Shëndeti

7 mënyra për të qëndruar më pak ulur dhe për të lëvizur më tepër

Trastat me ushqime mund të shërbejnë si pesha.

Published

2 years ago

June 7, 2023

UBT news

Siç mund ta dini tashmë, qëndrimi ulur për periudha të shkurtra dhe lëvizja në mënyrë të rregullt, mund të përmirësojnë shëndetin tuaj në mënyrë të dukshme.

E për më tepër, duhet të dini se edhe nëse stërviteni çdo ditë, por qëndroni ulur për të paktën 13 orë në ditë dhe bëni më pak se 4000 hapa në ditë, përfitimet e stërvitjes tuaj mund të jenë të pakta.

Kjo nga ana tjetët rrit rrezikun e rezistencës ndaj insulinës, kontrollin e dobët të sheqerit në gjak dhe rritjen e acideve yndyrore të quajtura trigliceride. Kështu edhe rreziku i diabetit të tipit 2 dhe sëmundjeve të zemrës mund të rritet.

Por lajmi i mirë është se pushimet e herë pas hershme dhe lëvizja, edhe sikur vetëm 1 ose 2 minuta, mund t’ju ndihmojë të reduktoni këto faktorë rreziku për sëmundje kronike.

Për më tepër, edhe lëvizjet në dukje të parëndësishme si palosja e rrobave apo larja e dhëmbëve, ndihmojnë në ndalimin e efekteve negative të qëndrimit ulur për një kohë të gjatë. E kjo sepse për të lëvizur edhe muskulin më të vogël, ju duhet të harxhoni kalori.

Në fakt, ekspertët e shëndetit këshillojnë që çdo ditë të jeni minimalisht 30 minuta në lëvizje. Më poshtë AgroWeb.org ju njeh me disa mënyra që mund t’ju nxisin të lëvizni më tepër gjatë ditës. Në këtë mënyrë do të mbroni shëndetin tuaj duke reduktuar faktorët e rrezikut për sëmundje të ndryshme.

Përdorni telefonin tuaj

Një mënyrë e thjeshtë për të reduktuar kohën e qëndrimit ulur është të vendosni një alarm në telefonin tuaj për t’ju kujtuar që të çoheni e të lëvizni për disa minuta çdo orë.

Numëroni hapat që bëni

Për të vlerësuar se sa hapa në ditë bëni dhe për të motivuar veten për të bërë edhe më shumë, AgroWeb.org iu sugjeron të gjurmoni hapat me anë të programeve të posatçme në celularin tuaj.

Ngjisni shkallët

Mundohuni të ngjisni shkallët sa herë që është e mundur dhe të shmangni përdorimin e ashensorit. E nëse kjo ju duket e frikshme, merrni ashensorin deri në katin afër shtëpisë tuaj dhe në pjesën e mbetur ngjisni shkallët.

Bëni punët e shtëpisë duke kërcyer

Pastrimi i shtëpisë është një formë stërvitjeje. Për ta bërë atë më pak të mërzitshëm, vendosni pak muzikë në sfond dhe gjallërohuni duke bërë disa lëvizje të thjeshta kërcimi ndërkohë që pastroni.

Trastat me ushqime mund të shërbejnë si pesha

Nëse dilni për pazar, përpiquni që produktet që blini t’i ngrini vetë dhe jo me ndihmën e një karroce. Mbajtja e peshave do t’ju ndihmojë në forcimin e muskujve të krahëve.

Lëvizni këmbët edhe nëse qëndroni ulur

Goditja e gishtave dhe ngritja e thembrave ndërkohë që jeni ulur punojnë muskujt në pjesën e poshtme të këmbëve dhe madje mund të ndihmojnë në parandalimin e sëmundjeve arteriale.

Prisni rradhën duke qënderuar në këmbë

Qoftë në dyqan ushqimor, në autobus apo në bankë, pritja në këmbë mund t’ju falë disa benefite, si përshembull djegia e kalorive ekstra. /AgroWeb.org

Shëndeti

Mëngjesi ideal: Çfarë duhet dhe nuk duhet të hani?

Published

20 minutes ago

May 24, 2025

Albina Zeneli

Mëngjesi është vakti më i rëndësishëm i ditës, megjithëse të ushqyerit është një çështje shumë individuale.

Sipas Emma Stevenson, Profesoreshë në Shkencat e Sportit dhe Ushtrimeve thotë: “Ushqyerja është individuale e çfarë funksionon për një person nuk funksionon për një tjetër. Është e rëndësishme të mos kapërcehet ndonjë vakt.

