Kulturë

Gjërat që një femër vëren së pari te një mashkull

Ç’të bëni: Konsideroni këpucët një investim.

Published

4 years ago

on

Të flasim pak për përshtypjet e para. Më konkretisht, ato që gratë krijojnë mbi meshkujt kur i takojnë për herë të parë. Çfarë vënë re?

1. Këpucët tuaja

Pse ka rëndësi: Nëse sytë janë dritarja për shpirtin, këpucët janë dritarja e stilit tuaj. Vishni ato të gabuara, dhe ju do të jepni një mesazh më pak se ideal. Nëse ato janë të lehta,  ajo do të dyshojë që jeni tip “i lirë”. Nëse janë të vjetëruara, ajo do të mendojë se nuk ju intereson pamja juaj (dhe do të pyesin veten se çfarë tjetër nuk ju intereson).

Ç’të bëni: Konsideroni këpucët një investim. Shpenzoni sa të mundeni për disa palë të mira – vishni këpucë në të dyja ngjyrat, të zeza dhe kafe, si dhe mokasinë për veshjet më sportive. Dhe sigurohuni që këpucët tuaja janë të përshtatshme për veshjen – kjo do të thotë që nuk duhet të vishni atlete apo sandale me kostum.

2. Përshëndetja juaj

Pse ka rëndësi: Pse mendoni se është aq situatë nervoze kur garuesit e parë dalin nga limuzina tek “The Bachelor”? Dhe djema, mos pretendoni se nuk e keni parë këtë serial të paktën një herë. Është për shkak se ata kanë vetëm disa fjalë dhe gjeste për të bërë një përshtypje të parë të mirë. Një përshëndetje është mundësia e parë për t’u prezantuar në mënyrën që dëshironi të shiheni. Shtrëngimi i dorës, buzëqeshja dhe “përshëndetje”, të gjitha kontribuojnë.

Ç’të bëni: Jini të sigurt në vete, por miqësorë. Mos shikoni përtej, ose lart e poshtë kokës së femrës, para se të shihni fytyrën. Sigurisht, nëse nuk mund të bëni kontakt me sy nga nervozizmi, kjo nuk është shumë tërheqëse. Shikojini në sy, buzëqeshni ngrohtësisht, dhe përsëritjani emrin (për t’ju ndihmuar ta mbani mend atë). Dhe kurrë mos nënvlerësoni fuqinë e një shtrëngimi duarsh.

3. Duart tuaja

Pse ka rëndësi: Meqë tashmë po flasim për shtrëngimet e duarve, le të diskutojmë gjendjen e lëkurës suaj. Unë e di se “lagështimi” ndoshta nuk është në listën tuaj të përditshme “Për të bërë”. Por duart e ashpra nuk janë diçka që zonjat duan të vënë re. Askush nuk dëshiron të prekë lëkurën me luspa. Edhe nëse mendoni se hidratuesi nuk është “burrëror”, është në interesin tuaj më të mirë që të mbani lëkurën tuaj të butë.

Ç’të bëni: Mbani një krem duarsh në tryezën tuaj në punë dhe përdoreni atë kur jeni duke menduar formacionin tuaj të futbollit të fantazisë ose duke u përpjekur të vendosni se çfarë duhet të hani për drekë.

4. Pamja juaj

Pse ka rëndësi: Ka, natyrisht, djemtë e modës dinë gjërat që s’duhet të bëjnë. Për shembull, të shkojnë në një takim me t-shirt që lexon “Unë jam budalla”. Ose të shkojnë në një takim biznesi me bluzë si flamur. Por zakonisht, janë gjërat më të vogla që mund t’ju ndihmojnë në një përshtypje të parë. Një këmishë e zhubrosur – pantallona që nuk janë hekurosur mirë – këpucë me baltë, të ngjyrosura me të gjelbrën e barit.

Ç’të bëni: Bëni një skanim të plotë në pasqyrë para se të dilni nga shtëpia juaj. A dukeni mirë? Të rregullt? A janë flokët të krehur? Këpucët të lidhura? A shkon rripi me këpucët? Një shikim i shpejtë do t’ju shpëtojë nga gabimet e vogla në një përshtypje të parë.

5. Ora juaj

Pse ka rëndësi: Gratë nuk presin që çdo burrë të mbajë Roleks, por ato presin që të mbani një orë burrash – jo fëmijësh. Jo me fytyra me Mickey Mouse. Jo ora si makinë llogaritëse. Dhe asgjë prej gome, nëse nuk po shkoni në maratonë.

