Lajmet

‘Skandalet’ e EULEX-it: Ish-prokurorja shpreh gatishmëri të dëshmojë për skandalet në mision

Published

4 years ago

June 25, 2021

Betim Gashi

Beogradi rezulton se ishte pikndalesa ku EULEX-i dërgoi dhjetëra dosje për krimet e luftës në Kosovë.

EULEX fillimisht e mohoi këtë fakt, por më pas konfirmoi për bashkëpunim me Serbinë për disa raste të krimeve të luftës. Ky mision tha se këtë e bëri në prani të prokurorëve kosovarë.

Edhe pse Prokuroria e Serbisë mori dhjetëra dosje nga EULEX-i, për masakrat në Kosovë, atje u iniciua vetëm një rast.

Të gjitha këto pretendime do t’i tregojë para Kuvendit të Kosovës, ish-kryetari i gjyqtarëve të EULEX-it, Malcom Simmons.

Se EULEX-i dërgoi dosje në Serbi, e konfirmoi edhe ish-prokurorja e këtij misioni, Maria Bamieh. Këtë e bëri në vitin 2019, në intervistë për emisionin Udhëve në televizionin publik.

“Kam treguar se të gjitha dosjet e serbëve për krimet e luftës janë dërguar nga EULEX-i për hetime në Serbi. Kjo është e vërtetë. Nuk i di numrat apo emrat e lëndëve, por e di se të gjitha lëndët ku të dyshuar janë serbët janë kthyer në Beograd”, kishte thënë ajo.

Nëse do të kishte ftesë, ish-prokurorja Bamieh, tani deklaron për RTK-në se është e gatshme të raportojë në Kuvendin e Kosovës, për skandalet në EULEX-it.

“Nëse do të ftohesha, do të isha e lumtur dhe e nderuar të jap dëshminë time para Kuvendit të Kosovës”, thotë Bamieh.

Ndërkohë, dorëzimi i dosjeve në Beograd nga EULEX-i, sipas avokatëve në Kosovë, nuk ishte strategji e duhur e këtij misioni.

“Besoj që Serbia e ka keqpërdor EULEX-in që me arsyetim se po i gjykojmë kriminelët në Serbi, kanë marrë dosje e dokumente nga EULEX-i, dhe pastaj ato i kanë përpunuar dhe mendoj që i kanë shfrytëzuar kundër qytetarëve të Kosovës, pasi dihet qëllimi i tyre”, ka thënë Hodaj.

Data se kur do të raportojë Malcom Simmons në Kuvend, ende nuk është vendosur.

Aktualitet

Çitaku kritikon MPJD për arrestimin e ish-ushtarit të UÇK-së në Serbi

Published

34 minutes ago

July 23, 2025

UBT News

Sekretarja e përgjithshme e PDK-së, Vlora Çitaku ka reaguar lidhur me arrestimin e ish-ushtarit të UÇK-së në Serbi, Lulzim Halili duke thënë se misionet diplomatike duhet të jenë më të angazhuara për lirimin e ish-ushtarëve të UÇK-së nga autoritetet serbe.

Çitaku u shpreh se liria e lëvizjes duhet të jetë e garantuar, teksa kërkoi aktivizimin e misioneve diplomatike.

“Sigurisht që ne i ndjekim, e kemi parë dhe është lajm jashtëzakonisht shqetësues. Fatkeqësisht kjo tashmë është shndërruar në lajm të rregullt, sepse nuk është rasti i parë ka edhe ushtarë të tjerë të Ushtrisë Çlirimtare të Kosovës që po mbahen tash e disa muaj nëpër burgjet e Serbisë. Qeveria e Republikës së Kosovës, kjo në largim duhet të jetë shumë më aktive. Misionet tona diplomatike duhet të jenë shumë më të angazhuara në mënyrë që të vihen në funksion mekanizmat ndërkombëtarë për lirimin e tyre. Ata nuk janë njerëz pa atdhe, nuk duhet të trajtohen si njerëz pa atdhe, si njerëz pa institucione, si njerëz për fatin e të cilëve nuk brengoset askush”, tha ajo për media.

Kritika pati për Ministrinë e Punëve të Jashtme, për çka Çitaku tha se në vend se të merret me beteja të vogla të brendshme, duhet të jenë në funksion të qytetarëve.

Sipas Novosti-it, ish-luftëtarit të UÇK-së iu caktua masa e ndalimit prej 48 orëve nga Zyra e Prokurorit për Krime të Luftës. /Telegrafi

Aktualitet

Dështon përpjekja e 51-të për konstituim të Kuvendit

Published

36 minutes ago

July 23, 2025

UBT News

Edhe në përpjekjen e 51-të për konstituim të Kuvendit seanca dështoi nga kryesuesi Avni Dehari i cili ia ndërpreu fjalën deputetes Ganimete Musliu, ndërkaq që kanë mbetur edhe pak ditë deri te përfundimi i afatit kushtetues.