“Mëngjesi duhet të plotësojë 20-25 % të nevojave tuaja ditore. Studime të shumta kanë treguar që njerëzit që hanë mëngjesin kanë tendencë të kenë një dietë më të balancuar se ata që e kapërcejnë këtë vakt dhe me të ngjarë nuk janë mbi peshë”, thotë Stevenson.

Por si mund ta keni vaktin e parë të ditës?

“Mëngjesi duhet të jetë i bazuar në grupet kryesore të ushqimeve”, vijon Stevenson.

Duhet të përfshihen bukë me të gjitha llojet e drithërave. Si burim i fibrave ky ushqim mund të parandalojë diabetin, disa lloje kanceri, përmirëson funksionin tretës dhe redukton riskun e obezitetit. Ky vakt është dhe shansi më i mirë të konsumohet një nga 5 racionet e rekomanduara të frutave dhe perimeve.

E njëjta gjë vlen dhe për ushqimet e pasura me kalcium që gjenden tek bulmetrat. Mishi, peshku, vezët ose bishtajoret mund të veprojnë si burim i rëndësishëm i proteinave që ju mbajnë të ngopur shumë gjatë. Drithërat me pak sheqer dhe fruta është një opsion tjetër i shëndetshëm për mëngjes.

Nëse nuk mund të gatuani në mëngjes, përgatisni bukë me krem djathi me pak yndyrë me salmon të tymosur. Këto mbajnë omega 3 dhe proteina.

Drithërat e shërbyer me qumësht me pak yndyrë e me banane, apo tostet janë zgjedhje e mirë pasi ju furnizon me fibrat e nevojshëm.

Shëndeti

Multivitaminat, të dobishme apo të tepërta?

Published

16 hours ago

May 23, 2025

Albina Zeneli

E vërteta është që nëse hani një ushqim të pasur me fruta, vitamina dhe ushqime të pasuruara atëherë me siguri po merrni dozën e nevojshme të tyre.

Multivitaminat ofrojnë një formë më të lehtë për të siguruar këto vitamina, por sa të nevojshme janë ato?

Beta karoteni

Gjendet tek karrotat, patatet e ëmbla dhe specat jeshilë. Ky antioksidant transformohet në vitaminë A dhe është i rëndësishëm për shëndetin e syve, sistemin imunitar e lëkurën. Një studim tregoi që suplementët rrisin rrezikun e tumorit të mushkërive tek duhanpirësit. Nëse pini duhan, mos merrni suplementë, merrni beta karotenin nga frutat dhe perimet.

Kalciumi

Organizmi ka nevojë për kalcium, që gjendet tek produktet si qumështi, kosi dhe djathi, për të ruajtur shëndetin e kockave. Suplementët nuk janë ide e keqe nëse nuk përdorni produktet blegtorale. Nëse jeni të predispozuar ndaj gurëve në veshka ose nëse jeni mbi moshën 70 vjeç, atëherë mos merrni suplementë të kalciumit.

Suplementet shtonin rreziqet ndaj sëmundjeve kardiake tek femrat që sapo kishin kapërcyer menopauzën.

Edhe nëse vendosni të merrni suplementë mos merrni më shumë se 500 miligramë në një dozë, kombinoni me vitaminë D për të përmirësuar përthithjen e kalciumit në organizëm.

Acidi folik

Acidi folik që parandalon defektet e fetusit gjendet në drithrat e pasuruara, perimet me ngjyrë të gjelbër të errët, legume, agrumet, buka dhe makaronat. Marrja e 400 mikrogramëve në ditë ose 600 për gratë shtatzëna ose lehona, nuk është një angazhim i jashtëzakonshëm. Kjo sasi vjen edhe nga ushqimi, suplementët ose të dyja së bashku.

Hekuri

Ndoshta ushqimet me hekur nuk ju pëlqejnë, por ky mineral është thelbësor për funksionin e duhur të qelizave të kuqe të gjakut. Përpiquni të merrni hekur nga burime tjera si: Mishi, peshku, arrorët, barishtet. Nëse jeni anemikë ose shtatzëna, mund të keni nevojë për suplementë. Por vetëm në bashkëpunim me mjekun.

Multivitamina

Faktet mbi rolin e multivitaminave në parandalimin e kancerit të gjirit janë të limituara. Madje, studimet nuk nxorrën konkluzione të qarta nëse ia vlente barra qeranë për të marrë multivitamina. Multivitaminat nuk janë një ide e keqe, por mos prisni vlera të jashtëzakonshme ose që ato t’ju shpëtojnë jetën.

