Sport

Pele: Lojtari që bashkoi një komb

“Mbreti i përjetshëm Pele”.

Published

on

Jashtë spitalit Albert Einstein në São Paulo, fansat filluan të mblidheshin kur dëgjuan lajmin për vdekjen e Peles. Disa ishin të veshur me fanellën me numrin 10 që Pele veshi kur luante për Santos. Jashtë ishte vendosur një pankartë ku shkruhej “Mbreti i përjetshëm Pele”.

Ky është një moment që brazilianët e prisnin prej disa kohësh, por edhe e kishin frikë. Javët e fundit, vajza e Peles, Kely Nascimento, përdori Instagramin për t’iu treguar fansave të tij mbi gjendjen shëndetësore të Peles.

Kur përfundimisht erdhi lajmi për vdekjen e tij, ishte një moment madhor. Spitali lëshoi një deklaratë që konfirmonte vdekjen e tij nga dështimi i shumëfishtë i organeve si pasojë e kancerit të zorrës së trashë, por ishte më shumë se thjesht një buletin mjekësor. Kjo është një shenjë se sa i rëndësishëm ishte ai për brazilianët. Edhe pse Pele konsiderohej sigurisht një legjendë e futbollit në mbarë botën, për njerëzit këtu, ai ishte shumë më tepër.

Presidenti i zgjedhur, Luiz Inacio Lula da Silva, i cili do të bëjë betimin të dielën, tha se kishte privilegjin ta shihte Pele duke luajtur, megjithëse ai shtoi se nuk ishte thjesht “duke luajtur”, por ishte një “show”.

Për çdo brazilian, Pele nënkuptonte diçka. Gjeneratat e vjetra e kujtuan atë si lojtar, brazilianët më të rinj u folën për aftësitë e tij fenomenale – por ai bashkoi njerëzit në këtë komb futbollistik.

Ky është një vend që e përcakton veten nga futbolli. Gjatë Kupës së Botës, brazilianëve u jepet leje për të parë kombëtaren e tyre. Pele po brohoriste nga shtrati i tij në spital, duke iu uruar lojë të mirë. Dhe kështu vdekja e tij që vjen pas turneut që ai fitoi tri herë është edhe më emocionuese.

Javët e fundit, brazilianët kanë pasur kohë të reflektojnë për jetën e tij, duke e ditur se gjendja e tij po përkeqësohej. Edhe njerëzit që nuk kanë interes për futboll i referohen atij si Mbret.

Futbollisti më i madh i të gjitha kohërave ka ikur, por kujtimi për të në Brazil do të mbetet përgjithmonë./UBTNews/

Lajmet

​PSG fiton Kupën Ndërkontinentale 2025, Safonov pret katër penallti

Published

on

PSG dhe Flamengo zhvilluan mbrëmë ndeshjen finale të Kupës Ndërkontinentale në stadiumin “Ahmad bin Ali” në Doha të Katarit.

Kampioni evropian u kualifikua direkt në finale, ndërsa kampioni i Amerikës së Jugut mposhti ekipin meksikan Cruz Azul (2:1) dhe ekipin egjiptian Pyramids të udhëhequr nga Kruno Jurçiq (2:0) në rrugën drejt finales.

Ekipi francez erdhi në epërsi në takim me golin e Kvaratskhelia në minutën e 38-të, pas harkimit nga Desire Doue.

Skuadra e Flamengo-s barazoi shifrat në pjesën e dytë me golin e Jorginho nga penalltia në minutën e 62-të, pasi Marquinos ndali në mënyrë të palejuar Arrascaeto brenda zonës së rreptësisë.

Ndeshja në kohën e rregullt përfundoi pa fitues 1:11 dhe nuk pati ndryshim në rezultat as pas vazhdimeve dy herë nga 15 minuta, kështu që fati i fituesit u vulos përmes ekzekutimit të penalltive.

De La Cruz shënoi sigurt në goditjen e parë të penalltisë për Flamengon, ndërsa për PSG-në barazoi Vitinha.

Në goditjen e radhës Saul i Flamengos dështoi të shënojë, pasi portieri i PSG-së lexoi gjuajtjen e tij. Kur pritej që ekipi francez të arrijë epërsinë e parë nga penalltitë prej 2:1, njëri ndër lojtarët më të mirë botërorë Dembele dështoi të shënojë gol.

Pedro mori të realizojë penalltinë e tretë për Flamengon, por sërish portieri Safonov mbrojti goditjen e tij në këndin e djathtë të portës. Nuno Mendez pasoi me epërsinë për PSG-në prej 2:1.

Leo Pereira goditi penalltinë e katërt të Flamengos, duke e dërguar topin në mes të portës, ku Safonov bëri një tjetër pritje.

