Lajmet

Pse tifozët e Liverpool-it e këndojnë ‘One Kiss’ të Dua Lipës? – Historia pas ‘himnit’ të ri të skuadrës së Jurgen Klopp

30 mijë tifozët e kënduan “One Kiss” në Ligën e Kampionëve në Kiev më 2018.

Published

on

Dual Lipa u fotografua me drejtuesin e The Daily Show, Trevor Noah, të mërkurën në Nju Jork duke ndezur thashethemet se ata janë në lidhje. Ikona e pop-it u nda me Anwar Hadid në vitin 2021 dhe që atëherë nuk është takuar me askënd.

Megjithatë, kjo nuk është hera e parë që zërat për lidhjen e saj me dikë bëjnë bujë. Më parë, u shfaqën thashetheme se Lipa ishte në lidhje me mbrojtësin e Liverpool dhe Anglisë, Trent Alexander Arnold, gjë që doli të ishte e rreme.

Sidoqoftë, kjo i bëri tifozët e Liverpoolit aq të lumtur saqë ata menjëherë “e përvetësuan” hitin e Lipës “One Kiss” në bashkëpunim me Calvin Harris.

Kjo filloi kur Trent Alexander Arnold u pyet nga shoku i skuadrës Any Robertson në një episod nga Wingmen, se cilat ishin thashethemet më të çuditshme që ka dëgjuar për vetën. Futbollisti më pas tregoi një incident ku nëna e tij lexoi disa thashetheme për lidhjen e tij me Dua Lipën dhe u ballafaqua me të për këtë. Robertson, i cili dukshëm u argëtua me përgjigjen, filloi të këndonte “One Kiss” në episod.

Kjo u prit në mënyrë të përsosur nga tifozët e Liverpool-it, të cilët tashmë kishin krijuar një vend për këngëtaren 27-vjeçare. Takimi i saj i parë me tifozët e Liverpool-it ndodhi gjatë shfaqjes para-ndeshjes së finales së Ligës së Kampionëve më 2018 mes Madridit dhe Liverpool-it në Kiev të Ukrainës.

Shihni performancën epike të Dua Lipës:

Ndërsa hapi shfaqjen me “One Kiss”, 30 mijë tifozët e Liverpool, të cilët kishin udhëtuar 1,800 milje deri në stadiumin e Kievit, u bashkuan dhe kënduan së bashku me të.

“Unë kurrë nuk kisha luajtur një shfaqje kaq të madhe më parë”, tha Lipa për performancën në një intervistë të vitit 2020 me faqen zyrtare të Liverpool-it.

“Unë bëhem shumë nervoze para se të performoj diku, e lëre më finalen e Ligës së Kampionëve”, tha ajo, duke shtuar, “Isha shumë me fat që pata mbështetjen e njerëzve në shtëpi pikërisht atje në stadiumin e Kievit. Jam ende e shokuar kur duke i parë të gjithë këta fansa duke kënduar së bashku me këngën time”.

Tifozët e Liverpool-it që atëherë e kanë ngritur këngën në statusin kult duke e performuar atë nga tribuna pasi Liverpool fitoi Kupën e Ligës 2022. Trajneri i Liverpool-it, Jurgen Klopp, së bashku me lojtarët u bashkuan me ta nga ana tjetër duke kërcyer dhe festuar fitoren e tyre.

Ja një video pasi ekipi Mersyside fitoi finalen:

Në paradën e fitores së Liverpool-it në fund të sezonit, lojtarët e Liverpool u panë duke festuar nga një autobus me çati të hapur me tifozë në rrugë. Kur One Kiss filloi të luante, Arnold shkoi “Live” në Instagram dhe filloi të këndonte së bashku refrenin.

Ky ishte momenti kur “One Kiss” ndoshta u bë një lloj “himni” i Liverpool-it./UBTNews/

Lajmet

Ambasada amerikane e quan sukses të madh ushtrimin e përbashkët me Policinë

Published

on

By

Ambasada e SHBA-së në Prishtinë e ka cilësuar si një sukses të madh ushtrimin e javës së kaluar për reagim ndaj krizave të realizuar në koordinim mes Ambasadës së SHBA-së dhe Policisë së Kosovës.

Në këtë ushtrim kanë qenë të përfshirë rreth 800 oficerë të Policisë së Kosovës bashkë me njësite të tjera speciale, përfshirë forenzikën dhe KFOR-in.

Për këtë ushtrim të përbashkët janë përdorur edhe qentë, dronët e automjete tjera taktike.

Ushtrimi i përbashkët i reagimit ndaj krizave i javës së kaluar ishte një sukses i madh — duke reflektuar koordinimin e shkëlqyer midis Ambasadës së SHBA-së dhe Policisë së Kosovës. Gati 800 oficerë të PK-së — së bashku me zjarrfikësit dhe emergjencat dhe njësitë e specializuara duke përfshirë njësitë SIU, SOU, EOD, UAS/Kundër-UAS, Forenzikë dhe Çështje Publike — morën pjesë, me mbështetje të vlefshme nga RSO, MSG, PD, INL, ICITAP, MED, KFOR, LGF dhe PSU. Nga qentë dhe dronët te automjetet taktike dhe ekipet e emergjencës, ky ushtrim nxori në pah bashkëpunimin tonë ndëragjencor, gatishmërinë operacionale dhe angazhimin e përbashkët ndaj sigurisë”, shkruan Ambasda në njoftim.