Ç’të bëni: Nëse është koha të merrni një orë, bëni një vizitë në dyqanin e qytetit për të parë se cila është që ju pëlqen. Nuk mund të gaboni nëse merrni një me rrip metalik dhe fushë të zezë, apo rrip klasik lëkure me fushë të bardhë. Jo që të duket shumë, por as edhe një orë që duket sikur e ke mbajtur në festën e karnavaleve.

6. Gramatika juaj

Pse ka rëndësi: Edhe në shkëmbimin e parë të përshëndetjeve, zonjat kanë gjykime. Ato vënë re nëse përdorni fjalë të mëdha ose jo, nëse thoni “hmmm”, i quani “goce” ose “e dashur”, dhe nëse fjalori juaj është i mbushur me fjalë të pista.

Ç’të bëni: Lexoni më shumë libra? Nuk kërkohen fjalë 10-dollarëshe në çdo fjali, por femrat duan të ndjehen të sigurta që mund të bisedoni si duhet, nëse ju prezantojnë me miqtë ose familjen e tyre, pa patur frikë se do i sikletosni.

7. Flokët tuaja

Pse ka rëndësi: Mënyra si i mbani flokët flet shumë për ju. Një krehje ku përpiqeni të mbuloni një pjesë pa flokë ju bën të dukeni të pasigurtë. Me yndyrë duket sikur nuk i keni larë prej ditësh.

Ç’të bëni: Gratë kanë mendime të ndryshme mbi gjatësinë e duhur të flokëve, por kjo është subjektive. Më i rëndëishëm është stili. Ose nëse e kanë një stil. Nëse mbani flokë të gjatë, sigurohuni që janë nën kontroll kur dilni nga dera. Nëse po ju bien, thjeshtë rruajeni kokën pa patur turp. 

Related Topics:
Continue Reading

Kulturë

Atraksionet turistike më të rrezikshme në botë

Published

6 days ago

on

January 6, 2026

By

Gjithandej në botë ka vende e objekte që tërheqin vëmendjen e turistëve. Por, shumë prej këtyre vendeve paraqesin edhe rrezik për ata që i vizitojnë.

Kemi sjellë këtu një listë të 20 atraksioneve më të rrezikshme në botë, bazuar në numrin e vdekjeve për 100,000 vizitorë:

1. Mont Blanc (Francë / Itali) – 500 vdekje

2. Matterhorn (Zvicër) – 342.9 vdekje

3. Rruga North Yungas (Bolivi) – 168 vdekje

4. Mali Kilimanjaro (Tanzani) – 20 vdekje

5. Mali Everest (Nepal) – 20 vdekje

6. Salar de Uyuni (Bolivi) – 6.2 vdekje

7. Deti i Vdekur (Izrael) – 5.6 vdekje

8. Ben Nevis (Mbretëria e Bashkuar) – 4.6 vdekje

9. Parku Kombëtar North Cascades (SHBA) – 3.3 vdekje

10. Pylli i Amazonës (Brazil) – 3.1 vdekje

11. Mali Fuji (Japoni) – 2.3 vdekje

12. Parku Kombëtar Komodo (Indonezi) – 1.8 vdekje

13. Picos de Europa (Spanjë) – 1.7 vdekje

14. Kanioni Colca (Peru) – 1.7 vdekje

15. Mali Washington (SHBA) – 1.6 vdekje

16. Blue Hole (Egjipt) – 1.6 vdekje

17. Liqeni Piru (SHBA) – 1.4 vdekje

18. Mali Snowdon (Mbretëria e Bashkuar) – 1.4 vdekje

19. Lumi Colorado (SHBA) – 1.1 vdekje

20. Parku Kombëtar Mount Aspiring (Zelanda e Re) – 1 vdekje

Burimi: Traveller’s Elixir

Continue Reading

Kulturë

12 nga serialet më të mira televizive për t’i parë këtë janar

Published

7 days ago

on

January 5, 2026

By

Janari nis fuqishëm në botën televizive, duke sjellë rikthime të shumëpritura, histori të reja plot tension dhe emra të mëdhenj të ekranit. Nga rikthimi i dramës mjekësore të vlerësuar me çmime të HBO-së te një paraprirës i ri i Game of Thrones dhe misteri më i fundit i Harlan Coben në Netflix.

The Night Manager

Pas gati një dekade, adaptimi i vlerësuar i John le Carré rikthehet me një sezon të dytë që hap një kapitull të ri për Jonathan Pine. Tom Hiddleston dhe Olivia Colman rikthehen në role kyçe, ndërsa historia zhvendoset nga hijet e Londrës në Kolumbi. Edhe pa autorin origjinal, ADN-ja e le Carré mbetet e fortë – aq sa një sezon i tretë është porositur tashmë.

Premiera e serialit “The Night Manager” do të jetë më 1 janar në BBC One në Mbretërinë e Bashkuar dhe më 11 janar në Prime Video në nivel ndërkombëtar.

