shkelet çdo ditë me vetëdije të plotë nga Lëvizja Vetëvendosje.
Ai ka theksuar se edhe Lidhja Demokratike e Kosovës do t’i drejtohet Gjykatës Kushtetuese për të adresuar këto shkelje.
“Është duke u shkelur me vetëdije dhe po shkelet çdo ditë. Në këtë mënyrë po hyjmë në një krizë edhe më të thellë. Jemi në përgatitje të lëndës për t’iu drejtuar Gjykatës Kushtetuese dhe jemi në koordinim dhe bashkëbisedim për të parë se si do t’i qasemi. Do t’i qasemi Gjykatës Kushtetuese me pyetje dhe adresim, sepse si aktgjykimi i fundit, ashtu edhe Kushtetuta e vendit janë duke u shkelur në seancat e fundit,” ka thënë Zogaj.
Lajmet
Krasniqi: PDK-ja sot dorëzon rast të ri në Kushtetuese
Published
1 hour agoon
July 3, 2025By
UBTnews
Kryetari i PDK-së Memli Krasniqi paralajmëroi se sot PDK-ja do të dorëzojë rast të ri në Gjykatën Kushtetuese.
“Pasi kanë ndodhur edhe tri shkelje kushtetuese radhazi, sot PDK-ka do të dorëzojë në Gjykatën Kushtetuese një rast të ri, për të cilin shpresojmë që do të trajtohet me urgjencë, meqenëse i kemi vetëm edhe 23 ditë për konstituimin e Kuvendit.
Janë 23 ditë që i kanë mbetur Albin Kurtit që të tërhiqet nga pengmarrja e shtetit dhe ta ndryshojë propozimin e tij dh të kthehet në normalitetin e rrjedhjes së seancës”, tha Krasniqi.
Lajmet
“Loja juaj, pasojat tona”: Organizatat e shoqërisë civile protestojnë sërish para Kuvendit
Published
1 hour agoon
July 3, 2025By
UBTnews
“Cirku i Republikës së Kosovës”, “Loja juaj, pasojat tona”, “Mos folni për zgjedhje, kur s’ofroni zgjidhje!”, janë disa nga mbishkrimet në protestën e organizatave të shoqërisë civile të cilat edhe sot kanë protestuar në hyrje kryesore të objektit të Kuvendit të Kosovës për të kundërshtuar vazhdimin e bllokadës institucionale.
Ehat Miftaraj nga Instituti i Kosovës për Drejtësi, tha se Kosova është duke humbur ndihma financiare dhe se është domosdoshmëri që sa më shpejt të konstituohet kuvendi.
“Kosova është duke humbur ndihma financiare që shkojnë me qindra miliona euro nga BE, nga Banka Botërore, e tregon nevojën e domosdoshme që sa më shpejt partitë politike, deputetët të gjejnë një zgjedhje për të bërë konstituimin e kuvendit. Neve si organizata të shoqërisë civile nuk na ka mbetur tjetër do të thotë përveç të kërkojmë deputetëve nëse nuk i kryejnë detyrën për të cilën kanë marrë bekimin e qytetarëve, votat e qytetarëve t’i pyesim nëse duan të shkojnë në deti ose nëse vendet e tyre të punës janë për pushtet apo për të ju dhënë zgjidhje qytetarëve të Republikës së Kosovës”, deklaroi ai.
Ai tha se deputeti duhet të përfaqësojë interesat e qytetarëve që të gjendet zgjidhja për krizën institucionale. Sipas tij, nëse partitë politike nuk duan të ofrojnë zgjidhje, kjo mund të zgjasë edhe me muaj të tërë.
“Është më se e qartë që zgjidhja mbetet tek kompromisi politik, tek ajo çdo parti politike varësisht numrit të deputetëve që kanë në kuvend, ta marrin përgjegjësinë politike, të ofrojnë konsensus, të ofrojnë zgjidhje. Në fund të fundit, qytetarët kanë votuar më 9 shkurt për të votuar deputetët, përfaqësuesit e popullit të cilët ushtrojnë në një farë mënyre në emër të popullit sovranitetin e Republikës së Kosovës, detyrat dhe përgjegjësitë. Dhe nëse këta deputetë nuk janë në gjendje që këtë vullnet që e kanë marrë nga qytetarët ta përkthejnë në konstituim të kuvendit për formim të qeverisë dhe institucioneve, atëherë në një mënyrë edhe zgjedhjet e 9 shkurtit deligjitimohen që nuk ka kurrfarë kuptimi”, shtoi ai.
Vazhdimi i seancës të enjten vjen një ditë pasi presidentja e vendit, Vjosa Osmani, zhvilloi takime të ndara me krerët e partive parlamentare shqiptare, në përpjekje për të zgjidhur krizën institucionale.
