Lajmet

Kanada: Raportohen 726 sulme seksuale në ushtri në 5 vitet e fundit

Rrjeti Global News ka mësuar nga Ministria e Mbrojtjes Kombëtare e Kanadasë se midis 1 prillit 2016 dhe 13 korrikut 2021, përmes zinxhirit ushtarak të komandës janë raportuar gjithsej 726 sulme seksuale

Published

on

Gjithsej 726 sulme seksuale janë raportuar në ushtrinë kanadeze që nga viti 2016, transmeton Anadolu Agency (AA).

Rrjeti Global News ka mësuar nga Ministria e Mbrojtjes Kombëtare e Kanadasë se midis 1 prillit 2016 dhe 13 korrikut 2021, përmes zinxhirit ushtarak të komandës janë raportuar gjithsej 726 sulme seksuale.

“Numrat e raportuar duhet të jenë më të lartë në dy vitet e fundit. Megjithatë, kjo gjendje është në proporcion me atë se sa njerëzit ndihen të rehatshëm për t’i raportuar rastet”, tha Jessica Lamirande, zëdhënëse e Departamentit të Mbrojtjes Kombëtare.

Rritje e rasteve të ngacmimeve seksuale në ushtri

Sipas të dhënave të Ministrisë kanadeze të Mbrojtjes Kombëtare, 74 incidente të sulmeve seksuale janë raportuar në periudhën 2016-2017, 128 në periudhën 2017-2018, 125 më 2018-2019, 183 më 2019-2020 dhe 216 në periudhën 2020-2021.

Rastet e ngacmimeve seksuale në ushtri në Kanada thuhet se janë rritur me 170 për qind në gjashtë muajt e fundit.

Rastet e ngacmimit dhe abuzimit seksual, të cilat ishin 2.729 në total deri në fund të dhjetorit 2020, u rritën me afërsisht 170 për qind, sipas të dhënave të fundit, dhe u ngritën në 7.346 deri më 13 korrik 2021.

Komanda e ushtrisë kanadeze po ndeshet me atë që ekspertët e quajnë një “krizë institucionale”, pasi akuza të shumta për sjellje të keqe seksuale janë ngritur në muajt e fundit.

Shefi i Shtabit të Përgjithshëm dha dorëheqjen disa muaj më parë

Shefi i Shtabit të Përgjithshëm, Gjenerali Jonathan Vance, i cili pretendohej në muajt e fundit se kishte marrëdhënie të papërshtatshme me vartësit e tij, dha dorëheqjen duke hedhur poshtë akuzat.

Admirali Art McDonald, i cili zëvendësoi Vance-n, gjithashtu dha dorëheqjen për shkak të hetimit të policisë ushtarake të nisur për akuza të ngjashme.

Lajmet

​Salah në radarët e Al-Hilal, Liverpooli gati për një verë vendimtare

Published

on

Mohamed Salah vazhdon të jetë në qendër të vëmendjes, si në fushë ashtu edhe jashtë saj, dhe ndërsa ai është i angazhuar me Egjiptin në Kupën e Kombeve të Afrikës, ku debuton kundër Zimbabvesë, nga prapaskena vijnë sinjale për interes konkret nga Al-Hilal i drejtuar nga Simone Inzaghi.

Sulmuesi 33-vjeçar ka kontratë me Liverpoolin deri në vitin 2027 dhe mbetet një ikonë e klubit, me 250 gola dhe 117 asistime në 421 ndeshje, si dhe një listë të gjatë trofesh madhorë.

Në të njëjtën kohë, Liverpooli po shikon nga e ardhmja duke u futur fuqishëm në garë për Antoine Semenyo të Bournemouth. Sulmuesi ganez, i lindur në vitin 2000, ka një klauzolë lirimi prej 65 milionë paundësh dhe po ndiqet gjithashtu nga Manchester City dhe Manchester United, çka e bën betejën për firmën e tij edhe më të ashpër.