Continue Reading

Lajmet

​Simboli i Ujkut, FSK dëshmon nivelin e lartë të përgatitjes profesionale

Published

on

By

Forca e Sigurisë së Kosovës ka realizuar me sukses trajnimin elitë “Simboli i Ujkut”, i cili ka zgjatur tri javë dhe kishte për qëllim testimin dhe ngritjen e kapaciteteve profesionale.

Ushtrimi final zgjati 72 orë pa ndërprerje, gjatë të cilit kursantët realizuan patrullime mbi 70 kilometra me pajisje të plota ushtarake.

Në fazën përfundimtare, pjesëtarët e FSK-së ekzekutuan me sukses misionin e caktuar, sulmin duke treguar profesionalizëm të lartë, vendosmëri, si dhe bashkëpunim të shkëlqyer ekipor.

Përfundimi me sukses i këtij trajnimi konfirmon nivelin e lartë të përgatitjes dhe gatishmërisë së pjesëtarëve, si dhe angazhimin e vazhdueshëm për ngritjen e kapaciteteve operative dhe profesionale.

Continue Reading

Lajmet

Këshilli i Evropës do të vëzhgojë zgjedhjet në Kosovë

Published

on

By

Një delegacion 6-anëtarësh i Asamblesë Parlamentare të Këshillit të Evropës (PACE), i kryesuar nga Yunus Emre (Turqi, SOC), do të udhëtojë në Kosovë nga 27 deri më 29 dhjetor për të vëzhguar zgjedhjet e parakohshme për Asamblenë e Kosovës.

Delegacioni do të takojë udhëheqësit dhe përfaqësuesit e partive kryesore politike (duke përfshirë partitë që përfaqësojnë komunitetet jo-shumicë), Kryetarin e Komisionit Qendror të Zgjedhjeve, Kryetarin e Panelit për Ankesa dhe Parashtresa Zgjedhore, si dhe përfaqësues të komunitetit ndërkombëtar, OJQ-ve dhe medias, përpara se të vëzhgojë votimin më 28 dhjetor.

“Një ekspert i Komisionit të Venecias – grupi i Këshillit të Evropës i ekspertëve ligjorë të pavarur – do të ofrojë mbështetje ligjore gjatë vizitës.Një konferencë për shtyp është e planifikuar të hënën, më 29 dhjetor, në orën 14:00”, thuhet në njoftim.

Continue Reading

Lajmet

​Elezi: Për tri ditë janë shpërndarë me sukses 93% e pakove me fletëvotime për votimin me postë të diasporës

Published

on

By

Vetëm brenda tri ditëve, Komisioni Qendror i Zgjedhjeve ka arritur të shpërndajë 93% të pakove me fletëvotime për votuesit jashtë Kosovës që janë regjistruar të votojnë përmes postës në zgjedhjet e parakohshme për Kuvendin e Kosovës.

Zëdhënësi i KQZ-së, Valmir Elezi, në një përgjigje me shkrim për KosovaPress ka treguar të dhënat e fundit nga ky proces, i cili, sipas tij, është duke u kryer nga KQZ, përmes operatorit ekonomik.

Sipas tij, nga dita martë në mëngjes kur ka filluar shpërndarja e tyre dhe deri enjten në mesnatë, janë shpërndarë 93% e pakove me fletëvotime.

“Gjatë tri ditëve, më 16, 17 dhe 18 dhjetor 2025, nga gjithsej 57,829 dërgesa, 93% e tyre apo 53,660, janë dorëzuar me sukses te votuesit. Nga numri i përgjithshëm i dërgesave, 50,462 (94%) janë dorëzuar te votuesit në shtete në Evropë, ndërkaq, 3,198 dërgesa (77%) janë dorëzuar te votuesit në shtete jashtë Evropës”, thuhet në përgjigjen e tij.

Elezi ka treguar se këto statistika do të ishin edhe më të larta, nëse votuesit do të ndodheshin në shtëpitë e tyre në kohën kur u janë dërguar pakot me fletëvotime.

“Këto statistika do të ishin edhe më të larta dhe përqindja do të arrinte në 98.73% nëse do të dorëzoheshin me sukses edhe 3,437 pakot tjera, por kjo s’ka ndodhur gjatë këtyre datave për shkak se votuesit nuk ndodheshin në shtëpi. Sipas kontratës, është detyrë e operatorit ekonomik që dorëzimin e zarfit ta kryejë tek adresa e votuesit dhe mund të pranohet vetëm nga votuesit ose familjarët, të cilët e nënshkruajnë pranimin e dërgesës. Po ashtu, sipas kushteve të kontratës, në adresë të një votuesi, do të shkohet deri në 3 herë për t’ia dorëzuar pakon me fletëvotim”, tha Elezi.

Me qëllim të ofrimit të mundësisë për votim për shtetasit që janë regjistruar për të votuar përmes postës, kutitë postare janë funksionale në këto 23 shtete: Australi, Austri, Belgjikë, Çeki, Danimarkë, Francë, Gjermani, Holandë, Hungari, Itali, Kanada, Kosovë, Kroaci, Mali i Zi, Maqedonia e Veriut, Mbretëria e Bashkuar, Norvegji, ShBA, Shqipëri, Slloveni, Suedi, Turqi dhe Zvicër./KP

Continue Reading

Të kërkuara