Run Away

Netflix vazhdon aleancën e suksesshme me Harlan Coben. Run Away sjell një histori të errët familjare, ku zhdukja e një vajze hap një rrjet gënjeshtrash, droge dhe vrasjesh. James Nesbitt udhëheq kastin në një thriller tipik Coben: i shpejtë, emocional dhe plot kthesa.

“Run Away” do të shfaqet premierë më 1 janar në Netflix ndërkombëtarisht.

The Pitt

Një nga surprizat më të mëdha të vitit të kaluar kthehet më intensive se kurrë. Sezoni i dytë i The Pitt zhvillohet në kohë reale, gjatë një dite të vetme pune, në 4 korrik. Noah Wyle shkëlqen në një rol të rënduar nga trauma, ndërsa seriali vazhdon të trajtojë mjekësinë pa filtra dhe pa romantizëm.

Premiera e “The Pitt” do të shfaqet më 8 janar në HBO Max në SHBA.

His & Hers

Një vrasje në një qytet të vogël, dy bashkëshortë të larguar dhe dyshime që shkojnë përtej profesionit. Tessa Thompson dhe Jon Bernthal përballen në një thriller psikologjik të bazuar në romanin e Alice Feeney, ku e vërteta personale dhe ajo kriminale përplasen vazhdimisht.

“His & Hers” do të shfaqet premierë më 8 janar në Netflix ndërkombëtarisht.

Industry

Sezoni i katërt i Industry rindërton veten pas shpërbërjes së Pierpoint. Me ndikime nga thrillerët erotikë dhe konspirativë, seriali zhytet edhe më thellë në botën toksike të financës globale, ku ambicia nuk njeh kufij.

Hijack

Pas avionit, tani një tren. Sezoni i dytë e vendos Sam Nelson në Berlin, mes një kërcënimi të ri dhe dyshimesh që bien mbi të vetë. Tensioni mbetet arma kryesore e këtij thrilleri që luan me idenë e fajit dhe manipulimit.

Hijack do të shfaqet premierë më 12 janar në Apple TV ndërkombëtarisht.

Agatha Christie’s Seven Dials

Një shtëpi fshati, një vdekje misterioze dhe sekrete që ziejnë pas dyerve të mbyllura. Adaptimi i ri i Agatha Christie sjell Helena Bonham Carter dhe Martin Freeman në një histori që i qëndron besnike frymës së autores: intime, elegante dhe plot dyshime.

“Shtatë Dials” e Agatha Christie-s shfaqet premierë më 15 janar në Netflix ndërkombëtarisht

Ponies

Emilia Clarke largohet nga dragonjtë për Moskën e vitit 1977. Ponies është një thriller spiunazhi me dy protagoniste gra, të nënvlerësuara dhe pikërisht për këtë – të rrezikshme. Një histori hakmarrjeje dhe mbijetese në zemër të BRSS.

Premiera e “Ponies” do të jetë më 15 janar në Peacock në SHBA.

A Knight of the Seven Kingdoms

Ky paraprirës i Game of Thrones është më intim, më tokësor dhe më i përqendruar te personazhet. Dunk dhe Egg sjellin një perspektivë të re të Westeros, larg intrigave të mëdha, por jo pa aksion dhe emra të njohur.

Premiera e “A Knight of the Seven Kingdoms” do të jetë më 18 janar në HBO dhe HBO Max në SHBA dhe më 19 janar në Sky Atlantic në Mbretërinë e Bashkuar.

The Beauty

Një virus që e kthen bukurinë në armë. The Beauty është ekzagjerim, satirë dhe thriller në stilin karakteristik të Ryan Murphy-t. Me Evan Peters, Rebecca Hall dhe Ashton Kutcher, seriali synon të provokojë po aq sa të argëtojë.

Premiera e serialit “The Beauty” do të jetë më 21 janar në Hulu në SHBA dhe më 22 janar në Disney+ në Mbretërinë e Bashkuar.

Shrinking

Komedia e Apple TV+ kthehet më e thellë emocionalisht. Harrison Ford dhe Jason Segel përballen me humbjen, sëmundjen dhe lidhjet njerëzore, në një serial që di të qeshë pa e humbur ndjeshmërinë.

Shrinking do të shfaqet premierë më 28 janar në Apple TV ndërkombëtarisht.

Bridgerton

Sezoni i katërt zhvendos fokusin te Benedict Bridgerton dhe një romancë në stilin e Hirushes. Intriga shoqërore, sekrete dhe romancë mbeten formula fituese e Netflix.

Bridgerton do të shfaqet premierë më 29 janar në Netflix ndërkombëtarisht.