Kaliumi

Ul presionin e gjakut dhe rregullon rrahjet e çrregullta të zemrës dhe kundërveprojë ndaj niveleve të larta të sodiumit. Gjendet tek bananet, rrushi i thatë, barishtet, portokalli dhe qumështi.

Vitamina D

Ndihmon organizmin në përthithjen e kalciumit është e nevojshme për shëndetin e kockave. Ajo merret nga ekspozimi në diell. Nëse fëmijët marrin pak vitaminë D, janë të rrezikuar nga osteoporoza dhe rakitizmi. Të dhënat tregojnë që vitamina ul rrezikun e diabetit 1 dhe 2, sklerozës së shumëfishtë etj, por studimet nuk kanë arritur në përfundime të qarta.

Mjaftojnë pak rreze dielli dhe ushqime të mira për të marrë dozën e nevojshme por sërish mangësitë ndaj kësaj vitamine nuk janë të pazakonta. Suplementët mund të jenë një ide e mirë, veçanërisht nëse nuk keni ekspozim të mirë në diell, nëse jeni mbi 50 vjeç ose keni një lëkurë me ngjyrë të errët.

Vitamina E

Njëherë e një kohë, shkencëtarët mendonin që ky antioksidant mbron zemrën. 600 njësi të kësaj vitamine të marra çdo ditë as nuk parandalonin problemet, as nuk ulnin shanset për atak në zemër tek femrat në moshë. Harroni suplementët dhe merreni vitaminën E nga ushqimet siç janë : veza, kikirikët, drithërat e pasuruar, dhe barishtet. Kini parasysh që gatimi dhe ruajta e ushqimeve të pasura me vitaminë E e ul sasinë përfundimtare të saj që përfundon në organizëm.

Shëndeti

5 sinjale të fshehura që trupi të dërgon kur je nën stres

Published

18 hours ago

May 23, 2025

Albina Zeneli

Stresi është pjesë e pashmangshme e jetës moderne, trupi na dërgon shenja të fshehura për gjendjen tonë emocionale dhe i injorojmë. Njohja e këtyre sinjaleve mund të ndihmojë në parandalimin e problemeve më serioze shëndetësore.

Ndryshimet në lëkurë

Akne të papritura, skuqje ose irritime mund të jenë më shumë sesa probleme kozmetike, ato janë përgjigje e trupit ndaj stresit të akumuluar.

Dhimbje të pashpjegueshme stomaku

Një nga mënyrat më të zakonshme me të cilat trupi reagon ndaj stresit është përmes tretjes. Dhimbjet, fryrja ose shqetësimet e vazhdueshme në stomak mund të jenë sinjal që diçka nuk është në rregull emocionalisht.

Rënie e flokëve

Nëse vëreni se po humbni më shumë flokë se zakonisht, kjo mund të jetë shenjë e stresit të lartë. Rënia shpesh ndodh me vonesë pas një periudhe të gjatë tensioni.

Ëndrra të çuditshme ose të shqetësuara

Stresi ndikon në cilësinë e gjumit. Nëse po përjetoni ëndrra të pazakonta, ankthioze ose zgjoheni të lodhur, mund të jetë një shenjë që mendja juaj po përpunon stresin në mënyrë të pavetëdijshme.

Lodhje kronike

Ndiheni të lodhur edhe pas gjumit? Lodhja e vazhdueshme, është alarm i qartë që trupi po përpiqet të përballojë nivele të larta stresi. Ekspertët këshillojnë që të mos injorohen shenjat e të merren hapa të thjeshtë për menaxhimin e stresit si aktiviteti fizik, meditimi, ndarja e kohës për veten dhe kërkimi i ndihmës profesionale kur është e nevojshme.

Shëndeti

Fëmijët para ekranit: Si po u rrezikohet e ardhmja nga teknologjia?

Published

2 days ago

May 22, 2025

Albina Zeneli

Teknologjia ka ndryshuar rrënjësisht mënyrën se si fëmijët mësojnë, komunikojnë dhe kalojnë kohën e lirë.

Por, përdorimi i pakontrolluar i pajisjeve digjitale sjell edhe rreziqe serioze për shëndetin dhe mirëqenien e tyre.

Një raport i fundit i Organizatës për Bashkëpunim dhe Zhvillim Ekonomik ka identifikuar pasoja shqetësuese për fëmijët nga përdorimi i tepruar i teknologjisë.