Presidentja takoi të mërkurën në kabinetin e saj, kryeministrin në detyrë dhe kryetarin e Lëvizjes Vetëvendosje, Albin Kurti, kreun e Partisë Demokratike të Kosovës, Memli Krasniqi, kryetarin e Lidhjes Demokratike të Kosovës, Lumir Abdixhiku si dhe kreun e Aleancës për Ardhmërinë e Kosovës, Ramush Haradinaj.
Osmani bëri thirrje që të arrihet “sa më shpejt” pajtueshmëri për konstituimin e Kuvendit.
Kosova ka mbajtur zgjedhjet parlamentare më 9 shkurt por ende nuk është bërë konstituimi i Kuvendit. Deri më tash janë bërë 40 përpjekje, të pasuksesshme.
Procesi ka ngecur të zgjedhja e kryetarit të Kuvendit për çka Lëvizja Vetëvendosje, në koalicion me Guxo dhe Alternativa, nuk po arrin t’i sigurojë 61 votat e nevojshme për ta zgjedhur Albulena Haxhiun.
Partitë që deri më tash ishin në opozitë e kundërshtojnë emrin e Haxhiut si të papranueshëm për këtë pozitë.
Lajmet
Avokati Koci proteston me gomarë para Kuvendit
Published
1 hour agoon
July 3, 2025By
UBTnews
Avokati Arianit Koci po proteston sërish para hyrjes kryesore të objektit të Kuvendit të Kosovës. Ai kësaj radhe ka çuar disa gomarë për të shprehur kundërshtimin e tij për bllokadën institucionale.
Ai tha se këta gomarë “simbolizojnë kokëfortësinë e kryeneçësinë”.
“Të njëjtit po mendojnë që ne jemi gomarë, sidoqoftë ne nuk ndalemi duke protestuar. Protesta do të jetë e qetë, unë e kam respektin maksimal për policinë, e kam lajmëruar protestën, ky është miku im është adhurues i kafshëve. Edhe një herë po i kërkoj falje gomarëve që prej Istogut është dashur me i sjell edhe me i detyruar me u kfjell pak deputetët. Këta [gomarët] e simbolizojnë kokëfortësinë, kryeneçësinë. A ka më keq se 41 herë me u mbledh dhe të mos mundet të formohet parlamenti, nuk ka”, deklaroi ai.
Pas aktgjykimit të Gjykatës Kushtetuese, Koci tha e ka përcaktuar se kush është “fajtori për këtë ngërç politik”
“Unë pas vendimit të Gjykatës Kushtetuese, e kam përcaktuar kush është fajtor. Fajtor është Albin Kurti. E ka krijuar në opinion publik ajo që në lojën politike dhe spiunazhi quhet loja e pasqyrave të dyfishta ku kurrkush askujt si beson edhe e vërteta është vetëm ajo çfarë thotë lideri. Sidoqoftë nuk po dua të jem faktor që i thellon ndasitë por po dua të jem faktor i unitetit. E kam një vërejtje të madhe edhe për partinë e dytë, të tretë, të katërt, PDK-në, LDK, Aleancën edhe Nismën. Po sillen si me qenë qyqarë, po duket thuajse se po iu konvenon kjo me krejt atë fuqi që e kanë në elektorat mos me marrë një njeri me nxjerrë në protestë kjo është e pabesueshme. Thjesht, si duket edhe ata po i frikësohen zgjedhjeve të reja, se dikush mund ta humb parlamentin në tërësi”, shtoi ai.
Protesta po mbahet pak para vazhdimit të seancës konstituive, që është përpjekja e dyzet e një për ta bërë Kuvendin.

Si ndikon në shëndet konsumi i rregullt i pjeshkave?

Raportuesja e OKB-së: Izraeli është përgjegjës për “një nga gjenocidet më mizore në historinë moderne”

Lauren Sanchez zbulon fustanin e nusërisë që u qep për 900 orë

Zogaj paralajmëron lëndë në Gjykatë: Kushtetuta po shkelet çdo ditë me vetëdije nga VV

Shote Galica, Heroina e Popullit dhe simboli i qëndresës shqiptare

Zelensky: Ukraina dhe SHBA-ja po negociojnë për ndihmën ushtarake amerikane

Krasniqi: PDK-ja sot dorëzon rast të ri në Kushtetuese

“Loja juaj, pasojat tona”: Organizatat e shoqërisë civile protestojnë sërish para Kuvendit

Vlerat unike të petaleve të trëndafilit
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT4 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës