Vendi

​Komuna e Prishtinës investon 300 mijë euro në aparatura, do të shpërndahen në QKMF

Këto pajisje pritet të ndikojnë në të mirën e pacienteve duke ofruar shërbime më të mira.

Published

2 years ago

on

Komuna e Prishtinës ka blerë pajisje mjekësore për Qendrën Kryesore të Mjekësisë Familjare (QKMF), në vlerë rreth 300 mijë euro. Këto pajisje pritet të ndikojnë në të mirën e pacienteve duke ofruar shërbime më të mira.

Të pranishëm për t’i dorëzuar këto pajisje ishin kryetari i Prishtinës, Përparim Rama, bashkë me drejtorin e Shëndetësisë, Izet Sadiku.

I pari i kryeqytetit, Rama derisa tha se këto mjete pritën që të shpërndahen në QKMF-të në këtë qytet, shtoi se po punojnë në përmirësimin e kushteve në sektorin më primar, shëndetësi.

“Kemi marrë tash një numër të madh të aparaturave të cilat do të shfrytëzojmë në sektorin primar. Gjithë ky transformim i kryeqytetit, i shërbimeve duke u fokusuar në sektorin primar, është duke ndodhur, kemi aparatur me kosto afër 300 mijë euro, e cila do të shpërndahet në QKMF në pjesë të ndryshme të kryeqytet. Ultrazërat janë shërbimi i pari në sektorin primar në kryeqytet por edhe gjithë vendin. Do të fillojmë së shpejti që ta bëjmë këtë në të gjitha QKMF. Kjo do t’i ndihmojë shumë gjithë nivelit shëndetësor, për arsyeje se qytetarët do ta mund ta marrin këtë shërbim në sektorin primar pa pas nevojë të shkojnë në atë sekondarin apo terciarin për t’i marrë këto shërbime, kjo është përmirësim i kushteve në të gjitha nivelet. Kjo është risi për kryeqytetin, Kosovën”, tha Rama.

I pyetur për digjitalizimin e QKMF-së, Rama tha se kjo është përgjegjësi më shumë e nivelit qendror.

“Kjo për fat keq, përkundër faktit se si kryetar jam munduar ta shtypë përpara, ne kemi arrit deri tek një pikë, por kjo është e ndërlidhur edhe me nivelin qendror në aspektin e SISH-it, i cili ende nuk është i gatshëm, pra duhet ndërlidhur sistemin primar me atë sekondar dhe terciar. Për fat të keq ende nuk e kemi prej nivelit qendror. Po ashtu ka të bëjë me çështjen e informatave të cilat janë sensistive, që kemi mundësinë më shty qysh tash, por është e kontrolluar nga niveli qendror dhe për këtë shpresoj së bashku me Ministrinë e Shëndetësisë të mund ta shtyjmë këtë proces sa më shpejtë, sepse mënyra si bëhet sot marrja e informatave është e shekullit të kaluar. Por, jemi duke punuar që ta shtymë këtë sa më shpejtë. Duhet me pas shtyje prej nivelit qendror që të na lejojnë edhe ne, i kemi fondet e gatshme”, tha mes tjerash Rama.

Edhe drejtori, Sadik Izeti tha se do të angazhohen në trajnimin e stafit të QKMF-së, nga profesionistë shëndetësorë në mënyrë që qytetarët të kenë mundësinë ultrazërin ta bëjnë në QKMF.

“Ne po fillojmë për herë të parë, përveç radiologëve që janë në mjekësi primare kanë të drejtë të bëjnë shërbimeve radiologjike, ne e jemi në proces me Odën e Mjekëve të Kosovës, një projekt që kemi nënshkruar marrëveshje me kryetarin e odës dhe do të zgjedhën persona profesionalist që kanë të bëjnë trajnimin e stafit tonë për ultrazë të abdomenit dhe kukave, me qëllim që edhe mjeki familjar të bëjë ultrazërin e abdomenit, mos ta dërgojë menjëherë qytetarin në emergjencë dhe ta ngarkojë atë. Vetëm vitin e kaluar rreth 40 përqind e pacientëve në emergjent kanë qenë prej Prishtinës, dhe me këtë shërbim po mundohemi ta lirojmë emergjencën”, tha Sadiku.

Me këto para janë blerë, 200 Tensionmetra, 5 Ultrazëra për përdorim gjeneral, 11 Tavolina multifunksionale, 2 Numërues hematologjik, 2 Analizues biokimik me sistem të hapur, 10 EKG- elektrodiagram, 70 copë glikometër, 10 Turbina stomatologjike, 120 Pulksosimetra për tavolina, 50 Otokop/Oftalmoskop, 230 Stetoskopë, 10 Kundërkënde stomatologjike, 4 Pajisje elektronike për kompresion të gjoksit 3 tek RKP.

Related Topics:
Continue Reading

Lajmet

Përditësohen të dhënat në pikat kufitare të Kosovës

Published

2 hours ago

on

December 22, 2025

By

Janë përditësuar të dhënat nga Qendra Kombëtare për Menaxhim Kufitar lidhur me kolonat në pikat kufitare në Kosovë.

Sipas të dhënave të fundit, pritjet për hyrje dhe dalje nga Kosova janë të shkurta.

Raportohen pritje deri në 5 minuta në hyrje në Muçibabë, Bërnjak, Dheu i Bardhë, Glloboqicë, Stançiq, Mutivodë dhe Vërmicë.

