Kulturë

Tiparet e një njeriu ‘cool’

Zbulo këtu nëse ke tiparet e një njeriu ‘cool’ ose jo.

Published

4 years ago

July 21, 2021

Betim Gashi

Eshtë e vështirë të përcaktosh çfarë tiparesh e bëjnë një njeri të duket i lezetshëm, interesant apo “cool” në sy të të tjerëve, por mund ta ndjejmë lehtë praninë e tij/saj afër nesh. Gjithsesi, njerëzit që konsiderohen të veçantë dhe shumë interesant i bashkon një listë me cilësi ndryshe nga të tjerët.

1. Jua bëjnë gjithçka më të thjeshtë edhe të tjerëve

Ti e di që ke pranë teje një njeri “cool” kur ndjen që personi po të dëgjon, është i fokusuar tek ty dhe përpiqet të të kuptojë.

2. Ata sjellin me vete energjinë e mirë

Dinë të ndryshojnë situatën e ç’tensionuar dhe kanë gjithmonë diçka pozitive për të sjellë.

3. Nuk kërkojnë falje që janë thjesht origjinalë!

Ata nuk kanë nevojë për miratimin e të tjerëve për të marrë një përgjgje ose një tjetër. Kjo s’do të thotë që janë gjithmonë 100% të sigurt në vete, por kanë pranuar atë që janë.

4. Janë të pavarur

Cilësia që transmetojnë më shumë tek të tjerët, pavarësinë. Të bëjnë t’i admirosh që prej së largu.

5. Nuk kanë frikë të provojnë gjëra të reja

Nuk i tremben ndryshimeve dhe as nuk kanë frikë të përballen me të panjohurën.

6. Nuk përpiqen të bien në sy

Ata nuk i fshehin difektet e tyre dhe as që përpiqen të bëjnë sjellje për të rënë në sy. S’bëjnë gjëra për t’u dukur “cool”, thjesht janë!

7. Nuk janë paragjykues

Përpiqen t’i kuptojnë të tjerët dhe t’jua bëjnë edhe më të thjeshtë problemet.

8. Kanë pasione për të cilat interesohen

Nga njerëz interesantë do të mësoni gjithnjë gjëra të reja. Kanë gjithmonë diçka për të të mësuar.

9. Edhe situatat më të sikletshme i bëjnë të lezetshme

Eshtë shumë e rallë të mërziteni me një njeri të tillë. Ata do t’ju bëjnë të ndiheni të veçantë dhe do t’ju mbajnë të intriguar gjatë gjithë kohës!

10. Janë të dhënë pas bisedave të thella

Nuk i duan gjërat sipërfaqësore. Preferojnë biseda të thella që krijojnë intimitet në komunikim me personin tjetër.

11. Janë autentikë.

Cilësia që i dallon më së shumti. Nuk përpiqen të jenë çfarë nuk janë!

Burimi: Bustle

Kulturë

Armend Rexhepagiqi nderohet me “Hyjneshën në Fron” dhe mirënjohje të veçantë

Published

1 day ago

July 18, 2025

UBT News

Artistit të njohur, Armend Rexhepagiqi, i është dorëzuar sot çmimi “Hyjnesha në Fron” nga Komuna e Prishtinës, si shenjë vlerësimi për kontributin e tij të çmuar në kulturën muzikore dhe artistike të vendit.

Ceremonia është mbajtur në kryeqytet, ku kryetari Përparim Rama ia ka ndarë gjithashtu një mirënjohje të veçantë.

Në mirënjohje thuhet: “I pakompromis që nga tingulli i parë – një zë që i flet kohës. Me stilin dhe shpirtin tënd, frymëzove breza. Fjalët e tua s’ishin thjesht – ishin zemër. Kultura shqiptare mban gjurmën tënde të pashlyeshme. Prishtina të njeh, Kosova të këndon”.

Koncerti zhvillohet në Pallatin e Rinisë më 19 korrik dhe përveç krijimtarisë tashmë të njohur, Rexhepagiqi do të interpretojë këngët e reja si: “Kutia e zezë”, “Boll m’ke dalë”, “Dyfish ma pak”, “S’o dashni”, “Ma ke n’alë” dhe “Krejt Prishtinën për ditëlindje”.

Armend Rexhepagiqi është autor i shumë hiteve të pavdekshme të muzikës shqipe dhe një nga emrat që ka lënë gjurmë të pashlyeshme në tekstet dhe këngët e qindra artistëve ndër vite. /Telegrafi

Kulturë

Jessie J drejt rikthimit televiziv pas mastektomisë së suksesshme

Published

1 day ago

July 18, 2025

UBT News

Jessie J po përgatitet për një rikthim emocional në televizion, vetëm pak javë pas një mastektomie të suksesshme pas diagnostikimit me kancer të gjirit.

Këngëtarja britanike 37-vjeçare pritet të shfaqet në një episod të veçantë të “Strictly Come Dancing” në muajin shtator, duke shënuar daljen e saj të parë publike pas ndërhyrjes kirurgjikale.

Burime pranë produksionit të BBC-së kanë bërë të ditur se drejtuesit janë të entuziazmuar për pjesëmarrjen e saj, ndërsa Jessie është e përqendruar te shëndeti dhe rikuperimi i saj, por ndihet e emocionuar për t’u rikthyer në skenë, shkruan DailyMail.

