Teknologji

5G është këtu dhe të gjithë iPhone-t e ri do të jenë të pajisur me të!

Publikuar

3 vjet më parë

më

Këtë të martë, Apple Inc pritet të prezantojë iPhone-t e ri dhe modelet e reja të orëve Apple të cilat do të kenë përditësime të vockla në paraqitje por analistët presin që këto pajisje popullore të luajnë një rol të pakrahasueshëm në tërheqjen e konsumatorëve ndaj planeve të reja 5G.

Vitin e shkuar, Apple nxori në treg iPhone 12, i cili kishte një pamje te re si dhe ishte pajisja e parë në treg që mund të lidhej me 5G. Këtë vit, analistët presin disa ndryshime modeste në aspektin mekanik dhe një fokus edhe më të thellë tek 5G-ja.

Sipas ekspertëve, iPhone 13 pritet të jetë një telefon i ri por nuk do të duket shumë ndryshe nga versioni i mëparshëm, iPhone 12. Mes ndryshimeve pritet të jetë Wi-Fi dhe procesorë më të shpejtë si dhe përditësime në cilësinë e videove si mjegullimi i sfondit etj.

Apple po i hedh në treg produktet e saj më të reja në një kohë kur në sfond kompania po haset me padi dhe shqetësime rreth keqpërdorimit të privatësisë si dhe parandalimin e konkurrencës së drejtë.

Këtë të hënë, kompania lëshojë disa përditësime emergjente për përdoruesit pasi ekspertë të sigurisë zbuluan një defekt që i lejonte disa viruse tepër invazive dhe përgjuese nga grupi izraelit NSO Group, të infektonin çdo lloj pajisjeje Apple me një klikim të vetëm.

Ndërkohë, javën e shkuar një gjyqtar federal i SHBA-së deklaroi vendimin se kompania Apple nuk ishte në fakt e angazhuar në praktika monopolizuese, por gjyqtarja i tha drejtuesve të kompanisë se ata duhet t’i lejonin krijuesit e aplikacioneve të komunikonin me konsumatorët dhe të reklamonin mënyra pagese përveç App Store, gjë që do t’i lejonte ata të ulnin koston e komisionit që i detyrohen Apple.

Apple ka pranuar të paguajë rreth $100 milionë dollarë në dëmshpërblime ndaj krijuesve të vegjël të aplikacioneve, por ata do ta apelojnë vendimin./euronews.al

Etiketa
Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

2 ditë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Teknologji

Elon Musk tërheq padinë ndaj OpenAI

Publikuar

5 ditë më parë

më

12 Qershor, 2024

nga

Miliarderi Elon Musk të martën tërhoqi padinë e tij ndaj krijuesit të ChatGPT, OpenAI dhe kryeshefit ekzekutiv të tij, Sam Altman. Sipas Musk, ata hoqën dorë nga qëllimi fillestar i firmës për zhvillimin e inteligjencës artificiale (AI) për të mirën e njerëzimit dhe jo për përfitim.

Avokatët e miliarderit Musk i kërkuan gjykatës shtetërore të Kalifornisë që të rrëzojë padinë, e cila ishte ngritur në muajin shkurt. Kështu thuhet në një dosje të Gjykatës së Lartë të San Franciskos.

Shefi i Tesla-s ngriti padi kundër OpenAI në fund të shkurtit të këtij viti, duke argumentuar se kompania që ai kishte ndihmuar të themelonte në vitin 2015 ka devijuar nga qëllimet e saj altruiste./UBTNews/

Vazhdo të lexosh

Teknologji

​Maroku fillon përdorimin e inteligjencës artificiale në gjykata

Publikuar

5 ditë më parë

më

12 Qershor, 2024

nga

Maroku tha të martën se ka filluar përdorimin e inteligjencës artificiale (AI) në gjykatat në të gjithë vendin e Afrikës Veriore.

“AI ka sjellë ndryshime të rëndësishme në mbarë botën”, tha Ministri i Drejtësisë, Abdellatif Ouahbi, gjatë një takimi të Komitetit të Drejtësisë në Dhomën e Përfaqësuesve (dhoma e parë e parlamentit).

“Ne kemi blerë një program të AI dhe ia kemi dorëzuar Kryetarit të Këshillit të Lartë Gjyqësor për ta shpërndarë mes gjyqtarëve. Ky program transkripton vendimet e gjyqtarëve në vend që ata t’i shkruajnë ato manualisht”, shtoi ai.

Ministri maroken tha se integrimi i AI synon “të lehtësojë punën e avokatëve dhe gjyqtarëve”.

Ai shpjegoi se programi do t’u mundësonte profesionistëve ligjorë të kërkojnë në mënyrë efikase nëpër arkiva të teksteve ligjore dhe precedentë gjyqësorë.

Më 14 maj, Ouahbi tha se ministria e tij po hartonte një ligj për të rregulluar përdorimin e AI në Marok.

Legjislacioni synon të parandalojë çështje të ngjashme me ato që përjetohen me mediat sociale, “ku privatësia personale shpesh nuk respektohet”, shtoi ai.

Maroku planifikon të mbajë një konferencë në shtator për të eksploruar praktikat ndërkombëtare të AI dhe për të krijuar një kornizë ligjore për rregullimin e AI, sipas Ouahbi.

Shkurtin e kaluar, Maroku njoftoi themelimin e dy shkollave të AI dhe digjitalizimit në qytetet Taroudant dhe Berkane, duke shënuar një nismë pioniere në vend./AA/

Vazhdo të lexosh

Teknologji

Punëtorët e Samsung-ut në Korenë e Jugut nisin grevë për herë të parë

Publikuar

1 javë më parë

më

7 Qershor, 2024

nga

Punëtorët e gjigantit teknologjik, Samsung Electronics, në Korenë e Jugut, e kanë nisur të premten grevën e parë ndonjëherë.

Samsung Electronics është njëra prej kompanive më të mëdha në botë për prodhim të telefonëve të mençur, dhe njëra prej pak kompanive në botë që prodhon çipat e nevojshëm për kryerje të shumë funksioneve teknologjike.

Menaxhmeti i kompanisë është duke negociuar me sindikatat për pagat e punëtorëve qysh prej janarit, mirëpo palët nuk kanë arritur te një zgjidhje.

“Greva e parë në Samsung Electronics është duke u zhvilluar sot përmes marrjes së pushimit, dhe po kuptojmë që shumë punëtorë janë duke marrë pjesë”, ka thënë Son Woo-mok, udhëheqës i sindikatës së punëtorëve.

Kompania ka thënë se një veprim i tillë nuk do të ketë ndikim në prodhim dhe në aktivitetet tjera biznesore.

Rreth 10 punëtorë janë parë të premten para zyrave të Samsungut në Seul duke bërtitur: Respektojeni punën. Ne nuk duam rritje 6.5 për qind apo bonus 200 për qind”.

Samsung Electronics është pjesë e konglomeratit Samsung Group, që dominon sferën biznesore në Korenë e Jugut, ekonominë e katërt më të madhe në Azi./REL

Vazhdo të lexosh

Të kërkuara