/S.K/KP/

Continue Reading

Lajmet

122 vjet nga lindja e Odhise Paskalit

Published

2 hours ago

on

December 22, 2025

By

Odhise Paskali, njëri ndër themeluesit e skulpturës shqiptare dhe personalitetet më të rëndësishme të artit shqiptar, u lind në Përmet më 22 dhjetor 1903.

Hapat e para të karrierës së Odhisesë, janë në fushën e publicistikës, si dhe u shqua në estetikë dhe kritikë arti.

Më 1919 ai shkoi në Itali, ku kreu Liceun më 1923 dhe u regjistrua në Fakultetin e Letërsisë e të Filozofisë në Torino, më 1927 mbrojti diplomën në fushën e historisë së artit.

Skulptori i Popullit është i njohur për rreth 600 vepra në skulpturë, por mbi të gjitha në krijimtarinë e vet të larmishme janë të njohura veprat: “Monumenti i Skënderbeut në Tiranë” me bashkautorë, 1968, “Naum Veqilharxhi”, bust në bronz, në Korçë, “Partizani fitimtar” (Mathauzen, Austri) 1968 etj.

Veprat e tjera të Odhise Paskalit ndodhen në Galerinë Kombëtare të Arteve, në Muzeun Historik Kombëtar, si dhe në disa muze dhe institucione qendrore të Shqipërisë.

Pas vdekjes, studioja e tij u kthye në studio-muze, ku ishin vendosur vepra origjinale, si dhe variante dhe replika në gips të disa monumenteve, statujave dhe busteve, origjinalet e të cilave ndodheshin në ambiente të tjera, në rrugë e sheshe të Tiranës dhe qyteteve të tjerë.

Në studion-muze ruhej edhe arkivi i pasur i Odhise Paskalit me shënime, dokumente dhe materiale të tjera me interes për historinë e zhvillimeve artistike në Shqipëri. Nga trazirat pas vitit 1990, studioja u dëmtua bashkë me pjesën më të madhe të veprave.

Një pjesë e arkivit tani ruhet nga fondacioni “Paskali”, që u krijua nga vajza e skulptorit, studiuesja e spikatur e artit, Floriana Paskali.

Pas titujve Skulptor i Popullit dhe Akademik, Odhise Paskali është vlerësuar edhe me titullin Nderi i Kombit. Emrin e tij e mban sot një shkollë arti në Pejë dhe sheshi i qytetit në Përmet.

Ai ndërroi jetë në Tiranë, më 13 shtator 1985, i nderuar dhe i përcjellë me një ceremoni madhështore nga mijëra bashkatdhetarë e adhurues të veprës së tij të pavdekshme./S.K/KP/

Continue Reading

Lajmet

​Sllovakia paralajmëron se BE rrezikon besimin në Ballkanin Perëndimor

Published

2 hours ago

on

December 22, 2025

By

Presidenti sllovak Peter Pellegrini tha se vonesat e vazhdueshme të Bashkimit Evropian në procesin e zgjerimit rrezikojnë të gërryejnë besimin në Ballkanin Perëndimor.

Gjatë një konference të përbashkët për shtyp në Beograd pas bisedimeve me presidentin serb Aleksandar Vuçiq, Pellegrini paralajmëroi se vonesat e zgjatura mund t’i bëjnë njerëzit në rajon të braktisin perspektivën evropiane, një zhvillim që ai tha se do të dobësonte sigurinë dhe besueshmërinë afatgjatë të BE-së.

“Bashkimi Evropian po luan me besimin e qytetarëve të Ballkanit Perëndimor”, tha Pellegrini.

Vendet e Ballkanit Perëndimor mbeten në faza të ndryshme të procesit të pranimit në BE. Shqipëria, Bosnja e Hercegovina, Kosova, Mali i Zi, Maqedonia e Veriut dhe Serbia janë përfshirë në integrimin evropian për më shumë se dy dekada.

Mali i Zi dhe Serbia po zhvillojnë zyrtarisht negociata pranimi me BE-në, ndërsa Maqedonia e Veriut dhe Shqipëria hapën bisedimet në vitin 2022.

Bosnja dhe Hercegovina iu dha statusi i kandidatit në të njëjtin vit, por ende nuk ka filluar negociatat, ndërsa Kosova mbetet i vetmi vend në rajon pa status kandidati.

Zyrtarët e BE-së kanë thënë vazhdimisht se e ardhmja e Ballkanit Perëndimor qëndron brenda bllokut, por ndarjet e brendshme dhe ritmi i ngadaltë i reformave kanë vazhduar të pengojnë procesin e zgjerimit/S.K/KP/Anadollu/

Continue Reading

Lajmet

Supremja shqyrton ankesën ndaj dënimit me burgim të përjetshëm për Dardan Krivaqën

Published

2 hours ago

on

December 22, 2025

By

Në Gjykatën Supreme të Kosovës, sot në orën 09:00, mbahet seanca për shqyrtimin e ankesës së ushtruar kundër vendimit të Gjykatës së Apelit, e cila kishte vërtetuar dënimin me burgim të përjetshëm ndaj Dardan Krivaqës.

Krivaqa ishte dënuar më 4 gusht 2023 me burgim të përjetshëm për vrasjen e rëndë të Marigona Osmanit, një rast që kishte tronditur opinionin publik.

Seanca e sotme në Supreme pritet të përcaktojë nëse vendimi i Apelit do të mbetet në fuqi apo nëse çështja do të kthehet në rishqyrtim.

Marigona Osmani ishte 18 vjeçe kur u vra më 22 gusht të vitit 2021 në banesën e të akuzuarit kryesor, Dardan Krivaqa, në qytetin e Ferizajt./S.K/EO/

Continue Reading

Të kërkuara