Aktualitet

90% e Policisë së Kosovës janë vaksinuar, kërkohet kompensimi i orëve shtesë

Vitin e kaluar mbi 1,500 pjesëtarë të Policisë së Kosovës kanë qenë pozitiv me Covid-19.

Published

4 years ago

October 18, 2021

UBT news

Rreth 90% e pjesëtarëve të Policisë së Kosovës, janë vaksinuar me vaksinën anti-Covid, ka konfirmuar kryetarja e Sindikatës së Policisë së Kosovës, Valbona Kamberi.

Kamberi ka sqaruar se vetëm vitin e kaluar kanë qenë të infektuar mbi 1,500 policë, derisa deri më tani 24 e kanë humbur betejën me Covid-19.

“Në vitin e kaluar ne kemi pasur mbi 1,500 pjesëtarë të Policisë që kanë qenë të infektuar me Covid-19 dhe ndër ta kemi 24 humbje të betejës, deri më sot rreth 90% e pjesëtarëve të policisë janë të vaksinuar, dhe një pjesë e vogël akoma nuk e kanë marr dozën e dytë për shkaqe shëndetësore”.

Ajo ka kërkuar nga organet qeveritare që sa më shpejtë ta zgjidhin problemin e sigurimit shëndetësorë për pjesëtarët e Policisë së Kosovës dhe që Ligji për Paga të hyjë në fuqi.

“Këtë vit kemi pasur më pak infektime, mirëpo të gjitha kanë qenë tejkaluese dhe nuk kemi informata që dikush është në gjendje të rëndë shëndetësore në përjashtim të dy-tri rasteve në gjithë Kosovën”.

“Policia e Kosovës nuk ka sigurim shëndetësorë dhe as sigurim jetësor dhe as aksidental me të cilin do ta lehtësonte sado pak shëndetin e pjesëtarëve të Policisë kudo që janë ata”.

Kamberi ka kërkuar nga qytetarët e Kosovës, që të respektojnë pjesëtarët e Policisë derisa shton se është një punë e lodhshme, derisa shtoi se Ligji për Paga ka qenë shpresa e vetme për ta.

“…sa i përket respektimit të drejtave të pjesëtarëve të Policisë së Kosovës, gjithmonë kemi qenë na të cilët kemi reaguar dhe kemi kërkuar, që Policia e Kosovës të ketë kushte sa më të mira sa i përket rrezikut, edhe shëndetit dhe asaj ekonomike ku ka të bëj edhe paga. Kemi punuar me përkushtim që ta kemi një ligj të pagave të dinjitetshëm dhe ju e dini se para dy viteve Avokati i Popullit mori vendim dhe në një far mënyre qeveria e Kosovës nuk e ka aprovuar Ligjin për Paga, që ka qenë një ndër shpresat që ne të kemi një pagë të dinjitetshme”.

“Policia e Kosovës respekton çdo vendim që vjen nga qeveria e Kosovës, ne kemi hasur në shumë probleme ndaj qytetarëve sepse edhe ata kanë qenë të papërgjegjshëm sa i përket respektimit të rregullave dhe masave që kanë dal nga qeveria e Kosovës, kemi pas konflikte të ndryshme, mirëpo kërkoj respektim për pjesëtarët e Policisë sepse është punë e lodhshme”.

Ajo ka kërkuar nga Qeveria që t’i kompensojnë policët deri në fund të vitit që kanë punuar me orar shtesë.

“Edhe viti i kaluar ka qenë me orar të plotë 12 orësh dhe ata kanë qenë të diskriminuar edhe marrjes së pushimit vjetor, edhe sa i përket shtesave që ju takojnë sipas ligjit”.

“…me punën që e kanë bërë gjatë gjithë viti për 12 orë nuk janë kompensuar as për punën jashtë orarit, dhe qeveria ka për obligim që të gjithë pjesëtarët e policisë që kanë bërë orë shtesë të ju kompensojë mjetet financiare deri në fund të vitit”.

Vendi

Votohet Qeveria Kurti me 66 vota pro

Published

4 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

4 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

6 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

8 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.