Sport
Vajzat e Kosovës luajnë sot kundër Maqedonisë së Veriut në Ligën e Kombeve
Kombëtarja e Kosovës në konkurrencën e vajzave ka përmbyllur dje përgatitjet për ndeshjen e parë në edicionin e ri të Ligës së Kombeve. Skuadra e drejtuar nga përzgjedhësi Sami Sermaxhaj ka zhvilluar të enjten seancën e fundit stërvitore në Kampin Nacional në Hajvali, përpara sfidës kundër Maqedonisë së Veriut, e cila luhet sot në Shkup, në kuadër të Grupit 6 të Ligës C.
Në stërvitje përzgjedhësi Sermaxhaj dhe stafi i tij kanë punuar në detaje taktike, derisa gjatë tri ditëve stërvitje Dardanet kanë punuar me përkushtim maksimal për ta nisur këtë cikël me rezultat pozitiv dhe për të bërë hapin e parë drejt objektivit kryesor – rikthimit në Ligën B.
Pas stërvitjes, dy lojtare të Kombëtares, Blerta Smaili dhe Djellza Mehmeti, ndanë pritshmëritë e tyre për këtë sfidë:
Blerta Smaili: “Besoj që jemi përgatitur shumë mirë. Kemi ushtruar tri ditë me intensitet. Atmosfera është shumë e mirë në ekip dhe shpresojmë në fitore. I kemi pasur përballë disa herë këtë kundërshtar kohët e fundit dhe kemi fituar, por kjo nuk do të thotë se do të jetë një ndeshje e lehtë. E marrim si çdo ndeshje tjetër me seriozitet maksimal. Synojmë për t’u kthyer në Ligën B dhe po punojmë në realizimin e këtij objektivi”.
Djellza Mehmeti: “Është një ndjenjë shumë e mirë. Të kalosh nga grupmosha U19 në ekipin e parë është thjesht ndjenjë e papërshkrueshme. Është kënaqësi dhe privilegj të jesh pjesë e Kombëtares A me këto vajza të mrekullueshme, të cilat kanë treguar sukses. Në bazë të stërvitjeve dhe harmonisë së ekipit, besoj se do të dalim me rezultat pozitiv në ndeshjen me Maqedoninë e Veriut”.
Ndeshja Maqedoni e Veriut – Kosovë zhvillohet në ora 14:00 në Shkup, ndërsa sfidën e dytë Dardanet do ta luajnë në stadiumin “Fadil Vokrri” kundër Letonisë.
Haradinaj: Kurti me vetëdije po e mban peng Kuvendin
Kuvendi nuk konstituohet përsëri, megjithëse po soset afati i dhënë nga Kushtetuesja
Yamal: Fillimi i një udhëtimi që shpresoj të jetë i gjatë dhe plot fitore
Autoritetet kosovare zhvillojnë aksion të ri kundër spiunazhit
Senati e kalon planin e Trumpit për shkurtimin e ndihmave amerikane në botë në vlerë 9 miliardë dollarë
Sot përpjekja e 48-të për konstituimin e Kuvendit të Kosovës
Tri raste të dhunës në familje u raportuan në 24 orët e fundit, një person u dërgua në mbajtje
Pesë ushqime të shëndetshme që duhet t’i shtoni në dietën tuaj
Arrestohen katër persona të dyshuar për disa raste të vjedhjeve
-
Lajmet nga UBT1 month agoUBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT1 month agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT1 month agoUBT rilicencohet nga MAShTI për ofrimin e arsimit profesional në katër drejtime të rëndësishme shëndetësore