Deputetja e PDK-së Ganimete Musliut e nisi fjalimin e saj me “Nëse ke pak moral njerëzor…”, dhe kjo bëri që kryesuesi Dehari të ia ndërpres fjalën.

Musliu iu afrua fizikisht Deharit, u fjalosën dhe kryesuesi e shpalli të ndërprerë seancën duke ftuar deputetët të mblidhen sërish pas 48 orësh, më 25 korrik.

Kjo ka vë në pah se edhe më tej nuk ka pajtueshmëri midis Lëvizjes Vetëvendosje në njërën anë dhe partive të tjera në anën tjetër, për formimin e një komisioni për votim të fshehtë të kandidates për kryetare të Kuvendit, Albulena Haxhiu.

Kryeministri në detyrë Albin Kurti në fillimet e seancës nuk foli për media por vetëm kaloi në heshtje pranë gazetarëve,kurse ministri në detyrë, Hekuran Murati, nuk e ka komentuar kërkesën e presidentes Osmani drejtuar Gjykatës Kushtetuese, para seancës së 51-të konstituive.

Nga rradhët e PDK-së, deputetja Blerta Deliu-Kodra kritikoi Vetëvendssojen për moskonstitumi të Kuvendit të Kosovës, duke thënë se Kosova dhe qytetarët e saj po vuajnë për shkak të paaftësisë së tyre.

Kryetari i AAK-së, Ramush Haradinaj, ka thënë se gjendja nuk është e mirë, por sipas tij, pas kërkesës së presidentes që t’i drejtohet Gjykatës Kushtetuese lidhur me pasojat juridike që mund të lindin nëse Kuvendi i ri nuk konstituohet brenda 30-ditësh, krijohet hapësirë edhe disa ditë për Lëvizjen Vetëvendosje.

Gjithashtu edhe Kryetari i Nismës Socialdemokrate, Fatmir Limaj deklaroi se nuk do të kontribuojnë në zgjidhje gjysmake që do të shkaktonin zgjedhje duke theksuar se konstituimi i kuvendit pa pasur shumicë parlamentare mund të pasojë me zgjedhje të parakohshme.

Gjykata ka vendosur që deputetët e zgjedhur janë të obliguar që brenda 30 ditësh afat kohor që nga hyrja në fuqi e këtij aktgjykimi, të përfundojnë seancën konstituive përmes zgjedhjes së Kryetarit dhe nënkryetarëve të Kuvendit që i bie me datë 26 korrik.

Aktualitet

Musliu ia largoi mikrofonin Deharit, ndërpritet seanca

Published

1 hour ago

July 23, 2025

UBT News

Është ndërprerë seanca e sotme konstituive e Kuvendit të Kosovës me vendim të kryesuesit, Avni Dehari, pasi deputetja e PDK-së, Ganimete Musliu ia largoi mikrofonin. Dehari pasi këtij veprimi të Musliut tha se e ndërpret seancën dhe e njëjta vazhdon me 25 korrik në orën 11:00.

Paraprakisht, Musliu mori fjalën në emër të PDK-së për të propozuar anëtarin e komisionit verifikues për votim të fshehtë të kryeparlamentarit, mirëpo asaj ia ndali fjalën Dehari.

Kjo nxiti Musliun t’i shkojë te hapësira e kryesuesit të seancës duke ia marrë mikrofonin dhe ndal fjalën atij.

Aktualitet

Nura nga PDK: E votoj Limajn për kryetar të Kuvendit

Published

1 hour ago

July 23, 2025

UBT News

Deputeti i Partisë Demokratike të Kosovës, Jakup Nura, ka thënë se do të votonte Fatmir Limajn për kryetar të Kuvendit të Kosovës. Ai tha se lideri i Nisma Socialdemokrate është më i devotshëm sesa gjysma e deputetëve të LVV-së.

Nura duke hyrë në objektin e Kuvendit, në përpjekjen e 51-të për konstituimin e legjislaturës së nëntë, përsëriti qëndrimin e PDK-së se nuk do të votojnë për kryeparlamentar asnjë deputet të LVV-së i cili ka qenë anëtarë i kabinetit qeveritar, përfshirë edhe kandidaten e tanishme të LVV-së, Albulena Haxhiu.

“PDK e voton Fatmir Limajn duke e ditur se ai është më i devotshëm dhe ka dinjitet se gjysma e deputetëve të Lëvizjes Vetëvendosje. Ne kemi një qëndrim se vetëm ministrat nuk do t’i votojmë. Fatmir Limaj do të e meritonte votën e PDK-së”, tha Nura për media.