Paralelisht, ajo është konfirmuar edhe për një performancë në festivalin “Radio 2 In The Park” në Chelmsford po në shtator.

Rikthimi i Jessie J pritet të jetë një moment i fuqishëm dhe frymëzues për publikun, pasi ajo jo vetëm që po sfidon kancerin me guxim, por edhe po kthehet në skenë me një mesazh të fortë për shpresën, forcën dhe qëndrueshmërinë

Kulturë

Dita Ndërkombëtare e Nelson Mandelas

Published

2 days ago

July 18, 2025

UBT News

Nelson Mandela ishte president i Afrikës Jugore dhe luftëtar i lirisë, i cili luftonte kundër shtypjes racore që u bëhej të zinjve në Afrikë, posaçërisht në Afrikën Jugore dhe shumë vite të jetës së tij ai i kaloi nëpër burgje.

Mandela u lind më 18 korrik 1918 i cili gjatë jetës studioi juridikun dhe pikërisht për nder të datës së lindjes së tij Asambleja e Përgjithshme e OKB-së në vitin 2009 ka vendosur që 18 korriku të jetë Dita Ndërkombëtare e Nelson Mandelës.

Datëlindja e Mandelës është edhe Ditë Ndërkombëtare e Nelson Mandelës, e shpallur nga OKB-ja si shenjë mirënjohjeje për kontributin e fituesit të çmimit Nobel për Paqe e pajtimin e arritur në këtë vend. Në këtë ditë jug-afrikanët zakonisht shënojnë ditëlindjen e liderit të tyre kundër aparteidit, i cili ishte 67 vjet në shërbim publik, kurse qytetarët bëjnë 67 minuta punë për komunitet,

Fillimisht Mandela zgjodhi rrugën paqësore për qëllimet e tij dhe të shokëve të tij.

Në vitin 1956 ai u akuzua për “tradhti të lartë” nga regjimi i atëhershëm, bashkë me 155 shokë të tjerë. Procesi zgjati deri me 1961 dhe të gjithë u liruan. Mbas lirimit ai u bë lideri i grupit të armatosur së ANC-së, Umkohnto We Sizwe.

Në vitin 1962 u burgos dhe u dënua me pesë vjet burg. Në vitin 1964 u dënua me burg të përjetshëm, sepse kishte planifikuar luftë të armatosur. Në vitin 1985 atij iu afrua mundësia e lirimit, në qoftë se do të pranonte ndalimin e aktivitetit të armatosur, por ai refuzoi. Në vitin 1990 mbas një kampanje të ANC dhe presionit ndërkombëtar ai u lirua pa kushte.

Në vitin 1993 fitoi çmimin Nobel, ndërsa në vitin 1994 u zgjodh në zgjedhje demokratike president i Afrikës Jugore dhe më 9 maj u zgjodh si presidenti i parë i zi në këtë vend.

Në vitin 1999 ai dha dorëheqje dhe ishte aktiv për organizata të ndryshme për të drejtat e njeriut. Në vitin 2003 kritikoi shumë Tony Blair dhe George W. Bush për intervenimin në Irak.

Mandela vdiq pas një sëmundjeje të gjatë më 5 dhjetor 2013, në shtëpinë e tij në Johanesburg.

Lifestyle

Pesë ushqime të shëndetshme që duhet t’i shtoni në dietën tuaj

Published

3 days ago

July 17, 2025

UBT News

Ushqimi është burimi ynë kryesor i energjisë dhe vitalitetit dhe duke ke shtuar këto 5 ushqime super të shëndetshme në dietën tuaj, do të ndiheni më energjikë dhe më të freskët gjatë gjithë ditës:

Avokado: Të pasura me acide yndyrore të shëndetshme dhe fibra, avokado është një ushqim i shkëlqyeshëm për të mbajtur nivelet e energjisë stabile gjatë gjithë ditës.

Perimet e gjelbra të freskëta: Perimet e gjelbra të freskëta janë të pasura me vitamina, minerale dhe antioksidantë që ndihmojnë në rritjen e energjisë dhe mbajtjen e trupit të shëndetshëm.

Arrat: Me përmbajtje të lartë të proteinave dhe yndyrës së shëndetshme, arrat janë një ushqim ideal për të rritur nivelin e energjisë dhe për të mbajtur stomakun e ngopur për një kohë më të gjatë.

Mjalti: Mjalti është një burim i shkëlqyeshëm i energjisë së shpejtë dhe të qëndrueshme, i cili gjithashtu ofron përfitime të mëdha për shëndetin e zemrës dhe sistemin imunitar.

Ushqimet e pasura me Omega-3: Siç janë salmoni dhe farat e linit, këto ushqime të pasura me acide yndyrore ndihmojnë në mbrojtjen e shëndetit të zemrës dhe në përmirësimin e funksionimit të trurit, duke ndihmuar në ruajtjen e energjisë dhe vitalitetit të trupit.

Nëse integroni këto ushqime të shëndetshme në dietën tuaj të përditshme, do të ndjeni një ndryshim pozitiv të niveleve të energjisë dhe shëndetit tuaj./Ekonomia Online