Merkatoja saudite mbetet aktive edhe në fronte të tjera. Al-Ittihad po ndjek Nuno Tavaresin e Lazios, ndërsa dy emra të mëdhenj si Karim Benzema dhe N’Golo Kanté, me kontrata deri në qershor 2026, janë në radar të Paris FC. Interesi për Benzeman shtrihet edhe nga Benfica e Fenerbahçe, duke treguar se merkatoja e janarit pritet të sjellë lëvizje të bujshme./S.K/KP/

Continue Reading

Lajmet

​Zgjatet orari i shërbimeve në Qendrat për Pajisje me Dokumente gjatë festave

Published

on

By

Agjencia e Regjistrimit Civil (ARC), në kuadër të Ministrisë së Punëve të Brendshme, ka njoftuar se është marrë vendim për zgjatjen e orarit të shërbimeve në të gjitha Qendrat për Pajisje me Dokumente.

Sipas njoftimit, orari i punës do të zgjatet deri në ora 18:00 për periudhën nga 23 dhjetor 2025 deri më 15 janar 2026. Po ashtu, dita e shtunë, më 27 dhjetor 2025, do të jetë ditë pune dhe shërbimet do të ofrohen sipas të njëjtit orar të zgjatur.

“Ky vendim është marrë me qëllim të lehtësimit të qasjes në shërbime për qytetarët dhe bashkatdhetarët, duke marrë parasysh fluksin e shtuar gjatë festave të fundvitit dhe kthimit të mërgimtarëve në vend. Agjencia e Regjistrimit Civil, në koordinim me njësitë përkatëse në nivel lokal, ka ndërmarrë të gjitha masat e nevojshme për zbatimin e këtij vendimi, duke siguruar ofrimin e shërbimeve cilësore, me korrektësi dhe brenda afateve të përcaktuara me ligj”, tha njoftim.

ARC mbetet e përkushtuar në ofrimin e shërbimeve sa më të qasshme dhe efikase për të gjithë qytetarët.

Continue Reading

Lajmet

Plagoset një person në Pejë, arratiset i dyshuari

Published

on

By

Zëdhënësi i Prokurorisë Themelore në Pejë, Shkodran Nikçi, ka njoftuar se sot në Pejë ka ndodhur një vrasje në tentativë, ku një person ka mbetur i plagosur.

Sipas tij, viktima është jashtë rrezikut për jetë.

Para pak çastesh ka ndodhur një vrasje në tentativë në Pejë, ku një person është plagosur nga arma e zjarrit, ndërkaq personi i dyshuar është larguar nga vendi i ngjarjes. Policia menjëherë ka dalë në vendin e ngjarjes dhe me autorizimin e prokurorit të shtetit janë duke u grumbulluar të gjitha provat dhe po punohet intensivisht për lokalizimin dhe arrestimin e personit të dyshuar. I njëjti është identifikuar, ndërsa i plagosuri është dërguar për tretman mjekësor dhe aktualisht është jashtë rrezikut për jetë”, tha Nikçi.

Continue Reading

Lajmet

KPK aprovon kërkesën e Besim Kelmendit, e liron nga detyra e ushtruesit të detyrës së Kryeprokurorit të Shtetit

Published

on

By

Me gjashtë vota për, Këshilli Prokurorial i Kosovës (KPK) ka aprovuar kërkesën e Besim Kelmendit për lirim nga pozita e Ushtruesit të Detyrës së Kryeprokurorit të Shtetit.

Në mbledhjen e jashtëzakonshme i pranishëm nuk ishte vet Kelmendi, për shkak se nuk gjendej në Kosovë, por kërkesën e tij për lirim nga pozita e ka lexuar Kryesuesi i KPK-së, Ardian Hajdaraj.

Në letrën e dërguar, Kelmendi ka thënë se kërkesa për lirim nga pozita erdhi si një reflektim i vullneti të tij për të mbështetur reformën në sistemin prokruorial dhe për të kontribuuar në përmirësimin e gjendjes në Këshill.

Më pas, ai propozoi që në pozitën e u.d Kryeprokurorit të Shtetit të caktohet Agron Qalaj. Kundër këtij propozoi votoi anëtari Dardan Vuniqi.

Continue Reading

Të kërkuara