Continue Reading

Lajmet

Aktorja e njohur e viteve të 90-ta duket e panjohur në Los Angeles

Published

1 week ago

on

January 3, 2026

By

Aktorja e njohur e viteve të 90-ta, Penelope Ann Miller, është shfaqur thuajse e panjohshme gjatë një daljeje të rrallë në Los Angeles.

61-vjeçarja u pa duke mbajtur një profil të ulët në Beverly Hills, larg vëmendjes së zakonshme mediatike.

Miller u bë e famshme në fillim të viteve të 90-ta dhe ka ndërtuar një karrierë të pasur në film, televizion dhe teatër, shkruan DailyMail.

Ajo ka luajtur role të spikatura në filma si Awakenings, përkrah Robin Williams dhe Robert De Niro, Kindergarten Cop, The Relic, si dhe në serialin American Crime, që i solli një nominim për çmimin Primetime Emmy. Në teatër, ajo është nominuar dy herë për çmimin Tony për rolet në Our Town dhe All My Sons.

Në jetën personale, Miller ka folur hapur për lidhjen romantike që pati dikur me Al Pacino, me të cilin luajti edhe në filmin ikonë Carlito’s Way (1993).

Në një intervistë të asaj kohe, ajo deklaroi se nuk ishte e turpëruar për këtë marrëdhënie dhe se Pacino kishte ndikuar thellë në jetën e saj emocionale.

Aktorja është e martuar që nga viti 2000 me James Patrick Huggins, me të cilin ka dy vajza. Ajo ka treguar se e njeh bashkëshortin e saj që nga adoleshenca dhe se familja mbetet sot prioriteti i saj kryesor, larg shkëlqimit të vazhdueshëm të Hollywood-it./EkonomiaOnline/

Continue Reading

Lajmet

Beyonce shpallet miliardere

Published

1 week ago

on

January 3, 2026

By

Beyoncé është shpallur miliardere nga Forbes, duke e bërë atë muzikanten e pestë që i bashkohet njerëzve më të pasur në botë.

Ylli amerikan i është bashkuar një grupi elitar muzikantësh me pasuri 10-shifrore, raporton Forbes, përfshirë Taylor Swift, Rihanna, Bruce Springsteen dhe bashkëshortin e saj Jay-Z, të cilët revista e biznesit i rendit si me një pasuri neto prej 2.5 miliardë dollarësh, shkruan BBC.

Më parë këtë muaj, Forbes vlerësoi pasurinë neto të Beyoncé-s në 800 milionë dollarë dhe parashikoi se ajo do të kalonte pragun e miliarderes për herë të parë pas viteve të suksesit.

Turneu i saj botëror Renaissance 2023 fitoi gati 600 milionë dollarë, duke e bërë atë një nga ikonat më të mëdha të muzikës pop në botë së bashku me Taylor Swift. Beyoncé prodhoi një film të performancës në koncert, i cili ishte turneu i saj i parë solo në shtatë vjet, dhe e shpërndau atë direkt nëpërmjet një marrëveshjeje me rrjetin e teatrit AMC, i cili e pa atë të fitonte gati gjysmën e të ardhurave globale prej 44 milionë dollarësh.

Albumi i saj i vitit 2024, Cowboy Carter, i cili feston dhe kontekstualizon rrënjët e zeza të muzikës country, u prit me vlerësime kritike dhe fitoi çmimin e albumit të vitit në Çmimet Grammy – hera e parë që Beyoncé fitoi çmimin prestigjioz, pavarësisht se u nominua katër herë.

Forbes vlerëson se turneu Cowboy Carter – i cili përfshinte paraqitje të ftuar nga Jay-Z, dy nga tre fëmijët e tyre dhe ish-anëtarët e grupit Destiny’s Child – grumbulloi gjithsej më shumë se 400 milionë dollarë në shitje biletash dhe 50 milionë dollarë të tjerë në mallra të shitura në shfaqje.

Ndërsa turneu theu rekorde biletash në stadiumin Tottenham Hotspur në Londër dhe Stade De France në Paris, ai u shoqërua me shitje të ngadalta biletash me promotorët që ulën disa çmime në një përpjekje për të mbushur vendet.

Megjithatë, ishte bileta me çmimin më të lartë nga çdo artist që vizitoi Mbretërinë e Bashkuar në vitin 2025, me 950 paund, ndërsa më e lira kushtonte 71 paund.

Një shfaqje speciale në pushim për ndeshjen e parë të NFL-së të Netflix-it për Ditën e Krishtlindjeve mblodhi rreth 50 milionë dollarë, përveç 10 milionë dollarëve për një sërë reklamash të Levi’s, tha Forbes./EkonomiaOnline/

Continue Reading

Të kërkuara