Barcola shënoi golin e katërt të PSG-së në këndin e djathtë dhe ekipi francez kështu fitoi titullin e parë të këtij edicioni pas penalltive me rezultatin 4:1 – 5:2 rezultati i përgjithshëm i takimit.

Kujtojmë, turneu i Kupës Ndërkontinentale u luajt për herë të parë në vitin 2024 dhe titulli u fitua nga Real Madridi, pasi mposhti ekipin meksikan Pachuca 3:0 në finalen e zhvilluar në stadiumin “Lusail” në Katar.

Kupa Ndërkontinentale e FIFA-s është një garë vjetore për klube e organizuar nga FIFA.

Ajo përfshin kampionët aktualë të të gjashtë konfederatave UEFA, CONMEBOL, CONCACAF, AFC, CAF, OFC, me kampionin evropian që kualifikohet direkt për në finale, ndërsa të tjerët avancojnë përmes play-off-it për të përcaktuar sfiduesin për në finale.

Continue Reading

Lajmet

Juventusit i rritet vlera, pas ofertës mbi 1 miliardëshe të “Tetherit”

Published

on

Juventus pa vlerën e tij në bursë të rritej ndjeshëm të hënën në mëngjes, si pasojë e ofertës prej 1.1 miliardë eurosh nga “Tether” për të marrë kontrollin e klubit nga familja Agnelli.

Të premten në mbrëmje, “Tether” njoftoi se kishte dorëzuar zyrtarisht një ofertë me vlerë rreth 1.1 miliardë euro për të blerë 65.4% të aksioneve të klubit, të cilat aktualisht zotërohen nga “Exor”, kompania holding në pronësi dhe nën menaxhimin e familjes Agnelli.

“Tether”, që tashmë zotëron pak më shumë se 10% të aksioneve të Juventusit, njoftoi gjithashtu se synon të bëjë një ofertë publike për të blerë edhe aksionet e mbetura të klubit me të njëjtin çmim, çka do t’i jepte kontroll të plotë dhe ekskluziv mbi klubin.

Familja Agnelli, megjithatë, ka këmbëngulur që prej mbrëmjes të së premtes se Juventusi nuk është në shitje.

“Juventusi ynë, historia jonë, vlerat tona, nuk janë në shitje,” deklaroi John Elkann në një video të publikuar publikisht të shtunën.

Si pasojë e ofertës për marrje kontrolli, vlera e Juventusit në bursë u rrit ndjeshëm të hënën në mëngjes.

Kur tregu u mbyll të premten në mbrëmje, përpara njoftimit të “Tether”, një aksion i vetëm i klubit vlente 2.34 euro, krahasuar me 2.47 euro të hënën në mëngjes. Kjo përfaqëson një rritje prej 12.7%.

Oferta e “Tether” ishte për të blerë aksionet e mbetura të Juventusit me një çmim prej 2.66 euro për aksion, që barazohej me një kosto totale rreth 1.1 miliardë euro.

Ky çmim përfaqësonte një premium prej 20.47% krahasuar me vlerën zyrtare të aksioneve përpara fundjavës./S.K/KP/

Continue Reading

Lajmet

Granit Xhaka me postim emocionues pas fitores ndaj Newcastle

Published

on

Sunderlandi mbrëmë e mposhti Newcastlen në derbin e qytetit, ku “Macet e Zeza” fituan 1-0 ndaj “Laraskave”, me shifrat prej 1-0, me autogolin e shënuar nga Nick Woltemade.

Në fushë, për Sunderlandin ishte edhe futbollisti me prejardhje shqiptare, Granit Xhaka, i cili është edhe kapiten i klubit.

Xhaka ishte një nga më të mirët në fushën e lojës, me Sunderlandin që i ka habitur të gjithë me rezultatet e arritura në pjesën e parë të sezonit.

Pas fitores së madhe në derbi, Xhaka ka reaguar me një postim të veçantë në rrjetin social “Instagram”.

“Kjo nuk është thjesht një fitore. Kjo është qyteti, stema, njerëzit, netët pa gjumë, besimi. Ne luftuam për çdo tifoz, çdo rrugë, çdo rrahje zemre. Derbi i fituar. Historia u ndje. Jeta u jetua”, shkruajti ai në “Instagram”./S.K/KP/

Continue Reading

Lajmet

Ish-futbollisti i Realit bëhet bashkëlojtar me Messin në Amerikë

Published

on

Zyrtarisht, Sergio Reguilon është lojtari më i ri i Inter Miami.

Marrëveshja u nënshkrua me Kampionët e MLS – ndërsa mbrojtësi i majtë spanjoll bashkohet si lojtar i lirë pas transferimit në Tottenham.

Reguilon kishte disa oferta konkrete, por dëshira e tij ishte që t’i bashkohet Inter Miamit./S.K/KP/

Continue Reading

Të kërkuara